டி20, ஒருநாள், டெஸ்ட் உள்ளிட்ட அனைத்து வகையான கிரிக்கெட்டிலும் ஆட விரும்புவதாக சென்னை சூப்பா் கிங்ஸ் அணி அதிரடி தொடக்க பேட்டா் ருதுராஜ் கெய்க்வாட் கூறியுள்ளாா். டி20, ஒருநாள், டெஸ்ட் உள்ளிட்ட அனைத்து வகையான கிரிக்கெட்டிலும் ஆட விரும்புவதாக சென்னை சூப்பா் கிங்ஸ் அணி அதிரடி தொடக்க பேட்டா் ருதுராஜ் கெய்க்வாட் கூறியுள்ளாா்.
மகாராஷ்டிரத்தைச் சோ்ந்த இளம் வீரரான ருதுராஜ், கடந்த 2021 ஐபிஎல் சீசனில் அதிக ரன்களைக் குவித்த பேட்டா் (635) என்ற பெருமை பெற்றவா். மேலும் 2021 இந்திய ‘ஏ’ மற்றும் சீனியா் அணியில் இடம் பெற்று ஆடினாா்.
ஒரே ஓவரில் 7 சிக்ஸா்கள்: நிகழாண்டு விஜய் ஹஸாரே கோப்பை போட்டி காலிறுதியில் உத்தரபிரதேச அணிக்கு எதிராக இரட்டை சதம் உள்பட 4 சதங்களைச் சோ்த்து மொத்தம் 660 ரன்களை விளாசினாா் ருதுராஜ். மேலும், அரையிறுதி ஆட்டத்தில் ஒரே ஓவரில் 7 சிக்ஸா்களை விளாசிய சாதனையும் ருதுராஜ் வசம் உள்ளது. வரும் 2023-இல் இந்தியாவில் ஒருநாள் உலகக் கோப்பை போட்டி நடைபெறவுள்ள நிலையில் ருதுராஜ் சீனியா் அணியில் இடம் பெறுவாரா என எதிா்பாா்ப்பு எழுந்துள்ளது.
சென்னை மௌன்ட்ரோட் சோஷியல் சாா்பில் புதன்கிழமை நடைபெற்ற நிகழ்ச்சியில் பங்கேற்ற அவா் ‘தினமணியிடம்’ கூறியது:
டி20 கிரிக்கெட்டில் அதிக ரன்களை குவித்திருந்தாலும், ஒருநாள், டெஸ்ட் என அனைத்து வகையான கிரிக்கெட்டிலும் பங்கேற்று ஆடவே விரும்புகிறேன். அப்போது தான் ஒருவரது கிரிக்கெட் வாழ்க்கை முழுமை அடையும்.
ஐபிஎல் சீசனுக்கு தயாா்: வரும் 2023 ஐபிஎல் சீசனுக்கு சென்னை சூப்பா் கிங்ஸ் அணி தயாராகி வருகிறது. விரைவில் வீரா்கள் ஏலம் முடிந்தபின், பயிற்சி முகாம்கள் நடைபெறும் எனக் கருதுகிறேன். கடந்த சீசனில் முக்கிய வீரா்கள் காயம் பட்டதால் பாதிப்பு ஏற்பட்டது. டி20 ஆட்டம் என்பது அந்த நேரத்தில் வீரா்கள் சிறப்பாக ஆடுவதைப் பொறுத்தே நிா்ணயிக்கப்படுகிறது. சிஎஸ்கே-வில் ஒவ்வொரு வீரரும் தனிப்பட்ட முறையில் தங்கள் பங்களிப்பை வழங்க வேண்டும். இந்த சீசனில் நாங்கள் மீண்டு எழுவோம்.
ரஞ்சி கோப்பை, விஜய் ஹஸாரே போன்ற உள்ளூா் கிரிக்கெட் ஆட்டங்களின் மூலம் புதிய வீரா்கள் அடையாளம் காணப்பட வேண்டும். சிவப்பு நிற பந்து போட்டிகளில் அதிகம் விளையாட வேண்டும். நியூஸிலாந்து ‘ஏ’ அணிக்கு எதிராக கடைசியாக ஆடினேன். ரஞ்சிக் கோப்பையில் வலுவான அணிகள் இடம் பெற்றுள்ளன. மேலும் கவனம் செலுத்தி ஆட வேண்டும்.
பெரிய போட்டிகளில் அதிக ரன்களை குவிக்க வேண்டும் என்பது எனது நோக்கமாகும். எவ்வாறு அணிக்காக சிறப்பாக ஆடி வெற்றி பெற வேண்டும் என்பதை நினைத்தே செயல்படுகிறேன். ஒருநாள் ஆட்டங்களில் முதல் 20 ஓவா்களில் 100 ரன்களை அடித்து விட்டால் பெரிய ஸ்கோரை எட்டலாம். மிடில் ஆா்டா், லோயா் மிடில் ஆா்டரிலும் பேட்டிங் வலுவாக இருக்க வேண்டும். உள்ளூா் ஆட்டங்களை காலையில் 9 மணிக்கே தொடங்கலாம். டாஸ் வெல்லும் அணிக்கு சாதகம் உள்ளது. டெஸ்ட் அல்லது 4 நாள் ஆட்டங்களுக்கு தொடா் பயிற்சி அவசியம். விரைவில் இந்திய அணியில் இடம் பெறுவேன் என நம்பிக்கை உள்ளது என்றாா் ருதுராஜ்.
மேற்கிந்தியத் தீவுகளுக்கு எதிரான 2-ஆவது டெஸ்டில் ஆஸ்திரேலியா முதல் நாள் முடிவில் 89 ஓவா்களில் 3 விக்கெட்டுகள் இழப்புக்கு 330 ரன்கள் சோ்த்துள்ளது. மேற்கிந்தியத் தீவுகளுக்கு எதிரான 2-ஆவது டெஸ்டில் ஆஸ்திரேலியா முதல் நாள் முடிவில் 89 ஓவா்களில் 3 விக்கெட்டுகள் இழப்புக்கு 330 ரன்கள் சோ்த்துள்ளது.
டாஸ் வென்று பேட்டிங்கை தோ்வு செய்த ஆஸ்திரேலியாவில், தொடக்க வீரா் டேவிட் வாா்னா் 4 பவுண்டரிகளுடன் 21 ரன்களுக்கு வெளியேற, உடன் வந்த உஸ்மான் கவாஜா 9 பவுண்டரிகளுடன் 62 ரன்கள் சோ்த்தாா். கேப்டன் ஸ்டீவ் ஸ்மித் அதிா்ச்சிகரமாக டக் அவுட்டானாா். 4-ஆவது விக்கெட்டுக்கு பாா்ட்னா்ஷிப் அமைத்த மாா்னஸ் லபுசான் - டிராவிஸ் ஹெட் கூட்டணி விக்கெட் சரிவைத் தடுத்து அணியின் ஸ்கோரை உயா்த்தியது.
வியாழக்கிழமை முடிவில் லபுசான் 11 பவுண்டரிகளுடன் 120, ஹெட் 12 பவுண்டரிகளுடன் 114 ரன்களுடன் ஆட்டமிழக்காமல் இருந்தனா். மேற்கிந்தியத் தீவுகள் தரப்பில் அல்ஜாரி ஜோசஃப், ஜேசன் ஹோல்டா், டெவன் தாமஸ் ஆகியோா் தலா 1 விக்கெட் கைப்பற்றினா்.
இந்திய அணியில் சிலருக்குக் காயம் ஏற்பட்டுள்ளது. எதனால் இப்படி ஆகிறது என எனக்குத் தெரியவில்லை.
வீரர்களுக்கு அடிக்கடி காயம் ஏற்படுவதற்கான காரணங்களை நாம் அறிய வேண்டும் என இந்திய அணியின் கேப்டன் ரோஹித் சர்மா கூறியுள்ளார்.
வங்கதேசத்துக்கு எதிரான 2-வது ஒருநாள் ஆட்டத்தில் இந்தியா 5 ரன்கள் வித்தியாசத்தில் தோல்வி கண்டது. முதலில் வங்கதேசம் 50 ஓவா்களில் 7 விக்கெட்டுகள் இழப்புக்கு 271 ரன்கள் எடுத்தது. இந்தியா 50 ஓவா்களில் 9 விக்கெட்டுகளைப் பறிகொடுத்து 266 ரன்களே சோ்த்தது. ஏற்கெனவே முதல் ஆட்டத்தில் வென்ற வங்கதேசம், 3 ஆட்டங்கள் கொண்ட இத்தொடரில் 2-0 என முன்னிலை பெற்று தொடரைக் கைப்பற்றியுள்ளது.
வங்கதேசத்துக்கு எதிரான 3-வது ஒருநாள் ஆட்டத்திலிருந்து காயம் காரணமாக கேப்டன் ரோஹித் சர்மா, தீபக் சஹார், குல்தீப் சென் ஆகிய மூன்று இந்திய வீரர்களும் விலகியுள்ளார்கள்.
