கேப்டன் ஆரோக்கியமாக இருக்கிறார். யாரும் வதந்திகளை பரப்பவும் வேண்டாம், நம்பவும் வேண்டாம் என்று மருத்துவமனையில் விஜயகாந்த் உடன் எடுத்த புகைப்படங்களை வெளியிட்டு, பிரேமலதா விஜயகாந்த் கேட்டுக்கொண்டுள்ளார்.

நடிகரும் தே.மு.தி.க கட்சியின் தலைவருமான விஜயகாந்த் உடல் நலக்குறைவால் சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். விஜயகாந்துக்கு கடந்த 18 ஆம் தேதி மாலை திடீர் உடல்நலக் குறைவு ஏற்பட்டது. கடுமையான சளி, காய்ச்சல், இருமல் இருந்ததால் அவதிப்பட்டு வந்தார். இதனால் அவருக்கு மூச்சுவிடுவதிலும் சிரமம் இருந்தது. இதையடுத்து நந்தம்பாக்கத்தில் உள்ள மியாட் மருத்துவமனையில் விஜயகாந்த் சிகிச்சைக்காக சேர்க்கப்பட்டார். அங்கு அவருக்கு மருத்துவர்கள் தீவிர சிகிச்சை அளித்து வருகின்றனர்.

மேலும் அவருக்கு நுரையீரலுக்கு சிகிச்சை அளிக்க 14 நாட்கள் மருத்துவமனையில் இருக்க வேண்டும் என்றும் தெரிவிக்கப்பட்டது. இதனால் தொண்டர்களும் ரசிகர்களும் வேதனை அடைந்தனர். சில நாட்களுக்கு முன்னர் விஜயகாந்த் உடல்நிலை குறித்து மருத்துவமனை அறிக்கை வெளியிட்டது. இதனைத் தொடர்ந்து, பிரேமலதா வீடியோ ஒன்றை வெளியிட்டு, கேப்டன் நலமாக இருக்கிறார். அவர் வீடு விரைவில் திரும்புவார், நம்மை எல்லாம் சந்திப்பார். அதுவரை எந்த வதந்திகளையும் நம்பாதீர்கள். மருத்துவமனை அறிக்கை என்பது வழக்கமான ஒன்றுதான் என தெரிவித்திருந்தார்.

இந்தநிலையில், மருத்துவமனையில் விஜயகாந்த் உடன் எடுத்துக் கொண்ட புகைப்படங்களை சமூக வலைதளங்களில் பகிர்ந்து, அவரின் உடல்நிலை குறித்து பிரேமலதா விஜயகாந்த் விளக்கியுள்ளார்.

இதுதொடர்பாக, வெளியிடப்பட்டுள்ள சமூகவலைதளப் பதிவில், “கேப்டன் ஆரோக்கியமாக இருக்கிறார். வெகு விரைவில் கேப்டன் நல்ல உடல் நலத்துடன் வீடு திரும்புவார், நம் அனைவரையும் சந்திப்பார். யாரும் வதந்திகளை பரப்பவும் வேண்டாம், நம்பவும் வேண்டாம்! என்று அன்போடு கேட்டுக்கொள்கிறேன். - திருமதி. பிரேமலதா விஜயகாந்த்,” என்று பதிவிடப்பட்டுள்ளது.

மேலும், வீடியோ ஒன்றை வெளியிட்டுள்ள பிரேமலதா விஜயகாந்த், ”கடந்த 2 நாட்களுக்கு முன்னர் நான் வீடியோ ஒன்றை வெளியிட்டேன். அதில் கேப்டன் நலமுடன் இருப்பதாக கூறி, யாரும் வீண் வதந்திகளை பரப்ப வேண்டும் என்று தாழ்மையுடன் கேட்டுக் கொண்டிருந்தேன். ஆனால், விஜயகாந்த்க்கு ட்ரக்கியாஸ்டமி செய்யப்பட்டதாகவும், வெண்டிலேசனில் உள்ளதாகவும், செயற்கை சுவாசம் வழங்கப்பட்டு வருவதாகவும், முதலமைச்சர் கேப்டனை சந்தித்து எனக்கு ஆறுதல் கூறியது போலவும், தொடர்ந்து பொய்யான தகவல்களை பரப்பி வருகிறார்கள். இது தே.மு.தி.க தொண்டர்கள், ரசிகர்கள், திரைப்பிரபலங்கள், சொந்தங்கள் என அனைவரையும் மன உளைச்சலுக்கு ஆளாக்கியுள்ளது.

கேப்டன் ஆரோக்கியமாக இருக்கிறார்.
வெகு விரைவில் கேப்டன் நல்ல உடல் நலத்துடன் வீடு திரும்புவார், நம் அனைவரையும் சந்திப்பார்.
யாரும் வதந்திகளை பரப்பவும் வேண்டாம், நம்பவும் வேண்டாம்! என்று அன்போடு கேட்டுக்கொள்கிறேன்.

- திருமதி. பிரேமலதா விஜயகாந்த். pic.twitter.com/sbzd0FDOX4

— Vijayakant (@iVijayakant) December 2, 2023

ஆனால், நாங்கள் மருத்துவமனையில் கேப்டன் கூட இருக்கிறோம். கேப்டன் நல்ல நிலையில் இருக்கிறார். எனவே மனிதநேயத்தோடு வதந்திகளை பரப்புவதை நிறுத்திக்கொள்ளுங்கள். இன்னும் 2 நாட்களில் உங்களுக்கு நல்ல செய்தி வரும். வெகு விரைவில் கேப்டன் வீடு திரும்ப இருக்கிறார். உங்களை கண்டிப்பாக சந்திப்பார். நானும் சண்முகபாண்டியனும் கேப்டனுடன் எடுத்த புகைப்படங்களை இதோடு பகிர்ந்து இருக்கிறேன்,” என்று கூறியுள்ளார். இந்தப் புகைப்படங்கள் சமூக வலைதளங்களில் வைரலாகி வருகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ்நாட்டில் தலைநகர் சென்னை உள்பட பல்வேறு மாவட்டங்களில் கனமழை பெய்துவருகிறது. இந்த, நிலையில், பெரும்பாலான பேருந்து நிலையங்கள் மழை நீரில் மிதக்கின்றன.

பல்வேறு இடங்களில் மின்சாரம் துண்டிக்கப்பட்டுள்ளது. சாலைகள் குண்டும், குழியுமாக காட்சியளிக்கின்றன. மேலும், சென்னை மாநகரம் ஆண்டுதோறும் மழைக்காலத்தில் தத்தளிப்பது வாடிக்கையாகிவிட்டது.

இதற்கிடையில் மிக்ஜாம் புயல் தாக்கக்கூடும் என சென்னை வானிலை ஆய்வு மையம் முன்னறிவித்துள்ளது. இந்தப், புயல் காரணமாக புதுச்சேரி, காரைக்கால் மற்றும் யானம் பகுதிகளில் டிசம்பர் 4ஆம் தேதி அனைத்து பள்ளிகளுக்கும் விடுமுறை அறிவித்து புதுச்சேரி அரசு உத்தரவிட்டுள்ளது.

இந்த நிலையில், புயல் எச்சரிக்கை காரணமாக வரும் திங்கட்கிழமை (டிச.4) காஞ்சிபுரம் மாவட்டத்தில் உள்ள பள்ளி, கல்லூரிகளுக்கு விடுமுறை அளித்து, மாவட்ட ஆட்சியர் கலைச்செல்வி மோகன் அறிவித்துள்ளார்.
அதேபோல் செங்கல்பட்டு மாவட்டத்தில் உள்ள பள்ளி-கல்லூரிகளுக்கு விடுமுறை அளித்து மாவட்ட ஆட்சியர் ராகுல்நாத் உத்தரவிட்டுள்ளார். தொடர்ந்து, சென்னை, திருவள்ளூர் மாவட்டங்களுக்கும் விடுமுறை அளிக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவை உக்கடம் ரேஸ்மா கார்டன் பகுதியை சேர்ந்தவர் நாசர் (47) ஆட்டோ டிரைவராக உள்ளார். நேற்று டீசலுடன் மாநகராட்சி அலுவலக விக்டோரியா ஹால் அருகேயுள்ள சுற்றுச்சுவர் வழியாக ஏறி குதித்து மாநகராட்சி அலுவலகத்துக்குள் நுழைந்த நாசர் டீசலை தன் மீது ஊற்றியபடி, மேயர் அறையை நோக்கி ஓடியுள்ளார்.

தொடர்ந்து தீயை பற்ற வைக்கவும் முயற்சி செய்துள்ளார். இதனை பார்த்த பாதுகாப்பு பணியில் இருந்த போலீசார் அவரை பிடித்து, உக்கடம் காவல் நிலையத்திற்கு அழைத்து சென்றனர். இச்சம்பவத்தால் மாநகராட்சி அலுவலகத்திற்கு பரபரப்பு ஏற்பட்டுள்ளது.

இந்நிலையில் நேற்று முன்தினம் (30.11.2023) தன்னை பணி செய்ய விடாமல் தடுத்து மிரட்டல் விடுத்ததாக கோவை மாநகராட்சி உதவி பொறியாளர் ஜீவராஜ் (58) உக்கடம் போலீசில் புகார் அளித்ததன் பேரில், அரசு ஊழியரை பணி செய்ய விடாமல் தடுத்தல் உள்ளிட்ட பிரிவுகளின் கீழ் வழக்குப்பதிவு செய்து நாசரை சிறையில் அடைத்தனர்.

நாசர் அவர் வசிக்கும் பகுதியில் அடிப்படை வசதிகள் வேண்டி பலமுறை மாநகராட்சி அதிகாரிகளிடம் மனு அளித்தும் நடவடிக்கை எடுக்கப்படவில்லை என கூறப்படும் நிலையில் அதன் காரணமாக இவ்வாறு செய்திருக்கிறார் என்று கூறப்படுகின்றது.

பி.ரஹ்மான், கோவை

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

பாரதிய ஜனதா கட்சியின் தமிழக தலைவர் அண்ணாமலைக்கு எதிராக தனிநபர் ஒருவர் தொடர்ந்த அவதூறு வழக்கின் அனைத்து நடவடிக்கைகளுக்கும் சென்னை உயர்நீதிமன்றம் சமீபத்தில் தடை விதித்தது.
நீதிபதி ஜி ஜெயச்சந்திரன், அடுத்த உத்தரவு வரும் வரை விசாரணையை நிறுத்தி வைத்து, இந்த விவகாரத்தில் பியூஷ் தனது நிலைப்பாட்டை நிறுவத் தவறியதைக் குறிப்பிட்டு, புகார்தாரரான வி பியூஷுக்கு நோட்டீஸ் அனுப்பினார்.
நவம்பர் 29 ஆம் தேதி பிறப்பிக்கப்பட்ட இடைக்கால உத்தரவில், புகாரில் எந்தவிதமான ஆதாரமும் இல்லை என்றாலும், விசாரணை நீதிமன்றம் விசாரணைக்கு எடுத்து அண்ணாமலைக்கு சம்மன் அனுப்பியுள்ளது என்று குறிப்பிட்டது.
தொடர்ந்து, "மனுதாரரின் இருப்பிடத்தை வெளிப்படுத்தாத புகார் என்பதால் அனைத்து நடவடிக்கைகளுக்கும் தடை விதிக்கப்படும்" என்று உயர் நீதிமன்றம் கூறியது.

