கேரள மாநிலம், கோழிக்கோட்டில் சமீபத்தில் பரிசோதிக்கப்பட்ட 24 பேரின் மாதிரிகள் எதிர்மறையாக வந்துள்ளதையடுத்து நீபா வைரஸ் தொற்றின் தீவிரம் குறைந்து வருவதாக தகவல் வட்டாரங்கள் தெரிவிக்கின்றன. 

கோழிக்கோட்டில் கடந்த வாரம் நிபா வைரஸ் பாதித்து இரண்டு பேர் உயிரிழந்ததைத் தொடர்ந்து அங்கு முன்னெச்சரிக்கை நடவடிக்கைகள் பலப்படுத்தப்பட்டது. சரியான நேரத்தில் சுகாதாரத்துறை மேற்கொண்ட நடவடிக்கைத் தொடர்ந்து 352-க்கும் மேற்பட்டோருக்கு சோதனை நடத்தப்பட்டது. 

நிபா தொற்றுக்கு ஆறு பேர் பாதிக்கப்பட்ட நிலையில், 952 பேர் கண்காணிப்பில் இருந்தனர். தற்போது சமீபத்தில் பரிசோதிக்கப்பட்ட 24 பேரின் மாதிரிகளும் எதிர்மறையாக வந்துள்ளது. 

படிக்க: நடனமாடிக்கொண்டிருந்த இளைஞர் மாரடைப்பால் மரணம்: ஆந்திரத்தில் அதிர்ச்சி! 

இதையடுத்து, கேரளத்தில் நிபா தொற்று காய்ச்சலின் தீவிரம் கொஞ்சம் கொஞ்சமாக நீங்கி வருகிறது என்பது குறிப்பிடத்தக்கது. 

மும்பை: ரூ.1.43 கோடி மதிப்புள்ள 4,773 கிலோ சரஸ் போதைப்பொருளுடன் 3 பேரை மும்பை காவல் துறையின் போதைப்பொருள் தடுப்பு பிரிவு கைது செய்துள்ளது.

மும்பை பாந்த்ரா குற்றப்பிரிவின் போதைப்பொருள் தடுப்பு பிரிவுக்கு கிடைத்த ரகசிய தகவலின் அடிப்படையில் வடாலா மேற்கு மற்றும் சேவ்ரியை சேர்ந்த மூன்று பேரையும் கைது செய்தனர்.

சரஸ்களை விநியோகம் செய்ய வேறு மாநிலத்திலிருந்து மும்பைக்கு கடத்தி வரப்பட்டதை நாங்கள் மீட்டு அவர்களை கைது செய்துள்ளோம்.

இந்த கடத்தல் நெட்வொர்க் குறித்த விவரங்கள் குறித்து தொடர்ந்து விசாரணை நடைபெற்று வருகிறது.

நாக்பூர்: நாக்பூரில் ரூ.3.36 கோடி மதிப்புள்ள 84,537 கிலோ பாக்குகளை மகாராஷ்டிரா உணவு மற்றும் மருந்து நிர்வாக குழு பறிமுதல் செய்துள்ளது.

கலம்னா மற்றும் லிஹிகான் ஆகிய இடங்களில் நேற்று (புதன்கிழமை) நடைபெற்ற சோதனைகளில் ரூ.56.19 லட்சம் மதிப்புள்ள 11,727 கிலோ பாக்கும் அதே போல் ரூ.2.60 கோடி மதிப்புள்ள 72,810 கிலோ பாக்கும் பறிமுதல் செய்யப்பட்டது.

பறிமுதல் செய்த பாக்கு தரம் குறைந்ததாகவும், சுகாதார சீர்கேடு ஏற்படுத்துவதாகவும் இருந்தது என்று அதிகாரிகள் தெரிவித்தனர்.

புது தில்லி: இந்தியா - கனடா நாடுகளுக்கு இடையேயான உறவில் விரிசல் ஏற்பட்டிருக்கும் நிலையில், கனடா நாட்டில் விசா வழங்குவது நிறுத்தப்பட்டிருப்பது ஏன் என்பது குறித்து வெளியுறவுத் துறை விளக்கம் அளித்துள்ளது.

புது தில்லியில் இன்று செய்தியாளர்களை சந்தித்த மத்திய வெளியுறவுத் துறை செய்தித் தொடர்பாளர் அரிந்தம் பக்சி,  தீவிரவாதிகளின் புகலிடமாக திகழ்கிறது கனடா என்று குற்றம்சாட்டியிருக்கிறார்.

மேலும், அவர் பேசுகையில், குற்றவாளிகளின் புகலிடமாக கனடா மாறிவருகிறது. இந்தியாவுக்கு எதிராகக் குற்றச்செயலில் ஈடுபடுவோர் மீது கனடா அரசு எந்த நடவடிக்கையும் எடுக்கவில்லை

கனடாவில் இருந்து குற்றச் செயலில் ஈடுபடுவோர் பற்றி இந்திய அரசு சார்பில் ஆதாரங்கள் அளித்தும் எந்த நடவடிக்கையும் எடுக்கப்படுவதில்லை.

கனடா நாட்டில் உள்ள இந்திய தூதரக அதிகாரிகளுக்கு அச்சுறுத்தல் விடுக்கப்பட்டுள்ளது. அச்சுறுத்தல் காரணமாகவே இந்திய தூதரகத்தில் விசா வழங்கும் பணி தற்காலிகமாக நிறுத்தப்பட்டுள்ளது. கனடா தனது நற்பெயரை காக்க வேண்டும் என்றும் வெளியுறவுத் துறை சார்பில் வலியுறுத்தப்பட்டுள்ளது.

இந்தியாவிலிருந்து கனடா செல்லும் மக்கள் எச்சரிக்கையாக இருக்குமாறு மத்திய அரசு நேற்று பயண எச்சரிக்கை விடுத்திருந்த நிலையில், கனடாவிலிருந்து வருவோருக்கு விசா வழங்குவதை இந்திய தூதரகம் இன்று  நிறுத்தியிருக்கிறது.

இந்தியாவால் தேடப்பட்டு வந்த காலிஸ்தான் பிரிவினைவாத பயங்கரவாதி ஹா்தீப் சிங் நிஜ்ஜாா் (45) கனடாவில் கொல்லப்பட்டதற்கு இந்திய அரசு ஏஜெண்டுகளின் தலையீடு உள்ளதாக அந்நாட்டு பிரதமா் ஜஸ்டின் ட்ரூடோ நாடாளுமன்றத்தில் குற்றஞ்சாட்டியிருந்தார்.

இதைத் தொடா்ந்து, அந்நாட்டில் உள்ள இந்திய தூதரக மூத்த அதிகாரி வெளியேறுமாறும் கனடா அரசு உத்தரவிட்டது.

இதையும் படிக்க.. கார் ஓட்டுநரின் வங்கிக் கணக்கில் ரூ.9,000 கோடி: அடுத்து நடந்த ட்விஸ்ட்!

இந்தக் குற்றச்சாட்டை மறுத்த இந்திய அரசு, பதிலடியாக இந்தியாவில் உள்ள கனடா தூதரக உயா் அதிகாரி வெளியேற உத்தரவிட்டது.

இந்த விவகாரம் இரு நாடுகளுக்கு இடையே கடந்த சில மாதங்களாக பெரும் சா்ச்சையை ஏற்படுத்தி வந்த நிலையில், தற்போது தீவிரமடைந்துள்ளது. 

புது தில்லி: புகழ்பெற்ற பரதநாட்டியக் கலைஞர் சரோஜா வைத்தியநாதன் இன்று அவரது இல்லத்தில் காலமானார். அவருக்கு வயது 86.

இரண்டு நாள்களுக்கு முன்புதான் தனது 86வது பிறந்தநாளைக் கொண்டாடிய சரோஜா வைத்தியநாதன், புற்றுநோய் பாதித்து சிகிச்சை பெற்று வந்த நிலையில் இன்று காலமானார்.