இந்நிலையில் வீரர்களுக்கு அடிக்கடிக் காயம் ஏற்படுவது பற்றி இந்திய அணியின் கேப்டன் ரோஹித் சர்மா கூறியதாவது:
இந்திய அணியில் சிலருக்குக் காயம் ஏற்பட்டுள்ளது. எதனால் இப்படி ஆகிறது என எனக்குத் தெரியவில்லை. ஒருவேளை ஏராளமான கிரிக்கெட் ஆட்டங்களில் விளையாடுவதாக இருக்கலாம். அவர்களைக் கண்காணிக்க முயலவேண்டும். ஏனெனில் அவர்கள் இந்தியாவுக்கு வரும்போது 100 சதவீதத்துக்கும் அதிகமான உடற்தகுதியில் இருந்தாக வேண்டும். நேஷனல் கிரிக்கெட் அகாதெமி பயிற்சியாளர்களுடன் இணைந்து இதுபற்றி விவாதிக்க வேண்டும். வீரர்களின் பணிச்சுமையைக் கண்காணிக்க வேண்டும். இந்தியாவுக்காக விளையாடும்போது பாதி உடற்தகுதியுடன் விளையாடக் கூடாது. இந்தியாவுக்காக விளையாடுவதில் பெருமிதம் கொள்ள வேண்டும். காயத்துடன் இருந்தால் அது சரியல்ல. வீரர்களுக்கு அடிக்கடி காயம் ஏற்படுவதற்கான காரணங்களை நாம் அறிய வேண்டும் என்றார்.
முதல் நாளில் ஆஸ்திரேலிய அணி, 3 விக்கெட் இழப்புக்கு 330 ரன்கள் எடுத்துள்ளது.
மேற்கிந்தியத் தீவுகளுக்கு எதிரான 2-வது டெஸ்டில் முதல் நாளில் ஆஸ்திரேலிய அணி, 3 விக்கெட் இழப்புக்கு 330 ரன்கள் எடுத்துள்ளது.
அடிலெய்டில் நடைபெற்று வரும் பகலிரவு டெஸ்டில் டாஸ் வென்ற ஆஸ்திரேலிய அணி, பேட்டிங்கைத் தேர்வு செய்தது. வார்னர் 21 ரன்களுக்கும் கேப்டன் ஸ்மித் ரன் எதுவும் எடுக்காமலும் ஆட்டமிழந்தார்கள். உஸ்மான் கவாஜா 62 ரன்கள் எடுத்தார். லபுஷேன், டிராவிஸ் ஹெட் சிறப்பாக விளையாடி சதமெடுத்தார்கள். லபுஷேன் 186 பந்துகளிலும் ஹெட் 125 பந்துகளிலும் தங்களுடைய சதத்தைப் பூர்த்தி செய்தார்கள்.
முதல் நாளில் ஆஸ்திரேலிய அணி, 89 ஓவர்களில் 3 விக்கெட் இழப்புக்கு 330 ரன்கள் எடுத்துள்ளது. லபுஷேன் 120, ஹெட் 114 ரன்களுடன் களத்தில் உள்ளார்கள்.
முதல் டெஸ்டை 164 ரன்கள் வித்தியாசத்தில் வென்று 1-0 என தொடரில் முன்னிலையில் உள்ளது ஆஸ்திரேலிய அணி.
முதல் அதிகாரபூர்வமற்ற டெஸ்டில் இந்திய ஏ அணி முதல் இன்னிங்ஸில் 562 ரன்கள் எடுத்து டிக்ளேர் செய்துள்ளது.
வங்கதேசம் ஏ அணிக்கு எதிரான முதல் அதிகாரபூர்வமற்ற டெஸ்டில் இந்திய ஏ அணி முதல் இன்னிங்ஸில் 562 ரன்கள் எடுத்து டிக்ளேர் செய்துள்ளது.
இந்திய ஏ அணி வங்கதேசத்துக்குச் சுற்றுப்பயணம் செய்து இரு அதிகாரபூர்வமற்ற டெஸ்டுகளில் விளையாடுகிறது. முதல் டெஸ்ட் டிரா ஆனது. 2-வது டெஸ்ட் நடைபெற்று வருகிறது. இந்திய ஏ அணியின் தலைமைப் பயிற்சியாளராக செளராஷ்டிர முன்னாள் வீரர் ஷிதான்சு கொடாக்கும் டிராய் கூலி, வேகப்பந்துவீச்சுப் பயிற்சியாளராகவும் டி. திலீப்,ஃபீல்டிங் பயிற்சியாளராகவும் பணியாற்றுகிறார்கள்.
2-வது டெஸ்டில் டாஸ் வென்ற இந்திய ஏ அணி ஃபீல்டிங்கைத் தேர்வு செய்தது. வேகப்பந்து வீச்சாளர் முகேஷ் குமாரின் அபாரமான பந்துவீச்சில் வங்கதேச பேட்டர்கள் தடுமாறினார்கள். ஷஹாதத் ஹுசைன், ஜேக்கர் அலி மட்டும் நன்கு விளையாடி முறையே 80, 62 ரன்கள் எடுத்தார்கள். வங்கதேச ஏ அணி, 80.5 ஓவர்களில் 252 ரன்களுக்கு அனைத்து விக்கெட்டுகளையும் இழந்தது. பெங்காலைச் சேர்ந்த 29 வயது முகேஷ் குமார் 6 விக்கெட்டுகளையும் உமேஷ் யாதவ், ஜெயந்த் யாதவ் தலா 2 விக்கெட்டுகளையும் எடுத்தார்கள்.
இந்திய ஏ அணி, 2-வது நாள் முடிவில் 90 ஓவர்களில் 5 விக்கெட் இழப்புக்கு 324 ரன்கள் எடுத்தது. கேப்டன் அபிமன்யு ஈஸ்வரன் 144, ஜெயந்த் யாதவ் 4 ரன்களுடன் களத்தில் இருந்தார்கள். இன்று, அபிமன்யு ஈஸ்வரன், 157 ரன்களுக்கு ஆட்டமிழந்தார். இந்திய ஏ அணியின் கீழ்நடுவரிசை மற்றும் கீழ்வரிசை பேட்டர்கள் அபாரமாக விளையாடி இந்திய அணி 550 ரன்களைத் தாண்ட உதவினார்கள். ஜெயந்த் யாதவ் 83, செளரப் குமார் 55, நவ்தீப் சைனி 50, முகேஷ் குமார் 23 ரன்கள் எடுத்தார்கள்.
இந்திய ஏ அணி முதல் இன்னிங்ஸில் 147.1 ஓவர்களில் 9 விக்கெட் இழப்புக்கு 562 ரன்கள் எடுத்து டிக்ளேர் செய்துள்ளது.
இந்தியாவுக்கு எதிரான முதல் டெஸ்டில் விளையாடும் வங்கதேச அணி இன்று அறிவிக்கப்பட்டுள்ளது.
இந்தியாவுக்கு எதிரான முதல் டெஸ்டில் விளையாடும் வங்கதேச அணி இன்று அறிவிக்கப்பட்டுள்ளது.
வங்கதேசத்துக்குச் சுற்றுப்பயணம் செய்து 3 ஒருநாள், 2 டெஸ்டுகளில் விளையாடுகிறது இந்திய அணி. வங்கதேசத்துக்கு எதிரான 2-வது ஒருநாள் ஆட்டத்தில் இந்தியா 5 ரன்கள் வித்தியாசத்தில் தோல்வி கண்டது. 3 ஆட்டங்கள் கொண்ட இத்தொடரில் 2-0 என முன்னிலை பெற்று தொடரைக் கைப்பற்றியுள்ளது வங்கதேச அணி. 3-வது ஒருநாள் ஆட்டம் சனியன்று நடைபெறவுள்ளது.
டெஸ்ட் தொடரின் முதல் டெஸ்ட் டிசம்பர் 14 அன்று தொடங்குகிறது. முதல் டெஸ்டுக்கான வங்கதேச அணி இன்று அறிவிக்கப்பட்டுள்ளது. ஷகிப் அல் ஹசன் தலைமையிலான அணியில் முஷ்ஃபிகுர் ரஹிம், யாசிர் அலி, டஸ்கின் அஹமது ஆகியோர் மீண்டும் இடம்பெற்றுள்ளார்கள். சில காரணங்களால் இம்மூவரும் வங்கதேச அணியின் முந்தைய டெஸ்ட் தொடரில் இடம்பெறவில்லை. இடக்கை பேட்டர் ஜாகிர் ஹசன் முதல்முறையாக அணியில் சேர்க்கப்பட்டுள்ளார்.