1956-ம் ஆண்டு நடந்த சரிபார்க்கப்படாத சம்பவத்தை அண்ணாமலை மேற்கோள் காட்டி, அப்போது பார்வர்டு பிளாக் தலைவர் உ. முத்துராமலிங்க தேவர் நீதிக்கட்சி தலைவர்களை இந்து மதத்தை பற்றி பேசினால், உங்களின் ரத்தம் சிந்தப்படும் என எச்சரித்ததாக கூறினார் என பியூஷ் மனுஷ் தனது மனுவில் கூறியுள்ளார்.
மேலும், தேவர் ஒருபோதும் அவ்வாறு கூறவில்லை என்றும், அண்ணாமலை இதுபோன்ற கருத்துக்களை இட்டுக்கட்டியுள்ளார் என்றும் பியூஷ் குற்றஞ்சாட்டியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Arun Janardhanan 

வெள்ளிக்கிழமை கைது செய்யப்பட்ட அமலாக்க இயக்குனரக (ED) அதிகாரி அங்கித் திவாரி சம்பந்தப்பட்ட லஞ்ச வழக்கில் வெள்ளிக்கிழமை மாலை முதல் தொடங்கிய விரிவான தேடுதல் பணியை தமிழ்நாடு காவல்துறை சனிக்கிழமை காலை முடித்தது.

ஆங்கிலத்தில் படிக்க: Tamil Nadu police wrap up overnight search at ED’s Madurai office, say seized ‘incriminating’ documents

தமிழக காவல்துறையின் விஜிலென்ஸ் மற்றும் ஊழல் தடுப்பு இயக்குனரகம் (DVAC) அங்கித் திவாரி பணியமர்த்தப்பட்ட மதுரையில் உள்ள அமலாக்க அலுவலகத்திலும், அங்கித் திவாரியின் இல்லத்திலும் சோதனை நடத்தியது. சனிக்கிழமை காலை 6 மணி வரை தேடுதல்கள் நடந்தன, மேலும் குற்றவியல் ஆதாரம் கிடைத்ததாக அதிகாரிகள் தெரிவித்தனர்.

விசாரணையை மத்திய ஏஜென்சியிடம் ஒப்படைக்க வேண்டும் என்ற கோரிக்கையை தாங்கள் எதிர்ப்பதாக மாநில அரசின் உயர்மட்ட வட்டாரங்கள் தெரிவித்தன.

அரசு மருத்துவரிடம் லஞ்சம் வாங்கியதாக அங்கித் திவாரி வெள்ளிக்கிழமை காலை கைது செய்யப்பட்டார். வெள்ளிக்கிழமை இரவு DVAC இன் அதிகாரப்பூர்வ செய்திக்குறிப்பின்படி, DVAC இன் திண்டுக்கல் மாவட்டக் கிளையால் தள்ளுபடி செய்யப்பட்ட அரசு மருத்துவருக்கு எதிரான, 2018 ஆண்டு வருமானத்திற்கு அதிகமான சொத்துக் குவிப்பு வழக்கை மேற்கோள் காட்டி, அங்கித் திவாரி அரசு மருத்துவரை அக்டோபர் 29, 2023 அன்று தொடர்பு கொண்டார். டி.வி.ஏ.சி அறிக்கையின்படி, விசாரணையை மீண்டும் தொடங்க பிரதமர் அலுவலகத்திலிருந்து அறிவுறுத்தல்களைப் பெற்றதாக அங்கித் திவாரி கூறியதாகக் கூறப்படுகிறது.

அதிகாரிகளின் கூற்றுப்படி, அக்டோபர் 30 ஆம் தேதி மதுரையில் உள்ள அமலாக்கத்துறை அலுவலகத்திற்கு மருத்துவர் வரவழைக்கப்பட்டார், மேலும் அங்கித் திவாரியால் ஒரு காரில் வலுக்கட்டாயமாக ஏற்றப்பட்டதாக கூறப்படுகிறது, சட்ட நடவடிக்கையைத் தவிர்க்க ரூ. 3 கோடி லஞ்சம் கேட்ட அங்கித் திவாரி, பின்னர் ரூ. 51 லட்சத்தை ஏற்க ஒப்புக்கொண்டார். நவம்பர் 1-ம் தேதி முதல் தவணையாக ரூ.20 லட்சம் வழங்கப்பட்டதாகக் கூறப்படுகிறது. பிறகு மருத்துவர் டி.வி.ஏ.சி-க்கு புகார் அளித்தார், இது அங்கித் திவாரியின் கைது நடவடிக்கையில் உச்சக்கட்டத்தை எட்டியது.

கடந்த காலத்தில் DVAC ஆல் கையாளப்பட்ட பல வழக்குகளை அமலாக்கத்துறை மீண்டும் திறக்கும் போது இந்த நடவடிக்கை வருகிறது. இந்த வழக்குகளில் பெரும்பாலானவை தி.மு.க அரசில் உள்ள அமைச்சர்கள் மற்றும் மாநில அரசு அதிகாரிகள் சம்பந்தப்பட்டவை. இது போன்ற ஒரு வழக்கில் அமைச்சர் செந்தில் பாலாஜி கைது செய்யப்பட்டு சிறையில் அடைக்கப்பட்டார்.

டி.வி.ஏ.சி அறிக்கையின்படி, அங்கித் திவாரி கைது செய்யப்பட்டதைத் தொடர்ந்து நடத்தப்பட்ட தேடுதல்களில், இதேபோன்ற தந்திரங்களைப் பயன்படுத்தி மற்ற அதிகாரிகளை மிரட்டுவதிலும் அச்சுறுத்துவதிலும் அங்கித் திவாரியின் சாத்தியமான ஈடுபாட்டை சுட்டிக்காட்டும் ஆவணங்களை அதிகாரிகள் கைப்பற்றினர். மேலதிக விசாரணைகள் இடம்பெற்று வருவதாகவும் அந்த அறிக்கையில் தெரிவிக்கப்பட்டுள்ளது.

அமலாக்கத்துறையின் மதுரை அலுவலகத்தில் நடந்த சோதனை குறித்து, DVAC அதிகாரி ஒருவர் கூறியதாவது: ஆரம்பத்தில், எங்களை தேடுதல் நடத்த அனுமதிக்க முடியாது என்றும், அனுமதிக்கு காத்திருக்கும்படியும் சொன்னார்கள். ஆனால் நாங்கள் அவர்களிடம் வாரண்ட்டைக் காட்டி, நாங்கள் அங்கித் திவாரியின் அலுவலகத்தை சோதனை செய்ய வந்துள்ளோம், முழு அலுவலகத்தையும் அல்ல என்று தெளிவுபடுத்தியபோது, ​​அவர்கள் ஒப்புக்கொண்டனர். இந்தச் சம்பவங்களை அடுத்து சென்னையில் உள்ள அமலாக்கத்துறை அலுவலகத்தில் பாதுகாப்பு பலப்படுத்தப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னை தீவுத்திடல் பகுதியில் வரும் 9,10-ம் தேதிகளில் ரேசிங் சர்க்யூட் பார்முலா 4 கார் பந்தயம் நடக்க உள்ளது. இந்நிலையில் கார் பந்தயம் நடத்துவதற்கு ஏதுவாக தமிழக அரசு சார்பில் அங்கிருக்கும்  தடுப்பு சுவர்கள் அகற்றப்பட்டு, சாலை மறு சீரமைப்பு செய்ய ரூ.42 கோடி செலவு செய்யப்படுவதாக கூறப்பட்டுள்ளது.

இந்நிலையில் மக்கள் வரிப் பணத்தில் சாலை மறு சீரமைப்பதற்கு அ.தி.மு.க கண்டனம் தெரிவித்துள்ளது. இது தொடர்பாக சென்னை உயர் நீதிமன்றத்திலும் வழக்கு தொடரப்பட்டுள்ளது. 

இந்நிலையில் சேலம் ஓமலூரில்  செய்தியாளர்களிடம் பேசிய அ.தி.மு.க பொதுச் செயலாளர் எடப்பாடி பழனிசாமி, "ஒரு நாள் மழைக்கே சென்னை மாநகரம் தண்ணீரில் மிதக்கிறது. தி.மு.க அரசு வடிகால் தூர் வாரும் பணிகளை முறையாக செய்யவில்லை. நிர்வாகத் திறன் இல்லாமல் ஊழல் தி.மு.க அரசாக உள்ளது. சென்னை தீவுத்திடல் பகுதியில் கார் பந்தயம் நடத்துவதாக அறிவிக்கப்பட்டுள்ளது வேடிக்கை உள்ளது. இதற்காக ரூ.242 கோடி செலவு செய்யப்படுவதாக தகவல் வெளியாகி உள்ளது.  

தமிழக அரசாங்கம் ரூ.42 கோடியில் சாலை சீரமைப்பு செய்யப்படுவதாக கூறப்படுகிறது. கார் பந்தயத்திற்கு அரசு ரூ.42 கோடி செலவு செய்வது கண்டிக்கத்தக்கது. இதற்கு ஏற்கனவே இருங்காட்டு கோட்டையில்  கார் பந்தயம் நடத்த தனி ஓடுதளம் உள்ளது. அங்கு இடம் இருக்கும் போது தேவையில்லாமல் சென்னை மாநகரில் பந்தயம் நடத்தப்படுகிறது. இதற்காக சாலை சீரமைப்புக்காக அரசு பணம் வீண் செலவு செய்வது கண்டிக்கத்தக்கது. 

கார் பந்தயத்திற்கு ரூ.42 கோடி அரசு செலவு செய்வது எவ்விதத்தில் நியாயம். சென்னை  மாநகரில் அம்மா உணவகத்திற்கு முறையாக நிதி ஒதுக்காமல் அங்கு உணவகம் மூடப்பட்டுள்ளது.  கார் பந்தயத்தை மேல்தட்டு மக்கள் பார்ப்பார்கள். ஏழை, எளிய மக்கள்  வீடு, முறையான வடிகால் வசதி இல்லாமல்  சிரமப்படுகிறார்கள். மக்கள் வரிப் பணம் வீணாக்கப்படுகிறது.

மழையால் பல்வேறு பகுதிகளில் மக்கள் இன்னலுக்கு ஆளாகி வருகின்றனர். ஏழை மக்களுக்கு கார் பந்தயத்தால் எந்த பயனும் இல்லை.  மழை பாதிப்புகளை சரி செய்ய அரசு பணம் செலவிடப்பட்டால் அதை வரவேற்கலாம்.  தமிழ்நாடு அரசு, ஆளுநர் விவகாரத்தில் உச்ச நீதிமன்றம் அளிக்கும் தீர்ப்பே இறுதியானது" என்று கூறினார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

india: இந்திய அதிகாரி ஒருவரின் உத்தரவின் பேரில் காலிஸ்தான் பிரிவினைவாதி குர்பத்வந்த் சிங் பன்னூனைக் கொல்ல அமெரிக்காவில் திட்டமிட்டதாக இந்திய குடிமகன் நிகில் குப்தா மீது குற்றம் சாட்டப்பட்டுள்ளது. இது தொடர்பாக  நியூயார்க் நீதிமன்றத்தில் குற்றப்பத்திரிகை தாக்கல் செய்யப்பட உள்ளது. இதற்கு சில நாட்களுக்கு முன்பு, செக் குடியரசின் தலைநகரான ப்ராக் நகரில் உள்ள உயர் பாதுகாப்பு சிறைச்சாலையில் இருந்து அமெரிக்க அதிகார வரம்பிற்கு அவர் மாற்றப்பட்டுள்ளார் என இந்தியன் எக்ஸ்பிரஸ் அறிந்துள்ளது.

