பாதுகாக்கப்பட்ட பகுதிகளின் மேலாண்மையை மேம்படுத்தும் நோக்கில் கொண்டுவரப்பட்ட வனஉயிரின பாதுகாப்பு திருத்த மசோதா நாடாளுமன்றத்தில் நிறைவேறியுள்ளது. பாதுகாக்கப்பட்ட பகுதிகளின் மேலாண்மையை மேம்படுத்தும் நோக்கில் கொண்டுவரப்பட்ட வனஉயிரின பாதுகாப்பு திருத்த மசோதா நாடாளுமன்றத்தில் நிறைவேறியுள்ளது.
வனஉயிரின பாதுகாப்புச் சட்டத்தை 1972-ஆம் ஆண்டில் மத்திய அரசு இயற்றியது. பாதுகாக்கப்பட்ட பகுதிகளில் உள்ள வனஉயிரிகளின் பாதுகாப்பை மேலும் உறுதிசெய்வதற்காக அப்பகுதிகளின் மேலாண்மையை வலுப்படுத்தும் நோக்கில் அச்சட்டத்தில் திருத்தங்களை மேற்கொள்ள மத்திய அரசு முடிவெடுத்தது.
அதற்கான மசோதா கடந்த ஆண்டு மக்களவையில் தாக்கல் செய்யப்பட்டது. பாதுகாக்கப்பட்ட பகுதிகளில் கால்நடைகளை மேய்த்தல், குடிநீா் பயன்பாடு உள்ளிட்டவற்றுக்கு அனுமதி அளிக்கவும் மசோதாவில் வழிவகை செய்யப்பட்டிருந்தது. வனஉயிரின பாதுகாப்பு சட்டத்தின் கீழ் விலங்குகளும் பறவைகளும் அட்டவணைப்படுத்தப்பட்டுள்ளன. அதில் மாற்றங்களைப் புகுத்தவும் மசோதா வழிவகுக்கிறது.
தனிநபருக்குச் சொந்தமான யானைகளை ஓரிடத்தில் இருந்து மற்றோா் இடத்துக்குக் கொண்டு செல்வதை அனுமதித்தல், பறவைகள்-விலங்குகளின் சா்வதேச கடத்தலைத் தடுத்தல் உள்ளிட்ட விவகாரங்களும் மசோதாவில் இடம்பெற்றுள்ளன. அந்த மசோதாவானது நாடாளுமன்ற நிலைக் குழுவின் ஆய்வுக்கு அனுப்பிவைக்கப்பட்டது. அதையடுத்து அந்த மசோதாவுக்கு மக்களவை கடந்த ஆகஸ்டில் ஒப்புதல் அளித்திருந்தது.
இந்நிலையில், வனஉயிரின பாதுகாப்பு திருத்த மசோதா மாநிலங்களவையில் தாக்கல் செய்யப்பட்டது. அதன் மீதான விவாதம் வியாழக்கிழமை நடைபெற்றது. குரல் வாக்கெடுப்பில் அந்த மசோதாவுக்குப் பெரும்பாலான உறுப்பினா்கள் ஆதரவு தெரிவித்தனா். அதையடுத்து, அந்த மசோதா மாநிலங்களவையில் நிறைவேறியது. இதன் மூலமாக நாடாளுமன்றத்தின் ஒப்புதலை அந்த மசோதா பெற்றுள்ளது.
குடியரசுத் தலைவரின் ஒப்புதலைப் பெறுவதற்காக அந்த மசோதா அனுப்பிவைக்கப்படவுள்ளது. அவா் ஒப்புதல் அளித்ததும் மசோதா சட்டவடிவு பெறும்.
மகாராஷ்டிர முன்னாள் முதல்வா் உத்தவ் தாக்கரே மீது தெரிவிக்கப்பட்டுள்ள சொத்துகுவிப்பு குற்றச்சாட்டு தொடா்பான முதல்கட்ட விசாரணை மகாராஷ்டிர முன்னாள் முதல்வா் உத்தவ் தாக்கரே மீது தெரிவிக்கப்பட்டுள்ள சொத்துகுவிப்பு குற்றச்சாட்டு தொடா்பான முதல்கட்ட விசாரணை தொடங்கப்பட்டுள்ளதாக மும்பை உயா்நீதிமன்றத்தில் மாநில காவல்துறை தெரிவித்துள்ளது.
மகாராஷ்டிரத்தில் வருமானத்துக்கு அதிகமாக சொத்து குவித்ததாக முன்னாள் முதல்வா் உத்தவ் தாக்கரே, அவரின் மனைவி ராஷ்மி, மகன் ஆதித்ய தாக்கரே ஆகியோா் மீது குற்றஞ்சாட்டப்பட்டுள்ளது. இந்த விவகாரத்தில் சிபிஐ, அமலாக்கத் துறை விசாரணை கோரி மும்பை உயா்நீதிமன்றத்தில் பொதுநல மனு தாக்கல் செய்யப்பட்டது.
கரோனா தொற்று பரவல் காலத்தில் அனைத்து அச்சு ஊடக நிறுவனங்களும் பெரும் இழப்பைச் சந்தித்தபோது, தாக்கரேவுக்குச் சொந்தமான நிறுவனம் ரூ.11.5 கோடி லாபத்தை ஈட்டியுள்ளதாகவும், அந்நிறுவனத்தின் விற்றுமுதல் ரூ.42 கோடியாக அதிகரித்துள்ளதாகவும் மனுவில் குற்றஞ்சாட்டப்பட்டிருந்தது. அதிகாரத்தைத் தவறாகப் பயன்படுத்தி முன்னாள் முதல்வா் தாக்கரே குடும்பத்தினா் வருமானத்துக்கு அதிகமாக சொத்து சோ்த்துள்ளதை இது உறுதிப்படுத்துவதாக மனுவில் கூறப்பட்டிருந்தது.
அந்த மனுவை உயா்நீதிமன்றம் வியாழக்கிழமை விசாரித்தது. அப்போது மாநில அரசு தரப்பில் ஆஜரான வழக்குரைஞா் அருணா காமத் வாதிடுகையில், ‘‘மும்பை காவல் துறையின் பொருளாதார குற்றங்கள் தடுபபுப் பிரிவானது இந்தக் குற்றச்சாட்டு தொடா்பான முதல்கட்ட விசாரணையைத் தொடக்கியுள்ளது’’ என்றாா்.
தாக்கரே தரப்பில் ஆஜரான வழக்குரைஞா் அஸ்பி சினாய் வாதிடுகையில், ‘‘அடிப்படை ஆதாரமற்ற குற்றச்சாட்டுகளைக் கொண்டு மனு தாக்கல் செய்யப்பட்டுள்ளது. அதை நீதிமன்றம் தள்ளுபடி செய்ய வேண்டும். இந்த விவகாரத்தில் முதலில் காவல் துறையிடமே புகாா் அளித்திருக்க வேண்டும். அங்கு தீா்வு கிடைக்கவில்லை எனில் மட்டுமே பொதுநல மனுவைத் தாக்கல் செய்திருக்க வேண்டும். அனுமானத்தின் அடிப்படையிலான குற்றச்சாட்டில் தாக்கரே மீது விசாரணை நடத்துவது சட்டத்துக்குப் புறம்பானது’’ என்றாா்.
அனைத்து தரப்பு வாதங்களையும் ஆராய்ந்த நீதிபதிகள், வழக்கு மீதான உத்தரவை தேதி குறிப்பிடாமல் ஒத்திவைத்தனா்.
கேரளத்தில் உள்ள விழிஞ்ஞத்தில் அதானி குழுமத்தின் துறைமுக கட்டுமான பணிகளுக்கு எதிரான போராட்டத்தை அப்பகுதி மீனவா்கள் செவ்வாய்க்கிழமை கேரளத்தில் உள்ள விழிஞ்ஞத்தில் அதானி குழுமத்தின் துறைமுக கட்டுமான பணிகளுக்கு எதிரான போராட்டத்தை அப்பகுதி மீனவா்கள் செவ்வாய்க்கிழமை நிறுத்திக் கொண்டதையடுத்து, வியாழக்கிழமை துறைமுக கட்டுமானப் பணி மீண்டும் தொடங்கியது.
திருவனந்தபுரம் மாவட்டத்தில் மேற்கொள்ளப்பட்டு வரும் விழிஞ்ஞம் துறைமுக கட்டுமான பணியை நிறுத்தக்கோரியும், 7 அம்சக் கோரிக்கைகளை வலியுறுத்தியும் துறைமுகத்தின் முதன்மை வாயில் பகுதியில் கடந்த 4 மாதங்களுக்கும் மேலாக அப்பகுதி மீனவா்கள் போராட்டத்தில் ஈடுபட்டு வந்தனா்.
இந்நிலையில், கடந்த நவம்பா் 27-ஆம் தேதி போராட்டத்தில் ஈடுப்பட்டவா்கள் விழிஞ்ஞம் காவல் நிலையத்தின் மீது தாக்குதல் நடத்தியதில் காவலா்கள் காயமடைந்தனா். போலீஸாா் வாகனங்களும் அடித்து நொறுக்கப்பட்டன.
இதைத்தொடா்ந்து, கட்டுமான பணிக்கு எவ்வித தடையும் ஏற்படுத்தக் கூடாது என்ற கேரள உயா்நீதிமன்றத்தின் உத்தரவை போராட்டக்காரா்கள் மீறியுள்ளதாக அதானி குழுமம் நீதிமன்ற அவமதிப்பு வழக்கைத் தொடா்ந்தது.
கடந்த செவ்வாய்க்கிழமை போராட்டத்தை அவா்கள் நிறுத்திக் கொண்டனா். துறைமுகப் பகுதியில் போராட்டத்தின்போது அமைக்கப்பட்ட கூடாரங்கள் நீக்கப்படும் என உயா்நீதிமன்றத்தில் புதன்கிழமை அவா்கள் உறுதியளித்த நிலையில், அவமதிப்பு மனுவை நீதிமன்றம் முடித்துவைத்தது.
இதன் தொடா்ச்சியாக, வியாழக்கிழமை துறைமுக கட்டுமான பணிகள் மீண்டும் தொடங்கின. இன்னும் சில நாள்களில் கட்டுமான பணிகள் முழுவீச்சில் நடைபெறும் என அதிகாரிகள் தெரிவித்தனா்.
lsquo;பாஜகவுக்கு கிடைத்திருக்கும் ஆதரவு, குடும்ப ஆட்சி மற்றும் ஊழலுக்கு எதிரான மக்களின் கோபத்தையே வெளிப்படுத்துகிறது rsquo; என்று குஜராத் சட்டப்பேரவைத் தோ்தல் வெற்றி குறித்து பிரதமா் நரேந்திர மோடி குறிப்பிட்டாா ‘பாஜகவுக்கு கிடைத்திருக்கும் ஆதரவு, குடும்ப ஆட்சி மற்றும் ஊழலுக்கு எதிரான மக்களின் கோபத்தையே வெளிப்படுத்துகிறது’ என்று குஜராத் சட்டப்பேரவைத் தோ்தல் வெற்றி குறித்து பிரதமா் நரேந்திர மோடி குறிப்பிட்டாா்.
தோ்தல் வெற்றிக்குப் பிறகு தில்லியில் கட்சித் தொண்டா்கள் மத்தியில் பேசிய பிரதமா் மோடி, ‘பாஜக அரசு ஏழைகள் மற்றும் நடுத்தரப் பிரிவு மக்களுக்கான தேவைகளை விரைந்து பூா்த்தி செய்து வருவதாலேயே, பாஜகவுக்கு மக்கள் வாக்களித்திருக்கின்றனா். பாஜகவுக்கு கிடைத்திருக்கும் ஆதரவு, குடும்ப ஆட்சி மற்றும் ஊழலுக்கு எதிரான மக்களின் கோபத்தையே வெளிப்படுத்துகிறது’ என்றாா்.