இந்தியாவுக்கு எதிராக ஒருமுறை கூட டெஸ்டில் வென்றதில்லை வங்கதேச அணி. 11 ஆட்டங்களில் 9-ல் தோல்வியடைந்து 2 டெஸ்டுகளை டிரா செய்துள்ளது.
வங்கதேச டெஸ்ட் அணி
ஷகிப் அல் ஹசன் (கேப்டன்), மஹ்முதுல் ஹசன் ஜாய், நஜ்முல் ஹுசைன் ஷான்டோ, மோமினுல் ஹக், யாசிர் அலி, முஷ்ஃபிகுர் ரஹிம், லிட்டன் தாஸ், நுருல் ஹசன், மெஹித் ஹசன் மிராஸ், தைஜுல் இஸ்லாம், டஸ்கின் அஹமது, கலீத் அஹமது, எபடாட் ஹுசைன், ஷொரிஃபுல் இஸ்லாம், ஸாகிர் ஹுசைன், ரஹ்மான் ராஜா, அனமுல் ஹக்.
இந்தியாவில் 9 ஒருநாள், 6 டி20, 4 டெஸ்டுகளில் விளையாடவுள்ளது.
2023 ஜனவரி முதல் மார்ச் வரை இந்தியாவில் நடைபெறவுள்ள சர்வதேச ஆட்டங்களின் அட்டவணையை வெளியிட்டுள்ளது பிசிசிஐ.
இந்திய கிரிக்கெட் அணியின் வங்கதேச சுற்றுப்பயணம் டிசம்பர் 26 அன்று நிறைவுபெறுகிறது. இதன்பிறகு இந்திய அணி இந்தியாவில் 9 ஒருநாள், 6 டி20, 4 டெஸ்டுகளில் விளையாடவுள்ளது.
2023 ஜனவரி 3 முதல் ஜனவரி 15 வரை இலங்கைக்கு எதிராக 3 ஒருநாள், 3 டி20 ஆட்டங்களிலும் ஜனவரி 18 முதல் பிப்ரவரி 1 வரை நியூசிலாந்துக்கு எதிராக 3 ஒருநாள், 3 டி20 ஆட்டங்களிலும் ஆஸ்திரேலியாவுக்கு எதிராக பிப்ரவரி 9 முதல் மார்ச் 22 வரையும் 4 டெஸ்டுகள், 3 ஒருநாள் ஆட்டங்களிலும் இந்திய அணி விளையாடவுள்ளது.
இந்த அனைத்து ஆட்டங்களிலும் கடைசியாக நடைபெறவுள்ள ஆஸ்திரேலியாவுக்கு எதிரான 3-வது ஒருநாள் ஆட்டம் சென்னை சேப்பாக்கம் மைதானத்தில் நடைபெறவுள்ளது. ஆஸ்திரேலியாவுக்கு எதிரான டெஸ்ட், சென்னையில் நடைபெறும் என ரசிகர்கள் எதிர்பார்த்த நிலையில் அந்த வாய்ப்பு வழங்கப்படவில்லை. இதனால் ரசிகர்கள் மிகவும் ஏமாற்றம் அடைந்துள்ளார்கள்.
இலங்கைக்கு எதிரான 3 ஒருநாள், 3 டி20 ஆட்டங்கள்
முதல் டி20: ஜனவரி 3, மும்பை
2-வது டி20: ஜனவரி 5, புணே
3-வது டி20: ஜனவரி 7, ராஜ்கோட்
முதல் ஒருநாள்: ஜனவரி 10, குவாஹாட்டி
2-வது ஒருநாள்: ஜனவரி 12, கொல்கத்தா
3-வது ஒருநாள்: ஜனவரி 15, திருவனந்தபுரம்
நியூசிலாந்துக்கு எதிரான 3 ஒருநாள், 3 டி20 ஆட்டங்கள்
முதல் டி20: ஜனவரி 18, ஹைதராபாத்
2-வது டி20: ஜனவரி 21, ராய்பூர்
3-வது டி20: ஜனவரி 24, இந்தூர்
முதல் ஒருநாள்: ஜனவரி 27, ராஞ்சி
2-வது ஒருநாள்: ஜனவரி 29, லக்னெள
3-வது ஒருநாள்: பிப்ரவரி 1, ஆமதாபாத்
ஆஸ்திரேலியாவுக்கு எதிரான 4 டெஸ்ட், 3 ஒருநாள் ஆட்டங்கள்
முதல் டெஸ்ட்: பிப்ரவரி 9-13, நாகபுரி
2-வது டெஸ்ட்: பிப்ரவரி 17-21, தில்லி
3-வது டெஸ்ட்: மார்ச் 1-5, தர்மசாலா
4-வது டெஸ்ட்: மார்ச் 9-13, ஆமதாபாத்
முதல் ஒருநாள்: மார்ச் 17, மும்பை
2-வது ஒருநாள்: மார்ச் 19, விசாகப்பட்டினம்
3-வது ஒருநாள்: மார்ச் 22, சென்னை
பிரேஸில், குரோசியா, ஆர்ஜென்டீனா, நெதர்லாந்து, போர்ச்சுகல், மொராக்கோ, பிரான்ஸ், இங்கிலாந்து ஆகிய அணிகள்...
கத்தார் உலகக் கோப்பைப் போட்டி காலிறுதிச் சுற்றை நெருங்கியுள்ளது.
பிரேஸில், குரோசியா, ஆர்ஜென்டீனா, நெதர்லாந்து, போர்ச்சுகல், மொராக்கோ, பிரான்ஸ், இங்கிலாந்து ஆகிய அணிகள் காலிறுதிச் சுற்றுக்குத் தகுதியடைந்துள்ளன.
நாளை முதல் (டிசம்பர் 9) காலிறுதிச் சுற்று தொடங்குகிறது. பிரேஸில் - குரோசியா, ஆர்ஜென்டீனா - நெதர்லாந்து ஆகிய அணிகள் நாளையும் அடுத்த நாள் போர்ச்சுகல் - மொராக்கோ, பிரான்ஸ் - இங்கிலாந்து ஆகிய அணிகளும் மோதுகின்றன. டிசம்பர் 13, 14 தேதிகளில் அரையிறுதிச் சுற்றும் டிசம்பர் 18 அன்று இறுதிச் சுற்றும் நடைபெறவுள்ளன. டிசம்பர் 17 அன்று 3-வது இடத்துக்கான ஆட்டம் நடைபெறுகிறது.
கத்தார் உலகக் கோப்பை: காலிறுதிச் சுற்று (இந்திய நேரம்)
டிசம்பர் 9
பிரேஸில் - குரோசியா (இரவு 8.30 மணி)
ஆர்ஜென்டீனா - நெதர்லாந்து (நள்ளிரவு 12.30 மணி)
டிசம்பர் 10
போர்ச்சுகல் - மொராக்கோ (இரவு 8.30 மணி)
பிரான்ஸ் - இங்கிலாந்து (நள்ளிரவு 12.30 மணி)
வங்கதேசத்துக்கு எதிரான 3-வது ஒருநாள் ஆட்டத்திலிருந்து காயம் காரணமாக மூன்று இந்திய வீரர்கள் விலகியுள்ளார்கள்.
வங்கதேசத்துக்கு எதிரான 3-வது ஒருநாள் ஆட்டத்திலிருந்து காயம் காரணமாக மூன்று இந்திய வீரர்கள் விலகியுள்ளார்கள்.
வங்கதேசத்துக்கு எதிரான 2-வது ஒருநாள் ஆட்டத்தில் இந்தியா 5 ரன்கள் வித்தியாசத்தில் தோல்வி கண்டது. முதலில் வங்கதேசம் 50 ஓவா்களில் 7 விக்கெட்டுகள் இழப்புக்கு 271 ரன்கள் எடுத்தது. இந்தியா 50 ஓவா்களில் 9 விக்கெட்டுகளைப் பறிகொடுத்து 266 ரன்களே சோ்த்தது. ஏற்கெனவே முதல் ஆட்டத்தில் வென்ற வங்கதேசம், 3 ஆட்டங்கள் கொண்ட இத்தொடரில் 2-0 என முன்னிலை பெற்று தொடரைக் கைப்பற்றியுள்ளது.
இந்நிலையில் வங்கதேசத்துக்கு எதிரான 3-வது ஒருநாள் ஆட்டத்திலிருந்து காயம் காரணமாக கேப்டன் ரோஹித் சர்மா, தீபக் சஹார், குல்தீப் சென் ஆகிய மூன்று இந்திய வீரர்களும் விலகியுள்ளார்கள்.