நிகில் குப்தா (52) ப்ராக் விமான நிலையத்தில் இருந்தபோது செக் குடியரசு அதிகாரிகள் அவரை ஜூன் 30 அன்று கைது செய்து காவலில் வைத்தனர். அவர் "வணிகம் மற்றும் சுற்றுலா" நோக்கங்களுக்காக செக் குடியரசில் இருந்ததாக அறியப்படுகிறது. போதைப்பொருள் கடத்தல் சம்பவங்களை கடந்த காலங்களில் அங்கு செய்துள்ளார். 

அவரை தடுத்து வைத்த பிறகு, அமெரிக்க நீதிமன்ற உத்தரவின் அடிப்படையில் தடுத்து வைக்கப்பட்டிருந்த இந்திய நாட்டவர் நிகில் குப்தா ஒருவரைப் பற்றி செக் அதிகாரிகள் ப்ராக்-வில் உள்ள இந்திய தூதரகத்திற்கு தகவல் தெரிவித்தனர்.

இந்தியத் தூதரகம், அந்த நேரத்தில், குப்தாவின் முன்னோடிகளைப் பற்றி அறிந்திருக்கவில்லை மற்றும் எந்தவொரு இந்திய நாட்டவருக்கும் தூதரக உதவி தொடர்பான நடைமுறைகளைப் பின்பற்றியது. அவருடைய அடையாளம் மற்றும் தேசியத்தை அங்கீகரிப்பதற்காக அவருடைய பாஸ்போர்ட் விவரங்களைப் பெற்றனர்.

பல தெற்காசியர்கள் தொடக்கத்தில் இந்தியர்களாக அடையாளம் காணப்படுவதால் இது ஒரு வழக்கமான செயல்முறையாகும், மேலும் அவர்களின் தேசியம் சரிபார்க்கப்பட வேண்டும்.

இந்திய தூதரகம் குப்தாவின் குடியுரிமையை உறுதிப்படுத்தி சரிபார்த்தது. செக் அதிகாரிகள், காலம் முழுவதும், குப்தா விசாரிக்கப்பட்ட குற்றங்களைப் பற்றி வாய் திறக்காமல் இருந்தனர்.

குப்தாவும் இந்திய தூதரகத்திடம் எந்த சட்ட உதவியையும் நாடவில்லை. இது பொதுவாக வெளிநாடுகளில் துன்பத்தில் இருக்கும் இந்திய பிரஜைகளுக்கு வழக்கமாகும். செக் குற்றவியல் நீதி அமைப்புக்கு முன் ப்ராக்கில் தனது சொந்த சட்ட ஆலோசகரை பிரதிநிதித்துவப்படுத்த அவர் ஏற்பாடு செய்ததாக அறியப்படுகிறது.

அக்டோபரில், அமெரிக்க தேசிய புலனாய்வு இயக்குனர் அவ்ரில் ஹெய்ன்ஸ், அமெரிக்க அரசாங்கத்தின் உயர்மட்ட உளவுத்துறை அதிகாரி, சேகரிக்கப்பட்ட உறுதியான தகவல்களுடன் இந்தியாவிற்கு வந்தார் மற்றும் கூட்டாட்சி வழக்கறிஞர்கள் தயாரிக்கும் அமெரிக்க குற்றச்சாட்டின் ஒரு பகுதியாக இருக்கப் போகிறார்.

அமெரிக்க நீதித்துறை தாக்கல் செய்த குற்றப்பத்திரிகையின் ஒரு பகுதியாக இப்போது பகிரங்கப்படுத்தப்பட்ட ஹெய்ன்ஸ் பகிர்ந்துள்ள தகவலில் உள்ள ஆவணங்கள் மற்றும் விவரங்கள் இந்திய அரசாங்கத்தை நிமிர்ந்து உட்கார வைத்தது. சில மோசமான ஆதாரங்களைக் கொண்ட தகவலை மதிப்பிடுவதற்கு அவர்களுக்கு சில வாரங்கள் ஆனது, மேலும் அவர்கள் விசாரிக்க முடிவு செய்தனர்.

இதற்கிடையில், குற்றப்பத்திரிகைக்கு அமெரிக்கா தகவல்களைப் பயன்படுத்தியது. செக் அதிகாரிகள் அவரை அமெரிக்க அதிகார வரம்பிற்கு மாற்றுவதற்கு இவை போதுமானதாக இருந்தன, மேலும் அவரை எஃப்.பி.ஐ (FBI) -யிடம் ஒப்படைத்தனர். அமெரிக்காவிற்கும் செக் குடியரசிற்கும் இடையிலான இருதரப்பு ஒப்படைப்பு ஒப்பந்தத்தின்படி இது செய்யப்பட்டது.

எஃப்.பி.ஐ-யின் ப்ராக் நாட்டு அலுவலகம், நீதித் துறையின் சர்வதேச விவகார அலுவலகம் மற்றும் செக் குடியரசின் தேசிய மருந்து தலைமையகம் ஆகியவை இணைந்து அவரை அமெரிக்க அதிகார வரம்பிற்கு மாற்றுவதற்குச் செயல்பட்டன.

அந்த நேரத்தில், இந்திய அரசாங்கமும் அதன் அதிகாரிகளும் அமெரிக்க அதிகாரிகளுக்கு வழங்கிய தகவல்களை விசாரிக்கப் போவதாக தெரிவித்தனர். மேலும் அனைத்து அம்சங்களையும் ஆராய உயர்மட்ட விசாரணைக் குழுவை நவம்பர் 18ஆம் தேதி அமைக்க ஒப்புக்கொண்டனர்.

குப்தா மீது வாடகைக்கு கொலை மற்றும் கொலைக்கு சதி செய்ததாக குற்றம் சாட்டப்பட்டுள்ளது. ஒவ்வொரு வழக்குக்கும் அதிகபட்சமாக 10 ஆண்டுகள் சிறைத்தண்டனை விதிக்கப்படும்.

மன்ஹாட்டன் நீதிமன்றத்தில் நீதித்துறையால் தாக்கல் செய்யப்பட்ட குற்றப்பத்திரிகையின்படி, குப்தா ஒரு இந்திய அதிகாரியின் உத்தரவின் பேரில் சதி செய்து கொண்டிருந்தார், மேலும் அவரது பட்டியலில் பல இலக்குகள் இருந்தன. இந்திய அதிகாரி "குப்தாவின் தரகு ஒப்பந்தத்தில் இரகசிய அதிகாரிக்கு கொலை செய்ய 100,000 அமெரிக்க டாலர்கள் கொடுக்க ஒப்புக்கொண்டார்".

திட்டமிடல் முதல் தளவாடங்களை ஏற்பாடு செய்தல் வரை, சதித்திட்டத்தில் பல நபர்கள் ஈடுபட்டுள்ளனர் என்று குற்றப்பத்திரிகை பரிந்துரைத்தது.

கனடாவின் பிரிட்டிஷ் கொலம்பியாவில் காலிஸ்தான் பிரிவினைவாதி ஹர்தீப் சிங் நிஜ்ஜாரின் முகமூடி அணிந்த துப்பாக்கிதாரிகளால் ஜூன் 18 அன்று கொலை செய்யப்பட்டதையும் அது குறிப்பிடுகிறது, மேலும் கொலையில் இந்தியாவின் பங்கை பரிந்துரைத்தும் உள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தென்கிழக்கு வங்கக் கடலில் உருவான காற்றழுத்த தாழ்வு பகுதி நேற்று  காற்றழுத்த தாழ்வு மண்டலமாக வலுப்பெற்றது. தொடர்ந்து இன்று (டிச.2) ஆழ்ந்த காற்றழுத்த தாழ்வு மண்டலமாக வலுப்பெறும் என்றும் பின்னர் அது புயலாக மாறும் எனவும் இந்திய வானிலை ஆய்வு மையம் தெரிவித்துள்ளது.  

புயல் காரணமாக சென்னை,  திருவள்ளூர், காஞ்சிபுரம், செங்கல்பட்டு, புதுச்சேரி உள்ளிட்ட இடங்களில் கன மழை பெய்து வருகிறது. சென்னை, திருவள்ளூரில் இன்று பள்ளிகளுக்கு விடுமுறை அளிக்கப்பட்டுள்ளது. புதுச்சேரியில் திங்களன்று பள்ளிகளுக்கு விடுமுறை விடப்பட்டுள்ளது. முன்னெச்சரிக்கை ஏற்பாடுகள் குறித்து தமிழ்நாடு, ஆந்திரா, ஒடிசா தலைமை செயலாளர்களுடன் மத்திய அரசு அவசர ஆலோசனை நடத்தியது. 

தமிழகத்தில் 14 கடலோர மாவட்டங்களின் ஆட்சியர்களுடன் தலைமை செயலாளர் சிவ்தாஸ் மீனா நேற்று ஆலோசனை நடத்தினார். சென்னையில் வலுவிழந்த மரம், விளம்பர பேனர்களை அகற்றுமாறு உத்தரவிடப்பட்டுள்ளது. 

ஓய்வு பெற்ற வானிலை அதிகாரி டாக்டர் பாலசுப்ரமணியன் கூறுகையில், காற்றழுத்த தாழ்வு மண்டலம் சென்னையில் இருந்து 630கி.மீ தொலைவில் நிலை கொண்டுள்ளது. இன்று ஆழ்ந்த காற்றழுத்த தாழ்வு மண்டலமாக மாறும். இன்று மாலைக்குள் 400 கி.மீ தொலைவுக்கு வரும். இதனால் இன்று முதல் கடல் கொந்தளிப்பாக காணப்படும். 

புயல் உருவாகி 3-ம் தேதி மாலை 5.30 மணிக்கு சென்னையில் இருந்து கிழக்கு- தென்கிழக்கில் 80 கி.மீ தொலைவுக்கு வரும் என எதிர்பார்க்கப்படுகிறது. 4-ம் தேதி சென்னையில் இருந்து வடக்கு திசை நோக்கி நகர்ந்து செல்லும். சென்னை வழியாக சென்று ஆந்திரா கடலில் மிக்ஜாம் புயல் கரையை கடக்கும் என எதிர்பார்க்கப்படுகிறது. டிசம்பர் 5-ம் தேதி ஆந்திராவின் நெல்லூர்- மசூலிப்பட்டினம் இடையே கரையை கடக்கும் என எதிர்பார்க்கப்படுகிறது. புயல் சென்னைக்கு அருகில் வரும் போது 3,4-ம் தேதி அங்கு கனமழை பெய்யக் கூடும் என்று கூறினார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

சென்னை மாவட்ட பள்ளிகளுக்கு வியாழக்கிழமை (டிச.02) விடுமுறை என்று முதன்மை கல்வி அலுவலர் மார்ஸ் வெள்ளிக்கிழமை அறிவித்தார். 

சென்னையில் பள்ளிகளுக்கு வியாழக்கிழமை (டிச.02) விடுமுறை என அறிவித்து முதன்மை கல்வி அலுவலர் மார்ஸ் வெள்ளிக்கிழமை அறிவிப்பு ஒன்றை வெளியிட்டுள்ளார்.  

அதில், சென்னையில் உள்ள அரசுப் பள்ளிகளைச் சார்ந்த ஆசிரியர்களுக்கு சனிக்கிழமை (02.12.2023) மாநில கல்வியியல் ஆராய்ச்சி மற்றும் பயிற்சி நிறுவனம் சார்பில் பயிற்சி இருப்பதன் காரணமாக சென்னை மாவட்டத்தில் அரசுப் பள்ளிகளுக்கு விடுமுறை அறிவிக்கப்பட்டுள்ளது. 