கடந்த சில காலமாக புற்றுநோய் பாதித்து சிகிச்சை பெற்று வந்த அவர், வியாழக்கிழமை காலை 4 மணிக்கு வீட்டிலேயே உயிரிழந்ததாக அவரது மருமகளும் நடனக் கலைஞருமான ரமா வைத்தியநாதன் தெரிவித்துள்ளார்.

சரோஜா வைத்தியநாதன், 2002ஆம் ஆண்டு பத்ம ஸ்ரீ மற்றும் 2013ஆம் ஆண்டு பத்ம பூஷண் விருதுகளையும் பெற்றவர்.

பிரபல பரத நாட்டியக் கலைஞரான சரோஜா வைத்தியநாதன், புது தில்லியில் நாட்டியாலயா நடனப் பள்ளியை நடத்தி வந்தார். தில்லியில் செயல்பட்டு வரும் கணேசா நாட்டியாலயா நடனப் பள்ளியில் பரதநாட்டியம் கற்றுக்கொண்ட பலரும் உலகின் பல இடங்களில் பரதநாட்டிய பள்ளிகளைத் தொடங்கி நடத்தி வருகிறார்கள் என்பது குறிப்பிடத்தக்கது.
 

கர்நாடகத்தின் ராமநகரா மாவட்டத்தில் உள்ள அரசு நடத்தும் மொரார்ஜி தேசாய் உறைவிடப் பள்ளியின் சுவர் இடிந்து விழுந்ததில் 12 வயது சிறுவன் உயிரிழந்தான். 

பிடாதி அருகே எச்.கொல்லஹள்ளி கிராமத்தில் அமைந்துள்ள உறைவிடப் பள்ளி வளாகத்தில் வியாழக்கிழமை காலை இந்த சம்பவம் நடைபெற்றது. 

உயிரிழந்த மாணவன் உறைவிடப் பள்ளியில் ஆறாம் வகுப்பு படிக்கும் கௌசிக் கௌடா ஆவார். காலையில் முகம் கழுவிக்கொண்டிருந்த கௌசிக் மீது சுவர் இடிந்து விழுந்துள்ளது.

தலையில் பலத்த காயம் ஏற்பட்ட சிறுவனை மருத்துவமனைக்குக் கொண்டு சென்றனர். பலத்த ரத்தக்கசிவு ஏற்பட்ட மாணவன் ஏற்கனவே உயிரிழந்ததாக மருத்துவர்கள் தெரிவித்தனர். மேலும் இரண்டு மாணவர்கள் பலத்த காயமடைந்து பெங்களூரு மருத்துவமனையில் சிகிச்சை பெற்று வருகின்றனர். 

படிக்க: நடனமாடிக்கொண்டிருந்த இளைஞர் மாரடைப்பால் மரணம்: ஆந்திரத்தில் அதிர்ச்சி! 

குழந்தைகளின் பாதுகாப்பை உறுதி செய்வதில் அதிகாரிகள் காட்டும் அலட்சியத்தைக் கண்டித்து சிறுவனின் பெற்றோர் மற்றும் குடும்பத்தினர் கண்டனம் தெரிவித்தனர். 

இதுகுறித்து போலீஸார் வழக்குப்பதிவு செய்து விசாரணை நடத்தி வருகின்றனர். 

உத்தர பிரதேசம் வாராணசியில் அமையவிருக்கும் சர்வதேச கிரிக்கெட் மைதானத்திற்கு பிரதமர் நரேந்திர மோடி வருகிற செப். 23(சனிக்கிழமை) அடிக்கல் நாட்டுகிறார். 

பிரதமர் நரேந்திர மோடி, தனது சொந்த தொகுதியான உத்தர பிரதேச மாநிலம் வாராணசிக்கு வருகிற செப். 23 ஆம் தேதி செல்லவிருக்கிறார். 

இந்நிலையில் விளையாட்டுத் துறைக்கான கட்டமைப்பை மேம்படுத்தும் பொருட்டு இங்கு சர்வதேச கிரிக்கெட் மைதானம் அமைய உள்ளது. 

30 ஏக்கருக்கும் மேலான பரப்பளவில் ரூ.450 கோடி செலவில் அனைத்து வசதிகளுடன் கட்டப்பட உள்ளது. சுமார் 30,000 பேர் இதில் அமர முடியும். கடவுள் சிவனை அடிப்படையாக கொண்டு இந்த கிரிக்கெட் மைதானம் உருவாக்கப்பட உள்ளதாகத் தகவல்கள் வெளியாகியுள்ளன. திரிசூலம் வடிவலான விளக்கு கோபுரங்களும் உடுக்கை வடிவலான மையப்பகுதியும் பிறை நிலா வடிவலான மேற்கூறையும் அமைய உள்ளதாகவும் கூறப்படுகிறது. இதற்கு பிரதமர் நரேந்திர மோடி அடிக்கல் நாட்டுவார் என்றும் கூறப்பட்டது. 

இதையும் படிக்க | இதழியலில் செய்யறிவு (ஏஐ) தொழில்நுட்பம்: ஆபத்தா, வாய்ப்பா? 

இந்நிலையில் பிரதமர் அலுவலகம் இதனை உறுதி செய்துள்ளது, உத்தரபிரதேசத்தில் ருத்ராக்ஷ் சர்வதேச ஒத்துழைப்பு மற்றும் மாநாட்டு மையத்தில் நடைபெறும் காசி சன்சத் சமஸ்கிருத மஹோத்சவின் நிறைவு விழாவில் பிரதமர் மோடி பங்கேற்கிறார், மேலும் மாநிலத்தில் கட்டப்பட்டுள்ள 16 பள்ளிகளைத் திறந்து வைக்கிறார். 

தொடர்ந்து, வாராணசியில் அமையவிருக்கும் சர்வதேச கிரிக்கெட் மைதானத்திற்கு அடிக்கல் நாட்டுகிறார். நவீன உலகத் தரம் வாய்ந்த விளையாட்டு உள்கட்டமைப்பை மேம்படுத்துவதற்கான பிரதமரின் பார்வையை நனவாக்குவதற்கான ஒரு படியாக இது இருக்கும் என்று கூறியுள்ளது.  

இந்த அடிக்கல் நாட்டு விழாவில் கிரிக்கெட் நட்சத்திரங்கள் பலருக்கும் அழைப்பு விடுக்கப்பட்டுள்ளது. சச்சின் டெண்டுல்கர், கபில் தேவ், சுனில் கவாஸ்கர், ரவி சாஸ்திரி மற்றும் பிசிசிஐ நிர்வாகிகள் கலந்துகொள்கின்றனர். 

எல்&டி நிறுவனம் உருவாக்கும் இந்த மைதானம் இரண்டு ஆண்டுகளுக்குள்  பயன்பாட்டுக்கு வரும் என்று தெரிவிக்கப்பட்டுள்ளது. 

முதுநிலை மருத்துவப் படிப்புகளுக்கான கலந்தாய்வில் பங்கேற்க நீட் தகுதி மதிப்பெண் எதுவும் தேவையில்லை என்றால், நீட்-முதுநிலை தேர்வில் மைனஸ் மதிப்பெண் எடுத்த 13 பேரும், பூஜ்ஜியம் மதிப்பெண் எடுத்த 14 பேரும் கலந்தாய்வில் பங்கேற்க தகுதிபெறுவார்கள் என்ற தகவல் கிடைக்கப்பெற்றுள்ளது.

அதாவது, நடந்து முடிந்த நீட் முதுநிலை தேர்வில், மொத்த தேர்ச்சி விவரங்களை ஆய்வு செய்ததில், 14 மருத்துவர்கள் நீட் தேர்வில் வெறும் பூஜ்ஜியம் மதிப்பெண் எடுத்துள்ளனர். அவர்களையும் தாண்டி, 13 பேர் மைனஸ் மதிப்பெண்கள் பெற்றுள்ளனர். அதிகபட்சமாக ஒருவர் 800க்கு மைனஸ் 40 மதிப்பெண்கள் பெற்றுள்ளார்.