2-வது ஒருநாள் ஆட்டத்தில் கேட்ச் பிடிக்க முயன்றபோது ரோஹித் சர்மாவின் விரலில் காயம் ஏற்பட்டது. இதனால் வங்கதேச இன்னிங்ஸில் கே.எல். ராகுல் கேப்டனாகச் செயல்பட்டார். இதன்பிறகு காயத்துடன் பேட்டிங் செய்ய வந்த ரோஹித் சர்மா, 9-வது பேட்டராகக் களமிறங்கி 28 பந்துகளில் 51 ரன்கள் எடுத்து போராடித் தோற்றார். இதையடுத்து 3-வது ஒருநாள் ஆட்டத்திலிருந்து ரோஹித் சர்மா விலகியுள்ளார். மேலும் டெஸ்ட் தொடரில் அவர் பங்கேற்பது சந்தேகம் எனத் தெரிகிறது.
நேற்று மூன்று ஓவர்கள் மட்டும் வீசிய வேகப்பந்து வீச்சாளர் தீபக் சஹார், அதன்பிறகு காயம் காரணமாகப் பந்துவீசவில்லை. குல்தீப் சென் காயம் காரணமாக 2-வது ஒருநாள் ஆட்டத்தில் பங்கேற்கவில்லை.
விரலில் காயம் ஏற்பட்டுள்ளதால் ரோஹித் சர்மா உடனடியாக மும்பைக்குச் சென்று மருத்துவர்களைச் சந்திக்கவுள்ளதாக பயிற்சியாளர் டிராவிட் தெரிவித்துள்ளார். காயத்திலிருந்து குணமாகி டெஸ்ட் தொடரில் ரோஹித் சர்மா பங்கேற்பாரா என்பது குறித்து தனக்குத் தெரியாது. இப்போதே அதுகுறித்து முடிவெடுக்க முடியாது என்றும் அவர் தெரிவித்துள்ளார்.
ஆஸ்திரேலிய கிரிக்கெட் அணியின் முன்னாள் கேப்டன் ரிக்கி பாண்டிங், உடல்நலக்குறைவால் ஆஸ்திரேலியா மற்றும் மேற்கிந்திய தீவுகள் அணிகளுக்கு இடையிலான டெஸ்ட் போட்டியின் நேரலை வர்ணனையில் இருந்து வெளியேறி உள்ளார். அதோடு அவர் பெர்த் நகரில் உள்ள மருத்துவமனையில் அனுமதிக்கப்பட்டுள்ளதாக அந்நாட்டு ஊடகங்கள் தெரிவித்துள்ளன.
லுசாயில், டிச. 7: உலகக் கோப்பை கால்பந்து போட்டியில் நாக்அவுட் சுற்றின் கடைசி ஆட்டத்தில் போா்ச்சுகல் 6-1 என்ற கோல் கணக்கில் சுவிட்ஸா்லாந்தை புதன்கிழமை வீழ்த்தி காலிறுதிச்சுற்றுக்கு முன்னேறியது. லுசாயில், டிச. 7: உலகக் கோப்பை கால்பந்து போட்டியில் நாக்அவுட் சுற்றின் கடைசி ஆட்டத்தில் போா்ச்சுகல் 6-1 என்ற கோல் கணக்கில் சுவிட்ஸா்லாந்தை புதன்கிழமை வீழ்த்தி காலிறுதிச்சுற்றுக்கு முன்னேறியது.
இந்த ஆட்டத்தில் போா்ச்சுகல் நட்சத்திர வீரரான கிறிஸ்டியானோ ரொனால்டோ, அணியின் தொடக்க வீரா்கள் பட்டியலில் இடம்பெறவில்லை. இது போா்ச்சுகல் ரசிகா்கள் அல்லாமல், உலக கால்பந்து ரசிகா்களுக்கே அதிா்ச்சி அளிப்பதாக இருந்தது. அவருக்குப் பதிலாக களம் கண்ட கொன்சாலோ ரமோஸ் ஹாட்ரிக் கோல்கள் அடித்து அசத்தினாா்.
ரமோஸ் தவிா்த்து போா்ச்சுகலுக்காக பெபெ, ரஃபேல் குரெய்ரோ, ரஃபேல் லியோ ஆகியோரும் கோலடிக்க, சுவிட்ஸா்லாந்து தரப்பில் மேனுவல் அகஞ்சி ஆறுதல் கோல் பதிவு செய்தாா்.
லுசாயில் மைதானத்தில் நடைபெற்ற இந்த ஆட்டத்தில் போா்ச்சுகல் கோல் கணக்கை தொடங்கி வைத்தாா் ரமோஸ். 17-ஆவது நிமிஷத்தில் டச் லைனில் இருந்து எறியப்பட்ட பந்தைப் பெற்ற ஃபெலிக்ஸ், அதை பாக்ஸுக்குள்ளாக பாஸ் செய்தாா். மிகச் சரியாக அதைப் பெற்ற ரமோஸ், சுவிட்ஸா்லாந்து தடுப்பாட்ட வீரரை சமாளித்தவாறே கட் செய்து குறுக்காக தூக்கி உதைத்த பந்து கோல் போஸ்டினுள் தங்குதடையின்றிச் சென்றது.
அடுத்து 33-ஆவது நிமிஷத்தில் புருனோ ஃபொ்னாண்டஸ் காா்னா் கிக் மூலம் பந்தை பாக்ஸுக்குள்ளாக அனுப்ப, துல்லியமாக அதை தலையால் முட்டி கோல் போஸ்ட்டுக்குள் அனுப்பினாா் பெபெ. இவ்வாறாக முதல் பாதியில் முன்னிலை பெற்ற போா்ச்சுகல், 2-ஆவது பாதியில் தனது கோல் கணக்கை மேலும் அதிகரித்து சுவிட்ஸா்லாந்தை முற்றிலுமாக ஸ்தம்பிக்கச் செய்தது.
51-ஆவது நிமிஷத்தில் ரமோஸ் 2-ஆவது கோல் அடித்தாா். சக வீரா் தலோத் கோல் போஸ்டின் வலது பக்கத்திலிருந்து வழங்கிய கிராஸை ரமோஸ் அப்படியே கோல் போஸ்ட் நோக்கி தட்டிவிட, அது சுவிட்ஸா்லாந்து கோல்கீப்பா் காலின் ஊடாக உள்ளே சென்றது. தொடா்ந்து 55-ஆவது நிமிஷத்தில் ரமோஸ் பாஸ் செய்த பந்தை கோல் போஸ்டின் இடது பக்கத்திலிருந்து தூக்கி உதைத்து கோலடித்தாா் ரஃபேல் குரெய்ரோ.
அடுத்த 4 நிமிஷங்களில் (58’) சுவிட்ஸா்லாந்தின் காா்னா் கிக் ஒன்றை அந்த அணி வீரா் உதைக்க, மேனுவல் அகஞ்சி அதை போஸ்டினுள்ளாக தட்டிவிட்டு கோலடித்தாா்.
பின்னா் 67-ஆவது நிமிஷத்தில் தடுப்பாட்ட வீரா்கள் சூழாமல் இருந்த தன்னிடம் ஃபெலிக் வழங்கிய பாஸை கோல் போஸ்ட்டுக்குள் விரட்டி ஹாட்ரிக் கோலடித்தாா் போா்ச்சுகல் வீரா் ரமோஸ். கடைசியாக ஸ்டாப்பேஜ் டைமில் (90+2’) மற்றொரு போா்ச்சுகல் வீரரான ரஃபேல் லியோ அடித்த கோலை சுவிட்ஸா்லாந்து கோல்கீப்பா் தடுப்பதற்கு கூட முயற்சிக்கவில்லை. இறுதியில் போா்ச்சுகல் அபார வெற்றி பெற்றது.
அறிமுகத்திலேயே அசத்தல்...
இந்த ஆட்டத்தில் ரொனால்டோவுக்குப் பதிலாக அவரது இடத்தில் களமிறக்கப்பட்ட ரமோஸ், அந்த இடத்துக்கு உரிய மதிப்பை அறிவந்தவராக விளையாடினாா். கடந்த மாதத்தில்தான் போா்ச்சுகல் அணியில் அறிமுகமான ரமோஸ், இதற்கு முன் 3 முறை மாற்று ஆட்டக்காரராக மட்டுமே களமிறங்கியிருக்கிறாா்.
இந்நிலையில் தனக்கு கிடைத்த வாய்ப்பை வீணடிக்காமல் அதில் முத்திரை பதித்திருக்கிறாா். ஒவ்வொரு கோலையும் அவா் அடித்த விதமே, ரொனால்டோ இடத்துக்கு தாம் சரியான தோ்வு என நிரூபிக்கும் விதமாக இருந்தது. அறிமுக உலகக் கோப்பை போட்டியிலேயே நாக்அவுட் சுற்றில் ஹாட்ரிக் கோல்கள் அடித்திருக்கிறாா் ரமோஸ். ரொனால்டோ கூட இதுவரை உலகக் கோப்பை நாக்அவுட் சுற்றில் கோல் அடித்ததில்லை.
அதிருப்தியில் ரொனால்டோ...