மேலும், பல பள்ளி வளாகங்களில் தண்ணீர் தேங்கி இருப்பதும் விடுமுறைக்கான காரணமாகக் கூறப்படுகிறது.

அதே போல, புயல் காரணமாக புதுச்சேரி, காரைக்கால் மற்றும் யானம் பகுதிகளில் டிசம்பர் 4-ம் தேதி அனைத்து பள்ளிகளுக்கும் விடுமுறை அறிவித்து புதுச்சேரி அரசு உத்தரவிட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

பொதுமக்களின் விருப்பத்திற்கு ஏற்ப ரூ.10க்கு 200 மிலி ஆவின் டிலைட் பால் இன்று (டிச.1) முதல் அறிமுகப்படுத்தப்பட்டு விற்பனை செய்யப்படவுள்ளது
இது குறித்து, ஆவின் மேலாண்மை இயக்குனர் வினீத் வெளியிட்ட செய்திக் குறிப்பில்,“பொதுமக்களின் ஆரோக்கியத்திற்கு ஏற்ற வகையில் மே 9ஆம் தேதி சென்னையில் வைட்டமின் ஏ மற்றும் டி செறிவூட்டப்பட்ட 500 மிலி ஆவின் டிலைட் பால் (ஊதா நிற பால் பாக்கெட்) அறிமுகம் செய்யப்பட்டது.
இதற்கு பொதுமக்களிடையே நல்ல வரவேற்பு உள்ளது. தற்போது ஆவின் 500 மிலி டிலைட் பால் ரூ21 விலையில் மாதாந்திர பால் அட்டைகள் வருகிற டிசம்பர் மாதம் முதல் அனைத்து வட்டார அலுவலகங்கள், ஆவின் பாலகங்கள் மற்றும் பால் நுகர்வோர் கூட்டுறவு சங்கங்களில் விற்பனை செய்யப்பட உள்ளது” எனத் தெரிவித்துள்ளார்.
மேலும், பொதுமக்களின் விருப்பத்திற்கு ஏற்ப ரூ.10க்கு 200 மிலி ஆவின் டிலைட் பால் இன்று (டிச.1) முதல் அறிமுகப்படுத்தப்பட்டு விற்பனை செய்யப்படவுள்ளது எனவும் கூறியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

அ.தி.மு.க முன்னாள் அமைச்சர் கே.சி. வீரமணி மீது ஊழல் வழக்குப் பதிவு செய்ய அனுமதி கோரி தமிழக அரசு அனுப்பிய மசோதாவில் ஆவணங்கள் குறைவாக உள்ளதாக கூறி தமிழக ஆளுநர் ஆர்.என். ரவி திருப்பி அனுப்பியுள்ளார்.

தமிழக அரசு நிறைவேற்றி அனுப்பிய மசோதாக்கள் மீது எந்த முடிவும் எடுக்காமல் காலம் தாழ்த்திய ஆளுநர் ஆர்.என்.ரவிக்கு எதிராக அரசு சார்பில் உச்ச நீதிமன்றத்தில் வழக்கு தொடரப்பட்டது.  அந்த வழக்கில் அரசமைப்புச் சட்டத்துக்கு இணங்காத ஆளுநரின் செயல்பாட்டை சட்டவிரோதமானது என்று அறிவிக்க வேண்டும். அத்துடன் மசோதாக்கள், அரசு உத்தரவுகள் மீது ஆளுநர் முடிவு எடுக்க கால வரம்பை நிர்ணயிக்க வேண்டும் என்று கோரப்பட்டுள்ளது. 

இந்த மனு உச்ச நீதிமன்றத் தலைமை நீதிபதி டி.ஒய்.சந்திரசூட்,  நீதிபதிகள் ஜே.பி. பார்திவாலா,  மனோஜ் மிஸ்ரா ஆகியோர் அடங்கிய அமா்வு முன்பாக வெள்ளிக்கிழமை விசாரணைக்கு வந்தது. அப்போது மசோதாக்களை நிறுத்தி வைக்கவோ, நிராகரிக்கவோ ஆளுநருக்கு அதிகாரம் இல்லை என உச்ச நீதிமன்றம் தெளிவுப்படுத்தியது.

இந்த நிலையில், அ.தி.மு.க முன்னாள் அமைச்சர் கே.சி. வீரமணி மீது ஊழல் வழக்குப் பதிவு செய்ய அனுமதி கோரி தமிழக அரசு கோப்புகளை அனுப்பி இருந்த நிலையில், அவர் மீது வழக்குப் பதிவு செய்ய ஆளுநர் ஆர்.என். ரவி மறுப்பு தெரிவித்துள்ளார். கே.சி. வீரமணி மீது வழக்குப் பதிவு செய்ய ஆவணங்கள் குறைவாக உள்ளதாகக் கூறி ஆளுநர் ஆர்.என். ரவி கோப்புகளைத் திருப்பி அனுப்பி உள்ளதாகத் தகவல் வெளியாகியுள்ளது. 

அதே போல, தமிழ்நாட்டில் நீண்ட நாட்கள் சிறையில் உள்ள கைதிகளை முன் விடுதலை செய்யும் விவகாரத்தில் 71 பேரில் 31 பேரை விடுதலை செய்ய ஆளுநர் ஆர்.என். ரவி ஒப்புதல் அளித்துள்ளார். அதில் 39 பேர் மீது பரிசீலனையில் உள்ளது. ஒருவரை விடுதலை செய்வதற்கு மறுப்பு தெரிவித்துள்ளார்.

மேலும், டி.என்.பி.எஸ்.சி. தலைவர் மற்றும் உறுப்பினர்கள் நியமனம் தொடர்பாகத் தமிழக அரசு அனுப்பிய கோப்புகளையும் ஆளுநர் ஆர்.என். ரவி திருப்பி அனுப்பியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவை உக்கடம் ராமர் கோவில் காய்கறி மார்க்கெட் பின்புறம் கடந்த 3 நாட்களாக கார் ஒன்று நின்று கொண்டிருந்துள்ளது. இதனால். சந்தேகமடைந்த அப்பகுதி பொதுமக்கள் பெரிய கடை வீதி போலீசாருக்கு தகவல் கொடுத்தனர்.

பின்னர், போலீசார் சம்பவ இடத்துக்கு வந்து அந்த காரை பார்வையிட்டனர். போலீசாரின் விசாரணையில் அந்த கார் பெரம்பலூர் மாவட்டத்தை சேர்ந்த பாலமுருகன் என்பவருக்கு சொந்தமானது என்பது தெரிய வந்தது.‌ 

அந்த காரைத் திறந்து பார்த்தபோது காருக்குள் கத்தி உள்ளிட்ட ஆயுதங்கள், டவல் மற்றும் போர்வை இருந்ததும், ரத்தக்கறை காரில் இருந்ததும் தெரிய வந்தது. 

மேற்கொண்டு நடத்தப்பட்ட விசாரணையில் பாலமுருகனின் மனைவி தீபா என்பவர் ஆசிரியையாக பணியாற்றி வந்ததும் - கடந்த 17-ந் தேதி அவர்  காணாமல் போனதும் தெரியவந்தது. 

இதேபோல், பெரம்பலூர் மாவட்டம் வி.களத்தூர் பகுதியை சேர்ந்த பள்ளி ஆசிரியர் வெங்கடேஷ் என்பவரும் அதே நாளில் காணாமல் போனதும் கண்டுபிடிக்கப்பட்டது.‌ 

இது தொடர்பாக இரு குடும்பத்தினரும் அளித்த புகாரின் பேரில் பெரம்பலூர் மாவட்ட போலீசார் தீபா மற்றும் வெங்கடேஷ் ஆகியோர் காணாமல் போனதாக வழக்கு பதிவு செய்து விசாரணை நடத்தி வருகின்றனர். 

இந்த நிலையில் கார் கோவையில் இருப்பது குறித்து பெரம்பலூர் வி.களத்தூர் போலிசாருக்கும் பாலமுருகனுக்கும் தகவல் கொடுக்கப்பட்டு பெரம்பலூர் மாவட்ட போலீசார் கோவை வந்து இது தொடர்பாக விசாரணை நடத்தி வருகின்றனர். மோப்ப நாயை கொண்டும் சோதனை நடத்தப்பட்டது.

இந்நிலையில் இன்று மாலை பெரம்பலூர் போலிசார் அந்த காரை எடுத்து செல்ல முடிவெடுத்த நிலையில் காரின் சாவி இல்லாததால் புதிதாக சாவியை தயாரித்து காரை start செய்தனர். (இன்னும் எடுத்து செல்லவில்லை)

தற்போது தீபாவும், வெங்கடேஷும் கண்டுபிடிக்கப்படாத நிலையில் பெரம்பலூர் போலிசார் தனிப்படைகள் அமைத்து இருவரையும் தேடி வருகின்றனர்.

செய்தி: பி. ரஹ்மான்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

தமிழ்நாடு காவல் துறையின் சட்டம் ஒழுங்கு சிறப்பு டிஜிபி ராஜேஷ் தாஸ்  2021ஆம் ஆண்டு பிப்ரவரி 21-ஆம் தேதி திருச்சி,  புதுக்கோட்டை மாவட்டங்களில் பாதுகாப்பு பணியில் ஈடுபட்டிருந்தார்.
அப்போது, பெண் ஐபிஎஸ் அதிகாரிக்கு பாலியல் தொல்லை அளித்ததாக புகார் எழுந்தது. இந்த வழக்கின் விசாரணை விழுப்புரம் குற்றவியல் நீதிமன்றத்தில் நடந்தது.
வழக்கை விசாரித்த நீதிமன்றம், டிஜிபி ராஜேஷ் தாஸ் குற்றவாளி என நீதிமன்றம் தீப்பளித்து,  அவருக்கு 3 ஆண்டுகள் சிறைத் தண்டனையும், ரூ. 20,500 அபராதமும் விதித்தது.

இந்தத் தீர்ப்பை குறிப்பிட்டு தமிழ்நாடு உள்துறை முதன்மை செயலர் அமுதா உத்தரவு ஒன்றை பிறப்பித்துள்ளார். அந்த உத்தரவில், “ராஜேஷ் தாஸை குடிமைப் பணி அதிகாரிகளின் ஒழுங்கு விதிமுறைகளின்படி  கட்டாய ஓய்வில் அனுப்பும்படி குறிப்பிட்டுள்ளார்.
மேலும் இதில் ஏதாவது உடன்பாடு இல்லை என்றால் அரசிடம் முறையிடலாம் என்றும் அந்த உத்தரவில் கூறியுள்ளார். பணியிடை நீக்கம் செய்யப்பட்ட ராஜேஷ் தாஸ்,  இந்த ஆண்டு டிசம்பர் மாதம் இறுதியில் ஓய்வு பெற இருந்தார் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Enforcement-directorate | DVAC: திண்டுக்கல்-மதுரை 4 வழிச்சாலையில் மத்திய பிரதேச பதிவெண் கொண்ட ஒரு கார் இன்று காலை வந்து கொண்டு இருந்தது. இந்தக் காரில் லஞ்ச பணம் கொண்டு வருவதாக லஞ்ச ஒழிப்புத்துறை போலீசாருக்கு ரகசிய தகவல் கிடைத்தது.