அப்பாடியானால், முதுநிலை மருத்துவப் படிப்புகளுக்கான கலந்தாய்வில் பங்கேற்க நீட் தோ்வில் பங்கேற்றிருந்தால் போதுமானது என்றும், தகுதி மதிப்பெண் எதுவும் தேவையில்லை என்றும் மத்திய மருத்துவக் கலந்தாய்வுக் குழு அறிவித்திருப்பதால், மைனஸ் மற்றும் பூஜ்ஜிய மதிப்பெண் எடுத்தவர்களுடன் 800க்கு மைனஸ் 40 மதிப்பெண் எடுத்தவரும் முதுநிலை மருத்துவப் படிப்புக்கான கலந்தாய்வில் பங்கேற்க தகுதி பெறுகிறார் என்பதுதானே அர்த்தமாகிறது?

இதையும் படிக்க.. உட்கார்ரா.. உதை வாங்கப் போற..: மக்களவையில் ஆவேசமான தயாநிதிமாறன்

அதாவது, ஒட்டுமொத்தமாக 2 லட்சத்துக்கும் மேற்பட்டவர்கள் இந்த தேர்வை எழுதியுள்ளனர். அதில், 200517வது ரேங்க் எடுத்தவருக்கும் முதுநிலை மருத்துவக் கலந்தாய்வில் பங்கேற்கும் வாய்ப்பு கிடைக்கப்போகிறது.

இதில் இன்னும் ஆழமாகச் சென்று ஆய்வு செய்தால், நீட் தேர்வு எழுதி 50 மதிப்பெண்ணுக்கும் குறைவாக மதிப்பெண் எடுத்த 700 பேருக்கும் கூட முதுநிலை மருத்துவம் படிக்க வாய்ப்பு அளிக்கப்படவிருக்கிறது. இதனால், யார் வேண்டுமானாலும் நீட் முதுநிலை தேர்வெழுதலாம்.. பூவா தலையா போட்டுப் பார்த்து விடைகளை குறித்துவைத்துவிட்டு வரலாம் என்பதைப் போல ஆகிவிடுகிறதே என்ற கேள்வி பலருக்கும் எழத்தான் செய்கிறது.

அதாவது, நீட் தேர்வில் ஒட்டுமொத்தமாக 200 கேள்விகள் கேட்கப்படும். அதற்கு விடையை தேர்வு செய்யும் வகையில் அமைந்திருக்கும். ஒரு  கேள்விக்கு நான்கு மதிப்பெண்கள். தவறாக பதிலளித்திருந்தால் ஒரு நெகடிவ் மதிப்பெண். 

நீட் தேர்வுக்குத் தயாராகாமல், கண்ணை மூடிக்கொண்டு ஒருவர் வினாக்களுக்கு ஏதோ ஒரு பதிலை குறியிடுகிறார் என்றால் கூட, அவருக்கு குறைந்தது 50 மதிப்பெண்களாவது கிடைத்துவிடும். அதற்கும் கீழே மதிப்பெண் எடுப்பது என்றால், மேலே சொன்ன உதாரணத்தையும் விட மோசமான நிலைதான். அவர்களுக்கும் கலந்தாய்வில் பங்கேற்க வாய்ப்பு கிடைக்கும் என்றால்.. நீட் தேர்வு எழுத விண்ணப்பித்து, குறைவான மதிப்பெண் எடுத்துவிடுவோமோ என்ற அச்சத்தில் தேர்வெழுத வராதவர்கள் மட்டும்தான் இதில் கவலைப்பட வேண்டுமா?

இதையும் படிக்க.. கார் ஓட்டுநரின் வங்கிக் கணக்கில் ரூ.9,000 கோடி: அடுத்து நடந்த ட்விஸ்ட்!

மைனஸ் மதிப்பெண் எடுத்தவர்களுக்கு நியூரோ சர்ஜன் போன்ற முதுநிலை மருத்துவப் படிப்புகளில் சேர்ந்து பயிலும் வாய்ப்பு வழங்கினால்.. அவர்களிடம் சிகிச்சை பெறச் செல்லும் நோயாளிகள்நிலைதான் பாவமா? அல்லது மருத்துவம் பயில நீட் தேர்வு கட்டாயம் என்பதை இன்னமும் உறுதிபடக் கூறுவதை கேட்டுக்கொண்டிருப்பவர்கள்தான் அப்பாவிகளா என்ற எண்ணற்றக் கேள்விகள் எழுகின்றன.

நாடு முழுவதும் அரசு, தனியாா் மருத்துவக் கல்லூரிகள், நிகா்நிலைப் பல்கலைக்கழகங்கள், மத்திய அரசின் கல்வி நிறுவனங்களில் மருத்துவப் பட்டமேற்படிப்புகளான எம்டி, எம்எஸ், முதுநிலை டிப்ளமோ மற்றும் பல் மருத்துவப் பட்டமேற்படிப்பான எம்டிஎஸ் படிப்புகளுக்கான இடங்கள் முதுநிலை நீட் தோ்வு மூலம் நிரப்பப்பட்டு வருகிறது.

இந்த நீட் தோ்வை தேசிய மருத்துவ அறிவியல் தோ்வுகள் வாரியம் (என்பிஇஎம்எஸ்) நடத்துகிறது. நாடு முழுவதும் அரசு மருத்துவக் கல்லூரிகளில் உள்ள முதுநிலை மருத்துவ இடங்களில் 50 சதவீத இடங்கள் அகில இந்திய ஒதுக்கீட்டுக்கு வழங்கப்படுகின்றன.

இந்த இடங்களுக்கும், நிகா்நிலைப் பல்கலைக்கழகங்களின் இடங்களுக்கும், மத்திய அரசின் கல்வி நிறுவனங்களின் இடங்களுக்குமான கலந்தாய்வை மத்திய மருத்துவக் கலந்தாய்வு குழு (எம்சிசி) இணையவழியில் நடத்தி வருகிறது.

எம்டி, எம்எஸ், முதுநிலை டிப்ளமோ மற்றும் எம்டிஎஸ் படிப்புகளுக்கான 2023-24-ஆம் கல்வி ஆண்டு மாணவா் சோ்க்கைக்கான கலந்தாய்வு இணையதளத்தில் கடந்த ஜூலை 27-ஆம் தேதி தொடங்கியது.

மூன்று சுற்று கலந்தாய்வு நிறைவடைந்துள்ளது. மூன்றாம் சுற்று முடிவுகள் இன்னும் வெளியிடப்படவில்லை. இந்நிலையில், முதுநிலை மருத்துவப் படிப்புகளுக்கு அதிக இடங்கள் காலியாகவுள்ளதால், நீட் தோ்வு எழுதிய அனைவரையும் பங்கேற்கச் செய்து, அந்த இடங்களை நிரப்புவதற்காக நீட் தகுதி மதிப்பெண்ணை பூஜ்ஜியமாக மருத்துவக் கலந்தாய்வு குழு அறிவித்துள்ளது.

எனவே, அவகாசம் நீட்டிக்கப்பட்டுள்ள முதுநிலை மருத்துவக் கலந்தாய்வில் புதிய விதிகளின்படி, நீட் தோ்வு எழுதிய அனைவரும் இணையவழியில் பதிவு செய்து பங்கேற்கலாம் என்றும், ஏற்கெனவே பதிவு செய்தவா்கள் மீண்டும் பதிவு செய்யத் தேவையில்லை என்றும் தெரிவிக்கப்பட்டுள்ளது.

தமிழகத்தைப் பொருத்தவரை அகில இந்திய ஒதுக்கீட்டுக்குப் போக, அரசு மருத்துவக் கல்லூரிகளில் மீதமுள்ள 50 சதவீத இடங்கள், தனியாா் மருத்துவக் கல்லூரிகளின் மாநில அரசுக்கான இடங்கள் மற்றும் நிா்வாக ஒதுக்கீட்டு இடங்களுக்கான கலந்தாய்வை மருத்துவக் கல்வி மற்றும் ஆராய்ச்சி இயக்ககம் (டிஎம்இ) நடத்தி வருகிறது.