இந்த ஆட்டத்துக்கான தொடக்க லெவனில் களம் காணாத ரொனால்டோ, 73-ஆவது நிமிஷத்தில் மாற்று வீரராக ஃபெலிக்ஸுக்கு பதில் களமிறக்கப்பட்டாா். அவரது வருகையை ரசிகா்கள் கொண்டாடினா். அடுத்த 3 நிமிஷத்தில் போா்ச்சுகலுக்கு ஃப்ரீ கிக் வாய்ப்பு கிடைத்தது. வழக்கமாக இதுபோன்ற வாய்ப்புகளில் அட்டகாசமாக கோலடிக்கும் ரொனால்டோ, இந்த வாய்ப்பை சுவிட்ஸா்லாந்தின் தடுப்பாட்ட வீரா்கள் மீது உதைத்து வீணடித்தாா். பின்னா் 84-ஆவது நிமிஷத்தில் தாம் அடிக்கும் கோல் ஆஃப்சைடு என்பதை அடிக்கும்போதே அறிந்துவிட்டாா்.
முன்னதாக, ரமோஸ் அடித்த ஒவ்வொரு கோலின்போதும், மைதானத்திலிருந்த போா்ச்சுகல் ரசிகா்கள் ரொனால்டோ பெயரையே கோஷமிட்டனா். ஆனால், தாம் களம் கண்டபோது அவா்களை மகிழ்விக்கத் தவறிவிட்டாா் ரொனால்டோ. ஆட்டம் நிறைவடைந்த பிறகு போா்ச்சுகல் வீரா்கள் களத்தில் கொண்டாட்டத்தில் ஈடுபட்டிருக்க, ரொனால்டோ அவா்களிடம் இருந்து விலகி அமைதியாக வெளியேறியதையும் காண முடிந்தது.
சா்ச்சை: குரூப் சுற்றின் கடைசி ஆட்டத்தில் தென் கொரியாவிடம் போா்ச்சுகல் தோல்வி கண்டது. அந்த ஆட்டத்தில் ரொனால்டோ பாதியில் வெளியேற்றப்பட்டு மாற்று ஆட்டக்காரா் களமிறக்கப்பட்டாா். அதற்கு ரொனால்டோ அதிருப்தி தெரிவிக்க, அணியின் பயிற்சியாளா் ஃபொ்னாண்டோ சான்டோஸுக்கு கோபத்தை ஏற்படுத்தியது. இதனால் இருவருக்கும் இடையே மோதல் போக்கு ஏற்பட, பின்னா் சமரசம் ஆனதாக சான்டோஸ் தெரிவித்தாா். இந்தச் சூழலில் தான் சுவிட்ஸா்லாந்துக்கு எதிரான ஆட்டத்தில் ரொனால்டோ தொடக்க லெவனில் சோ்க்கப்படவில்லை.
ஏற்கெனவே லீக் போட்டிகளில் மான்செஸ்டா் யுனைடெட் அணியின் பயிற்சியாளருடனான மோதல் போக்கு காரணமாக சமீபத்தில் அந்த அணியிலிருந்தும் ரொனால்டோ வெளியேறியது குறிப்பிடத்தக்கது.
3 இத்துடன், உலகக் கோப்பை கால்பந்து போட்டியில் 3-ஆவது முறையாக காலிறுதிச்சுற்றுக்கு முன்னேறியிருக்கிறது போா்ச்சுகல். இதன் மூலம், கடந்த 5 முறை நாக்அவுட் சுற்றில் தோல்வி கண்டு வெளியேறிய கண்டத்திலிருந்து தற்போது தப்பித்திருக்கிறது.
6 உலகக் கோப்பை போட்டியின் நாக்அவுட் சுற்றில் இவ்வளவு பெரிய வெற்றிய (6-1) போா்ச்சுகல் பதிவு செய்தது இதுவே முதல் முறை. இந்த நூற்றாண்டில் உலகக் கோப்பை போட்டியின் நாக்அவுட் சுற்றில் 6 கோல்கள் அடித்த 2-ஆவது அணி போா்ச்சுகல். முதல் அணி ஜொ்மனி (2014/பிரேஸில்/7-1)
1 உலகக் கோப்பை போட்டியில் 2002-க்குப் பிறகு அறிமுக உலகக் கோப்பை போட்டியிலேயே ஹாட்ரிக் கோல் அடித்த முதல் வீரா் ஆகியிருக்கிறாா் ரமோஸ். 2002-இல் ஜொ்மனியின் மிரோஸ்லாவ் கிளோஸ் இவ்வாறு ஹாட்ரிக் கோலடித்திருந்தாா்.
39 இந்த ஆட்டத்தில் கோலடித்ததன் மூலம், உலகக் கோப்பை போட்டியின் வரலாற்றில் நாக்அவுட் சுற்றில் கோலடித்த மிக வயதான வீரா் (39) ஆகியிருக்கிறாா் பெபெ. மறுபுறம், அந்த சுற்றில் போா்ச்சுகலுக்காக கோலடித்த மிகக் குறைந்த வயது வீரா் ஆனாா் ரமோஸ் (21).
கொலம்பியாவில் நடைபெறும் உலக பளுதூக்குதல் சாம்பியன்ஷிப்பில் இந்தியாவின் சாய்கோம் மீராபாய் சானு மகளிருக்கான 49 கிலோ எடைப்பிரிவில் வெள்ளிப் பதக்கம் வென்றாா். கொலம்பியாவில் நடைபெறும் உலக பளுதூக்குதல் சாம்பியன்ஷிப்பில் இந்தியாவின் சாய்கோம் மீராபாய் சானு மகளிருக்கான 49 கிலோ எடைப்பிரிவில் வெள்ளிப் பதக்கம் வென்றாா்.
இந்தப் பந்தயத்தின்போது தனது கையின் மணிக்கட்டுப் பகுதியில் இருந்த வலியையும் பொறுத்துக் கொண்டு அவா் போட்டியிட்டு பதக்கம் வென்றாா். உலக சாம்பியன்ஷிப்பில் மீராபாய்க்கு இது 2-ஆவது பதக்கமாகும். இதற்கு முன் 2017-இல் அவா் இதே பிரிவில் தங்கம் வென்று அசத்தியிருந்தாா்.
தற்போதைய போட்டியில் மீராபாய் முதலில் ஸ்னாட்ச் பிரிவில் 87 கிலோ, பின்னா் கிளீன் & ஜொ்க் பிரிவில் 113 கிலோ என மொத்தமாக 200 கிலோ எடையைத் தூக்கி 2-ஆம் இடம் பிடித்தாா். அவா் ஒட்டுமொத்த எடைக்காக ஒரு வெள்ளியும், கிளீன் & ஜொ்க் பிரிவுக்காக தனியே ஒரு வெள்ளியும் பெற்றாா். பிரிவுகள் வாரியாக பதக்கம் வென்றாலும் அவை ஒன்றாகவே கணக்கில் கொள்ளப்படும்.
இந்த எடைப் பிரிவில் சீனாவின் ஜியாங் ஹுயிஹுவா மொத்தமாக 206 கிலோ எடையைத் தூக்கி (93+113) தங்கப் பதக்கம் வென்றாா். மற்றொரு சீன வீராங்கனையும், நடப்பு ஒலிம்பிக் சாம்பியனுமான ஹௌ ஜிஹுவா மொத்தமாக 198 கிலோ (89+109) எடையைத் தூக்கி வெண்கலப் பதக்கம் பெற்றாா்.
பதக்கம் வென்ற பிறகு மீராபாய் பேசுகையில், ‘நாட்டுக்காக 5 ஆண்டுகளுக்குப் பிறகு உலக அரங்கில் பதக்கம் வென்றதை பெருமையாகக் கருதுகிறேன். ஒலிம்பிக் போட்டியாளா்களும் பங்கேற்பதால் உலக சாம்பியன்ஷிப் எப்போதும் சவால் மிக்கதாகவே இருக்கும். இந்தப் பந்தயத்தின்போது எனக்கு கை மணிக்கட்டில் வலி இருந்தது. ஆனால், அதனால் துவளாமல் நாட்டுக்காக இப்போட்டியில் பங்கேற்றேன். எதிா்வரும் போட்டிகளிலும் இந்தியாவுக்காக பதக்கம் வெல்லும் நம்பிக்கையுடன் இருக்கிறேன்’ என்றாா்.
இப்போட்டியில் மீராபாய் தவிா்த்து, விந்தியாராணி தேவி (59 கிலோ), சனம்பம் ரிஷிகாந்தா சிங் (61 கிலோ), அசிந்தா ஷியுலி (73 கிலோ), குரூதீப் சிங் (+109 கிலோ) ஆகியோரும் பங்கேற்றுள்ளனா்.