இதன் அடிப்படையில், ஊழல் தடுப்பு மற்றும் கண்காணிப்புத்துறை திண்டுக்கல் டி.எஸ்.பி. நாகராஜன், இன்ஸ்பெக்டர் ரூபா கீதாராணி ஆகியோர் அந்த காரை மடக்கினர். பின்னர் அந்த காரை செட்டிநாயக்கன்பட்டியில் உள்ள மின் வாரிய அலுவலகத்துக்கு அழைத்து வந்தனர். 

காரின் உள்ளே சோதனையிட்ட போது ரூ.20 லட்சம் பணம் இருந்துள்ளது.  காரில் வந்த நபர் முன்னுக்குப்பின் முரணான தகவல் தெரிவித்தார். மத்திய அரசு பணி என்று காரில் எழுதப்பட்டிருந்த நிலையில் அவர் அதிகாரியாக இருக்கலாம் என்று சந்தேகம் எழுந்தது. அதன்பேரில் அவர் வைத்திருந்த அடையாள அட்டையைப் பார்த்தபோது அமலாக்கத் துறையை சேர்ந்த அங்கிட் திவாரி என கண்டறியப்பட்டது. 

அவர் கொண்டு வந்த பணம் லஞ்சம் வாங்கிய பணமாக இருக்கலாம் என்று சந்தேகம் எழுந்தது. அதன் அடிப்படையில் அவர் வைத்திருந்த ஆவணங்கள் அவரது செல்போன் எண்ணுக்கு வந்த அழைப்புகள் ஆகியவற்றை சோதனை நடத்தினர். இதுகுறித்து ஊழல் மற்றும் கண்காணிப்புத்துறை மதுரை எஸ்.பி. சரவணனுக்கு தகவல் தெரிவிக்கப்பட்டு அவரும் விசாரணை மேற்கொண்டார்.

மத்திய பிரதேசத்தில் சமீபத்தில் சட்டமன்ற தேர்தல் நடந்து முடிந்துள்ள நிலையில், பல்வேறு இட ங்களில் அமலாக்கத்துறை மற்றும் வருமானவரித்துறை சோதனை நடைபெற்றுள்ளது. அதில் டாக்டர் ஒருவரிடம் பெற்ற பணம் இந்த ரூ.20 லட்சம் என தெரிய வந்துள்ளது. இது குறித்து மத்திய பிரதேசம் மற்றும் அமலாக்கத்துறை உயர் அதிகாரிகளுக்கு தகவல் தெரிவித்து விசாரணை நடத்தப்பட்டு வருகிறது.

லஞ்சம் வாங்கியதாக ஒரு அமலாக்கத்துறை அதிகாரியை தமிழக லஞ்ச ஒழிப்புத்துறை போலீசார் கைது  செய்து விசாரணை நடத்துவது இதுவே முதல் முறையாகும். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னை கிண்டியில் உள்ள ஆளுநர் மாளிகை வாசல் முன்பு ஆகஸ்ட் மாதம் 25ஆம் தேதி மதியம் 3 மணிக்கு அடுத்தடுத்து 2 பெட்ரோல் குண்டுகள் வீசப்பட்டன.
பெட்ரோல் குண்டு வீசியவரை மடக்கி பிடித்து போலீசார் விசாரித்தப்போது, அவர் சரித்திர குற்றவாளி கருக்கா வினோத் என்பது தெரியவந்தது.
இதனையடுத்து பிரபல ரவுடியான சென்னை நந்தனத்தைச் சேர்ந்த கருக்கா வினோத் (42) கிண்டி போலீசாரால் கைது செய்யப்பட்டார். பின்னர், அவர் நீதிமன்ற காவலில் புழல் சிறையில் அடைக்கப்பட்டார்.

தொடர்ந்து நடத்தப்பட்ட விசாரணையில்,  விசாரணையில், ”நீட் தேர்வை ரத்து செய்ய வேண்டும். 10 ஆண்டு சிறை கைதிகளை விடுதலை செய்ய வேண்டும் என்பதற்காகத்தான் பெட்ரோல் குண்டுகளை வீசினேன். நீட் தேர்வால் மாணவர்கள் தற்கொலை சம்பவங்கள் தொடர் கதையானதால் மன உளைச்சல் அடைந்தேன். எனது மகன் 6-ம் வகுப்பு படிக்கிறான். நீட்’ தேர்வு இருந்தால் அவன் எப்படி டாக்டர் ஆவான்? எனக் கேட்டதாக செய்திகள் வெளியாகின.

இந்நிலையில், கருக்கா வினோத் மீது குண்டர் தடுப்பு காவல் சட்டம் பதிவு செய்யப்பட்டது. இதற்கு, கருக்கா வினோத் தேனாம்பேட்டை காவல் நிலையத்தில் சரித்திர குற்றவாளி என்று காவல் துறை தரப்பில் விளக்கம் அளிக்கப்பட்டது.
இந்த நிலையில் கருக்கா வினோத் மீதான வழக்கு என்.ஐ.ஏ போலீசார் வசம் ஒப்படைக்கப்பட்டுள்ளது. இதற்கான உத்தரவை  இதனால் இந்த வழக்கில் மேலும் சில விவரங்கள் வெளியாகும் எனக் கூறப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

ஆருத்ரா கோல்ட் டிரேடிங் நிறுவனத்தின் இயக்குநர்களில் ஒருவரான கே.ஹரிஷ் உள்பட இருவரை பொருளாதார குற்றப்பிரிவு (EOW) போலீசார் ஏற்கனவே கைது செய்தனர்.
தொடர்ந்து கூடுதல் இயக்குநராக இருந்த தொண்டியார்பேட்டையைச் சேர்ந்த ஜே.மாலதியையும் கைது செய்யப்பட்டார்.
ஆரூத்தை நிறுவனம் செப்டம்பர் 2020 மற்றும் மே 2022 க்கு இடையில், ஒரு லட்சத்திற்கும் மேற்பட்ட மக்களிடம் இருந்து பணத்தை நிறுவனம் வசூலித்துள்ளதாகவும், அவர்களின் டெபாசிட்டுகளுக்கு 25% முதல் 30% வரை வட்டி தருவதாக உறுதியளித்துள்ளதாகவும் போலீசார் தெரிவித்தனர்.
டெபாசிட் செய்தவர்களை ஏமாற்றிவிட்டதால், மக்கள் அந்த நிறுவனத்தின் மீது புகார் அளித்துள்ளனர்.
இதைத் தொடர்ந்து பொருளாதார குற்றப்பிரிவு, IPC இன் 420 (ஏமாற்றுதல் மற்றும் முறைப்படுத்தப்படாத வைப்புத் திட்டங்களைத் தடை செய்தல் (BUDS) சட்டம் மற்றும் தமிழ்நாடு வைப்பாளர்களின் நலன்களைப் பாதுகாத்தல் (TNPID)) ஆகிய பிரிவுகளின் கீழ் வழக்குப் பதிவு செய்தது.
மொத்தம், 21 பேர் மீது வழக்குப் பதிவு செய்யப்பட்டு, இயக்குநர்கள் பாஸ்கர், மோகன்பாபு, செந்தில் குமார், பட்டாபிராமன் மற்றும் மேலாளர்கள் - ரஃபிக், அய்யப்பன் மற்றும் இரண்டு முகவர்கள் உட்பட 8 முக்கிய நிர்வாகிகள் கைது செய்யப்பட்டுள்ளனர்.
இந்த நிலையில், ஆரூத்ரா நிர்வாக இயக்குனர் ராஜசேகர் துபாயில் இன்று கைது செய்யப்பட்டார். ராஜ சேகருக்கு எதிராக லுக் அவுட் நோட்டீஸ் பிறப்பிக்கப்பட்டிருந்தது.

சென்னை அமைந்தகரையை தலைமை இடமாகக் கொண்டு செயல்பட்டு வந்த ஆருத்ரா கோல்டு நிறுவனம், முதலீடு செய்யும் பணத்திற்கு 25 முதல் 30 சதவீதம் வரை வட்டி எனக் கூறி சுமார் 1 லட்சம் முதலீட்டாளர்களிடம் இருந்து, ரூ.2,438 கோடி வசூலித்துள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவை காந்திபுரம் பகுதியில் மார்க்சிஸ்ட் கம்யூனிஸ்ட் கட்சியின் தேசிய பொதுச்செயலாளர் சீதாராம்யெச்சூரி செய்தியாளர்களுக்கு பேட்டியளித்தார்.

 அப்போது அவர் கூறியதாவது.” 5 மாநில தேர்தல் கருத்து கணிப்புகள் வெளியாகியுள்ளது.காங்கிரஸ் தெலுங்கானாவிலும், சத்தீஸ்கரிலும் வெற்றி பெறும் எனவும், ராஜஸ்தானில் பா.ஜ.க வெற்றி பெறும் எனவும் கணிப்பு முடிவுகள், பகிர்ந்து இருக்கும் படியாக இருக்கின்றது. கடந்தாண்டு 40,000 கார்பரேட்களுக்கு வருமான வரி விலக்கு அளிக்கப்பட்டுள்ளது.நாட்டில் வேலையிழப்பு அதிகளவில் உள்ளது. வேலை வாய்பின்மை அதிகரித்து வருகிறது. பணவீக்கம் அதிகமாக உள்ளது. 58% இந்தியர்கள் சொந்தமாக பணி செய்பவர்களாக உள்ளனர்.

வருகிற நாடாளுமன்ற தேர்தலிலும் இந்த பிரச்சினை பிரதிபலிக்கும். பெண்கள், சிறுபான்மையினர், பழங்குடியினர் தாக்கப்படுகின்றனர். வெறுப்பு பிரச்சாரம் முன்னெடுக்கப்பட்டு வருகிறது. மாநில அதிகாரத்தை பறிக்கும் வகையில் பிரதமர் மோடி தலைமையிலான மத்திய அரசு செயல்படுகிறது.ஜி 20 மாநாடு இந்தியா தலைமை வகிப்பதாகவும், முன்னிலை வகிப்பதாக பிம்பம் உருவாக்கப்பட்டது. ஆனால் ஜி 20 யில் உள்ள நாடுகளில் கடைசி இடத்தில் தான் இந்தியா உள்ளது. யுனஸ்கோவில் அமெரிக்காவின் குற்றச்சாட்டு தொடர்பாக மத்திய அரசு பதிலளிக்க வேண்டும். மிகவும் தீவிரமான பிரச்னை இந்தியாவில் நிலவி வருகிறது. இந்திய மக்களுக்காக, இந்தியாவிற்காக பாஜக வீழ்த்தப்பட வேண்டும்

5 மாநில தேர்தல் முடிந்தவுடன், தமிழகத்தில் கூட்டணி பணிகள், நாடாளுமன்ற தேர்தல் பணிகள் தொடங்கப்படும். எல்லா கருத்து கணிப்பு முடிவுகளும்  பா.ஜ.கவிற்கு சாதகமாக இல்லை. சில மாநிலங்கள் சாதகமாக இருக்கின்றது. சில மாநலங்களில் சாதகமற்ற நிலை இருக்கின்றது. இந்தியா கூட்டணி நாடாளுமன்ற தேர்தலில் வெற்றி பெறும். தமிழகத்தில் திமுக கூட்டணியில் சிபிஎம் இருக்கிறது. அதிமுக கூட்டணிக்கு செல்ல வாய்ப்பில்லை. இந்தியா கூட்டணி தேர்தலில் வெற்றி பெற்ற பின், பிரதமர் யார் என்பதை முடிவு செய்வோம். ஒவ்வொரு மாநிலத்திற்கு ஏற்ப சிபிஎம் கூட்டணிகளை முடிவு செய்துள்ளது. அது இந்தியா கூட்டணியின் வெற்றியை பாதிக்காது. அமலாக்கத்துறை, சிபிஐ போன்றவற்றை வைத்து மத்திய அரசு மிரட்டுகிறது. அமலாக்கத்துறை பதிவு செய்யும் வழக்குகளில் குற்றப்பத்திரிக்கை தாக்கல் செய்வதில்லை. அவ்வழக்குகளில் வெறும் ஒரு சதவீத வழக்குகளில் தான் தீர்ப்பு வந்துள்ளது. 8 மதோதக்களை 3 ஆண்டுகளாக கேரளா கவர்னர் நிறுத்தி வைத்திருகின்றார். கவர்னர்களை வைத்து மாநில அரசுகளுக்கு மத்திய அரசு நெருக்கடி கொடுக்கிறது. சாதிவாரி கணக்கெடுப்பு இந்திய அரசு நடத்த வேண்டும்” எனத் தெரிவித்தார்.