மாநில இடங்களுக்கான கலந்தாய்வு
இணையதளங்களில் கடந்த ஆகஸ்ட் 7-ஆம் தேதி தொடங்கியது. இரண்டு சுற்று கலந்தாய்வு நிறைவடைந்துள்ள நிலையில், காலியாகவுள்ள இடங்களை நிரப்புவதற்கான மூன்றாம் சுற்று கலந்தாய்வு புதிய அறிவிப்பின்படி தகுதி மதிப்பெண் எதுவுமின்றி நடைபெறவுள்ளது.
 

ஆந்திரத்தில் விநாயகர் சதுர்த்தி கொண்டாட்டத்தின்போது நடனமாடிக்கொண்டிருந்த இளைஞர் திடீரென மாரடைப்பால் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. 

சத்ய சாய் மாவட்டம் தர்மாவரம் நகரில் விநாயகர் சதுர்த்தி கொண்டாட்டம் நடைபெற்று வந்தது. இந்த நிலையில் பிரசாத் (26) தனது நண்பருடன் சேர்ந்து நடனமாடிக்கொண்டிருந்தார். அப்போது திடீரென சுருண்டு விழுந்தார். அவர் உடனே தர்மாவரம் அரசு மருத்துவமனைக்குக் கொண்டுசெல்லப்பட்டார். ஆனால் அவர் ஏற்கனவே இறந்துவிட்டதாக மருத்துவர்கள் தெரிவித்தனர். 

விழாவின்போது இளைஞர்கள் நடனமாடும் விடியோ சமூக வலைத்தளங்களில் வேகமாகப் பரவியது. இதுகுறித்து போலீஸார் விசாரனை மேற்கொண்டு வருகின்றனர். 

ஆந்திர, தெலங்கானா மாநிலங்களில் கடந்த சில மாதங்களாக இதுபோன்ற சம்பவங்கள் தொடர்கின்றன. 

pic.twitter.com/RUqf1mzRMR

— Telugu Scribe (@TeluguScribe) September 21, 2023

கடந்த மாதம் தெலங்கானா மாநிலம் கரீம்நகர் மாவட்டத்தில் 16 வயது மாணவி கல்லூரி விழாவில் நடனமாடும்போது மாரடைப்பால் உயிரிழந்தார். 

நைலகொண்டனப்பள்ளியில் ஜூனியர் கல்லூரில் 11-ம் வகுப்பு படிக்கும் மாணவி நடனமாடிக்கொண்டிருந்தபோது திடீரென உயிரிழந்தார். 

ஜூலை மாதம், கம்மத்தில் உள்ள ஜிம்மில் உடற்பயிற்சியின் போது 31 வயது இளைஞர் மாரடைப்பால் இறந்தார். ஜூன் மாதம், ஜக்தியால் நகரில் பேட்மிண்டன் விளையாடிக் கொண்டிருந்த ஒருவர் மாரடைப்பால் இறந்தார். மார்ச் மாதம், ஆந்திர மாநிலம் பாபட்லாவில் பள்ளி ஆசிரியர் ஒருவர் வகுப்பறையில் மாரடைப்பு ஏற்பட்டு இறந்தார்.

கரோனா தொற்றுக்குப் பிறகு மாரடைப்பால் உயிரிழக்கும் சம்பவங்கள் அதிகரித்து வருவதாக ஆய்வுகள் தெரிவிக்கின்றன. 

பிரதமர் நரேந்திர மோடி எப்போதும் ராஜஸ்தானுக்கு முன்னுரிமை அளித்து வருவதாக உத்தரகண்ட் முதல்வர் புஷ்கர் சிங் தாமி வியாழக்கிழமை தெரிவித்தார். 

ராஜஸ்தானின் கோடாவில் பரிவர்தன் சங்கல்ப் யாத்ராவில் பங்கேற்ற முதல்வர் தாமி செய்தியாளர்களிடம் கூறியது, 

பிரதமர் மோடி எப்போதும் ராஜஸ்தானுக்கு முன்னுரிமை கொடுத்து வருகிறார். ஆனால் மத்திய அரசு வழங்கும் பட்ஜெட்டை செலவழிக்க விரும்பாத அரசு கடந்த 5 ஆண்டுகளாக ராஜஸ்தானில் செயல்பட்டு வருகிறது. ராஜஸ்தான் மக்களுக்கு அவர்கள் லாபம் கொடுக்க விரும்பவில்லை. 

படிக்க: ஸ்பெயினிலிருந்து துபை சென்றடைந்தார் மம்தா!

கடந்த 24 மணி நேரத்தில் நான் பல இடங்களில் பரிவர்தன் சங்கல்ப் யாத்திரையில் பங்கேற்றேன். 100க்கும் மேற்பட்ட இடங்களில் சிறிய முதல் பெரிய சந்திப்புகளை நடத்தினேன். பாஜக ஆட்சி அமைக்க வேண்டும் என்ற தெய்வீக நம்பிக்கை கொண்ட பெண்களைப் பார்த்தேன். இளைஞர்களிடையே பெரும் உற்சாகமும் ஆற்றலும் இருந்தது. இந்த முறை ராஜஸ்தான் மக்கள் மாற்றத்தை விரும்புகின்றனர் என்று நான் நினைக்கிறேன். 

ராஜஸ்தானில் சட்டப்பேரவைத் தேர்தல் இந்தாண்டு இறுதியில் நடைபெற உள்ள நிலையில், கட்சிகள் வாக்காளர்களைக் கவர்வதில் ஆர்வம் காட்டி வருகின்றனர் என்பது குறிப்பிடத்தக்கது. 
 

செயற்கை நுண்ணறிவு(செய்யறிவு) தொழில்நுட்பம் இதழியல் துறைக்கு அச்சுறுத்தல் மற்றும் வாய்ப்பு என இரண்டு விதமாகவும் இருக்கும் என்று சமீபத்தில் நடத்தப்பட்ட ஓர் ஆய்வில் தெரிவிக்கப்பட்டுள்ளது. 

செய்யறிவு தொழில்நுட்பம் இன்னும் சில ஆண்டுகளில் அனைத்துத் துறைகளில் உள்ள வேலைவாய்ப்புகளிலும் மிகப்பெரிய தாக்கத்தை ஏற்படுத்தும் என்று கூறப்படுகிறது. 

இந்நிலையில் செய்யறிவு தொழில்நுட்பம் இதழியல் துறைக்கு அச்சுறுத்தலாக இருக்குமா என்ற கோணத்தில் லண்டன் ஸ்கூல் ஆஃப் எகனாமிக்ஸ் கல்வி நிறுவனத்தின் இதழியல் துறை ஆய்வு நடத்தியது.

கடந்த ஏப்ரல் - ஜூலை மாதங்களுக்கு இடையே 46 நாடுகளைச் சேர்ந்த 100-க்கும் மேற்பட்ட செய்தி நிறுவனங்களில் செய்யறிவு மற்றும் அதனுடன் தொடர்புடைய தொழில்நுட்பங்களைப் பயன்படுத்துவது குறித்து இந்த ஆய்வு மேற்கொள்ளப்பட்டது.

அதன்படி செய்யறிவு தொழில்நுட்பம் இதழியல் துறைக்கு அச்சுறுத்தலாகவும் இருக்கும், அதேநேரத்தில் வாய்ப்பாகவும் இருக்கும் என்று ஆய்வில் தெரிவிக்கப்பட்டுள்ளது. 

இதையும் படிக்க | ஷவர்மாவில் என்ன ஆபத்து?