வங்கதேசத்துக்கு எதிரான 2-ஆவது ஒன் டே ஆட்டத்தில் இந்தியா 5 ரன்கள் வித்தியாசத்தில் புதன்கிழமை தோல்வி கண்டது. வங்கதேசத்துக்கு எதிரான 2-ஆவது ஒன் டே ஆட்டத்தில் இந்தியா 5 ரன்கள் வித்தியாசத்தில் புதன்கிழமை தோல்வி கண்டது.
முதலில் வங்கதேசம் 50 ஓவா்களில் 7 விக்கெட்டுகள் இழப்புக்கு 271 ரன்கள் அடிக்க, இந்தியா 50 ஓவா்களில் 9 விக்கெட்டுகளை பறிகொடுத்து 266 ரன்களே சோ்த்தது.
ஏற்கெனவே முதல் ஆட்டத்தில் வென்ற வங்கதேசம், 3 ஆட்டங்கள் கொண்ட இத்தொடரை தற்போது கைப்பற்றியிருக்கிறது. இதன் மூலம், கடந்த 7 ஆண்டுகளில் முதல் முறையாக இந்தியாவுக்கு எதிரான சா்வதேச தொடரை வென்றிருக்கிறது வங்கதேசம். அதேபோல், கிரிக்கெட் வரலாற்றில் இந்தியாவுக்கு எதிராக அந்த அணி கைப்பற்றியிருக்கும் 2-ஆவது தொடா் இது.
அடுத்த ஆண்டு ஒன் டே உலகக் கோப்பை போட்டி நடைபெறவிருக்கும் நிலையில் ஒன் டே தொடரில் இந்தியா இத்தகைய தோல்வியை சந்தித்திருக்கிறது. இந்த ஆட்டத்திலும் இந்தியாவின் பேட்டிங் வரிசை சோபிக்காமல் போனது. மறுபுறம், தனது இன்னிங்ஸில் தொடக்கத்தில் சரிவைச் சந்தித்த வங்கதேசம், கடைசி ஆா்டரில் மெஹதி ஹசன் மிராஸின் அதிரடி சதத்தால் மீண்டது.
இந்த ஆட்டத்துக்கான பிளேயிங் லெவனில் இந்திய அணி, ஷாபாஸ் அகமது, குல்தீப் சென் ஆகியோருக்குப் பதிலாக அக்ஸா் படேல், உம்ரான் மாலிக் ஆகியோரை சோ்த்திருந்தது. டாஸ் வென்ற வங்கதேசம் பேட்டிங்கை தோ்வு செய்தது.
அனமுல் ஹக் 11, கேப்டன் லிட்டன் தாஸ் 7, நஜ்முல் ஹுசைன் ஷான்டோ 21, ஷகிப் அல் ஹசன் 8, முஷ்ஃபிகா் ரஹிம் 12, அஃபிஃப் ஹுசைன் 0 ரன்களுக்கு ஆட்டமிழக்க, மஹ்முதுல்லா 7 பவுண்டரிகளுடன் 77 ரன்கள் சோ்த்தாா்.
ஓவா்கள் முடிவில் மெஹதி ஹசன் மிராஸ் 8 பவுண்டரிகள், 4 சிக்ஸா்களுடன் 100, நசும் அகமது 18 ரன்களுடன் ஆட்டமிழக்காமல் இருந்தனா். இந்திய பௌலா்களில் வாஷிங்டன் சுந்தா் 3, முகமது சிராஜ், உம்ரான் மாலிக் ஆகியோா் தலா 2 விக்கெட்டுகள் சாய்த்தனா்.
பின்னா் இந்திய இன்னிங்ஸை விராட் கோலி - ஷிகா் தவன் தொடங்கினா். ஃபீல்டிங்கின்போது ரோஹித் சா்மாவுக்கு கையில் காயம் ஏற்பட்டதால், அவா் முதலில் களம் காணவில்லை. கோலி 5, தவன் 8 ரன்களுக்கு வெளியேற மிடில் ஆா்டரில் ஷ்ரேயஸ் ஐயா் 6 பவுண்டரி, 3 சிக்ஸா்கள் உள்பட 82 ரன்கள் அடித்து அணியை தூக்கிவிட்டாா்.
மறுபுறம், வாஷிங்டன் சுந்தா் 11, கே.எல்.ராகுல் 14 ரன்களுக்கு வெளியேற, அக்ஸா் படேல் போராடி 2 பவுண்டரிகள், 3 சிக்ஸா்களுடன் 56 ரன்கள் சோ்த்துக் கொடுத்தாா். ஷா்துல் தாக்குா் 7, தீபக் சஹா் 11, முகமது சிராஜ் 2 ரன்களுக்கு நடையைக் கட்டினா்.
அணியின் மோசமான போக்கு காரணமாக, காயத்தையும் பொருள்படுத்தாமல் கடைசி நேரத்தில் களமிறங்கி விளாசினாா் ரோஹித். கடைசி பந்தில் 6 ரன்கள் தேவை இருக்க, இலக்கை எட்ட முடியாமல் போனது. முடிவில் ரோஹித் 3 பவுண்டரிகள், 5 சிக்ஸா்கள் உள்பட 51 ரன்களுக்கு, உம்ரான் மாலிக்குடன் (0 ரன்) ஆட்டமிழக்காமல் இருந்தாா். வங்கதேச பௌலிங்கில் எபாதத் ஹுசைன் 3, மெஹதி ஹசன், ஷகிப் அல் ஹசன் ஆகியோா் தலா 2, முஸ்டாஃபிஸுா் ரஹ்மான், மஹ்முதுல்லா ஆகியோா் தலா 1 விக்கெட் வீழ்த்தினா்.
இரு அணிகள் மோதும் கடைசி ஒன் டே ஆட்டம், வரும் 10-ஆம் தேதி சட்டோகிராமில் நடைபெறவுள்ளது.
தேசிய துப்பாக்கி சுடுதல் போட்டியில் 50 மீட்டர் பிஸ்டல் பிரிவில் பஞ்சாபின் அர்ஜுன் சிங் சீமா (ஆடவர்), மகாராஷ்டிரத்தின் ஷீத்தல் பிரீத்தம் தேசாய் (மகளிர்) சாம்பியன் ஆகினர். • புரோ கபடி லீக் போட்டியில் தமிழ் தலைவாஸ் - யு.பி. யோதாஸையும் (43-28), பெங்களூரு புல்ஸ் - பாட்னா பைரேட்ûஸயும் (57-44) புதன்கிழமை வென்றன.
• ஆஸ்திரேலியா - மேற்கிந்தியத் தீவுகள் மோதும் 2-ஆவது டெஸ்ட் அடிலெய்டில் வியாழக்கிழமை (டிச. 8) தொடங்குகிறது.
• சென்னையில் நடைபெறும் தேசிய ஸ்குவாஷ் சாம்பியன்ஷிப்பில் தமிழகத்தின் நவனீத் பிரபு காலிறுதிக்கு முன்னேற, ரவுண்ட் ஆஃப் 16-இல் கனவ் நானாவதி தோல்வியைத் தழுவினார்.
• தேசிய துப்பாக்கி சுடுதல் போட்டியில் 50 மீட்டர் பிஸ்டல் பிரிவில் பஞ்சாபின் அர்ஜுன் சிங் சீமா (ஆடவர்), மகாராஷ்டிரத்தின் ஷீத்தல் பிரீத்தம் தேசாய் (மகளிர்) சாம்பியன் ஆகினர்.
• உலக டூர் ஃபைனல்ஸ் பாட்மின்டன் போட்டியில் இந்தியாவின் ஹெச்.எஸ். பிரணாய் தொடக்க சுற்றிலேயே 11-21, 21-9, 17-21 என ஜப்பானின் கொடாய் நராவ்காவிடம் தோல்வியைத் தழுவினார்.
உலக செஸ் சாம்பியன் ஆவதே எனது லட்சியம் என செஸ் கிராண்ட் மாஸ்டா் பிரக்ஞானந்தா கூறினாா். உலக செஸ் சாம்பியன் ஆவதே எனது லட்சியம் என செஸ் கிராண்ட் மாஸ்டா் பிரக்ஞானந்தா கூறினாா்.
அா்ஜுனா விருது வென்ற பிரக்ஞானந்தாவுக்கு சென்னை, முகப்பேரில் உள்ள வேலம்மாள் மெட்ரிக் மேல் நிலைப் பள்ளியில் புதன்கிழமை பாராட்டு விழா நடத்தப்பட்டது. விழாவில், செஸ் கிராண்ட் மாஸ்டா் பிரக்ஞானந்தா பேசியதாவது: எனது லட்சியம் உலகில் முதல் இடத்தை அடைவது தான். கடின முயற்சி மூலம் எனது லட்சியத்தை நிச்சயம் அடைவேன். நான் எனது லட்சியத்தை அடைந்த உடன் உங்கள் அனைவரையும் வந்து சந்திப்பேன்.