இதையடுத்து பேசிய அக்கட்சியின் மாநில செயலாளர் கே.பாலகிருஷ்ணன், “பாஜக, அதிமுக கட்சிகளை வீழ்த்துவதற்காக திமுக கூட்டணியில் உள்ளோம். அதிமுக பா.ஜ.கவின் பி டீமாக செயல்படுகிறது. இந்த நாடாளுமன்ற தேர்தலில் கடந்த அளவு கிடைத்த அளவு வெற்றி கூட இந்த முறை அதிமுகவால் பெற முடியாது. சிறுபான்மையினருக்கு ஆதரவாக இருப்பது போல எடப்பாடி பழனிசாமி பேசி வருகிறார். முத்தலாக், சிஏஏ, காஷ்மீர் பிரிவினை போன்றவை  கொண்டு வரப்பட்ட போது எந்த எதிர்ப்பும் தெரிவிக்காத கட்சி அதிமுக. இப்போது சிறுபான்மை மக்களின் காவலன் என ஏமாற்ற பார்க்கின்றது. அதனை எடப்பாடி பழனிசாமி வேண்டுமென்றால் மறந்திருக்கலாம். சிறுபான்மை மக்கள் மறந்திருக்க மாட்டார்கள். பா.ஜ.க, அதிமுக எவ்வளவு பிரச்சாரம் செய்தாலும் எடுபடாது.

கோவை, மதுரை ஆகிய இரு தொகுதிகளில் கடந்து முறை போட்டியிட்டு வெற்றி பெற்றோம். வருகின்ர நாடாளுமன்ற தேர்தலிலும் இந்த இரு தொகுதிகளையும் வலியுறுத்தி கேட்டு பெறுவோம். எல்லா கட்சிகளையும் போல கூடுதலான தொகுதிகளில் போட்டியிட விருப்பம் உள்ளது. கூட்டணி தொகுதி பங்கீடு பேச்சுவார்த்தையில் கூடுதல் தொகுதிகளில் கேட்போம். தொகுதி பங்கீட்டில் பிரச்சனை ஏற்படும் என நினைக்கின்றனர். ஆனால் தொகுதி உடன்பாடு சுமூகமாக நடைபெறும்.

உண்மைக்கு மாறான விடயங்களை மோடி துவங்கி அண்ணாமலை பேசுகின்றனர். அண்ணாமலை மூளைக்கு எதுவும் தெரியாது. பாதுகாக்கப்பட்ட வேளாண் மண்டலம் காவிரி டெல்டா  பகுதி என்பது பற்றி ஞானமே இல்லை. அண்ணாமலை ஞானசூனியமாக இருக்கின்றார். தமிழக வளர்ச்சிக்கு யார் அதிகம் இருந்திருக்கின்றனர்,  கம்யூனிஸ்டுகளா, பா.ஜ.கவா என பகிரங்கமாக விவாதிக்க தயார். தமிழக அரசு மின் கட்டண உயர்வை கைவிட வேண்டும். தமிழகத்தில் உள்ள தொழில்கள் வேறு பல மாநிலங்களுக்கு இடம் மாறும் நிலை இருக்கிறது. சிறுகுறு தொழில் முனைவோரிடம் பேச்சு நடத்தி தொழில் கடன்கள் வழங்கி அவர்கள் தொழில் தொடர நடவடிக்கை எடுக்க வேண்டும்.

விவசாயிகளின் மீது குண்டர் சட்டம் போடக்கூடாது என்பதை உடனே வலியுறுத்தினோம். அருண் என்கிற விவசாய போராட்டத்தை ஒருங்கிணைந்த நபர் மீது போடப்பட்ட வழக்கையும் வாபஸ் பெற வேண்டும். திமுக கொடுத்து இருக்கும் வாக்குறுதிகளை நிறைவேற்ற வேண்டும். போக்குவரத்து ஊழியர் சம்பள விவகாரம், பழைய ஓய்வூதியம் போன்றவை நிறைவேற்றப்பட வேண்டும். மதுரை,கோவை நாடாளுமன்ற தொகுதிகளை கண்டிப்பாக கேட்போம். தொழில் துறையினருக்கு மின்கட்டண உயர்வை குறைக்க வேண்டும் என்பதை தொடர்ந்து வலியுறுத்துவோம்” எனத் தெரிவித்தார்.

 செய்தி பி.ரஹ்மான்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

வங்க கடலில் உருவாகி உள்ள புயலுக்கு ’மிக்ஜாம்’ என்று பெயர் வைக்கப்பட்டுள்ள நிலையில், இந்த புயல் வட தமிழகத்தில் சென்னைக்கும் தெற்கு ஆந்திரா மசூலிப்பட்டினத்திற்கும் இடையே கரையை கடக்கும் என்று தெரிவிக்கப்பட்டுள்ளது.

சென்னை வானிலை ஆய்வு மையம் வெளியிட்டுள்ள அறிவிப்பில் “ தென்கிழக்கு வங்கக் கடலில் நிலவி வந்த ஆழந்த காற்றழுத்த தாழ்வுப் பகுதி, காற்றழுத்த தாழ்வு மண்டலமாக வலுபெற்றுள்ளது. இந்த காற்றழுத்த தாழ்வு மண்டலம் மேற்கு – வடமேற்கு திசையில் நகர்ந்து, நாளை மறுநாள் அதாவது டிசம்பர் 3ம் தேதி தென்மேற்கு வங்கக் கடல் பகுதிகளில்  புயலாக வலுப்பெற்றுள்ளது. டிசம்பர் 4ம் தேதி மாலை கரையைக் கடக்க உள்ளது. தெற்கு ஆந்திரா- வட தமிழகத்தின் இடைப்பட்ட பகுதியான சென்னைக்கும் தெற்கு ஆந்திராவின் மசூலிப்பட்டினத்திற்கும் இடையே ’மிக்ஜாம்’ புயல் கரையைக் கடக்கும் என எதிர்பார்க்கப்படுகிறது ” என்று தெரிவிக்கப்பட்டுள்ளது.

சென்னை, நாகை, காரைக்கால், கடலூர், எண்ணூர், காட்டுப்பள்ளி, புதுச்சேரி, பாம்பன், தூத்துக்குடி துறைமுகங்களில் புயல் எச்சரிக்கை கூண்டு ஏற்றப்பட்டுள்ளது. பலத்த காற்று வீசும் என்பதால் மீனவர்கள் ஆழ்கடல் பகுதிக்கு மீன் பிடிக்க செல்ல வேண்டாம் என எச்சரிக்கை விடுக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

தற்போது ஏற்பட உள்ள புயலால் சென்னை, திருவள்ளூர், செங்கல்பட்டு, காஞ்சிபுரம் உள்ளிட்ட பகுதிகளில் அதிக கனமழை பெய்ய வாய்ப்புள்ளதாக தமிழ்நாடு வெதர்மேன் தெரிவித்துள்ளார்.

 தமிழ்நாடு வெதர்மென் பேசியதாவது : ” இது ஒரு மேடன் ஜுலைன் ஆசிலேஷன் வேவ், நமக்கு சாதகமாகத்தான் இருக்கிறது. தமிழகம் மற்றும் தென்னிந்திய பகுதிகளுக்கு மழை பெய்ய சாதமாக உள்ளது. இந்த அலை பேஸ் 3 மற்றும் 4 வரும்போது சாதகமாக இருக்கும். புயல் ஏற்படவும் சாதகமாக இருக்கிறது. முதல் வாரத்திற்கு பிறகு பேஸ் 4-க்கும் செல்லும் வாய்ப்பு இருக்கிறது. இப்போது இருக்கும் நிலையை நாம் 2015ம் ஆண்டோடு ஒப்பிட முடியாது. நவம்பர் மாதத்தில் மட்டும் 25 நாட்கள் மழை பெய்துள்ளது. அதில் நேற்றுதான் சென்னையில் அதிக கனமழை பெய்தது.

 நிறைய இடங்களில் 150 மில்லி மீட்டர் வரை கனமழை பெய்துள்ளது. மீண்டும் வெள்ளம் ஏற்படுமா என்பதை  நாம் பொருத்திருந்து பார்துதான் முடிவு செய்ய வேண்டும். சென்னை, வட தமிழகம், டெல்டா பகுதிகள், திருபத்தூர், வேலூர், திருவண்ணாமலை, விழுப்புரம் போன்ற இடங்களில் கூட நல்ல மழை பெய்யும். இந்த புயல் அருகில் வந்து, வளைந்து தென் ஆந்திராவிற்கு செல்வதால் சென்னை, காஞ்சிபுரம், திருவள்ளூர், செங்கல்பட்டு இந்த மாவட்டங்களுக்குதான் அதிக மழை பெய்யும். 3ம் தேதிதான் புயல் அருகில் வரப்போகிறது. அதற்குள் ஏற்படும் மாற்றங்களை நாம் பொருத்திருந்தான் பார்க்க வேண்டும்” என்று கூறினார்.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

தேர்தலுக்கு பிந்தைய கருத்துக்கணிப்பு முடிவுகள் ராஜஸ்தான் மற்றும் மத்தியப் பிரதேசத்தில் காங்கிரஸ் மற்றும் பா.ஜ.க இடையே கடும் போட்டி நிலவுவதாக கணித்துள்ளது.

5 மாநில தேர்தல்கள் நிறைவு பெற்றுள்ள நிலையில், தேர்தலுக்கு பிந்தைய கருத்துக்கணிப்பு முடிவுகள் வெளியாகியுள்ளன.

மத்தியபிரதேசத்தில் தேர்தல் ஆரம்பித்தது முதல் காங்கிரஸ் மற்றும் பா.ஜ.க இடையே கடும் போட்டி நிலவி வருகிறது. அதே நிலையே தற்போதும் தொடர்கிறது. முதல்வர் சிவராஜ் சிங் சௌகானை முன்னிறுத்தாமல் பா.ஜ.க தேர்தலைச் சந்தித்துள்ள நிலையில், காங்கிரஸ் கமல்நாத்தை முன்னிறுத்தி தேர்தலில் களம் கண்டது. இந்தியா கூட்டணி தொடர்பான சிக்கல்களை எதிர்கொண்டாலும் காங்கிரஸ், மத்திய பிரதேசத்தில் கடும் சவால் விடுவதாக தேர்தலுக்கு பிந்தைய கருத்து கணிப்புகள் தெரிவிக்கின்றன.

மத்திய பிரதேசத்தில் பா.ஜ.க 100-123 இடங்களையும், காங்கிரஸ் 102-125 இடங்களையும் கைப்பற்றும் என்று ஜான் கி பாத் கணித்துள்ளது.