சாட்ஜிபிடி, கூகுள் பார்டு மூலமாக ஏ.ஐ. செய்திகளை எழுதுவதாகவும் தலைப்புச் செய்திகளை உருவாக்குவதாகவும் 80% பேர் கூறினாலும், 60% பேர் தங்களுக்கும் வேலைவாய்ப்பு இருப்பதாகக் கூறுகின்றனர்

அதாவது செய்யறிவு தொழில்நுட்பம் நேரத்தை மிச்சப்படுத்தும் என்றாலும் அதில் உள்ள சாத்தியக் கூறுகள், தகவல்களில் துல்லியத்தன்மை,  வெளிப்படைத்தன்மை உள்ளிட்ட தொழில் நெறிகளில் பிரச்னைகள் வரலாம் என்று கூறுகின்றனர். செய்யறிவு தொழில்நுட்பத்தால் தயாரிக்கப்பட்ட ஒரு செய்தியை செய்தியாளர்கள் சரிபார்க்கும் நிலை இருக்கும் என்று தெரிய வருகிறது. 

உலகெங்கிலும் உள்ள இதழியல் துறை மற்றொரு அற்புதமான, அதேநேரத்தில் பயமுறுத்தும் தொழில்நுட்பமாற்றத்தின் காலகட்டத்தைக் கடந்து செல்கிறது என்று ஆய்வின் இணை ஆசிரியரும் திட்ட இயக்குனருமான சார்லி பெக்கெட் கூறினார். 

செய்யறிவு தொழில்நுட்பம் என்பது பத்திரிகை மற்றும் செய்தி ஊடகத்தின் நெறிகளுக்கு(ethics) ஓர் அச்சுறுத்தல் என்றும், ஆனால் மேலும் திறமையாக பயனுள்ள நம்பகமானதாக மாற்றுவதற்கான ஒரு நம்ப முடியாத வாய்ப்பு என்றும் தெரிவித்தார். 

நேர்காணல் செய்திகளை எழுதுவது போன்ற பணிகளில் செய்யறிவு தொழில்நுட்பம் நேரத்தை மிச்சப்படுத்தும் என ஒப்புக்கொண்டுள்ள பத்திரிகையாளர்கள், துல்லியத்தன்மை மற்றும் துறை சார்ந்த நெறிகளுக்காக சரிபார்க்க வேண்டிய சூழல் இருப்பதையும் சுட்டிக்காட்டியுள்ளனர். 

அடுத்து மொழி ஒரு முக்கிய பிரச்னையாக இருக்கும் என்கிறது இந்த ஆய்வு. ஏனெனில் தொழில்நுட்பம் ஆங்கிலத்தில் எளிதாகக் கிடைக்கும் நிலையில் உலகளவில் அனைத்து மொழிகளிலும் கிடைத்தால் இன்னும் பயனுள்ளதாக இருக்கும் என்று சிலர் கூறியுள்ளனர். 

இதையும் படிக்க | நகரங்களில் வளரும் குழந்தைகளுக்கு இந்த பிரச்னை அதிகமாக இருக்குமாம்!

நடிகர் விஷால், எஸ்.ஜே.சூர்யா நடிப்பில் உருவாகியுள்ள படம் மார்க் ஆண்டனி. இதனை ஆதிக் ரவிச்சந்திரன் இயக்கியுள்ளார். மேலும் படத்தில் சுனில், செல்வராகவன், கிங்ஸ்லி, ஒய்.ஜி.மகேந்திரன், ரிது வர்மா, அபிநயா உள்ளிட்ட பலர் நடித்துள்ளனர். 

படத்துக்கு ஜி.வி.பிரகாஷ்குமார் இசையமைத்துள்ளார். வினோத்குமார் தயாரித்துள்ளார். டைம் டிராவலை அடிப்படையாகக் கொண்டு படத்தின் கதை உருவாக்கப்பட்டுள்ளது. 

செப்.15ஆம் தேதி வெளியான மார்க் ஆண்டனி படம் நல்ல வரவேற்பினை பெற்று வருகிறது. குறிப்பாக எஸ்.ஜே. சூர்யா நடிப்பினை பலரும் பாராட்டி வருகிறார்கள்.

இதையும் படிக்க: திருமணமா? பதிலளித்த த்ரிஷா!

இப்படம் வெளியான 5 நாள்களில் உலகளவில் ரூ.62.11 கோடியை வசூலித்துள்ளதாக தயாரிப்பாளர் வினோத் தெரிவித்துள்ளார்.

இந்நிலையில், இன்று படத்தின் வெற்றிவிழாவில் பங்கேற்ற இயக்குநர் ஆதிக் ரவிச்சந்திரன், “ நேர்கொண்ட பார்வை படப்பிடிப்பின்போது அஜித் சாரை சந்தித்தபோது, ‘உன்னால் முடியும். நீ பெரிய படத்தை இயக்கு’ என நம்பிக்கை அளித்தது அவர்தான். மார்க் ஆண்டனியின் வெற்றியை அஜித் சாருக்கு சமர்பிக்கிறேன்” எனக் கூறினார்.

லோகேஷ் கனகராஜ் இயக்கத்தில் நடிகர் விஜய் நடித்துள்ள லியோ படத்தில் த்ரிஷா, சஞ்சய் தத், அர்ஜுன், இயக்குநர்கள் மிஷ்கின், கௌதம் மேனன் உள்ளிட்ட பல பிரபலங்கள் நடித்துள்ளனர்.

சமீபத்தில், நடிகர்கள் சஞ்சய் தத் மற்றும் அர்ஜுன் ஆகியோரின் பிறந்தநாள்களை முன்னிட்டு சிறப்பு கிளிம்ப்ஸ் விடியோக்களை படக்குழு வெளியிட்டிருந்தது.  

இப்படத்தின் எடிட்டிங் பணிகளைத் தொடர்ந்து அடுத்ததாக விஎஃப்எக்ஸ் பணிகள் நடந்து வருகின்றன. அக்டோபர் 19ஆம் தேதி இப்படம் வெளியாக உள்ளதால் இயக்குநர் லோகேஷ் கனகராஜ் படத்தின் தரத்தை தீவிரமாக மெறுகேற்றி வருகிறார்.  இப்படத்தின் இரண்டாவது பாடலும் விரைவில் வெளியாக உள்ளது. 

இதையும் படிக்க | பிரபலங்களின் துக்க நிகழ்வுகளில் விடியோ எடுக்க அனுமதி பெற வேண்டும்: தயாரிப்பாளர் சங்கம் அதிரடி

இந்நிலையில், படம் வெளியாகும் வரை லியோ அப்டேட் இருக்குமென விருது விழா ஒன்றில் லோகேஷ் கூறினார். அதன்படி ஞாயிற்றுக்கிழமை லியோ தெலுங்கு போஸ்டரும், திங்கள்கிழமை கன்னட போஸ்டரும் நேற்று(புதன்கிழமை) தமிழ்ப் போஸ்டரும் வெளியானது.

இந்நிலையில், இன்று இப்படத்தின் ஹிந்தி போஸ்டரை படக்குழுவினர் வெளியிட்டுள்ளனர்.

இயக்குநர் செல்வராகவன் நடிக்கும் புதிய படத்தின் அறிவிப்பு வெளியாகியுள்ளது.

மொமென்ட் என்டர்டெயின்மென்ட்ஸ் பேனரில் ஜி ஏ ஹரிகிருஷ்ணன் மற்றும் துர்கா தேவி ஹரிகிருஷ்ணன் தயாரிக்க்கும் புதுமுக இயக்குநர் ரெங்கநாதன் இயக்கும் படத்தில்  செல்வராகவன் முதன்மை வேடத்தில் நடிக்கிறார்.

இப்படத்தின் முக்கிய கதாபாத்திரங்களில் தெலுங்கு நடிகர் ஜே.டி. சக்கரவர்த்தியும், மலையாள நடிகர் ஷைன் டாம் சாக்கோவும் நடிக்கின்றனர்.

பாக்யராஜ் நடிப்பு இயக்கத்தில் 90களில் உருவான பெரும்பாலான திரைப்படங்கள் பான்-இந்தியா கதையம்சம் கொண்டவை என்பதால் அவை மற்ற இந்திய மொழிகளில் ரீமேக் செய்யப்பட்டு அந்தந்த மொழிகளிலும் வெற்றி பெற்றன. அப்படிப்பட்ட கதையம்சம் கொண்ட திரைப்படமாக இது அமையும் என்று படக்குழுவினர் தெரிவிக்கின்றனர்.