பின்னா் பேசிய விளையாட்டு துறை அமைச்சா் சிவ. வீ. மெய்யயநாதன் கூறியது: அா்ஜூனா விருது பெற்றதுக்கு முதல்வா் தனிப்பட்ட முறையில் செவ்வாய்க்கிழமை அழைத்துப் பாராட்டினாா். மேலும் செஸ் ஒலிம்பியாட்டில் கடுமையான போட்டிகளுக்கு இடையில் பிரக்ஞானந்தாவும் அவா் சகோதரியும் வெண்கலப் பதக்கம் பெற்றனா்.
பிரக்ஞானந்தா இந்த சிறுவயதில் பல்வேறு போட்டிகளில் வெற்றி பெற்றுள்ளாா். அவரது வெற்றி பயணம் தொடர வாழ்த்துகிறேன் என்றாா்.
நிகழ்ச்சியில் சதுரங்க போட்டியில் சாதனை படைத்த பிரக்ஞானந்தாவுக்கு ரூ.10 லட்சம் பரிசு வழங்கப்பட்டது. செஸ் வீரா் பிரக்ஞானந்தா இப்பள்ளியில் 13 ஆண்டுகளாக இதே பள்ளியில் படித்து வருகிறாா் என்பது குறிப்பிடத்தக்கது.
உலகக் கோப்பை கால்பந்து தொடரில் கால் இறுதிக்கு முந்தைய சுற்றில் இன்று மொராக்கோ - ஸ்பெயின் அணிகள் மோதவுள்ளன. எஜுகேஷன் சிட்டி மைதானத்தில் இரவு 8.30 மணிக்கு போட்டி தொடங்குகிறது.
மஹ்முதுல்லாவும் மெஹிதி ஹாசனும். இருவரும் 165 பந்துகளில் 148 ரன்கள் எடுத்தார்கள்.
இந்தியாவுக்கு எதிரான 2-வது ஒருநாள் ஆட்டத்தில் சிறப்பாக பேட்டிங் செய்து 50 ஓவர்களில் 7 விக்கெட் இழப்புக்கு 271 ரன்கள் எடுத்துள்ளது வங்கதேச அணி.
வங்கதேசத்துக்குச் சுற்றுப்பயணம் செய்து 3 ஒருநாள், 2 டெஸ்டுகளில் இந்திய அணி விளையாடுகிறது. ஒருநாள் தொடர் ஞாயிற்றுக்கிழமை அன்று தொடங்கியது. முதல் ஒருநாள் ஆட்டத்தில் ஒரு விக்கெட் வித்தியாசத்தில் இந்திய அணி தோல்வியடைந்தது.
2-வது ஒருநாள் ஆட்டம் மிர்புரில் நடைபெற்று வருகிறது. டாஸ் வென்ற வங்கதேச கேப்டன் லிட்டன் தாஸ், பேட்டிங்கைத் தேர்வு செய்தார். இந்திய அணியில் ஷாபாஸ், குல்தீப் சென்னுக்குப் பதிலாக அக்ஷர் படேல், உம்ரான் மாலிக் விளையாடுகிறார்கள். வங்கதேச அணியில் நசும் அஹமது இடம்பெற்றுள்ளார். காயம் காரணமாக குல்தீப் சென் இந்த ஆட்டத்தில் இடம்பெறவில்லை.
வங்கதேச இன்னிங்ஸில் 2-வது ஓவரை சிராஜ் வீசினார். ஸ்லிப் பகுதியில் ஃபீல்டிங் செய்துகொண்டிருந்தார் கேப்டன் ரோஹித் சர்மா. வங்கதேசத் தொடக்க வீரர் அனாமுல் ஹக், ஸ்லிப் பக்கம் அளித்த கேட்சை நழுவ விட்டார் ரோஹித் சர்மா. அப்போது பெரு விரலில் காயம் ஏற்பட்டதால் உடனடியாக ஓய்வறைக்குத் திரும்பினார் ரோஹித் சர்மா. உடனடியாக ஸ்கேன் பரிசோதனைக்கு அவர் சென்றதால் கே.எல். ராகுல் இந்திய அணியின் கேப்டனாகச் செயல்படுகிறார்.
வங்கதேச அணி முதல் 6 விக்கெட்டுகளை 69 ரன்களுக்கு 19 ஓவர்களுக்குள் இழந்தது. சிராஜ், உம்ரான் மாலிக், வாஷிங்டன் சுந்தர் அருமையாகப் பந்துவீசி வங்கதேச அணியை நிலைகுலைய வைத்தார்கள். 20 ஓவர்களுக்குப் பிறகு தான் இந்திய அணியைக் கடுமையாக வேலை வாங்கினார்கள் மஹ்முதுல்லாவும் மெஹித் ஹாசனும். 74 பந்துகளில் அரை சதமெடுத்த மஹ்முதுல்லா, 96 பந்துகளில் 7 பவுண்டரிகளுடன் 77 ரன்களுக்கு ஆட்டமிழந்தார். முதல் ஒருநாள் ஆட்டத்தில் வங்கதேச அணியின் வெற்றிக்கு முக்கியக் காரணமாக அமைந்த மெஹிதி ஹாசன் மிராஸ் இன்றும் சிறப்பாக விளையாடி கடைசி ஓவரில் சதத்தை எட்டினார். 83 பந்துகளில் 4 சிக்ஸர்கள், 8 பவுண்டரிகளுடன் ஆட்டமிழக்காமல் 100 ரன்கள் எடுத்தார். ஒருநாள் வரலாற்றில் இந்தியாவுக்கு எதிராக 7-வது விக்கெட்டுக்கு அதிக ரன்கள் எடுத்த பெருமையை அடைந்தார்கள் மஹ்முதுல்லாவும் மெஹிதி ஹாசனும். இருவரும் 165 பந்துகளில் 148 ரன்கள் எடுத்தார்கள். கடைசி 10 ஓவர்களில் வங்கதேச அணிக்கு 102 ரன்கள் எடுத்தது. ஒருநாள் கிரிக்கெட்டில் நெ.8 அல்லது அதற்குக் கீழ் நிலை வீரராகக் களமிறங்கி சதமடித்த 2-வது வீரர் - மெஹித் ஹாசன்.
வங்கதேச அணி 50 ஓவர்களில் 7 விக்கெட் இழப்புக்கு 271 ரன்கள் எடுத்து இந்திய அணிக்கு நெருக்கடி அளித்துள்ளது. வாஷிங்டன் சுந்தர் 3 விக்கெட்டுகளும் சிராஜ், உம்ரான் மாலிக் தலா 2 விக்கெட்டுகளும் எடுத்தார்கள்.
கிரிக்கெட்டை விடவும் என் குடும்பமே எனக்கு மிகவும் முக்கியம்.
ஆஸ்திரேலிய அணியின் கேப்டன் பதவியை வகிக்க தனக்கு விதிக்கப்பட்ட தடையை எதிர்த்து முறையீடு செய்த டேவிட் வார்னர், தனது மனுவைத் திரும்பப் பெறுவதாக அறிவித்துள்ளார்.
2018-ல் தென் ஆப்பிரிக்காவுக்கு எதிரான கேப்டவுனில் நடைபெற்ற 3-வது டெஸ்ட் ஆட்டத்தில் தென் ஆப்பிரிக்க அணி பேட்டிங் செய்து கொண்டிருந்தபோது ஆஸ்திரேலியாவின் தொடக்க ஆட்டக்காரரான பான்கிராஃப்ட், தன்னிடம் இருந்த சொரசொரப்பு தன்மை கொண்ட பொருளை வைத்து பந்தைச் சேதப்படுத்த முயன்றது கேமராக்களின் கண்களில் பதிவாகியது. இதையடுத்து, அந்தப் பொருளை அவர் தனது ஆடைக்குள் மறைத்து வைத்தார். ஆட்டம் முடிவடைந்ததும் பந்தைச் சேதப்படுத்த முயன்றது தொடர்பான குற்றச்சாட்டை கேப்டன் ஸ்டீவ் ஸ்மித், டேவிட் வார்னர், பான்கிராஃப்ட் ஆகியோர் ஒப்புக் கொண்டனர். அத்துடன், ஸ்மித்தும், டேவிட் வார்னரும் அணியில் தங்களுக்கு வழங்கப்பட்டிருந்த பொறுப்புகளிலிருந்து விலகுவதாக அறிவித்தனர். அவர்கள் இருவருக்கும் ஓராண்டு காலம் தடை விதித்தது கிரிக்கெட் ஆஸ்திரேலியா. பான்கிராஃப்டுக்கு 9 மாத காலம் கிரிக்கெட் விளையாட தடை விதிக்கப்பட்டது. ஸ்மித்தின் கேப்டன் பதவி பறிக்கப்பட்டது. இரு ஆண்டுகள் கேப்டன் பதவியை வகிக்கவும் அவருக்குத் தடை விதிக்கப்பட்டது. வார்னர் கேப்டனாவதற்கு வாழ்நாள் தடை விதிக்கப்பட்டது.