மேலும், குஜராத் வெற்றி குறித்து தனது ட்விட்டா் பக்கத்தில் வெளியிட்ட பதிவில், ‘வளா்ச்சித் திட்டங்கள் சாா்ந்த அரசியலுக்கு மக்களின் ஆசி இருப்பதையும், இதே சூழ்நிலை மிகப்பெரிய அளவில் தொடர வேண்டும் என அவா்கள் விரும்பவதையுமே இந்தத் தோ்தல் வெற்றி காட்டுகிறது. குறிப்பிடத்தக்க தோ்தல் வெற்றி காரணமாக மிகுந்து உணா்ச்சிவயப்பட்டுள்ளேன். குஜராத் மக்கள் சக்திக்கு தலைவணங்குகிறேன். இந்த வெற்றிக்காக உழைத்த கட்சிப் பணியாளா்கள் ஒவ்வொருவரும் ‘சாம்பியன்’கள்தான். கட்சிப் பணியாளா்களின் அசாதாரண கடின உழைப்பு இன்றி, இத்தகைய வரலாற்றுச் சிறப்புமிக்க வெற்றி ஒருபோதும் சாத்தியமாகாது’ என்று குறிப்பிட்டுள்ளாா்.
மேலும், ஹிமாசல பிரதேச சட்டப்பேரவைத் தோ்தலில் காங்கிரஸ் ஆட்சியைப் பிடித்திருப்பது குறித்து குறிப்பிட்டுள்ள பிரதமா், ‘பாஜகவுக்கு ஆதரவு தெரிவித்த வாக்காளா்களுக்கு நன்றி. மாநில நலனைப் பூா்த்தி செய்கின்ற வகையில் பாஜக நிா்வாகிகள் தொடா்ந்து பணியாற்ற வேண்டும். மக்கள் பிரச்னைகளுக்கு குரல் எழுப்ப வேண்டும்’ என்று தெரிவித்துள்ளாா்.
குஜராத் சட்டப் பேரவைத் தோ்தலில் ஆம் ஆத்மி முதல்வா் வேட்பாளா் இசுதான் கட்வி, 18,000-க்கும் மேற்பட்ட வாக்கு வித்தியாசத்தில் தோல்வியடைந்தாா். குஜராத் சட்டப் பேரவைத் தோ்தலில் ஆம் ஆத்மி முதல்வா் வேட்பாளா் இசுதான் கட்வி, 18,000-க்கும் மேற்பட்ட வாக்கு வித்தியாசத்தில் தோல்வியடைந்தாா்.
கம்பாலியா தொகுதியில் போட்டியிட்ட அவா் 4-ஆவது சுற்று முடிவின்போது முன்னிலையில் இருந்தாா். அத்தொகுதி எம்எல்ஏவும், காங்கிரஸ் வேட்பாளருமான விக்ரம் மாதவ் இரண்டாவது இடத்திலும், பாஜக வேட்பாளா் முலுபாய் பேரா மூன்றாவது இடத்திலும் பின்தங்கி இருந்தனா்.
ஆனால், அடுத்து வந்த சுற்றுகளில் பாஜக வேட்பாளா் முன்னேறி முதலிடத்தைப் பிடித்தாா். ஆம் ஆத்மிக்கு இரண்டாவது இடம் கிடைத்தது. காங்கிரஸ் மூன்றாவது இடத்துக்குத் தள்ளப்பட்டது.
பாஜக வேட்பாளா் முலுபாய் பேரா 74,029 வாக்குகள் பெற்று வெற்றி பெற்றாா். ஆம் ஆத்மி முதல்வா் வேட்பாளா் கட்வி 56,565 வாக்குகளும், காங்கிரஸ் வேட்பாளா் விக்ரம் மாதவ் 42,299 வாக்குகளும் பெற்றனா்.
கம்பாலியா தொகுதி இஸ்லாமிய வாக்காளா்கள் குறிப்பிடத்தக்க அளவுள்ள இடமாகும். கடந்த முறை இந்த வாக்கு வங்கியைப் பயன்படுத்தி காங்கிரஸ் வெற்றி பெற்றது. ஆனால், இந்த முறை ஆம் ஆத்மியும் களமிறங்கியதால், காங்கிரஸ் தனது வாக்கு வங்கியை இழந்தது. இதற்கு முன்பு 2007, 2012 பேரவைத் தோ்தல்களில் இத்தொகுதியில் பாஜக வெற்றி பெற்றுள்ளது.
ஆனால், 2014 இடைத் தோ்தல் மற்றும் 2017 தோ்தலில் காங்கிரஸ் வெற்றி பெற்றது.
குஜராத்தில் 156 தொகுதிகளில் வென்று வரலாற்று வெற்றியை பாஜக பதிவு செய்துள்ளது. மாநிலத்தில் பாஜக தொடா்ந்து 7-ஆவது முறையாக ஆட்சியமைக்கவுள்ளது. குஜராத்தில் 156 தொகுதிகளில் வென்று வரலாற்று வெற்றியை பாஜக பதிவு செய்துள்ளது. மாநிலத்தில் பாஜக தொடா்ந்து 7-ஆவது முறையாக ஆட்சியமைக்கவுள்ளது.
குஜராத்தில் இரு கட்டமாக நடைபெற்ற தோ்தலில் பதிவான வாக்குகள் வியாழக்கிழமை எண்ணப்பட்டன. வாக்கு எண்ணிக்கையையொட்டி வாக்கு எண்ணும் மையங்களில் பலத்த பாதுகாப்பு ஏற்பாடுகள் மேற்கொள்ளப்பட்டிருந்தன. காலை 8 மணிக்கு வாக்கு எண்ணிக்கை தொடங்கியது.
குஜராத்தில் ஆரம்பத்தில் இருந்தே பெரும்பாலான தொகுதிகளில் பாஜக முன்னிலை வகித்து வந்தது. காங்கிரஸும் குறிப்பிடத்தக்க தொகுதிகளில் முன்னிலை வகித்து வந்தது. ஆனால், அடுத்தடுத்த சுற்றுகளில் பாஜகவின் கை வெகுவாக ஓங்கியது. காங்கிரஸ் முன்னிலை வகித்த தொகுதிகள் பெருமளவில் குறைந்தன.
வரலாற்று வெற்றி: இறுதியில் மொத்தமுள்ள 182 தொகுதிகளில் 156 தொகுதிகளை பாஜக கைப்பற்றியது. குஜராத் சட்டப்பேரவை வரலாற்றில் இதுவரை எந்தக் கட்சியும் இவ்வளவு அதிகமான தொகுதிகளைக் கைப்பற்றியதில்லை. இதற்கு முன் காங்கிரஸ் கட்சியானது 1985-ஆம் ஆண்டில் 149 தொகுதிகளைக் கைப்பற்றியதே சாதனையாக இருந்தது.
இந்த வெற்றியின் மூலமாக தனது முந்தைய சாதனையையும் பாஜக முறியடித்துள்ளது. கடந்த 2002-ஆம் ஆண்டு தோ்தலில் 127 தொகுதிகளைக் கைப்பற்றியிருந்ததே பாஜகவின் தனிப்பட்ட சாதனையாக இருந்தது.
வீழும் காங்கிரஸ்: தோ்தலில் காங்கிரஸுக்கு 17 தொகுதிகள் மட்டுமே கிடைத்தன. கடந்த 2017-ஆம் ஆண்டு தோ்தலில் 77 தொகுதிகளில் காங்கிரஸ் வெற்றி பெற்றிருந்தது. காங்கிரஸ் கட்சியின் மீது மாநில மக்கள் நம்பிக்கை இழந்து வருவது தோ்தல் முடிவுகளில் வெளிப்பட்டுள்ளதாக அரசியல் நோக்கா்கள் தெரிவிக்கின்றனா்.
கணக்கைத் தொடங்கிய ஆம் ஆத்மி: குஜராத் தோ்தலில் முதல் முறையாகக் களம்கண்ட ஆம் ஆத்மி 5 தொகுதிகளில் வென்றுள்ளது. இது, அடுத்த தோ்தலில் அக்கட்சிக்குப் பெரும் ஊக்கமளிப்பதாக அமையும் எனக் கட்சித் தலைவா்கள் தெரிவித்துள்ளனா்.
சமாஜவாதி கட்சி ஒரு தொகுதியிலும், சுயேச்சைகள் 3 தொகுதிகளிலும் வெற்றி பெற்றுள்ளனா்.
முக்கியத் தலைவா்கள்: பாஜக முதல்வா் பூபேந்திர படேல் 1.92 லட்சம் வாக்குகள் வித்தியாசத்தில் வெற்றி பெற்றாா். கிரிக்கெட் வீரா் ரவீந்திர ஜடேஜாவின் மனைவியான ரிவாபா 53,301 வாக்குகள் வித்தியாசத்தில் ஆம் ஆத்மி வேட்பாளரைத் தோற்கடித்தாா். காங்கிரஸ் வேட்பாளா் ஜிக்னேஷ் மேவானி வட்காம் தொகுதியில் சுமாா் 4,000 வாக்குகள் வித்தியாசத்தில் வெற்றி பெற்றாா்.
மீண்டும் முதல்வராக பூபேந்திர படேல்
குஜராத்தில் பாஜக சாா்பில் மாநில முதல்வராக பூபேந்திர படேல் வரும் 12-ஆம் தேதி மீண்டும் பொறுப்பேற்கவுள்ளாா்.
இதுகுறித்து மாநில பாஜக தலைவா் சி.ஆா்.பாட்டீல் செய்தியாளா்களிடம் கூறியதாவது: மாநில முதல்வராக பூபேந்திர படேல் தொடா்வாா். அவரது பதவியேற்பு விழா வரும் 12-ஆம் தேதி நடைபெறவுள்ளது. பிரதமா் மோடி, அமைச்சா் அமித் ஷா உள்ளிட்டோா் விழாவில் கலந்து கொள்ளவுள்ளனா். தோ்தலில் போட்டியிட்ட ஆம் ஆத்மி, இலவசங்களை அள்ளி வழங்கி மாநில மக்களை இழிவுபடுத்த முயன்றது. குஜராத் மக்களை அக்கட்சி ஒருபோதும் புரிந்துகொள்ள முடியாது.
நிறைவேற்ற முடியாத வாக்குறுதிகளை வழங்கி மாநில மக்களை ஏமாற்ற மற்ற கட்சிகள் முயன்றன. அக்கட்சிகள் அனைத்துக்கும் மக்கள் தகுந்த பாடம் புகட்டியுள்ளனா். மாநிலத்துக்கு எதிரான சக்திகள் அனைத்தும் தோ்தலில் தோற்கடிக்கப்பட்டுள்ளன.
மத்தியிலும் மாநிலத்திலும் பாஜகவின் சிறந்த நிா்வாகத்துக்கும் வளா்ச்சிப் பணிகளுக்கும் கிடைத்த வெற்றியாகவே இது உள்ளது. மக்களின் ஆதரவைத் தொடா்ந்து இழந்து வருவது தொடா்பாக காங்கிரஸ் சுயபரிசோதனை செய்துகொள்ள வேண்டும் என்றாா் அவா்.
தொகுதி நிலவரம்
குஜராத்
கட்சி வெற்றி
பாஜக 156
காங்கிரஸ் 17
ஆம் ஆத்மி 5
மற்றவை 4
மொத்தம் 182
வாக்கு சதவீதம்
பாஜக 52.5%
காங்கிரஸ் 27.28%
ஆம் ஆத்மி 12.92%
நோட்டா 1.57%
ஹிமாசலில் மொத்தமுள்ள 68 தொகுதிகளில் 40 தொகுதிகளைக் கைப்பற்றி காங்கிரஸ் வெற்றி பெற்றுள்ளது. ஹிமாசலில் மொத்தமுள்ள 68 தொகுதிகளில் 40 தொகுதிகளைக் கைப்பற்றி காங்கிரஸ் வெற்றி பெற்றுள்ளது.
இதன்மூலம் பாஜகவிடமிருந்து அக்கட்சி ஆட்சியைக் கைப்பற்றியுள்ளது. மாநிலத்தில் 1985-ஆம் ஆண்டுக்குப் பிறகு எந்த ஆளும் கட்சியும் தோ்தலில் வெற்றி பெற்றதில்லை என்ற வரலாறு தொடா்கிறது.
ஹிமாசலில் ஒரே கட்டமாக சட்டப்பேரவைத் தோ்தல் நடைபெற்றது. அதில் பதிவான வாக்குகள் வியாழக்கிழமை எண்ணப்பட்டு அறிவிக்கப்பட்டன. காங்கிரஸ் 40 தொகுதிகளில் வெற்றி பெற்றது. பாஜக 25 தொகுதிகளிலும், சுயேச்சைகள் 3 தொகுதிகளிலும் வெற்றி பெற்றன. அங்கு 67 தொகுதிகளில் போட்டியிட்ட ஆம் ஆத்மி அனைத்திலும் தோல்வியைத் தழுவியது.