பா.ஜ.க.,வுக்கு 106-116 இடங்களும், காங்கிரஸுக்கு 111-121 இடங்களும் கிடைக்கும் என்று TV9 Bharatvarsh - Polstrat கணித்துள்ளது.

பா.ஜ.க.,வுக்கு 118-130 இடங்களும், காங்கிரஸுக்கு 97-107 இடங்களும் கிடைக்கும் என்று ரிபப்ளிக் டிவி-மேட்ரைஸ் கணித்துள்ளது.

பா.ஜ.க.,வுக்கு 95-115 இடங்களும், காங்கிரஸுக்கு 105-120 இடங்களும் கிடைக்கும் என்று டைனிக்பாஸ்கர் கணித்துள்ளது.

பா.ஜ.க.,வுக்கு 151 இடங்களும், காங்கிரஸுக்கு 74 இடங்களும் கிடைக்கும் என்று நியூஸ்24 – டுடேஸ் சாணக்யா கணித்துள்ளது.

அனைத்து கருத்துக் கணிப்புகளும் பிற கட்சிகள் அல்லது சுயேட்சைகள் 5 இடங்கள் வரை கைப்பற்றுவார்கள் என்று தெரிவித்துள்ளது. அதேநேரம் தனித்து களம் காணும் பகுஜன் சமாஜ் கட்சி ஒரு இடத்தில் கூட வெற்றி பெறாது என்று கணித்துள்ளன.

இதேபோல், ராஜஸ்தானிலும் காங்கிரஸ் – பா.ஜ.க இடையே கடும் போட்டி நிலவுகிறது. தேர்தலுக்கு பிந்தைய கருத்துக் கணிப்புகளில், காங்கிரஸ் ஆளும் ராஜஸ்தானில் பா.ஜ.க 100-122 இடங்களிலும், காங்கிரஸ் 62-85 இடங்களிலும் வெற்றி பெறும் என்று ஜான் கீ பாத் கணித்துள்ளது.

பா.ஜ.க.,வுக்கு 94-114 இடங்களும், காங்கிரஸுக்கு 97-107 இடங்களும் கிடைக்கும் என்று ரிபப்ளிக் ஏ.பி.பி நியூஸ் – சிவோட்டர் கணித்துள்ளது.

பா.ஜ.க.,வுக்கு 100-110 இடங்களும், காங்கிரஸுக்கு 90-100 இடங்களும் கிடைக்கும் என்று TV9 Bharatvarsh - Polstrat கணித்துள்ளது.

பா.ஜ.க.,வுக்கு 80-100 இடங்களும், காங்கிரஸுக்கு 86-106 இடங்களும் கிடைக்கும் என்று ரிபப்ளிக் இந்தியாடுடே – ஆக்ஸிஸ் மைஇந்தியா கணித்துள்ளது.

பா.ஜ.க.,வுக்கு 115-130 இடங்களும், காங்கிரஸுக்கு 65-75 இடங்களும் கிடைக்கும் என்று ரிபப்ளிக் டிவி-மேட்ரைஸ் கணித்துள்ளது.

பா.ஜ.க.,வுக்கு 108-128 இடங்களும் காங்கிரஸுக்கு 56-72 இடங்களும் கிடைக்கும் என்று டைம்ஸ் நவ்-ETG கணித்துள்ளது.

அனைத்து கருத்துக் கணிப்புகளும் பிற கட்சிகள் அல்லது சுயேட்சைகள் 8-16 இடங்கள் வரை கைப்பற்றுவார்கள் என்று தெரிவித்துள்ளது. அதேநேரம் தனித்து களம் காணும் பகுஜன் சமாஜ் கட்சி ஒரு இடத்தில் கூட வெற்றி பெறாது என்று பெரும்பாலான நிறுவனங்கள் கணித்துள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

செம்பரம்பாக்கம் ஏரியிலிருந்து விநாடிக்கு 12,000 கன அடி நீர் வெளியேற்றப்பட்டாலும் சென்னைக்கு பாதிப்பு இல்லை என காஞ்சிபுரம் மாவட்ட ஆட்சியர் தெரிவித்துள்ளார்.

தமிழகத்தில் வடகிழக்கு பருவமழை தீவிரமடைந்துள்ளது. இதனால் வட தமிழக மாவட்டங்களில் கடந்த சில நாட்களாக கனமழை பெய்து வருகிறது. குறிப்பாக சென்னை மற்றும் அதனைச் சுற்றியுள்ள காஞ்சிபுரம், செங்கல்பட்டு, திருவள்ளூர் ஆகிய மாவட்டங்களில் மழை வெளுத்து வாங்குகிறது.

இதனால் சென்னைக்கு முக்கிய நீர் ஆதாரமாக விளங்கும் செம்பரம்பாக்கம் ஏரி நிரம்பியுள்ளது. செம்பரம்பாக்கம் ஏரியின் மொத்த உயரம் 24 அடியாகும். முழு கொள்ளளவு 3645 மில்லியன் கன அடியாகும். தற்போது செம்பரம்பாக்கம் ஏரியின் நீர்பிடிப்பு பகுதிகளில் பெய்து வரும் தொடர் மழையின் காரணமாக ஏரிக்கு நீர்வரத்து அதிகரித்து, நீர் மட்டம் 22.19 அடியாக உள்ளது. கொள்ளளவு 3169 மில்லியன் கன அடியாக உள்ளது.

கடந்த சில நாட்களாக செம்பரம்பாக்கம் ஏரியிலிருந்து உபரி நீர் திறக்கப்பட்டு வருகிறது. சில நாட்களாக 2000 கன அடி நீர் திறக்கப்பட்ட நிலையில், செம்பரம்பாக்கம் ஏரிக்கு நீர் வரத்து அதிகரித்ததால், தற்போது 4079 கன அடியாக உபரி நீர் வெளியேற்றப்பட்டு வருகிறது.

இந்தநிலையில், காஞ்சிபுரம் மாவட்ட ஆட்சியர் கலைச்செல்வி செம்பரம்பாக்கம் ஏரியை பார்வையிட்டு ஆய்வு செய்தார். செம்பரம்பாக்கம் ஏரியின் தற்போதைய நிலை, கொள்ளளவு, நீர்வரத்து உள்ளிட்ட விவரங்களை, பொறியாளர்களிடம் கேட்டறிந்தார்.

பின்னர் செய்தியாளர்களிடம் பேசிய ஆட்சியர் கலைச்செல்வி, செம்பரம்பாக்கம் ஏரியிலிருந்து வினாடிக்கு 12000 கன அடி வரை உபரி நீர் வெளியேற்றினாலும் சென்னைக்கு பாதிப்பு இல்லை. ஏனெனில் அடையாறு ஆறு தூர் வாரப்பட்டுள்ளது. முன்னெச்சரிக்கை நடவடிக்கையாக உபரி நீர் கால்வாய் செல்லும் கிராமங்களான காவனூர், சிறுகளத்தூர், குன்றத்தூர், திருமுடிவாக்கம், வழுதலம்மேடு, திருநீர்மலை மற்றும் அடையாறு ஆற்றின் கரையோரம் வசிப்பவர்களுக்கு எச்சரிக்கை விடப்பட்டுள்ளது என்று கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழகம் முழுவதும் புவியியல் மற்றும் சுரங்கத் துறை அதிகாரிகள் 49 பேர் இடமாற்றம் செய்யப்பட்டுள்ளனர். இதில் 23 பேர் பதவி உயர்வு பெற்றதால் இடமாற்றம் செய்யப்பட்டதாக கூறப்படும் நிலையில், மற்ற 26 பேர் இடமாற்றத்துக்கு காரணம் என்ன என்ற கேள்வி எழுந்துள்ளது. 

மணல் குவாரிகளில் அமலாக்கத் துறையின் தொடர் சோதனை, பெரம்பலூரில் கல் குவாரி ஏலம் விடுவதில் மாவட்ட ஆட்சியர் அலுவலகத்தில் ஏற்பட்ட மோதல் உள்ளிட்ட காரணங்களால் தமிழகம் முழுவதும் புவியியல் மற்றும் சுரங்கத் துறை அதிகாரிகள் 49 பேர் இடமாற்றம் செய்யப்பட்டுள்ளனர்.

தமிழகத்தில் மணல் கொள்ளை தொடர்பாக, அண்மையில் அமலாக்கத் துறையினர் தமிழகம் முழுதும் புவியியல் மற்றும் சுரங்கத் துறை, பொதுப்பணித் துறை, நீர்வளத் துறை அலுவலகங்கள், அதிகாரிகளின் வீடுகள், மணல் குவாரிகள், ஒப்பந்ததாரர்கள், முக்கிய பிரமுகர்களின் வீடுகள் மற்றும் அலுவலகங்களில் அதிரடி சோதனை நடத்தினர்.  திருச்சி, புதுக்கோட்டை, திண்டுக்கல், சென்னை உள்ளிட்ட பல்வேறு இடங்களில் அடுத்தடுத்து சோதனைகள் நடைபெற்றன. அமலாக்கத்துறை நடத்திய தொடர் சோதனையில் ஏராளமான ஆவணங்கள் கைப்பற்றப்பட்டன. 

இதனிடையே, பெரம்பலூர் மாவட்டத்தில் உள்ள கல் குவாரிகளை ஏலம் எடுப்பதில் தி.மு.க-வினர் மற்றும் பா.ஜ.க நிர்வாகிகள் இடையே ஏற்பட்ட மோதலில் பா.ஜ.க-வினரை தாக்கிய தி.மு.க நிர்வாகிகள், புவியியல் மற்றும் சுரங்கத் துறை அலுவலகத்தை சூறையாடினர். இந்த தாக்குதல் தொடர்பாக, 13 பேர் கைது செய்யப்பட்டனர். 

இதையடுத்து, பெரம்பலூர் மாவட்ட புவியியல் மற்றும் சுரங்கத் துறை உதவி இயக்குநராக கூடுதல் பொறுப்பு வகித்த கரூர் மாவட்ட உதவி இயக்குநரான ஜெயபால், பெரம்பலூர் மாவட்ட உதவி இயக்குநர் பொறுப்பிலிருந்து விடுவிக்கப்பட்டார். இதைத் தொடர்ந்து, திருச்சி மாவட்ட இணை இயக்குநர் சரவணன், பெரம்பலூர் மாவட்ட உதவி இயக்குநர் பொறுப்பை கூடுதலாக கவனிக்க உத்தரவிடப்பட்டது. இதுமட்டுமில்லாமல், பெரம்பலூர் மாவட்ட புவியியல் மற்றும் சுரங்கத் துறை அலுவலகத்தில் பணியாற்றிய 3 பேர் பணியிட மாற்றம் செய்யப்பட்டனர்.

இந்நிலையில், திருச்சி, கடலூர், சிவங்கை, அரியலூர் ஆகிய மாவட்டங்களைத் தவிர, தமிழகம் முழுவதும் மற்ற மாவட்டங்களில் உள்ள புவியியல் மற்றும் சுரங்கத் துறை உதவி இயக்குநர்கள், துணை இயக்குநர்கள், இணை இயக்குநர்கள் உள்ளிட்ட அதிகாரிகள் 49 பேரை பணியிடமாற்றம் செய்து தமிழக அரசு ஆணை பிறப்பித்துள்ளது.