நன்னடத்தை விதிகளில் கிரிக்கெட் ஆஸ்திரேலியா சமீபத்தில் மாற்றம் செய்ததைத் தொடர்ந்து கேப்டன் பதவியை வகிக்க தனது விதிக்கப்பட்ட தடையை எதிர்த்து முறையீடு செய்தார் டேவிட் வார்னர். தண்டனையை மறுபரிசீலனை செய்யும் வாய்ப்பு வழங்கப்பட்டதால் இந்நடவடிக்கையில் அவர் இறங்கினார். இதனால் 2024 டி20 உலகக் கோப்பைப் போட்டியில் ஆஸி. அணியின் கேப்டனாகும் வாய்ப்பு வார்னருக்கு இருப்பதாகக் கூறப்பட்டது.
இந்நிலையில் தனது மனுவை விசாரிக்கும் குழுவின் முடிவுகளுக்கு எதிர்ப்பு தெரிவித்து அறிக்கை வெளியிட்டுள்ளார் வார்னர். குழுவின் தவறான முடிவுகளால் தனது மனுவைத் திரும்பப் பெறுவதாகவும் வார்னர் கூறியுள்ளார். தனது அறிக்கையில் வார்னர் கூறியதாவது:
கிரிக்கெட்டை விடவும் என் குடும்பமே எனக்கு மிகவும் முக்கியம்.
எனக்கு விதிக்கப்பட்ட தடைக்குப் பிறகு கிரிக்கெட் மீதான என்னுடைய அணுகுமுறையை மாற்றிக்கொண்டுள்ளேன். சீரமைத்துக் கொண்டுள்ளேன். எனக்கு விதிக்கப்பட்ட தண்டனையால் நானும் என் குடும்பமும் கடந்த ஐந்து வருடங்களாகப் பாதிக்கப்பட்டுள்ளோம். கேப் டவுன் டெஸ்டுக்குப் பிறகு என்னால் அவர்கள் தாக்குதல்களுக்கும் அவமானங்களுக்கும் ஆளானாலும் குடும்பத்தின் முழு ஆதரவும் எனக்கு இருந்தது.
நன்னடத்தை விதிகளில் கிரிக்கெட் ஆஸ்திரேலியா மாற்றம் செய்ததைத் தொடர்ந்து எனக்கு விதிக்கப்பட்ட தண்டனை குறித்த தீர்ப்பில் மாற்றம் செய்யக்கோரி கடந்த நவம்பர் 25 அன்று மனுவை அளித்தேன்.
ஆனால், சம்பவம் நடைபெற்ற டெஸ்ட் குறித்தும் என்னைப் பற்றியும் மக்களிடம் கருத்து கேட்க விசாரணைக் குழு முடிவெடுத்துள்ளது. கிரிக்கெட்டின் அழுக்கைக் களைய என்னுடைய குடும்பம் வாஷிங் மெஷினாக இருக்க விரும்பவில்லை. 2018-ல் நடைபெற்ற சம்பவங்களை குறித்து மீண்டும் விசாரித்து என்னையும் என் குடும்பத்தையும் மேலும் ஊடகங்கள் மத்தியில் அவமானப்படுத்த குழு விரும்புகிறது. என்னிடம் தற்போது மாற்று யோசனை இல்லை. எனினும் என்னுடைய மனுவைத் திரும்பப் பெற்றுக்கொள்கிறேன். என்னுடைய குடும்பமும் என்னுடைய அணி வீரர்களும் மீண்டும் மனவேதனையை அடைய நான் விரும்பவில்லை.
கிரிக்கெட்டை விடவும் சில விஷயங்கள் முக்கியமானவை என்று கூறியுள்ளார்.
கால்பந்தாட்ட உலகின் நட்சத்திர வீரர்களில் ஒருவரான கிறிஸ்டியானோ ரொனால்டோ, சவுதி அரேபியாவின் Al-Nassr கால்பந்து கிளப்பில் இணைந்துள்ளதாக தகவல் வெளியாகி உள்ளது. சுமார் 200 மில்லியன் யூரோவுக்கு அவர் இரண்டரை ஆண்டுகளுக்கு ஒப்பந்தம் செய்யப்பட்டுள்ளதாக தகவல்.
முதல் ஒருநாள் ஆட்டத்தில் வங்கதேச அணியின் வெற்றிக்கு முக்கியக் காரணமாக அமைந்த மெஹிதி ஹாசன் மிராஸ்...
இந்தியாவுக்கு எதிரான 2-வது ஒருநாள் ஆட்டத்தில் சிறப்பாக பேட்டிங் செய்து 50 ஓவர்களில் 7 விக்கெட் இழப்புக்கு 271 ரன்கள் எடுத்துள்ளது வங்கதேச அணி.
2-வது ஒருநாள் ஆட்டம் மிர்புரில் நடைபெற்று வருகிறது. டாஸ் வென்ற வங்கதேச கேப்டன் லிட்டன் தாஸ், பேட்டிங்கைத் தேர்வு செய்தார்.
வங்கதேச அணி முதல் 6 விக்கெட்டுகளை 69 ரன்களுக்கு 19 ஓவர்களுக்குள் இழந்தது. சிராஜ், உம்ரான் மாலிக், வாஷிங்டன் சுந்தர் அருமையாகப் பந்துவீசி வங்கதேச அணியை நிலைகுலைய வைத்தார்கள். 20 ஓவர்களுக்குப் பிறகு தான் இந்திய அணியைக் கடுமையாக வேலை வாங்கினார்கள் மஹ்முதுல்லாவும் மெஹித் ஹாசனும். மஹ்முதுல்லா, 96 பந்துகளில் 7 பவுண்டரிகளுடன் 77 ரன்களுக்கு ஆட்டமிழந்தார்.
முதல் ஒருநாள் ஆட்டத்தில் வங்கதேச அணியின் வெற்றிக்கு முக்கியக் காரணமாக அமைந்த மெஹிதி ஹாசன் மிராஸ் இன்றும் சிறப்பாக விளையாடி கடைசி ஓவரில் சதத்தை எட்டினார். 83 பந்துகளில் 4 சிக்ஸர்கள், 8 பவுண்டரிகளுடன் ஆட்டமிழக்காமல் 100 ரன்கள் எடுத்தார்.
மெஹிதி ஹாசன் சதம்: முக்கிய அம்சங்கள்:
* ஆறு வருடங்களுக்கு வங்கதேசத்தில் யு-19 உலகக் கோப்பை நடைபெற்றபோது தொடர் நாயகன் விருதை வென்றார் மெஹிதி ஹாசன்.
* இன்று தனது முதல் ஒருநாள் சதத்தை எடுத்துள்ளார் 25 வயது மெஹிதி ஹாசன்.
^ 2022-ல் மெஹித் ஹாசன் எடுத்த ரன்கள்
327 ரன்கள், 81.75 சராசரி, 84.49 ஸ்டிரைக் ரேட்
* ஒருநாள் கிரிக்கெட்டில் நெ.8 வீரராகக் களமிறங்கி சதமடித்தவர்கள்
சிம்ரஜித் சிங் (அயர்லாந்து), vs தெ.ஆ. 2021
மெஹிதி ஹாசன் (வங்கதேசம்), vs இந்தியா 2022
* ஒருநாள் கிரிக்கெட்டில் இந்திய அணிக்கு எதிராக எந்தவொரு விக்கெட்டுக்கும் அதிக ரன்களை எடுத்த வங்கதேச பேட்டர்கள்
மஹ்முதுல்லா - மெஹிதி ஹாசன்: 165 பந்துகளில் 148 ரன்கள்
* ஒருநாள் கிரிக்கெட்டில் இந்தியாவுக்கு எதிராக 7-வது விக்கெட்டுக்கு அதிக ரன்கள் எடுத்த பேட்டர்கள்
மஹ்முதுல்லா - மெஹிதி ஹாசன்: 165 பந்துகளில் 148 ரன்கள்
* வங்கதேச அணிக்காக 35 டெஸ்டுகள், 66 ஒருநாள், 19 டி20 ஆட்டங்களில் விளையாடியுள்ளார் மெஹிதி ஹாசன்.
தினகரன்
தமிழ் தி இந்து
தினமணி
தினமலர்
இந்தியன் எக்ஸ்பிரஸ்
பிபிசி தமிழ் 
ஒன் இந்தியா தமிழ்
ஜீ நியூஸ்
விகடன்
பில்மிபீட் தமிழ்
சமயம்
புதிய தலைமுறை
ஐபிசி தமிழ் 
இந்தியா
உலகம்
தமிழகம்
அரசியல்
விளையாட்டு
சினிமா 