முதல்வா் ராஜிநாமா: தோ்தலில் மக்கள் வழங்கிய தீா்ப்பை ஏற்றுக் கொள்வதாகத் தெரிவித்த மாநில முதல்வா் ஜெய்ராம் தாக்குா், தனது பதவியை ராஜிநாமா செய்தாா். அதற்கான கடிதத்தை மாநில ஆளுநா் ராஜேந்திர விஸ்வநாத் அா்லேகரிடம் அவா் வழங்கினாா். அவரது ராஜிநாமா ஏற்கப்பட்டதாக ஆளுநா் மாளிகை தெரிவித்துள்ளது.
புதிய முதல்வா் யாா்?: ஹிமாசலில் காங்கிரஸ் வெற்றி பெற்றுள்ள நிலையில், அங்கு புதிய முதல்வராகப் பொறுப்பேற்கப் போவது யாா்? என்ற எதிா்பாா்ப்பு எழுந்துள்ளது. முதல்வராக வாய்ப்பிருப்பதாகக் கருதப்பட்ட ஆஷா குமாரி 9,918 வாக்குகள் வித்தியாசத்தில் தோல்வியடைந்துள்ளாா். அவா் ஏற்கெனவே 6 முறை எம்எல்ஏ-வாக இருந்துள்ளாா்.
தோ்தல் முடிவுகள் முழுவதும் வெளியானவுடன் காங்கிரஸ் எம்எல்ஏ-க்களின் கூட்டம் நடைபெறும் என மாநில காங்கிரஸ் பொறுப்பாளா் ராஜீவ் சுக்லா தெரிவித்துள்ளாா். அக்கூட்டத்தில் முதல்வரைத் தோ்ந்தெடுக்கும் அதிகாரத்தை கட்சியின் தலைவருக்கு வழங்க தீா்மானம் நிறைவேற்றப்படும் என எதிா்பாா்க்கப்படுகிறது.
பெரும் ஊக்கம்: ஹிமாசல பிரதேச வெற்றி காங்கிரஸுக்கு பெரும் ஊக்கத்தைக் கொடுப்பதாக அமைந்துள்ளது. அண்மையில் நடைபெற்ற பல மாநில பேரவைத் தோ்தல்களில் அக்கட்சி தோல்வியைச் சந்தித்தது. 2024-ஆம் ஆண்டில் மக்களவைத் தோ்தல் நடைபெறவுள்ள நிலையில், தொண்டா்களை ஊக்கப்படுத்த ஹிமாசல பிரதேச வெற்றி உதவும் எனக் கட்சி வட்டாரங்கள் தெரிவிக்கின்றன.
அதே வேளையில், ஹிமாசலில் பாஜக குதிரைபேரத்தில் ஈடுபட வாய்ப்புள்ளதாகவும் காங்கிரஸ் குற்றஞ்சாட்டியுள்ளது. அதன் காரணமாக தோ்தலில் வெற்றி பெற்ற காங்கிரஸ் எம்எல்ஏ-க்களை பாதுகாக்கும் நடவடிக்கைகள் மேற்கொள்ளப்படவுள்ளதாக கட்சி வட்டாரங்கள் தெரிவிக்கின்றன.
ஹிமாசல பிரதேசம்
கட்சி வெற்றி
காங்கிரஸ் 40
பாஜக 25
மற்றவை 3
மொத்தம் 68
வாக்கு சதவீதம்
காங்கிரஸ் 43.90%
பாஜக 43%
ஆம் ஆத்மி 1.1%
நோட்டா 0.59%
ஒரு உச்சநீதிமன்ற நீதிபதி மற்றும் 8 உயா்நீதிமன்ற நீதிபதிகளை நியமனம் செய்வதற்காக உச்சநீதிமன்றம் கொலீஜியத்தின் பரிந்துரை நிலுவையில் இருப்பதாக மாநிலங்களவையில் மத்திய அரசு தெரிவித்தது. ஒரு உச்சநீதிமன்ற நீதிபதி மற்றும் 8 உயா்நீதிமன்ற நீதிபதிகளை நியமனம் செய்வதற்காக உச்சநீதிமன்றம் கொலீஜியத்தின் பரிந்துரை நிலுவையில் இருப்பதாக மாநிலங்களவையில் மத்திய அரசு தெரிவித்தது.
இதுதொடா்பான கேள்விக்கு மத்திய சட்டத்துறை அமைச்சா் கிரண் ரிஜிஜு மாநிலங்களவைக்கு அளித்த எழுத்துபூா்வ பதிலில் கூறியிருப்பதாவது:
ஒரு உச்சநீதிமன்ற நீதிபதி மற்றும் 8 உயா்நீதிமன்ற நீதிபதிகளை நியமனம் செய்வதற்காக உச்சநீதிமன்றம் கொலீஜியம் சாா்பில் கடந்த டிசம்பா் 5-ஆம் தேதி முன்வைக்கப்பட்ட பரிந்துரையை மத்திய அரசு நிலுவையில் வைத்துள்ளது.
இதுதவிர, 11 உயா்நீதிமன்ற நீதிபதிகள் மற்றும் ஒரு உயா்நீதிமன்ற தலைமை நீதிபதியை பணியிடமாற்றம் செய்வதற்கான கொலீஜியத்தின் பரிந்துரையும், ஒரு உயா்நீதிமன்ற தலைமை நீதிபதி நியமனம் செய்வதற்கான பரிந்துரையும் மத்திய அரசின் பரிசீலனையில் உள்ளது என்று தெரிவித்துள்ளாா்.
மேலும், அவையில் எழுப்பப்பட்ட கேள்வி ஒன்றுக்கு பதிலளித்த மத்திய அமைச்சா், ‘உச்சநீதிமன்றம் வழக்கு விசாரணையின்போது, நீதிபதிகள் நியமனம் தொடா்பான கொலீஜியத்தின் பரிந்துரைக்கு மத்திய அரசு ஒப்புதல் அளிக்க தாமதிப்பது குறித்து கருத்து தெரிவித்திருக்கிறது. கடந்த 5 ஆண்டுகளில் 256 பரிந்துரைகள் மத்திய அரசு சாா்பில் உயா்நீதிமன்றங்களுக்கு திருப்பியனுப்பப்பட்டுள்ளன. உச்சநீதிமன்ற கொலீஜியத்தின் அறிவுரையின்பேரிலேயே இந்த பரிந்துரைகள் திருப்பியனுப்பப்பட்டன. மேலும், டிசம்பா் 5-ஆம் தேதி நிலவரப்படி, உச்சநீதிமன்றத்தில் அனுமதிக்கப்பட்ட 34 நீதிபதி பணியிடங்களில் 27 இடங்கள் நிரப்பப்பட்டிருக்கின்றன. 7 நீதிபதி பணியிடங்கள் மட்டுமே காலியாக உள்ளன. உயா்நீதிமன்றங்களில் அனுமதிக்கப்பட்ட 1,108 நீதிபதி பணியிடங்களில் 778 நீதிபதிகள் பணியாற்றுகின்றனா். 330 நீதிபதி பணியிடங்கள் காலியாக உள்ளன’ என்றாா்.
lsquo;உஜ்வலா rsquo; திட்டத்தின் கீழ் 9.6 கோடிகள் சமையல் எரிவாயு இணைப்புகள் வழங்கப்பட்டு தற்போது நாட்டில் 32.5 கோடி சமையல் எரிவாயு இணைப்புகள் ‘உஜ்வலா’ திட்டத்தின் கீழ் 9.6 கோடிகள் சமையல் எரிவாயு இணைப்புகள் வழங்கப்பட்டு தற்போது நாட்டில் 32.5 கோடி சமையல் எரிவாயு இணைப்புகள் இருப்பதாக மக்களைவையில் மத்திய பெட்ரோலியத் துறை அமைச்சா் ஹா்தீப் சிங் புரி தெரிவித்துள்ளாா்.
மக்களைவையின் கேள்வி நேரத்தின்போது அமைச்சா் புரி பேசியதாவது, ‘2014-ஆம் ஆண்டு இந்தியாவில் வெறும் 14 கோடி சமையல் எரிவாயு இணைப்புகள் மட்டுமே இருந்தன. 2016-ஆம் ஆண்டு ‘உஜ்வலா’ திட்டம் தொடங்கப்பட்டது. அத்திட்டத்தின் கீழ் புதிதாக 9.6 கோடி இணைப்புகள் வழங்கப்பட்டு நாட்டில் தற்போது 32.5 கோடி சமையல் எரிவாயு இணைப்புகள் உள்ளன. சமையல் எரிவாயு இணைப்புகள் எண்ணிக்கையை அதிகப்படுத்தவும் மக்களிடையே விழிப்புணா்வு ஏற்படுத்தவும் எண்ணெய் நிறுவனங்களுடன் இணைந்து சமூக வலைதளங்களில் பிரசாரமும், பொது மக்களிடையே நிகழ்ச்சிகளும் நடத்தப்படுகிறது. வீட்டு உபயோகத்துக்கான சமையல் எரிவாயு இணைப்புக்கு ஆண்டுக்கு 12 முறை வரை 200 ரூபாய் மானியம் வழங்கப்படுகிறது. சா்வதேச சந்தையில் சமையல் எரிவாயுவின் விலை 303 சதவீதமாக உயா்ந்தபோதிலும் இந்தியாவில் 28 சதவீதத்துக்கு மேல் உயா்த்தப்படவில்லை.மேலும் ஓா் ஆண்டுக்கு, சராசரியாக ஒரு குடும்பம் சாா்பாக 3 சிலிண்டா்கள் பயன்படுத்தப்பட்டது தற்போது 3.69 சிலிண்டராக உயா்ந்துள்ளது’ என்று தெரிவித்தாா்.
ஹிமாசல பிரதேச சட்டப்பேரவைத் தோ்தலில் காங்கிரஸ் வெற்றி பெற்றுள்ளதையடுத்து, காங்கிரஸ் கட்சித் தலைவா்களுக்கிடையே முதல்வா் பதவிக்கு கடும் போட்டி ஏற்பட்டுள்ளது. ஹிமாசல பிரதேச சட்டப்பேரவைத் தோ்தலில் காங்கிரஸ் வெற்றி பெற்றுள்ளதையடுத்து, காங்கிரஸ் கட்சித் தலைவா்களுக்கிடையே முதல்வா் பதவிக்கு கடும் போட்டி ஏற்பட்டுள்ளது.
மாநிலத்தில் கட்சியை வழிநடத்திச் செல்லும் வகையிலான நபரை முதல்வராக்குவது குறித்து முடிவு எடுப்பது காங்கிரஸுக்குமுன் உள்ள தற்போதைய சவாலாகும்.
மாநில காங்கிரஸ் தலைவா் பிரதிபா சிங் தோ்தலில் போட்டியிட வில்லை. எனினும் அவா் முதல்வராக தோ்ந்தெடுக்கப்பட வாய்ப்புகள் அதிகம் உள்ளதாக கருத்துகள் நிலவுகின்றன. கடந்த நவம்பரில் நடைபெற்ற மக்களவை இடைத்தோ்தலில், தற்போதைய பாஜக முதல்வா் ஜெய்ராம் தாக்குருக்கு சொந்தமான மண்டி தொகுதியில் போட்டியிட்டு பிரதிபா சிங் எம்.பி.-ஆக தோ்வானாா். முன்னாள் காங்கிரஸ் முதல்வா் வீரபத்ரா சிங்கின் மனைவியானஇவருக்கு பெரும்பான்மை எம்எல்ஏக்களின் ஆதரவு உள்ளதாக கட்சி வட்டாரங்கள் தெரிவித்தன.
நாடெளன் எம்எல்ஏவாக தோ்ந்தெடுக்கப்பட்டுள்ள முன்னாள் காங்கிரஸ் மாநில தலைவா் சுக்விந்தா் சிங் சுக்குவும், ஹரோலியின் புதிய எம்எல்ஏவும் முந்தைய சட்டப்பேரவையில் காங்கிரஸ் கட்சித் தலைவருமான முகேஷ் அக்னிஹோத்ரியும் முதல்வா் பதவிக்கான போட்டியில் உள்ளனா்.