யோகி பாபு, புஷ்பா மற்றும் ஜெயிலர் புகழ் சுனில், ராதாரவி மற்றும் வினோதினி உள்ளிட்டோர் முக்கிய வேடங்களில் நடிக்கும் பெயரிடப்படாத இப்படத்தில் இயக்குநர் ராஜீவ் மேனனின் மகள் சரஸ்வதி மேனன் நாயகியாக அறிமுகம் ஆகிறார். படத்தின் இன்னொரு நாயகியின் பெயர் பின்னர் அறிவிக்கப்படும் எனத் தெரிவிக்கப்பட்டுள்ளது.

இப்படத்தை பற்றி பேசிய இயக்குநர் ரெங்கநாதன், "விறுவிறுப்பான களத்தில் ரசிகர்களை கவரும் வகையில் பல்வேறு அம்சங்களை புகுத்தி உள்ளோம். கதையைக் கேட்ட செல்வராகவன்  அதை மிகவும் ரசித்ததோடு முதன்மை வேடத்தில் நடிக்கவும் ஒப்புக்கொண்டார். அவருக்கும் இப்படத்தை தயாரிக்கும் ஹரிகிருஷ்ணன் அவர்களுக்கும் மிக்க நன்றி," என்று கூறினார். 

இந்த திரைப்படத்தின் படப்பிடிப்பு தற்போது திண்டுக்கல் அருகில் சுமார் 1000 துணை நடிகர்கள் பங்களிப்போடு நடைபெற்று இறுதி கட்டத்தை எட்டியுள்ளது. படப்பிடிப்பு விரைவில் நிறைவடையும் என்று தயாரிப்பாளர் ஹரிகிருஷ்ணன் தெரிவித்தார். 

இதையும் படிக்க: மார்க் ஆண்டனி வெற்றியை அஜித் சாருக்கு சமர்பிக்கிறேன்: ஆதிக் ரவிச்சந்திரன்

இத்திரைப்படத்திற்கு அரவிந்த் கிருஷ்ணா ஒளிப்பதிவை செய்ய, சதீஷ் சூர்யா படத்தொகுப்பு செய்துள்ளார். கலை இயக்கத்திற்கு டி பாலசுப்பிரமணியன் பொறுப்பேற்றுள்ளார். 

நாம் தமிழர் கட்சி தலைமை ஒருங்கிணைப்பாளர் சீமானை தமிழர் முன்னேற்றப் படையின் தலைவர் வீரலட்சுமியின் கணவர் போனில் மிரட்டியதாக கூறப்படும் ஆடியோ விவகாரம் பரபரப்பை கிளப்பியுள்ளது.

சீமான் மீது புகார் சுமத்திய நடிகை விஜயலட்சுமிக்கு ஆதரவாக இருந்தவர் தமிழர் முன்னேற்றப் படையின் தலைவர் வீரலட்சுமி. இதனால் சீமான் தரப்புக்கும், இவருக்கும் இடையே மோதல் எழுந்துள்ளது. விஜயலட்சுமி புகாரை வாபஸ் பெற்றுச் சென்ற நிலையில், வீரலெட்சுமி தரப்புக்கும் சீமான் தரப்புக்கும் இடையே மோதல் நீடித்து வருகிறது.

இந்த நிலையில் வீரலட்சுமியின் கணவர் கணேசன், சீமானை வம்புக்கு இழுத்ததாக ஒரு ஆடியோ சமூக வலைதளங்களில் பரவி வருகிறது. இந்த ஆடியோ தொடர்பாக வீரலட்சுமி தரப்பில் இதுவரை எந்த கருத்தும் சொல்லப்படவில்லை.

அந்த ஆடியோவில் சீமானிடம் போனில் பேசும் நபர், அண்ணே... நீங்க நல்லா இருக்கீங்களாண்ணே? என்கிறார். அதற்கு சீமான், ஏங்க நீங்க யாருன்னு சொல்ல மாட்டீங்களா? நான் நல்லா இருக்கேனா இல்லையான்னு கேட்டுகிட்டு இருக்கீங்க என கடுப்பாகிறார். ஆனாலும் போனில் பேசும் நபர், அண்ணே நம்ம ரெண்டு பேரும் பாக்சிங் பண்ணலாமா? ரிங் ஏறி.. உங்க கூட பாக்சிங் பண்ணனும்னு ஆசையா இருக்குண்ணே என்கிறார். அதற்கு சீமான், நீங்க யாருன்னு சொல்லிட்டு பேசுங்க என்கிறார். இந்த ஆடியோ சமூக வலைதளங்களில் பரவி வருகிறது.

இந்தநிலையில் சென்னையை அடுத்த மறைமலை நகர் பகுதியில் இன்று செய்தியாளர்களை சீமான் சந்தித்தார். அப்போது, ​​வீரலட்சுமியின் கணவர் போனில் மிரட்டியதாக வெளியாகியுள்ள ஆடியோ குறித்து சீமானிடம் கேள்வி கேட்கப்பட்டது.

இதற்கு பதிலளித்த சீமான், அது பேசக் கூடாதுன்னு நீதிபதி சொல்லி இருக்காங்க.. பாக்சிங் சரிதான்.. அவரு பகல் நேரத்துல பேசுனா நாம பாக்சிங் போகலாம்.. 7 மணிக்கு மேல பேசுறாரு.. அவரு பாக்சிங்க்கு கூப்பிடுறாரு.. நான் பேசுவதை அவர் பதிவு பண்றாருன்னு தெரியுது. நாம எதையாவது பேசி அவர் பதிவு பண்ணி இந்த மாதிரி கேள்வி வரும்னுதான் செல்போனை கட் செய்தேன். அவர் எங்க கையாலதான் சாகனும்னு முடிவெடுத்துட்டாருன்னா சந்தோஷமாக எதிர்கொள்கிறேன்.. கேட்டு சொல்லுங்க.. இடம், நேரம் எல்லாம் நீங்க சொல்லுங்க.. எப்ப வேணும்னாலும் அவரு வருவாருன்னு சொல்லிடுங்க, நீங்க வாங்க அவரோட சண்டை போட்டு ஜெயிச்சிடுங்கன்னு சொல்லுங்க.. அவர் கிட்ட நேரில் முதலில் ஒருமுறை வந்து நில்லு.. அப்புறம் சண்டை போடலாம்னு சொல்லுங்க.. கேட்கும்போது சிரிப்பா இருக்குல்ல.. மகிழ்ச்சியாக இருங்க.. இவ்வாறு சீமான் பதிலளித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Madurai High Court : கேரளத்தில் நடக்கும் கட்டுமானப் பணிகள், சாலைப் பணிகள் உள்ளிட்ட உள்கட்டமைப்புப் பணிகளுக்குத் தேவையான கிராவல் ஜல்லி கற்கள். எம்.சாண்ட் மணல், குவாரி தூசி மற்றும் மணல் ஆகியவை தமிழ்நாட்டில் இருந்து கொண்டு செல்லப்படுகிறது.
இந்த நிலையில், 10 சக்கரங்களுக்கு மேற்பட்ட வாகனங்களில் கனிமங்கள் கொண்டுச் செல்ல தடை விதிக்கப்பட்டது. இதற்கு எதிராக சென்னை உயர் நீதிமன்றத்தின் மதுரை கிளையில் மனுத்தாக்கல் ஒன்று செய்யப்பட்டது.

இந்த மனுவை நீதிபதி பி.புகழேந்தி விசாரித்தார். தொடர்ந்து இது தொடர்பாக உத்தரவிட்ட நீதிபதி, “தமிழ்நாட்டுக்கு கடந்த 2021-22-இல் பெரும் கனிமங்கள் மூலம் ரூ.817.52 கோடியும், 2022-23-ல் ரூ 1049.22 கோடியும் சிறு கனிமங்கள் மூலம் 2021-22-ல் 365.89 கோடியும். 2022-23-ல் 598.29 கோடியும் வருவாய் கிடைத்துள்ளது.

ஆனால், 2022-23-ல் மட்டும் கர்நாடகாவில் ரூ.5,945.77 கோடியும், ஆந்திராவில் ரூ.4,756 கோடியும், கேரளாவில் ரூ.317 கோடியும் வருமானம் கிடைத்துள்ளது. சிறு கனிமங்கள் மூலம் மிகக் குறைந்த அளவே வருவாய் கிடைத்துள்ளது.

உரிமம் வரித் தொகை கட்டணம் 2 தலைமுறைகளாக உயர்த்தப்படவில்லை. தற்போதுதான் இந்தக் கட்டணம் உயர்த்தப்பட்டுள்ளது.
எனவே, கனிமவளத் துறை ஆணையர் தரப்பில் உரிய விளக்கமளிக்க வேண்டும். 10 சக்கரங்களுக்கு மேற்பட்ட லாரிகளில் கனிமங்கள் கொண்டு செல்லக் கூடாது என்ற உத்தரவுக்கு இடைக்காலத் தடை விதிக்கப்படுகிறது” என்றார்.

இந்த மனு தொடர்பான அடுத்த விசாரணை நவம்பர் மாதம் 25-ஆம் தேதியில் வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Dayanidhi Maran in the Lok Sabha : நாடாளுமன்ற மக்களவையில் வரலாற்று சிறப்புமிக்க மகளிர் இடஒதுக்கீடு மசோதா தாக்கலாகி பெருவாரியான வாக்குகள் வித்தியாசத்தில் வெற்றி பெற்றுள்ளது.
இந்த மசோதாவை மத்திய சட்டத்துறை அமைச்சர் அர்ஜுன் ராம் மேக்வால் தாக்கல் செய்தார். இந்த மசோதா நாடாளுமன்ற மக்களவை, சட்டப்பேரவை உள்ளிட்ட இடங்களில் பெண்களுக்கு 33 சதவீத இடஒதுக்கீடு அளிப்பதை நோக்கமாக கொண்டுள்ளது.

இந்த மசோதா குறித்து திமுக எம்.பி. ஆ. ராசா பேசுகையில், சனாதன சர்ச்சையை பாஜகவினர் எழுப்பினர். இதை அருகில் இருந்து பார்த்துக்கொண்டிருந்த தயாநிதி மாறன் ஆட்சேபம் தெரிவித்தார்.
அவர் கோபமாக பேசிய காணொலிகள் இணையத்தில் வைரலாகி வருகின்றன. முன்னதாக கனிமொழி பேசும்போது மற்ற உறுப்பினர்கள் இடைமறித்து இந்தியில் பேசினார்.

இதனால் கோபமுற்ற கனிமொழி, தமக்கு இந்தி தெரியாது எனப் பதிலளித்தார். மேலும் ஒரு வார்த்தையை ஒருமையிலும் பேசினார். இதற்கு பாரதிய ஜனதா கட்சியினர் தற்போது எதிர்ப்பு தெரிவித்துவருகின்றனர்.
இதற்கிடையில், “மகளிருக்கு 33 சதவீதம் இடஒதுக்கீடு அளிக்கும் மசோதா தேர்தல் நாடகம்” என விசிக தலைவரும், மக்களவை எம்.பி.யுமான தொல். திருமாவளவன் மக்களவையில் குற்றஞ்சாட்டினார்.

இந்த மசோதாவுக்கு ஆதரவாக 454 பேரும் எதிராக 2 பேரும் வாக்களித்துள்ளனர். இந்த மகளிர் இடஒதுக்கீடு மசோதா அடுத்த மாதம் தமிழக சட்டப்பேரவையில் கொண்டு வரப்படும்  எனத் தெரிகிறது.
இது தொடர்பாக பேசிய சபாநாயகர், “மக்களவையில் மசோதா நிறைவேற்றப்படும்பட்சத்தில் மாநில அவையில் கொண்டு வரப்பட வாய்ப்புகள் உள்ளன” என்றார் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

15 வயதில்  குறிப்பாக கல்வியில் தோல்வியடைந்த பிறகு, சமூகத்திற்கும் ஆதரவற்றவர்களுக்கும் சேவை செய்ய யாரும் முன்வர மாட்டார்கள். ஆனால், இந்த கருத்துக்கு விதி விலக்காக திருவண்ணாமலையில் மிகவும் பிரபலமான 37 வயதான பி. மணிமாறன் என்பவர் இதை மாற்றி காட்டியுள்ளார். ஒன்பதாம் வகுப்பில் தோல்வியடைந்த இவர், பல ஆண்டுகளுக்கு முன்பு தமிழ்நாட்டில் தனது சொந்த ஊரான திருவண்ணாமலை நகரத்தை விட்டுவிட்டு கொல்கத்தா வரை பயணிக்க முடிவு செய்தார்.

அன்னை தெரேசாவின் தன்னலமற்ற வாழ்க்கையால் கவரப்பட்ட சிறுவன் ஏழைகளுக்கு உதவுவதற்காக அர்ப்பணிக்கப்பட்ட செயிண்ட் ஆஃப் தி குட்டர்ஸ்  நகரில் அமைக்கப்பட்ட மிஷனரிஸ் ஆஃப் சேரிட்டிக்காக பணியாற்றுவது என்று முடிவு செய்துள்ளார். இது குறித்து அவர் கூறுகையில், “அப்போது நான் மிகவும் இளமையாக இருந்தேன், மிஷனரிஸ் ஆஃப் சேரிட்டியில் பெண் உறுப்பினர்கள் மட்டுமே இருந்தனர். எனவே எனது சொந்த ஊருக்குச் சென்று அங்குள்ள மக்களுக்கு சேவை செய்யும்படி ஊழியர்கள் கேட்டுக் கொண்டுள்ளனர் என்று கூறியுள்ளார்.

திருவண்ணாமலையில் 2009 முதல் உலக மக்கள் சேவை மையத்தை வெற்றிகரமாக நடத்தி வரும் மணிமாறன், சமூகத்தில் ஆதரவற்றவர்களை மீட்டு சிகிச்சை மற்றும் தங்குமிடம் வழங்கும் முயற்சியில் ஈடுபட்டுள்ளார். மணிமாறனின் உலக மக்கள் சேவை மையம் இதுவரை 15,000 தொழுநோயாளிகளுக்கு சிகிச்சை அளித்து, அவர்களில் பலரை மீட்டு, தொழுநோய் பிரிவுகளில் அனுமதித்துள்ளது.

இதனிடையே மிஷனரீஸ் ஆஃப் சேரிட்டிஸில் உள்ள கன்னியாஸ்திரிகளின் அரவணைப்பை நினைவு கூர்ந்த மணிமாறன், அங்கிருந்து நான் திரும்பிச் செல்லமாட்டேன் என்பதில் உறுதியாக இருந்ததை சகோதரிகள் புரிந்துகொண்டதாகவும், அதனால் அவர்கள் அவரை அருகிலுள்ள ஆண்கள் தங்கும் வீட்டில் தங்க அனுமதித்ததாகவும் கூறியள்ளார். அதன்பிறகு நான் மிஷனரிஸ் ஆஃப் சேரிட்டியில் பணியாற்றினேன், இரவில் ஆண்கள் வீட்டில் தூங்குவேன்.

சிறிது காலம் கழித்து, எனது சொந்த ஊரில் உள்ள மக்களுக்கு சேவை செய்யுமாறு அங்குள்ள நிர்மலா மேடம் என்னிடம் கூறினார்,  "அவரது பரிந்துரையின் அடிப்படையில், கரிகிரியில் உள்ள ஸ்கீஃபெலின் இன்ஸ்டிடியூட் ஆப் ஹெல்த் ரிசர்ச் அண்ட் லெப்ரஸி சென்டரில் பயிற்சி பெற்றேன்" வேலூரில் உள்ள தொழுநோய் மையம் நோயாளிகளுக்கு கொடுக்க வேண்டிய மருந்துகளையும், பராமரிப்பாளர் நோயிலிருந்து தன்னை எவ்வாறு பாதுகாத்துக் கொள்ள வேண்டும் என்பதையும் கற்றுக் கொடுத்தது.