முன்னாள் காங்கிரஸ் மாநில தலைவரான குல்தீப் சிங் ரத்தோா் தியோக் தொகுதியில் வெற்றி பெற்றுள்ளாா். கடந்த சில ஆண்டுகளில் கட்சியில் பிரிவுகள் ஏற்பட்ட நிலையில், கட்சியை ஒருங்கிணைத்ததில் முக்கியப் பங்காற்றிய நிலையில், இவா் முதல்வா் பதவிக்கு தோ்ந்தெடுக்கப்படலாம் எனக் கருதப்படுகிறது.
lsquo;பொதுத் துறை நிறுவனமான பிஎஸ்என்எல்-இன் 4ஜி தொழில்நுட்பம் அடுத்த 5 முதல் 7 மாதங்களில் 5ஜி தொழில்நுட்பமாக தரம் உயா்த்தப்படும் rsquo; என்று ‘பொதுத் துறை நிறுவனமான பிஎஸ்என்எல்-இன் 4ஜி தொழில்நுட்பம் அடுத்த 5 முதல் 7 மாதங்களில் 5ஜி தொழில்நுட்பமாக தரம் உயா்த்தப்படும்’ என்று மத்திய தொலைத்தொடா்பு மற்றும் ரயில்வே அமைச்சா் அஸ்வினி வைஷ்ணவ் கூறினாா்.
தில்லியில் வியாழக்கிழமை நடைபெற்ற இந்திய தொழிலக கூட்டமைப்பு (சிஐஐ) நிகழ்ச்சியில் பங்கேற்ற மத்திய அமைச்சா் இதுகுறித்து மேலும் பேசியதாவது:
தொலைத்தொடா்பு தொழில்நுட்பத்தில் புதிய உள்நாட்டு கண்டுபிடிப்புகளை ஊக்குவிக்கும் வகையில், தொலைத்தொடா்பு தொழில்நுட்ப மேம்பாட்டு நிதியை ஆண்டுக்கு ரூ. 500 கோடி என்பதை ரூ. 4,000 கோடியாக உயா்த்த மத்திய அரசு திட்டமிட்டுள்ளது.
மேலும், பிஎஸ்என்எல் நிறுவனம் நாடு முழுவதும் 1,35,000 கைப்பேசி கோபுரங்களை (மொபைல் டவா்) கொண்டுள்ளது. கிராமப்புறங்களிலும் மிக வலுவான தொலைத்தொடா்பு சேவையை அளித்து வருகிறது. பிற தொலைத்தொடா்பு நிறுவனங்கள் இந்த அளவு முழுமையான சேவையை இதுவரை வழங்கவில்லை.
அதோடு, பிஎஸ்என்எல் சாா்பில் தற்போது வழங்கப்பட்டு வரும் 4ஜி தொழில்நுட்பம் அடுத்த 5 முதல் 7 மாதங்களில் 5ஜி தொழில்நுட்பமாக தரம் உயா்த்தப்படும். ஒட்டுமொத்த 1.35 லட்சம் கைப்பேசி கோபுரங்களும் 5ஜி சேவையை அளிக்கும் வகையில் சேவை விரிவுபடுத்தப்பட்டுவிடும்.
5ஜி சேவையை பரீட்சாா்த்த முறையில் தொடங்குவதை விரைவுபடுத்தும் வகையில், 5ஜி சேவை பரிசோதனை உபகரணங்களை டிசிஎஸ் நிறுவனத்திடம் பிஎஸ்என்எல் கேட்டுக்கொண்டுள்ளது. 5ஜி சேவையை அனைத்து நெட்வொா்க்குகளிலும் அறிமுகப்படுத்துவதன் மூலம், மிகப்பெரிய தொலைத்தொடா்பு நிறுவனங்களில் ஒன்றாக பிஎஸ்என்எல் உருவெடுக்கும்.
புத்தாக்க நிறுவனங்களுக்கு ஆதரவு:
நாட்டில் புதிய கண்டுபிடிப்புகள் மற்றும் புத்தாக்க நிறுவனங்களை (ஸ்டாா்ட் அப்) ஊக்குவிக்கும் வகையில், இந்திய ரயில்வேயும் பாதுகாப்புத் துறையும் புதிய திட்டத்தைத் தொடங்கியிருக்கின்றன. அதன்படி, புதிய கண்டுபிடிப்புகளுக்கு யோசனை நிலையிலிருந்து ஆதரவு அளிக்கப்படும். இந்தத் திட்டத்தின் கீழ் ரயில்வே ஏற்கெனவே 800 புத்தாக்க நிறுவனங்களுடனும், பாதுகாப்புத் துறை 2,000 புத்தாக்க நிறுவனங்களுடனும் இணைந்து புதிய கண்டுபிடிப்புகள் மற்றும் திட்டங்களை செயல்படுத்தி வருகின்றன. நிறுவனங்கள் அவா்களின் உற்பத்தி பொருளுக்கு உலகத் தரச்சான்று பெறும் பொறுப்புடன் செயல்பட வேண்டும். அப்போதுதான் இந்திய நிறுவனங்கள் உலகளாவிய கவனத்தைப் பெற முடியும் என்று மத்திய அமைச்சா் அஸ்வினி வைஷ்ணவ் கூறினாா்.
நிலக்கோட்டை தொகுதி அதிமுக முன்னாள் சட்டப்பேரவை உறுப்பினா் கே.அன்பழகன், தமிழக பாஜக தலைவா் கே.அண்ணாமலை முன்னிலையில், அக்கட்சியில் வியாழக்கிழமை இணைந்தாா். நிலக்கோட்டை தொகுதி அதிமுக முன்னாள் சட்டப்பேரவை உறுப்பினா் கே.அன்பழகன், தமிழக பாஜக தலைவா் கே.அண்ணாமலை முன்னிலையில், அக்கட்சியில் வியாழக்கிழமை இணைந்தாா்.
2001-2006 காலகட்டத்தில் திண்டுக்கல் மாவட்டம், நிலக்கோட்டை தொகுதியில் அதிமுக சட்டப்பேரவை உறுப்பினராக இவா் பணியாற்றினாா்.
இது குறித்து அண்ணாமலை ட்விட்டரில் வெளியிட்ட பதிவில்,
பிரதமா் மோடியின் ஆட்சி, செயல்பாடுகளில் கவா்ந்து, முன்னாள் எம்.எல்.ஏ. அன்பழகன் பாஜகவில் இணைந்தாா் என பதிவிட்டுள்ளாா்.
இந்நிகழ்வின்போது, பாஜக மாநில துணைத் தலைவா்கள் கே.பி.ராமலிங்கம், வி.பி.துரைசாமி, கரு.நாகராஜன் உள்ளிட்டோா் உடனிருந்தனா்.
மேற்கிந்தியத் தீவுகளுக்கு எதிரான 2-ஆவது டெஸ்டில் ஆஸ்திரேலியா முதல் நாள் முடிவில் 89 ஓவா்களில் 3 விக்கெட்டுகள் இழப்புக்கு 330 ரன்கள் சோ்த்துள்ளது. மேற்கிந்தியத் தீவுகளுக்கு எதிரான 2-ஆவது டெஸ்டில் ஆஸ்திரேலியா முதல் நாள் முடிவில் 89 ஓவா்களில் 3 விக்கெட்டுகள் இழப்புக்கு 330 ரன்கள் சோ்த்துள்ளது.
டாஸ் வென்று பேட்டிங்கை தோ்வு செய்த ஆஸ்திரேலியாவில், தொடக்க வீரா் டேவிட் வாா்னா் 4 பவுண்டரிகளுடன் 21 ரன்களுக்கு வெளியேற, உடன் வந்த உஸ்மான் கவாஜா 9 பவுண்டரிகளுடன் 62 ரன்கள் சோ்த்தாா். கேப்டன் ஸ்டீவ் ஸ்மித் அதிா்ச்சிகரமாக டக் அவுட்டானாா். 4-ஆவது விக்கெட்டுக்கு பாா்ட்னா்ஷிப் அமைத்த மாா்னஸ் லபுசான் - டிராவிஸ் ஹெட் கூட்டணி விக்கெட் சரிவைத் தடுத்து அணியின் ஸ்கோரை உயா்த்தியது.
வியாழக்கிழமை முடிவில் லபுசான் 11 பவுண்டரிகளுடன் 120, ஹெட் 12 பவுண்டரிகளுடன் 114 ரன்களுடன் ஆட்டமிழக்காமல் இருந்தனா். மேற்கிந்தியத் தீவுகள் தரப்பில் அல்ஜாரி ஜோசஃப், ஜேசன் ஹோல்டா், டெவன் தாமஸ் ஆகியோா் தலா 1 விக்கெட் கைப்பற்றினா்.
டி20, ஒருநாள், டெஸ்ட் உள்ளிட்ட அனைத்து வகையான கிரிக்கெட்டிலும் ஆட விரும்புவதாக சென்னை சூப்பா் கிங்ஸ் அணி அதிரடி தொடக்க பேட்டா் ருதுராஜ் கெய்க்வாட் கூறியுள்ளாா். டி20, ஒருநாள், டெஸ்ட் உள்ளிட்ட அனைத்து வகையான கிரிக்கெட்டிலும் ஆட விரும்புவதாக சென்னை சூப்பா் கிங்ஸ் அணி அதிரடி தொடக்க பேட்டா் ருதுராஜ் கெய்க்வாட் கூறியுள்ளாா்.
மகாராஷ்டிரத்தைச் சோ்ந்த இளம் வீரரான ருதுராஜ், கடந்த 2021 ஐபிஎல் சீசனில் அதிக ரன்களைக் குவித்த பேட்டா் (635) என்ற பெருமை பெற்றவா். மேலும் 2021 இந்திய ‘ஏ’ மற்றும் சீனியா் அணியில் இடம் பெற்று ஆடினாா்.
ஒரே ஓவரில் 7 சிக்ஸா்கள்: நிகழாண்டு விஜய் ஹஸாரே கோப்பை போட்டி காலிறுதியில் உத்தரபிரதேச அணிக்கு எதிராக இரட்டை சதம் உள்பட 4 சதங்களைச் சோ்த்து மொத்தம் 660 ரன்களை விளாசினாா் ருதுராஜ். மேலும், அரையிறுதி ஆட்டத்தில் ஒரே ஓவரில் 7 சிக்ஸா்களை விளாசிய சாதனையும் ருதுராஜ் வசம் உள்ளது. வரும் 2023-இல் இந்தியாவில் ஒருநாள் உலகக் கோப்பை போட்டி நடைபெறவுள்ள நிலையில் ருதுராஜ் சீனியா் அணியில் இடம் பெறுவாரா என எதிா்பாா்ப்பு எழுந்துள்ளது.
சென்னை மௌன்ட்ரோட் சோஷியல் சாா்பில் புதன்கிழமை நடைபெற்ற நிகழ்ச்சியில் பங்கேற்ற அவா் ‘தினமணியிடம்’ கூறியது:
டி20 கிரிக்கெட்டில் அதிக ரன்களை குவித்திருந்தாலும், ஒருநாள், டெஸ்ட் என அனைத்து வகையான கிரிக்கெட்டிலும் பங்கேற்று ஆடவே விரும்புகிறேன். அப்போது தான் ஒருவரது கிரிக்கெட் வாழ்க்கை முழுமை அடையும்.
ஐபிஎல் சீசனுக்கு தயாா்: வரும் 2023 ஐபிஎல் சீசனுக்கு சென்னை சூப்பா் கிங்ஸ் அணி தயாராகி வருகிறது. விரைவில் வீரா்கள் ஏலம் முடிந்தபின், பயிற்சி முகாம்கள் நடைபெறும் எனக் கருதுகிறேன். கடந்த சீசனில் முக்கிய வீரா்கள் காயம் பட்டதால் பாதிப்பு ஏற்பட்டது. டி20 ஆட்டம் என்பது அந்த நேரத்தில் வீரா்கள் சிறப்பாக ஆடுவதைப் பொறுத்தே நிா்ணயிக்கப்படுகிறது. சிஎஸ்கே-வில் ஒவ்வொரு வீரரும் தனிப்பட்ட முறையில் தங்கள் பங்களிப்பை வழங்க வேண்டும். இந்த சீசனில் நாங்கள் மீண்டு எழுவோம்.
ரஞ்சி கோப்பை, விஜய் ஹஸாரே போன்ற உள்ளூா் கிரிக்கெட் ஆட்டங்களின் மூலம் புதிய வீரா்கள் அடையாளம் காணப்பட வேண்டும். சிவப்பு நிற பந்து போட்டிகளில் அதிகம் விளையாட வேண்டும். நியூஸிலாந்து ‘ஏ’ அணிக்கு எதிராக கடைசியாக ஆடினேன். ரஞ்சிக் கோப்பையில் வலுவான அணிகள் இடம் பெற்றுள்ளன. மேலும் கவனம் செலுத்தி ஆட வேண்டும்.
பெரிய போட்டிகளில் அதிக ரன்களை குவிக்க வேண்டும் என்பது எனது நோக்கமாகும். எவ்வாறு அணிக்காக சிறப்பாக ஆடி வெற்றி பெற வேண்டும் என்பதை நினைத்தே செயல்படுகிறேன். ஒருநாள் ஆட்டங்களில் முதல் 20 ஓவா்களில் 100 ரன்களை அடித்து விட்டால் பெரிய ஸ்கோரை எட்டலாம். மிடில் ஆா்டா், லோயா் மிடில் ஆா்டரிலும் பேட்டிங் வலுவாக இருக்க வேண்டும். உள்ளூா் ஆட்டங்களை காலையில் 9 மணிக்கே தொடங்கலாம். டாஸ் வெல்லும் அணிக்கு சாதகம் உள்ளது. டெஸ்ட் அல்லது 4 நாள் ஆட்டங்களுக்கு தொடா் பயிற்சி அவசியம். விரைவில் இந்திய அணியில் இடம் பெறுவேன் என நம்பிக்கை உள்ளது என்றாா் ருதுராஜ்.
ஹிமாசல பிரதேச சட்டப் பேரவைத் தோ்தலில் காங்கிரஸ் மூத்த தலைவரும், முன்னாள் ராணுவ கா்னலுமான தானி ராம் சாதில் (82), சோலன் (தனி) தொகுதியில் வெற்றி பெற்றாா். ஹிமாசல பிரதேச சட்டப் பேரவைத் தோ்தலில் காங்கிரஸ் மூத்த தலைவரும், முன்னாள் ராணுவ கா்னலுமான தானி ராம் சாதில் (82), சோலன் (தனி) தொகுதியில் வெற்றி பெற்றாா்.
அவா் தன்னை எதிா்த்துப் போட்டியிட்ட பாஜக வேட்பாளரும், தன் மருமகனுமான (மகளின் கணவா்) ராஜேஷ் காஷ்யபை 3,858 வாக்குகள் வித்தியாசத்தில் தோற்கடித்தாா். இதன் மூலம் சோலன் தொகுதியையும் அவா் தக்கவைத்துக் கொண்டாா்.
கடந்த முறையும் சோலன் தொகுதியில் மாமனாா் சாதில் (காங்கிரஸ்), மருமகன் ராஜேஷ் காஷ்யப் (பாஜக) இடையில்தான் போட்டி இருந்தது. அப்போது சாதில் 671 வாக்குகள் வித்தியாசத்தில் வெற்றி பெற்றாா். இப்போது தொடா்ந்து மூன்றாவது முறையாக அத்தொகுதியில் அவா் வென்றுள்ளாா்.
1962 முதல் 1996 வரை ராணுவத்தில் பணியாற்றிய சாதில், ஓய்வுக்குப் பிறகு அரசியலில் இறங்கினாா். 1999, 2004 மக்களவைத் தோ்தலிலும் இதே சோலன் தொகுதியில் அவா் வெற்றி பெற்றாா். ஹிமாசல பிரதேசத்தில் இந்தத் தோ்தலில் களமிறங்கிய மிக வயதான வேட்பாளரும் சாதில் தான் என்பது குறிப்பிடத்தக்கது.
பாஜகவின் கோட்டையாகக் கருதப்படும் குஜராத்தில் 5 தொகுதிகளில் வெற்றி பெற்று ஆம் ஆத்மி தடம் பதித்துள்ளது. பாஜகவின் கோட்டையாகக் கருதப்படும் குஜராத்தில் 5 தொகுதிகளில் வெற்றி பெற்று ஆம் ஆத்மி தடம் பதித்துள்ளது. அடுத்த முறை நிச்சயமாக ஆட்சியைப் பிடிப்போம் என்று ஆம் ஆத்மி தேசிய அமைப்பாளரும் தில்லி முதல்வருமான அரவிந்த் கேஜரிவால் நம்பிக்கை தெரிவித்தாா்.
இது தொடா்பாக அவா் விடியோ மூலம் வெளியிட்ட செய்தியில் கூறியிருப்பதாவது:
பாஜகவின் கோட்டையாகக் கருதப்படும் குஜராத்தில் ஆம் ஆத்மி தடம் பதிக்க உதவிய மக்களுக்கு நன்றி. குஜராத்தில் நாங்கள் அதிக தொகுதிகளில் வெல்ல முடியவில்லை. இருந்தபோதிலும் குஜராத்தில் கிடைத்த வாக்குகள் மூலம் ஆம் ஆத்மி தேசிய கட்சி அந்தஸ்தைப் பெற்றுள்ளது. இதற்காக குஜராத் மக்களுக்கு மீண்டும் ஒருமுறை நன்றி தெரிவித்துக் கொள்கிறேன். இப்போது வெகு சில கட்சிகளே தேசிய கட்சி என்ற அங்கீகாரத்துடன் உள்ளன. அந்தப் பட்டியலில் ஆம் ஆத்மியும் இணைந்துள்ளது மகிழ்ச்சியளிக்கிறது. எங்கள் கட்சி தொடங்கப்பட்டு 10 ஆண்டுகள்தான் ஆகிறது என்பதை நினைவில் கொள்ள வேண்டும். அடுத்த தோ்தலில் நிச்சயமாக குஜராத்தில் ஆம் ஆத்மி ஆட்சியைப் பிடிக்கும் என்ற நம்பிக்கை உள்ளது.
தோ்தல் பிரசாரத்தின்போது எங்கள் கட்சியினா் எந்த விதமான அவதூறு கருத்துகளையும் பேசவில்லை. நாங்கள் நல்ல கருத்துகளை மட்டுமே மக்களிடம் கொண்டு சென்றோம் என்று கூறியுள்ளாா்.
குஜராத் சட்டப்பேரவைத் தோ்தலில் பாஜக வெற்றி பெற்றதற்கு பிரதமா் மோடிக்கு சிவசேனை கட்சியின் தலைவரும் மகாராஷ்டிரத்தின் முன்னாள் முதல்வருமான உத்தவ் தாக்கரே வாழ்த்து தெரிவித்துள்ளாா். குஜராத் சட்டப்பேரவைத் தோ்தலில் பாஜக வெற்றி பெற்றதற்கு பிரதமா் மோடிக்கு சிவசேனை கட்சியின் தலைவரும் மகாராஷ்டிரத்தின் முன்னாள் முதல்வருமான உத்தவ் தாக்கரே வாழ்த்து தெரிவித்துள்ளாா்.
மகாராஷ்டிரத்தில் இருந்து எடுத்துச் செல்லப்பட்டு குஜராத்தில் செயல்படுத்திய திட்டங்கள் பாஜகவின் வெற்றிக்கு பங்காற்றியிருக்கிறது என்று குறிப்பிட்டுள்ளாா்.
குஜராத் சட்டப்பேரவைத் தோ்தலில் பாஜக வெற்றி பெற்ற்கு வாழ்த்து தெரிவித்து உத்தவ் தாக்கரே வெளியிட்டுள்ள அறிக்கையில், ‘குஜராத் தோ்தலில் பெற்ற வரலாற்று சிறப்புமிக்க வெற்றிக்காகப் பாஜகவிற்கும் பிரதமா் மோடிக்கும் எனது வாழ்த்துகள். குஜராத் தோ்தல் முடிவுகள் எதிா்பாா்த்த வண்ணமே அமைந்துள்ளது. பிரதமா் மோடி தலைமையில் தோ்தலை பாஜக சந்தித்ததும் மக்கள் அளித்த இந்த பெரும் வெற்றிக்கு ஒரு காரணம். மகாராஷ்டிரத்தில் செயல்படுத்த இருந்த திட்டங்களைப் பறித்து குஜராத்தில் பாஜக செயல்படுத்தியதும் இந்த வெற்றிக்கு உதவியிருக்கிறது என்பதை நினைவுபடுத்துகிறேன். காங்கிரஸின் வாக்குகளை ஆம் ஆத்மி பிரித்ததும் பாஜகவை வெற்றிப் பாதையில் நிறுத்தியிருக்கிறது’ என்று தெரிவித்துள்ளாா்.
lsquo;நீதிபதிகளை நியமனம் செய்யும் lsquo;கொலீஜியம் rsquo; நடைமுறை என்பது இந்த நிலத்தின் சட்டம். அதனைப் பின்பற்றியாக வேண்டும் rsquo; என்று உச்சநீதிமன்றம் வியாழக்கிழமை திட்டவட்டமாக தெரிவித்தது. ‘நீதிபதிகளை நியமனம் செய்யும் ‘கொலீஜியம்’ நடைமுறை என்பது இந்த நிலத்தின் சட்டம். அதனைப் பின்பற்றியாக வேண்டும்’ என்று உச்சநீதிமன்றம் வியாழக்கிழமை திட்டவட்டமாக தெரிவித்தது.
‘தேசிய நீதித் துறை நியமனங்கள் ஆணையம் அமைக்க வழிவகுத்த மசோதாவை உச்சநீதிமன்றம் கடந்த 2015-ஆம் ஆண்டு ரத்து செய்து 7 ஆண்டுகளாகியும், நாடாளுமன்றம் அதில் கவனம் செலுத்தவில்லை என்பது கவலையளிக்கிறது. இந்தப் பிரச்னைக்குத் தீா்வு காண நாடாளுமன்றம் கடமைப்பட்டுள்ளது’ என்று மாநிலங்களவைத் தலைவா் ஜகதீப் தன்கா் புதன்கிழமை பேசிய நிலையில், உச்சநீதிமன்ற நீதிபதிகள் இந்தக் கருத்தைத் தெரிவித்துள்ளனா்.
நீதிபதிகள் நியமனப் பரிந்துரை தாமதம் தொடா்பான பெங்களூரு வழக்குரைஞா்கள் சங்கம் தாக்கல் செய்த மனு உச்சநீதிமன்ற நீதிபதிகள் எஸ்.கே.கெளல், ஏ.எஸ்.ஓகா, விக்ரம் நாத் ஆகியோா் அடங்கிய அமா்வு முன்பு வியாழக்கிழமை மீண்டும் விசாரணைக்கு வந்தது. அப்போது, ‘கொலீஜியம் நடைமுறை தொடா்பாக அரசு நிா்வாகிகள் கூறும் கருத்துகள் கருத்தில் கொள்ளப்படமாட்டாது’ என்று கூறிய நீதிபதிகள், ‘உச்சநீதிமன்றத்தால் வகுக்கப்பட்டுள்ள சட்ட நடைமுறைகளைப் பின்பற்றியாக வேண்டும்’ என மத்திய அரசுக்கு அறிவுரை வழங்குமாறு அட்டா்னி ஜெனரல் ஆா்.வெங்கடரமணியை கேட்டுக்கொண்டனா்.
மேலும், ‘கொலீஜியம் முறை நடைமுறையில் இருக்கும் வரை, அதனை நடைமுறைப்படுத்த வேண்டியது உச்சநீதிமன்றத்தின் கடமை. இதற்கு மாற்றாக வேறு சட்டத்தை மத்திய அரசு கொண்டுவர விரும்பினால், அதனை யாரும் தடுக்கப் போவதில்லை. அதே நேரம், எந்த சட்டத்தை பின்பற்ற வேண்டும், எதனைப் பின்பற்றக் கூடாது என ஒரு பிரிவினா் தீா்மானிக்கத் தொடகுகிறாா்கள் என்றால், பின்னா் சட்டங்களை நடைமுறைப்படுத்துவதில் முறிவு ஏற்பட்டுவிடும்.
அரசியலமைப்புச் சட்ட நடைமுறைகளின்படி, ஒரு சட்டத்தின் நிலையை தீா்மானிக்கும் இறுதி நடுவா் நீதிமன்றம்தான். சட்டத்தை இயற்றும் அதிகாரம் நாடாளுமன்றத்துக்கு உள்ளது என்றபோதும், அது நீதிமன்ற ஆய்வுக்கு உட்பட்டதுதான். அந்த வகையில், நடைமுறையில் இருக்கும் சட்டத்தை பின்பற்றுவது கட்டாயமாகும். நீதிமன்றத்தால் தீா்மானிக்கப்படும் எந்தவொரு சட்டத்துக்கும், அனைத்துத் தரப்பினரும் கட்டுப்பட்டாக வேண்டும்.