சமூக சேவையின் ஆரம்ப நாட்களில், மணிமாறன் வேட்டிகள் மற்றும் புடவைகளுடன் ஒரு பையையும், ஏழைகளுக்கு உதவ முதலுதவி பெட்டியையும் எடுத்துச் செல்வார். அப்போது திருப்பூரில் சுற்றுப்பயணம் மேற்கொண்டிருந்த முன்னாள் குடியரசுத் தலைவர் ஏபிஜே அப்துல் கலாமைச் சந்திக்கும் வாய்ப்பு அவருக்குக் கிடைத்தது. அப்போது மணிமாறனின் சேவைகளைப் பாராட்டிய கலாம், ஏழைகளுக்காக ஒரு அமைப்பைத் தொடங்கும்படி அவரை வலியுறுத்தினார். அப்போது உருவானது தான் "உலக மக்கள் சேவை மையம்" என்று மணிமாறன் கூறியுள்ளார்.

தாழையாம்பள்ளத்தை பூர்வீகமாக கொண்ட மணிமாறன், மிகவும் எளிமையான குடும்பத்தில் இருந்து வந்தவர் மற்றும் விவசாயி தம்பதிகளான பாண்டுரங்கன் மற்றும் ராஜேஸ்வரியின் இளைய பிள்ளை. சிறு வயதிலிருந்தே, பிறருக்கு சேவை செய்வது கடவுளுக்கு சேவை செய்வதற்கு சமம் என்று மணிமாறனின் தந்தை அவரிடம் கூறினார். வேலூரில் பயிற்சி முடித்த மணிமாறன், மைனராக இருந்தபோதும், திருப்பூரில் உள்ள ஒரு ஆடைத் தொழிற்சாலையில் தனது சகோதருடன் வேலை பார்த்து வந்தார். ஆனால் "தனக்கு சட்டப்பூர்வமாக வேலை செய்ய அனுமதி இல்லை என்பதால், சோதனை நடக்கும் போதெல்லாம் ஓய்வறையில் ஒளிந்து கொள்வேன்" என்று மணிமாறன் கூறுகிறார்.

எட்டு மணி நேரம் வேலை செய்ததற்கு 20 ரூபாய் சம்பளம். "நான் மாதந்தோறும் சம்பாதித்த 600 ரூபாயில், 90 சதவீதத்தை ஆதரவற்றவர்களுக்கு உடைகள் மற்றும் உணவு வாங்குவதற்காக செலவழித்தேன்," அந்த நாட்களில் வீடற்றவர்களைக் கவனிப்பதிலும், அவர்களுக்கு தங்குமிடம் வழங்குவதிலும், அவர்களின் சிகிச்சைச் செலவுகளைக் கவனிப்பதிலும் அதிக நேரத்தைச் செலவழித்தேன்.“என் குழந்தை பருவத்திலிருந்தே, என் தந்தை மற்றவர்களுக்கு உதவுவதை நான் பார்த்திருக்கிறேன், அது என்னுள் கொடுக்கும் பழக்கத்தை வளர்த்தது. நான் இதற்கு விதிக்கப்பட்டவன் என்று நினைக்கிறேன்,” என்று புன்னகையுடன் கூறும் மணிமாறன். ஆடைத் தொழிலில் இறங்கி, அதில் வரும் வருமானத்தை ஏழைகளுக்கு உதவப் பயன்படுத்தியதாகக் குறிப்பிட்டார்.

மேலும், உரிமை கோரப்படாத இறந்த உடல்களுக்கு கண்ணியமாக இறுதிச் சடங்குகள் செய்வதில் மணிமாறன் ஈடுபட்டுள்ளார். ஆரம்பத்தில், அவரும் அவரது குழு உறுப்பினர்களும் நகரத்தில் உரிமை கோரப்படாத உடல்களை அடக்கம் செய்து வந்துள்ளனர். ஆனால் இப்போது அவர்களுக்கு போலீஸ் துறைகள் மற்றும் பிற அமைப்புகளிடமிருந்து சடலங்கள் தொடர்பாக அழைப்புகள் வருகின்றன.

“தொழுநோய் அல்லது வேறு ஏதேனும் நோயால் பாதிக்கப்பட்ட ஒருவரைத் தொடக்கூட மக்கள் அருவருப்பாக உணர்கிறார்கள், ஆனால் நாங்கள் இறந்த உடல்களை உரிமை கொண்டாடுகிறோம், அவர்களுக்கு கண்ணியமான இறுதிச் சடங்கு செய்கிறோம். அதிகாரிகளின் ஒப்புதலுடன் இறுதிச் சடங்குகள் நடத்தப்படுகின்றன. இதுவரை, உரிமை கோரப்படாத 2,558 உடல்களுக்கு இறுதிச்சடங்கு செய்துள்ளேன், "உண்மையில், நான் மயானத்தில் (புதைக்கப்பட்ட இடத்தில்) நிம்மதியாக உணர்கிறேன், ஏனெனில் மரணத்தின் தவிர்க்க முடியாத தன்மையை நான் புரிந்துகொண்டு, அவற்றை இயற்கையான வாழ்க்கைச் சுழற்சியின் அடையாளமாகப் பார்க்கிறேன்.

இந்த எண்ணம் உங்களுக்கு இருந்தால், அது உங்களை அமைதி மற்றும் ஏற்றுக்கொள்ளும் உணர்வுக்கு இட்டுச் செல்லும். கோவிட் தொற்றுநோய் காலம் மாநிலத்தில் பதிவான இறப்புகளின் எண்ணிக்கையின் அதிகரிப்பு காரணமாக மணிமாறன் எப்போதும் பிஸியாக இருந்துள்ளார். “அந்த இரண்டு வருடங்களை என்னால் மறக்கவே முடியாது. இறந்த உடல்களின் அருகில் வர அனைவரும் பயந்தனர். அந்த நாட்களில் நான் என்னைத் தனிமைப்படுத்திக் கொண்டேன், என் குடும்பத்தினருடன் தொலைபேசியில் பேசினேன். நான் நல்ல கர்மாவை நம்புகிறேன், இது என்னை இந்த சேவை செய்ய வைத்தது, ”என்று அவர் கூறுகிறார்.

தொற்றுநோய்களின் போது 325 உடல்களின் இறுதிச் சடங்குகளைச் செய்த அவரது சேவையைப் பாராட்டி, திருவண்ணாமலை, வேலூர் மற்றும் திருப்பத்தூர் மாவட்ட நிர்வாகங்களால் சிறந்த சமூக சேவகர் விருது வழங்கப்பட்டது. பல்வேறு மாவட்ட மற்றும் மாநில விருதுகள் மட்டுமின்றி, மாற்றுத்திறனாளிகளுக்கு அதிகாரமளித்தலுக்கான தேசிய விருதையும் மணிமாறன் பெற்றுள்ளார். அவரது சேவை உலக அளவிலும் அங்கீகரிக்கப்பட்டுள்ளது.

2015 ஆம் ஆண்டு சுதந்திர தின விழாவில் முதல்வரின் மாநில இளைஞரணி விருதைப் பெற்ற பின்னர் மறைந்த தமிழக முதல்வர் ஜெ.ஜெயலலிதா தன்னை ஒரு கூட்டத்திற்கு அழைத்ததாக அவர் குறிப்பிட்டார். பின்னர், மணிமாறனை தேசிய விருதுக்கு ஜெயலலிதா பரிந்துரைத்தார். மணிமாறன் சூப்பர் ஸ்டார் ரஜினிகாந்தை சந்தித்தபோது அவருக்கு இலவசமாக ஆம்புலன்ஸ் வழங்கினார். தனது எதிர்காலத் திட்டங்களில், இலவச இறுதிச் சடங்குகளை வழங்கும் மின்சார சுடுகாட்டைக் கட்ட விரும்புவதாக மணிமாறன் கூறுகிறார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“