கொலீஜியத்தால் பரிந்துரைக்கப்பட்ட நீதிபதி பணியிடங்களுக்கான பெயா்களுக்கு ஒப்புதல் அளிக்காமல் மத்திய அரசு பல மாதங்களாக நிலுவை வைத்திருப்பது கவலை அளிக்கிறது. பணி மூப்பு உள்ளிட்ட பல்வேறு காரணிகளைக் கருத்தில் கொண்டே இந்தப் பரிந்துரைகளை உச்சநீதிமன்றம் செய்கிறது.
கொலீஜியம் நடைமுறை மீதான அரசியல் சாசன அமா்வு தீா்ப்புக்கு கட்டுப்பட்டாக வேண்டும். கொலீஜியம் நடைமுறையில் எந்தவொரு மாற்றமும் செய்யப்படவேண்டும் எனில், அதற்கென உள்ள வழிகாட்டி நடைமுறைகளுக்கு கட்டுப்பட்டாக வேண்டும்’ என்றும் கூறிய நீதிபதிகள் வழக்கு விசாரணையை ஜனவரி 6-ஆம் தேதிக்கு ஒத்திவைத்து உத்தரவிட்டனா்.
உச்சநீதிமன்ற, உயா்நீதிமன்ற நீதிபதிகளை நியமனம் செய்யும் கொலீஜியம் நடைமுறை மீது மத்திய அரசுக்கும் உச்சநீதிமன்றத்தும் இடையே மோதல் போக்கு நிலவி வருகிறது. அந்த நடைமுறையை ரத்து செய்ய மத்திய அரசு முயன்று வரும் நிலையில், அதற்கு உச்சநீதிமன்றம் மறுத்து வருகிறது. இந்த நடைமுறையை மாற்றும் வகையில் மத்திய அரசு கடந்த 2014-ஆம் ஆண்டு தேசிய நீதிபதிகள் நியமன ஆணையச் சட்டத்தை இயற்றியது. ஆனால், அந்தச் சட்டத்தை உச்சநீதிமன்றம் கடந்த 2015-ஆம் ஆண்டு ரத்து செய்தது. இதன் காரணமாக, மீண்டும் கொலீஜியம் முறை நடைமுறைக்கு வந்தது.
ஹிமாசல பிரதேச சட்டப் பேரவைத் தோ்தலில் காங்கிரஸ் கட்சி பெற்றுள்ள வெற்றிக்கு கட்சியின் பொதுச் செயலா் பிரியங்கா மேற்கொண்ட பிரசாரமே காரணம் என்று காங்கிரஸ் கட்சி புகழாரம் சூட்டியுள்ளது. ஹிமாசல பிரதேச சட்டப் பேரவைத் தோ்தலில் காங்கிரஸ் கட்சி பெற்றுள்ள வெற்றிக்கு கட்சியின் பொதுச் செயலா் பிரியங்கா மேற்கொண்ட பிரசாரமே காரணம் என்று காங்கிரஸ் கட்சி புகழாரம் சூட்டியுள்ளது.
ஹிமாசல பிரதேச காங்கிரஸ் மேலிடப் பொறுப்பாளா் ராஜீவ் சுக்லா கூறுகையில், ‘ஹிமாசல பிரதேசத்தில் தோ்தல் உத்திகளை வகுப்பதில் பிரியங்கா முக்கிய பங்காற்றினாா். மாநிலத்தில் பல்வேறு இடங்களில் தோ்தல் பிரசாரம் மேற்கொண்டு காங்கிரஸ் வேட்பாளா்களுக்கு ஆதரவு திரட்டினாா். அவரது தலைமைக்கும், கடின உழைப்புக்கும் வெற்றி கிடைத்துள்ளது’ என்றாா்.
காங்கிரஸ் மூத்த தலைவா் ஆனந்த் சா்மா கூறுகையில், ‘ஹிமாசல பிரதேசத்தில் மிகுந்த உத்வேகத்துடன் பிரியங்கா பிரசாரம் மேற்கொண்டாா். அவரது பிரசாரம் மகளிரையும், இளைய தலைமுறையினரையும் பெரிதும் ஈா்த்தது’ என்றாா்.
தனது பிரசாரத்தில் பணவீக்கம், ராணுவத்தில் குறுகிய கால அடிப்படையிலான அக்னி வீரா்கள் தோ்வு, வேலையின்மை, பழைய ஓய்வூதியத் திட்டத்தைக் கொண்டு வருவது ஆகியவை குறித்து பிரியங்கா அதிகம் பேசினாா்.
பிரியங்கா பிரசாரத்தில் முன்னிலை வகித்து காங்கிரஸ் பெற்றுள்ள முதல் தோ்தல் வெற்றி இதுவாகும். இதற்கு முன்பு உத்தர பிரதேசத் தோ்தலில் பிரியங்கா தீவிர பிரசாரம் மேற்கொண்டாா். ஆனால், காங்கிரஸ் படுதோல்வியைச் சந்தித்தது குறிப்பிடத்தக்கது.
குஜராத் மக்கள் அளித்த ஆதரவின் காரணமாக ஆம் ஆத்மி கட்சியானது தேசிய கட்சி அந்தஸ்தைப் பெற்றுள்ளதாக அக்கட்சித் தலைவா்கள் தெரிவித்தனா். குஜராத் மக்கள் அளித்த ஆதரவின் காரணமாக ஆம் ஆத்மி கட்சியானது தேசிய கட்சி அந்தஸ்தைப் பெற்றுள்ளதாக அக்கட்சித் தலைவா்கள் தெரிவித்தனா்.
இது தொடா்பாக தில்லி துணை முதல்வா் மணீஷ் சிசோடியா ட்விட்டரில் வியாழக்கிழமை வெளியிட்ட பதிவில், ‘‘குஜராத் மக்கள் வழங்கிய வாக்குகள் காரணமாக தேசிய கட்சியாகியுள்ளது ஆம் ஆத்மி. கல்வி, சுகாதாரத்தை மையமாகக் கொண்ட அரசியலுக்கு முதல் முறையாக நாடு முழுவதும் அங்கீகாரம் கிடைத்துள்ளது’’ என்று குறிப்பிட்டுள்ளாா்.
ஆம் ஆத்மி கட்சியின் மாநிலங்களவை எம்.பி. சஞ்சய் சிங் செய்தியாளா்களிடம் கூறுகையில், ‘‘தேசிய கட்சி அந்தஸ்தை 10 ஆண்டுகளில் ஆம் ஆத்மி பெற்றுள்ளது. கட்சியின் வளா்ச்சி அபரிமிதமாக உள்ளது. பாஜகவின் கோட்டையாகத் திகழும் குஜராத்தில் ஆம் ஆத்மி சுமாா் 35 லட்சம் வாக்குகளைப் பெற்றுள்ளது. அங்கு கட்சியின் அனைத்து தலைவா்களும் சிறப்பாகப் பணியாற்றினா்’’ என்றாா்.
குஜராத் தோ்தல் முடிவு எதிா்பாா்த்ததுதான். ஆனால் இது தேசிய அளவிலான மக்களின் மனநிலையை பிரதிபலிப்பதாக இல்லை என்று தேசியவாத காங்கிரஸ் தலைவா் சரத் பவாா் தெரிவித்தாா். குஜராத் தோ்தல் முடிவு எதிா்பாா்த்ததுதான். ஆனால் இது தேசிய அளவிலான மக்களின் மனநிலையை பிரதிபலிப்பதாக இல்லை என்று தேசியவாத காங்கிரஸ் தலைவா் சரத் பவாா் தெரிவித்தாா்.
மும்பையில் வியாழக்கிழமை தேசியவாத காங்கிரஸ் மாநில நிா்வாகிகள் குழு கூட்டத்தில் பங்கேற்ற அவா் பேசியதாவது:
குஜராத் தோ்தல் முடிவு எதிா்பாா்த்ததுதான். ஒட்டுமொத்த மத்திய அரசு நிா்வாகமே, ஒரு மாநிலத்தின் நலனுக்காகப் பணியாற்றியது. மத்திய அரசின் பல்வேறு வளா்ச்சித் திட்டப்பணிகள் அந்த மாநிலத்துக்குக் கொண்டு செல்லப்பட்டன. குஜராத் தோ்தல் முடிவுகள் தேசிய அளவிலான மக்களின் மனநிலையைப் பிரதிபலிப்பதாகக் கூற முடியாது.
ஏனெனில், தில்லி மாநகராட்சித் தோ்தலிலும், ஹிமாசலிலும் பாஜக தோல்வியைச் சந்தித்துள்ளது என்றாா்.
குஜராத் தோ்தலில் இந்திய கிரிக்கெட் வீரா் ரவீந்திர ஜடேஜாவின் மனைவியும் பாஜக வேட்பாளருமான ரிவாபா ஜடேஜா ஜாம்நகா் வடக்கு தொகுதியில் வெற்றி பெற்றாா். இது அவா் போட்டியிட்ட முதல் தோ்தல் என்பது குறிப்பிடத்த குஜராத் தோ்தலில் இந்திய கிரிக்கெட் வீரா் ரவீந்திர ஜடேஜாவின் மனைவியும் பாஜக வேட்பாளருமான ரிவாபா ஜடேஜா ஜாம்நகா் வடக்கு தொகுதியில் வெற்றி பெற்றாா். இது அவா் போட்டியிட்ட முதல் தோ்தல் என்பது குறிப்பிடத்தக்கது.
17 சுற்றுகளாக நடைபெற்ற வாக்கு எண்ணிக்கையில் ரிவாபாவுக்கு 88,119 வாக்குகள் கிடைத்தன. ஆம் ஆத்மி வேட்பாளா் கா்சான் கா்மூருக்கு 34,818 வாக்குகள் கிடைத்தன. இதன் மூலம் 53,301 வாக்குகள் வித்தியாசத்தில் ரிவாபா அமோக வெற்றி பெற்றாா்.
இத்தொகுதியில் காங்கிரஸ் வேட்பாளா் பிபேந்திர சிங் ஜடேஜா மூன்றாவது இடத்துக்குத் தள்ளப்பட்டாா். அவருக்கு 23,088 வாக்குகள் மட்டுமே கிடைத்தன. இத்தொகுதியில் ரவீந்திர ஜடேஜாவின் சகோதரி நைனாபா ஜடேஜா காங்கிரஸுக்கு ஆதரவாகப் பிரசாரம் மேற்கொண்டாா் என்பது குறிப்பிடத்தக்கது.
இத் தொகுதியில் பாஜக-காங்கிரஸ் இடையேதான் போட்டி இருக்கும் என்று எதிா்பாா்க்கப்பட்டது. ஆனால், ஆம் ஆத்மி 2-ஆவது இடத்தைப் பிடித்தது காங்கிரஸுக்கு அதிா்ச்சியளித்துள்ளது.
மக்களவைத் தலைவராக உள்ள என்னை விமா்சித்து ட்விட்டரில் பதிவுகள் வெளியிட வேண்டாம் என்று மக்களவை உறுப்பினா்களிடம் ஓம் பிா்லா வலியுறுத்தினாா். மக்களவைத் தலைவராக உள்ள என்னை விமா்சித்து ட்விட்டரில் பதிவுகள் வெளியிட வேண்டாம் என்று மக்களவை உறுப்பினா்களிடம் ஓம் பிா்லா வலியுறுத்தினாா்.
மக்களவையில் வியாழக்கிழமை கேள்வி நேரத்தின்போது இது தொடா்பாக அவா் கூறியதாவது:
மக்களவையில் தங்களைப் பேசுவதற்கு அனுமதிக்கவில்லை என்று கூறி சில எம்.பி.க்கள் ட்விட்டரில் என்னைப் பற்றி எழுதுகின்றனா். மக்களவைத் தலைவா் குறித்து ட்விட்டரில் இவ்வாறு எழுதக் கூடாது என்பதை அனைத்து எம்.பி.க்களும் நினைவில் கொள்ள வேண்டும். அவ்வாறு நடந்து கொண்டால் சிறப்பாக இருக்கும் என்றாா்.
கேள்வி நேரத்தின்போது திரிணமூல் காங்கிரஸ் பெண் எம்.பி. மஹுவா மொய்த்ரா, விமானப் போக்குவரத்து தொடா்பாக பிரச்னை எழுப்பி பேசியபோது அவைத் தலைவா் ஓம் பிா்லா இவ்வாறு குறிப்பிட்டாா். எனவே, அவரது பதிவைச் சுட்டிக்காட்டி பெயரைக் குறிப்பிடாமல் ஓம் பிா்லா தனது கருத்தை வலியுறுத்தியதாகத் தெரிகிறது.
எனினும், தனக்கு அவையில் பேச வாய்ப்பளித்ததற்காக ஓம் பிா்லாவுக்கு நன்றி தெரிவித்து மொய்த்ரா ட்விட்டரில் பதிவிட்டுள்ளாா்.
குஜராத் தோ்தலில் பாஜக பெற்றுள்ள வரலாற்றுச் சிறப்புமிக்க வெற்றி பிரதமா் நரேந்திர மோடியின் தலைமை மீதான மக்களின் நம்பிக்கையை குஜராத் தோ்தலில் பாஜக பெற்றுள்ள வரலாற்றுச் சிறப்புமிக்க வெற்றி பிரதமா் நரேந்திர மோடியின் தலைமை மீதான மக்களின் நம்பிக்கையை வெளிக்காட்டுகிறது என்று மத்திய பாதுகாப்புத் துறை அமைச்சா் ராஜ்நாத் சிங் தெரிவித்தாா்.
இது தொடா்பாக அவா் சுட்டுரையில் வெளியிட்ட பதிவில் மேலும் கூறியிருப்பதாவது:
குஜராத்தை வளா்ச்சிப் பாதையில் எடுத்துச் செல்ல பாஜக காட்டி வரும் முனைப்பு, சிறந்த நிா்வாகம், மக்கள் நலன் சாா்ந்த நடவடிக்கைகள் ஆகியவை பாஜகவுக்கு வெற்றித் தேடித்தந்துள்ளன. இவை அனைத்துக்கும் மேலாக, இந்த வரலாற்றுச் சிறப்புமிக்க வெற்றி பிரதமா் மோடியின் தலைமை மீது மக்களின் நம்பிக்கையை வெளிப்படுத்துவதாக அமைந்துள்ளது. பிரதமா் மீதான நம்பகத்தன்மையும், அவரது செல்வாக்கும் மீண்டும் ஒரு வெற்றியைத் தந்துள்ளது. தோ்தலுக்காக கடுமையாக உழைத்த தொண்டா்கள், கட்சி நிா்வாகிகள், மாநில தலைவா்கள் அனைவருக்கும் இந்த வெற்றியைத் தந்த மக்கள் அனைவருக்கும் நன்றி தெரிவித்துக் கொள்கிறேன்’ என்று கூறியுள்ளாா்.
குஜராத் முதல்வா் கருத்து
பிரதமா் நரேந்திர மோடியின் தலைமைக்கு குஜராத் மக்கள் வாக்களித்துள்ளனா். தேசவிரோத சக்திகளை மக்கள் புறக்கணித்துவிட்டனா் என்று குஜராத் முதல்வா் பூபேந்திர படேல் தெரிவித்தாா்.
தோ்தல் முடிவுக்குப் பிறகு காந்தி நகரில் செய்தியாளா்களைச் சந்தித்த அவா் கூறியதாவது:
பிரதமா் நரேந்திர மோடியின் தலைமை மீதும், பாஜக மீதும் குஜராத் மக்கள் வைத்துள்ள நம்பிக்கை மீண்டும் நிரூபிக்கப்பட்டுள்ளது. மக்களின் எதிா்பாா்ப்புகளை நாங்கள் பூா்த்தி செய்துள்ளோம் என்பதை தோ்தல் முடிவு மூலம் மக்கள் உறுதி செய்துள்ளது மகிழ்ச்சியளிக்கிறது. இந்தத் தோ்தலில் பல தேசவிரோத சக்திகள் தோ்தலில் களமிறங்கின. அவா்களை மக்கள் அடியோடு புறக்கணித்துவிட்டனா். குஜராத்தில் பாஜகவின் வளா்ச்சிப் பணிகள் தொடரும் என்றாா்.
குஜராத்தின் தேர்தல் முடிவுகளைப் போலவே தெலங்கானாவிலும் பாஜக ஆட்சியமைக்கும் என தெலங்கானா மாநில பாஜகத் தலைவர் சஞ்சய் குமார் தெரிவித்துள்ளார். குஜராத்தின் தேர்தல் முடிவுகளைப் போலவே தெலங்கானாவிலும் பாஜக ஆட்சியமைக்கும் என தெலங்கானா மாநில பாஜகத் தலைவர் சஞ்சய் குமார் தெரிவித்துள்ளார்.
தெலங்கானா குடும்ப ஆட்சி செய்து வருவதாகவும், மக்கள் தெலங்கானா ராஷ்டிரிய சமிதியின் மீது அதிருப்தியில் இருப்பதாகவும் அவர் தெரிவித்துள்ளார்.
இதையும் படிக்க: ஆம் ஆத்மியை தேசியக் கட்சியாக்கிய குஜராத் மக்களுக்கு நன்றி: கேஜரிவால்
இது குறித்து அவர் பேசியிருப்பதாவது: குஜராத்தில் பாஜக அதிக தொகுதிகளில் வெற்றி பெற்று மீண்டும் ஆட்சியமைக்க உள்ளது. இது மாபெரும் வெற்றியாகும். பலர் பாஜகவின் புகழை கெடுக்க நினைத்தபோதிலும் இந்த வெற்றி சாத்தியமாகியுள்ளது. தெலங்கானா முதல்வர் சந்திரசேகர் ராவ் அடிக்கடி குஜராத் மாடல் குறித்து அங்கு என்ன வளர்ச்சி இருக்கிறது என்று கேட்பார். அவர் இந்த மாபெரும் வெற்றிக்குப் பிறகு குஜராத்தின் வளர்ச்சி குறித்து கருத்து தெரிவிக்க வேண்டும்.
தெலங்கானாவில் அண்மையில் நடந்து முடிந்த இடைத் தேர்தலில் தெலங்கானா ராஷ்டிரிய சமிதி கோடிக்கணக்கின் பணத்தினை செலவு செய்து வெற்றி பெற்றது. தெலங்கானாவின் வளர்ச்சிக்கு இரட்டை என்ஜின் அரசு என்பது தவிர்க்க முடியாதது. மக்கள் லஞ்சமற்ற மற்றும் குடும்ப ஆட்சியில்லாத நிலையை மாநிலத்தில் விரும்புகிறார்கள். அதனை பாஜகவால் மட்டுமே தர முடியும். குஜராத் தேர்தலின் முடிவினைப் போன்ற முடிவையே தெலங்கானாவும் சந்திக்கும். மக்கள் ஆளும் சந்திரசேகர் ராவ் அரசுக்கு எதிராக உள்ளனர் என்றார்.
இதையும் படிக்க: குஜராத் தேர்தல் தோல்வி: காங்கிரஸ் தேர்தல் பொறுப்பாளர் ராஜிநாமா
கடந்த சில ஆண்டுகளாக தெலங்கானா ராஷ்டிரிய சமிதிக்கு மாற்று சக்தியாக உருவெடுக்க பாஜக முயற்சித்து வருவது குறிப்பிடத்தக்கது.
தில்லி மாநகராட்சித் தேர்தலில் வென்ற கவுன்சிலர்களில் 67 சதவிகிதத்தினர் கோடீஸ்வரர்கள் என ஜனநாயக சீர்திருத்த அமைப்பு வெளியிட்டுள்ள அறிக்கையில் தெரிவிக்கப்பட்டுள்ளது. தில்லி மாநகராட்சித் தேர்தலில் வென்ற கவுன்சிலர்களில் 67 சதவிகிதத்தினர் கோடீஸ்வரர்கள் என ஜனநாயக சீர்திருத்த அமைப்பு வெளியிட்டுள்ள அறிக்கையில் தெரிவிக்கப்பட்டுள்ளது.
ஒருங்கிணைந்த தில்லி மாநகராட்சித் தோ்தலில் ஆம் ஆத்மி கட்சி மொத்தம் உள்ள 250 வாா்டுகளில் 134 வாா்டுகளை கைப்பற்றியுள்ளது. இந்தத் தேர்தலில் பாஜக 104 இடங்களையும், காங்கிரஸ் 9 இடங்களையும் கைப்பற்றியது. எஞ்சிய 3 இடங்களை சுயேட்சை வேட்பாளர்கள் வென்றனர்.
இந்நிலையில் தில்லியில் புதிதாக தேர்வான மாநகராட்சி உறுப்பினர்களில் 7 சதவிகிதத்தினர் கோடீஸ்வரர்கள் என ஜனநாயக சீர்திருத்த அமைப்பு வெளியிட்டுள்ள அறிக்கையின் மூலம் தெரியவந்துள்ளது.
இதையும் படிக்க | ஹிமாசலில் ஆட்சியைக் கைப்பற்றியது காங்கிரஸ்!
கடந்த 2017ஆம் ஆண்டு தேர்வான மொத்த உறுப்பினர்களில் 51 சதவிகிதத்தினர் கோடீஸ்வரர்களாக இருந்த நிலையில் தற்போது இதுவே 67 சதவிகிதமாக அதிகரித்துள்ளது.
புதிதாக தேர்வான 248 பேரில் 167 பேர் கோடீஸ்வரர்களாக உள்ளதாக தெரிவித்துள்ள அந்த அறிக்கையானது இவர்களில் 82 பேர் பாஜகவைச் சேர்ந்தவர்கள் என்பது குறிப்பிடத்தக்கது. இவர்களின் சொத்து மதிப்பு ஒரு கோடிக்கும் மேல் எனவும் இது மற்ற அரசியல் கட்சியினரை விட அதிகம் எனவும் தெரிவிக்கப்பட்டுள்ளது.
ஆம் ஆத்மி கட்சியைப் பொறுத்தவரை 132 பேர் கோடீஸ்வரர்கள் எனவும் இவர்களின் சராசரி சொத்து மதிப்பு ரூ.3.56 கோடி எனவும் தெரிவிக்கப்பட்டுள்ளது.
இதையும் படிக்க | தீவிர புயலாக மாறியது மாண்டஸ்
அதேபோல் காங்கிரஸ் கட்சியின் சார்பில் போட்டியிட்டு வென்ற 9 பேரின் மொத்த சொத்துமதிப்பு ரூ.4.09 கோடி எனவும் சுயேட்சை உறுப்பினர்கள் மூவரின் மொத்த சொத்து மதிப்பு ரூ.5.53 கோடி எனவும் மதிப்பிடப்பட்டுள்ளது.
குஜராத்தில் 150-க்கும் அதிகமான தொகுதிகளில் பாஜக வெற்றி பெற்று 7வது முறையாக ஆட்சியமைக்கிறது. குஜராத்தில் 150-க்கும் அதிகமான தொகுதிகளில் பாஜக வெற்றி பெற்று 7வது முறையாக ஆட்சியமைக்கிறது.
குஜராத் மாநிலத் தேர்தல் இரண்டு கட்டங்களாக நடத்தப்படும் என அறிவிப்பு வெளியான நாள் முதலே அரசியல் களம் பரபரப்புக்கு பஞ்சமின்றி காணப்பட்டது.குஜராத்தில் பல்வேறு அரசியல் தலைவர்களும் தீவிர தேர்தல் பிரசாரத்தில் ஈடுபட்டு வந்தனர். பல ஆண்டுகளாக பாஜக மற்றும் காங்கிரஸ் இடையே குஜராத்தில் இருமுனைப் போட்டி நிலவி வந்தது. இந்த நிலையில், இம்முறை புதியப் போட்டியாளராக ஆம் ஆத்மி களமிறங்மியது. இதனால், மாநிலத்தில் இருமுனைப் போட்டி மும்முனைப் போட்டியாக மாறியது.
இதையும் படிக்க: குஜராத் தேர்தல்: ஜிக்னேஷ் மேவானி வெற்றி!
அனைத்துக் கட்சியினரும் தேர்தலில் போட்டியிடும் தங்களது வேட்பாளர்களின் பட்டியலை வெளியிட்டு வந்தனர். வேட்பாளர்கள் பட்டியலில் சில நட்சத்திர வேட்பாளர்களும் இடம் பெற்றனர். பாஜக சார்பில் கிரிக்கெட் வீரர் ரவீந்திர ஜடேஜாவின் மனைவி ரிவாபா ஜடேஜா ஜாம்நகர் வடக்குத் தொகுதியில் போட்டியிட்டார். அதேபோல ஆம் ஆத்மி சார்பில் முதல்வர் வேட்பாளராக தொலைக்காட்சித் தொகுப்பாளர் இசுதான் காட்வி அறிவிக்கப்பட்டார்.
குஜராத் சட்டப்பேரவைத் தேர்தல் டிசம்பர் 1 மற்றும் டிசம்பர் 5 ஆகிய தேதிகளில் நடைபெற்றது. தேர்தல் முடிவுகள் டிசம்பர் 8ஆம் தேதி வெளியாகும் என ஏற்கனவே அறிவிக்கப்பட்டிருந்தது. இந்த நிலையில், இன்று (டிசம்பர் 8) காலை முதலே வாக்கு எண்ணிக்கைத் தொடங்கியது.
இதையும் படிக்க: ஹிமாசலில் ஆட்சியைக் கைப்பற்றியது காங்கிரஸ்!
வாக்கு எண்ணிக்கை தொடங்கியது முதலே பாஜக அதிக தொகுதிகளில் முன்னிலையில் இருந்தது. மோர்பி பால விபத்து பெரிய அளவில் ஆளும் பாஜகவுக்குப் பின்னடைவைத் தரும் எனக் கூறப்பட்ட நிலையிலும் பாஜகவின் வெற்றிக்கு அந்த விபத்து பெரிய தடையாக இல்லை.
மாலை நிலவரப்படி, பாஜக 150 தொகுதிகளிலும், காங்கிரஸ் 16 தொகுதிகளிலும், ஆம் ஆத்மி 5 தொகுதிகளிலும், சமாஜவாதி 1 தொகுதியிலும், தனித்து போட்டியிட்டவர்கள் 3 தொகுதிகளிலும் வெற்றி பெற்றுள்ளனர். ஏறக்குறைய அனைத்துத் தொகுதிகளுக்கும் வாக்கு எண்ணிக்கை முடிந்துவிட்ட நிலையில், 7 தொகுதிகளில் மட்டும் முன்னிலை நிலவரம் நீடித்து வருகிறது. அதில் 6 தொகுதிகளில் பாஜகவும், ஒரு தொகுதியில் காங்கிரஸும் முன்னிலையில் இருந்து வருகிறது.
இதையும் படிக்க: ஆம் ஆத்மியை தேசியக் கட்சியாக்கிய குஜராத் மக்களுக்கு நன்றி: கேஜரிவால்
இதன்மூலம், பாஜக பெரும்பான்மையுடன் குஜராத்தில் 7வது முறையாக மீண்டும் ஆட்சியமைக்கிறது.
68 தொகுதிகளுக்கு நடைபெற்ற தேர்தலில் 40 இடங்களில் காங்கிரஸ் கட்சி வெற்றி பெற்றுள்ளது. பாஜக 28 இடங்களில் மட்டுமே வெற்றி பெற்றது.
ஹிமாசலப் பிரதேசத்தில் பாஜகவைத் தோற்கடித்து காங்கிரஸ் கட்சி ஆட்சியைக் கைப்பற்றியுள்ளது.
மொத்தமுள்ள 68 தொகுதிகளுக்கு நடைபெற்ற தேர்தலில் 40 இடங்களில் காங்கிரஸ் கட்சி வெற்றி பெற்றுள்ளது. பாஜக 28 இடங்களில் மட்டுமே வெற்றி பெற்றது.
ஹிமாசலப் பிரதேசத்தில் 68 இடங்களைக் கொண்ட சட்டப்பேரவைக்கு நவம்பா் 12-ஆம் தேதி ஒரே கட்டமாக தோ்தல் நடைபெற்றது. இதில் பதிவான வாக்குகளை எண்ணும் பணி இன்று(டிச. 8) காலை முதல் நடைபெற்றது.
படிக்க | குஜராத்தில் 7வது முறையாக ஆட்சியமைக்கிறது பாஜக
மாலை 7.30 மணிவரை நடைபெற்ற இந்த வாக்கு எண்ணிக்கையில், பாஜகவைத் தோற்கடித்து காங்கிரஸ் கட்சி ஆட்சியைக் கைப்பற்றியுள்ளது.
காலையில், வாக்கு எண்ணிக்கையின் தொடக்கத்தில் பாஜக முன்னிலை வகித்த நிலையில், அடுத்தடுத்த சுற்றுகளில் காங்கிரஸ் படிப்படியாக முன்னிலை வகிக்கத் தொடங்கியது.
முதல்வர் ஜெய்ராம் தாக்குர் 37,007 வாக்குகள் வித்தியாசத்தில் தொடர்ந்து 6 ஆவது முறையாக செராஜ் தொகுதியில் வெற்றி பெற்றுள்ளார். தாக்குர் 52,076 வாக்குகள் பெற்றுள்ளார். அவரை எதிர்த்துப் போட்டியிட்ட காங்கிரஸ் வேட்பாளர் சேத் ராம் 15,069 வாக்குகள் மட்டுமே பெற்றுள்ளார்.
வாக்கு வித்தியாசம்
பாஜகவின் ராகேஷ் குமார் 8,125 வாக்குகள் வித்தியாசத்தில் காங்கிரஸ் கட்சியின் சோஹன் லாலைத் தோற்கடித்தார். எனினும் சிம்லா மாவட்டத்தின் 8 தொகுதிகளில் காங்கிரஸ் கட்சி 5 தொகுதிகளில் வெற்றி பெற்றது.
படிக்க | குஜராத்: முஸ்லீம் தொகுதிகளிலும் பாஜக வெற்றி! காங்கிரஸ் காரணமா?
வாக்கு எண்ணிக்கையின் முடிவில் காங்கிரஸ் கட்சி 43.90 சதவிகித வாக்குகளைப் பெற்றுள்ளது. பாஜக 43, மற்றவை 13.1 சதவிகித வாக்குகளைப் பெற்றுள்ளன.
ஹிமாசலில் காங்கிரஸ் கட்சி வெற்றி பெற்றிருந்தாலும், பாஜக உடனான வாக்கு வித்தியாசம் 0.90 சதவிகிதமாகவே உள்ளது.
முதல்வய் யார்? காங்கிரஸ் ஆலோசனை:
ஹிமாசலில் புதிதாக தேர்ந்தெடுக்கப்பட்டுள்ள சட்டப்பேரவை உறுப்பினர்கள் ஒன்றிணைந்து மாநிலத்தில் காங்கிரஸினை யார் வழிநடத்தப் போகிறார்கள் என்பது குறித்து தீர்மானம் நிறைவேற்ற உள்ளனர்.
ஹிமாசலில் காங்கிரஸினை வழிநடத்தும் தலைவரைத் தேர்ந்தெடுப்பது தொடர்பான தீர்மானம் நிறைவேற்றப்பட உள்ளது. அதன்படி, காங்கிரஸ் தலைவர், யார் ஹிமாசலை வழிநடத்த வேண்டும் என முடிவெடுப்பார் என்பதே அந்தத் தீர்மானம் ஆகும்.
நயன்தாராவின் புதிய தோற்றம் ரசிகர்களை அதிர்ச்சியடைய வைத்துள்ளது.
நயன்தாராவின் புதிய தோற்றம் ரசிகர்களை அதிர்ச்சியடைய வைத்துள்ளது.
மாயா, இறவாக்காலம், கேம் ஓவர் ஆகிய படங்களை இயக்கியவர் அஸ்வின் சரவணன். இவர் நடிகை நயன்தாராவை முன்னணி கதாபாத்திரமாக வைத்து அடுத்து இயக்கியுள்ள படம் - கனெக்ட்.
ரெளடி பிக்சர்ஸ் தயாரிக்கும் இந்தப் படத்தில் நயன்தாராவுடன் அனுபம் கெர், சத்யராஜ் உள்ளிட்ட பலர் நடிக்கின்றனர். த்ரில்லர் பாணியில் உருவாகியுள்ள இந்தப் படத்திற்கு பிருத்வி சந்திரசேகர் இசையமைத்துள்ளார்.
இடைவேளை இல்லாத இத்திரைப்படம் டிசம்பர் 22 ஆம் தேதி வெளியாகவுள்ளது.
இந்நிலையில், இப்படத்தின் தோற்றப் புகைப்படங்கள் வெளியாகியுள்ளன. இதில், நயன்தாரா ஒடுங்கிய முகத்துடன் மிக ஒல்லியான தோற்றத்தில் இருப்பது ரசிகர்களை அதிர்ச்சியடைய வைத்துள்ளது.
பலரும் இணையத்தில் இந்தப் புகைப்படத்தைப் பகிர்ந்து வருகிறார்கள்.
அதேநேரம், இப்படத்தில் நயன்தாரா தாயாக நடித்திருப்பதால் வயது அதிகமாக தெரிய வேண்டும் என்பதற்காக இந்தத் தோற்றத்தில் நடித்திருக்கலாம் என்றும் கூறுகிறார்கள்.
ஆம் ஆத்மி தேசியக் கட்சி ஆகிவிட்டதாக கட்சியின் தேசிய ஒருங்கிணைப்பாளர் அரவிந்த் கேஜரிவால் தெரிவித்துள்ளார். ஆம் ஆத்மி தேசியக் கட்சி ஆகிவிட்டதாக கட்சியின் தேசிய ஒருங்கிணைப்பாளர் அரவிந்த் கேஜரிவால் தெரிவித்துள்ளார்.
குஜராத்தில் உள்ள 182 தொகுதிகளுக்கு கடந்த டிச. 1, 5 ஆகிய தேதிகளில் இரு கட்டங்களாக தோ்தல் நடைபெற்றது. இந்த தேர்தலில் பதிவான வாக்குகளை எண்ணும் பணி இன்று(டிச. 8) காலை முதல் நடைபெற்று வருகின்றது.
பெரும்பான்மைக்கு 92 இடங்கள் தேவைப்படும் நிலையில் மாலை 5 மணி நிலவரப்படி பாஜக 135 தொகுதிகளில் வெற்றி, மேலும் 21 தொகுதிகளில் முன்னிலையில் உள்ளது. காங்கிரஸ் 12 தொகுதிகளில் வெற்றி, மேலும் 5 தொகுதிகளில் முன்னிலை. ஆம் ஆத்மி 4 தொகுதிகளில் வெற்றி பெற்றதுடன் மேலும் ஒரு தொகுதியில் முன்னிலையில் உள்ளது.
இன்றைய தேர்தல் மூலமாக ஆம் ஆத்மி தேசியக் கட்சியாக வலுப்பெற்றுள்ளதாக தில்லி முதல்வரும் ஆம் ஆத்மி கட்சியின் ஒருங்கிணைப்பாளருமான அரவிந்த் கேஜரிவால் தெரிவித்துள்ளார்.
கடந்த 10 ஆண்டுகளுக்கு முன்பு ஆம் ஆத்மி சிறிய கட்சி. 10 ஆண்டுகளுக்குப் பிறகு தற்போது தேசியக் கட்சி. 2 மாநிலங்களில் ஆட்சியில் உள்ளது. இதற்கு கட்சியின் தொண்டர்கள் கடுமையாக உழைத்துள்ளனர். குஜராத் மக்களுக்கும் நன்றி. தேசிய கட்சியாக குஜராத் மக்கள்தான் காரணம். தேர்தல் பிரசாரத்தின்போது வரவேற்பு அளித்த மக்களுக்கு நன்றி.
குஜராத் பாஜகவின் கோட்டையாக கருதப்படுகிறது. 13% வாக்குகளைப் பெற்றதன் மூலம் நாங்கள் அந்தக் கோட்டைக்குள் நுழைய முடிந்திருக்கிறது. இதுவரை 39,00,000 லட்சம் வாக்குகள் பெற்றுள்ளோம். வாக்கு எண்ணிக்கை நடைபெற்று வருகிறது. மேலும் அதிக வாக்குகள் கிடைக்கும் என நம்புகிறோம். எங்கள் மீது நம்பிக்கை வைத்துள்ள குஜராத் மக்களுக்கு நான் நன்றி தெரிவித்துக்கொள்கிறேன் என்றார்.
இதையும் படிக்க | டிச. 12ல் குஜராத்தில் பாஜக அரசு பதவியேற்பு!
தினகரன்
தமிழ் தி இந்து
தினமணி
தினமலர்
இந்தியன் எக்ஸ்பிரஸ்
பிபிசி தமிழ் 
ஒன் இந்தியா தமிழ்
ஜீ நியூஸ்
விகடன்
பில்மிபீட் தமிழ்
சமயம்
புதிய தலைமுறை
ஐபிசி தமிழ் 
இந்தியா
உலகம்
தமிழகம்
அரசியல்
விளையாட்டு
சினிமா 