இது குறித்து புவியியல் மற்றும் சுரங்கத் துறை வட்டாரங்கள் கூறுகையில், “தமிழகம் முழுவதும் உதவி புவியியலாளர்களாக உள்ள 23 பேர் உதவி இயக்குநர்களாக பதவி உயர்வு பெற்று ஒரு மாதத்துக்கு மேல் ஆகிறது. அதை அமல்படுத்தும் விதமாக தற்போது அரசு ஆணை பிறப்பித்துள்ளது. மற்றவர்கள் நிர்வாக காரணங்களுக்காக இடமாற்றம் செய்யப்பட்டுள்ளனர்” என்று தெரிவித்தனர்.

புவியியல் மற்றும் சுரங்கத் துறையைச் சேர்ந்த 49 பேர் இடமாற்றம் செய்யப்பட்டதில் 23 பேர் பதவி உயர்வு பெற்றதாக கூறப்பட்டாலும் மற்ற 26 அதிகாரிகள் எதற்காக இடமாற்றம் செய்யப்பட்டனர் என காரணம் தெரிவிக்கப்படவில்லை. இருப்பினும், அமலாக்கத் துறையின் தொடர் சோதனை காரணமாகவே இந்த நடவடிக்கை மேற்கொள்ளப்பட்டு இருக்கலாம் என்று வட்டாரங்கள் தெரிவிக்கின்றன. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

நியூயார்க்கில் காலிஸ்தான் பிரிவினைவாதி குர்பத்வந்த் சிங் பன்னூனைக் கொல்ல இந்திய உளவுத்துறை அதிகாரி திட்டமிட்டு வழிநடத்தியதாக அமெரிக்க பெடரல் வழக்குரைஞர்கள் குற்றம் சாட்டியதிலிருந்து, இந்தியா தனது முதல் பதிலாக, இது "கவலைக்குரிய விஷயம்" என்றும், "இந்திய அரசின் கொள்கைக்கு முரணானது" என்றும் வியாழக்கிழமை கூறியது.

ஆங்கிலத்தில் படிக்க: ‘Matter of concern’: India reacts to US accusing Indian in foiled plot to kill Khalistan separatist Gurpatwant Singh Pannun

“ஒரு தனிநபருக்கு எதிரான வழக்கு அமெரிக்க நீதிமன்றத்தில் தாக்கல் செய்யப்பட்டுள்ளது, அவரை இந்திய அதிகாரி ஒருவருடன் தொடர்புபடுத்தியதாகக் கூறப்படுகிறது, இது கவலைக்குரிய விஷயம்... இது அரசாங்கக் கொள்கைக்கும் முரணானது. சர்வதேச அளவில் ஒழுங்கமைக்கப்பட்ட குற்றம், கடத்தல், துப்பாக்கிச் சூடு மற்றும் தீவிரவாதிகளுக்கு இடையேயான தொடர்பு, சட்ட அமலாக்க, ஏஜென்சி மற்றும் அமைப்புகளுக்கு ஒரு தீவிரமான பிரச்சினையாகும். அதனால்தான் உயர்மட்ட விசாரணைக் குழு அமைக்கப்பட்டுள்ளது. அதன் முடிவுகளால் நாங்கள் வழிநடத்தப்படுவோம்,” என்று வெளியுறவு அமைச்சகத்தின் அதிகாரப்பூர்வ செய்தித் தொடர்பாளர் அரிந்தம் பாக்சி கூறினார். COP-28 உச்சிமாநாட்டிற்காக துபாய்க்கு பிரதமர் வருகை தந்தது குறித்து செய்தியாளர்களிடம் கூறும்போது, இந்த கேள்விகளுக்கு அரிந்தம் பாக்சி பதிலளித்தார்.

கொலைச் சதியில் மற்றொரு இந்தியக் குடிமகன் மற்றும் இரகசிய அமெரிக்க அதிகாரிகளாக மாறிய ஒரு ஆதாரம் மற்றும் ஒரு கொலைக்காரன் என இரண்டு நபர்கள் உள்ளனர் என குற்றம்சாட்டப்பட்டுள்ளது. மன்ஹாட்டனில் உள்ள பெடரல் நீதிமன்றத்தில் அமெரிக்க நீதித்துறை தாக்கல் செய்த குற்றப்பத்திரிகையில் குற்றச்சாட்டுகள் உள்ளன.

குற்றப்பத்திரிகையின்படி, இந்திய அதிகாரி, 52 வயதான இந்திய குடிமகன் நிகில் குப்தாவுடன் பணிபுரிந்தார், நிகில் குப்தா என்பவர் நிக் என்றும் அழைக்கப்படுகிறார், நிகில் குப்தா இந்த ஆண்டு ஜூன் 30 அன்று செக் அதிகாரிகளால் கைது செய்யப்பட்டார் மற்றும் கூலிக்கு கொலை மற்றும் கொலைக்கு சதி செய்ததாக குற்றம் சாட்டப்பட்டார். ஒவ்வொரு வழக்குக்கும் அதிகபட்சமாக 10 ஆண்டுகள் சிறைத்தண்டனை விதிக்கப்படும்.

CC-1 என குறிப்பிடப்படாத, இந்திய அரசு நிறுவன ஊழியர் ஒருவர், "பாதுகாப்பு மேலாண்மை" மற்றும் "உளவுத்துறை" ஆகியவற்றில் பொறுப்புகளைக் கொண்ட "மூத்த கள அதிகாரி" என்று தன்னை விவரித்துக் கொண்டார் என்று குற்றப்பத்திரிகை கூறுகிறது. அவர் முன்பு இந்தியாவின் மத்திய ரிசர்வ் போலீஸ் படையில் பணியாற்றியவர் என்றும், "போர் சாதனங்கள்" மற்றும் "ஆயுதங்கள்" ஆகியவற்றில் "அதிகாரி பயிற்சி" பெற்றதாகவும் குறிப்பிடப்பட்டுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ்நாட்டில் புதிய வகை காய்ச்சல் கண்டறியப்படவில்லை என மருத்துவத்துறை அமைச்சர் மா.சுப்பிரமணியன் தெரிவித்துள்ளார்.

இதுதொடர்பாக செய்தியாளர்களிடம் பேசிய மருத்துவத்துறை அமைச்சர் மா.சுப்பிரமணியன் தெரிவித்ததாவது; சீனாவில் புதிய வைரஸ் காய்ச்சல் பரவி வருவதாக சொல்லப்பட்டிருக்கிறது. இந்த வைரஸ் காய்ச்சல் குழந்தைகளை அதிகம் பாதித்து வருவதாகவும் சொல்லப்பட்டிருக்கிறது. இது சம்பந்தமாக உலக சுகாதார நிறுவனம் ஏற்கனவே அறிவுறுத்தியிருக்கிறது.

அந்த வகையில், நமது பொதுச் சுகாதாரத்துறையின் மூலம் காய்ச்சல் பாதிப்பு உள்ளவர்களுக்கு, குறிப்பாக குழந்தைகளுக்கு காய்ச்சல் இருந்தால், மிகக் கவனமாக ஆய்வு செய்யப்பட்டு வருகிறது.  

சீனாவில் இருப்பது மாதிரியான புதிய வைரஸ் காய்ச்சல் எதுவும் தமிழ்நாட்டில் கண்டறியப்படவில்லை. முதல்வர் அறிவுறுத்தலின் படி டெங்கு பாதிப்பு, இன்புளூயன்சா பாதிப்பு உள்ளிட்ட பாதிப்புகளுக்காக வாரந்தோறும் சிறப்பு மருத்துவ முகாம்கள் நடத்தப்பட்டு வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

அ.தி.மு.க கொடி, பெயர், சின்னம் பயன்படுத்த ஓ.பன்னீர் செல்வத்துக்கு தடை கோரி சென்னை உயர் நீதிமன்றத்தில் எடப்பாடி பழனிசாமி தாக்கல் செய்த வழக்கில் அ.தி.மு.க கொடி, பெயர், சின்னம் பயன்படுத்தப்பட மாட்டாது  ஓ.பி.எஸ் தரப்பில் உத்தரவாதம் அளிக்கப்பட்டுள்ளது. 

அ.தி.மு.கவில் ஒற்றைத் தலைமை பிரச்சனை எழுந்ததையடுத்து பொதுக் கூட்டத்தில் தீர்மானம் நிறைவேற்றப்பட்டு எடப்பாடி பழனிசாமி  பொதுச் செயலாளராகத் பதவியேற்றார். ஓ.பி.எஸ் கட்சியில் இருந்து நீக்கப்படுவதாக கூட்டத்தில் தீர்மானம் நிறைவேற்றப்பட்டது. இதையடுத்து இருவரும் மாறி மாறி நீதிமன்றத்தில் வழக்கு தாக்கல் செய்தனர். இந்நிலையில்,  எடப்பாடி பழனிசாமியை அதிமுகவின் பொதுச்செயலாளராக தேர்தல் ஆணையம் அங்கீகரித்தது. இதன் மூலம் இரட்டை இலை சின்னம் எடப்பாடி பழனிசாமி வசம் என்பது உறுதியானது. 

தொடர்ந்து, கட்சியில் இருந்து நீக்கப்பட்ட ஓ. பன்னீர்செல்வம்  அதிமுகவின் கொடிகள், பெயர், லெட்டர் பேடு, சின்னங்களைப் பயன்படுத்தி வந்தார். இதற்கு எதிர்ப்பு தெரிவித்து எடப்பாடி பழனிசாமி தரப்பில் சென்னை உயர்நீதிமன்றத்தில் வழக்கு தொடப்பட்டது. இந்த வழக்கை விசாரித்த தனி நீதிபதி சதீஷ்குமார், அதிமுகவின் கொடி, சின்னம், லெட்டர் பேட் ஆகியவற்றை ஓபிஎஸ் பயன்படுத்த இடைக்காலத் தடை விதித்து உத்தரவிட்டார். 

இதையடுத்து தனி நீதிபதி தீர்ப்பை எதிர்த்து ஓ.பி.எஸ் தரப்பில் மேல்முறையீடு செய்யப்பட்டது. இந்த மேல்முறையீட்டு வழக்கு நீதிபதிகள் ஆர். மகாதேவன், முகமது ஷஃபிக் அமர்வு முன்பு கடந்த நவம்பர் 16-ம் தேதி விசாரணைக்கு வந்தது. இதனையடுத்து இந்த வழக்கு மீதான தீர்ப்பை தேதி குறிப்பிடாமல் ஒத்தி வைத்தனர். 

 இந்நிலையில், எடப்பாடி பழனிசாமி தாக்கல் செய்திருந்த வழக்கு தனி நீதிபதி சதீஷ்குமார் முன்பு இன்று (நவ.30) விசாரணைக்கு வந்தது. அப்போது இடைக்கால உத்தரவை எதிர்த்து தாக்கல் செய்த மனுவின் நிலை என்ன என்று கேட்டார். இதற்குப் பதிலளித்த ஓ.பன்னீர்செல்வம் தரப்பு மூத்த வழக்கறிஞர் அரவிந்த பாண்டியன்,  “மேல்முறையீட்டு மனு ஒத்திவைக்கப்பட்டுள்ளது. எனவே தீர்ப்பு வரும் வரை இந்த வழக்கை ஒத்தி வைக்கலாம்” என்றார். 

இதற்கு எதிர்ப்பு தெரிவித்த எடப்பாடி பழனிசாமி தரப்பு மூத்த வழக்கறிஞர் விஜய நாராயணன், “வழக்கில் தீர்ப்பு வரவில்லை என்றால் பதில் மனுவை தாக்கல் செய்து வாதத்தை தொடங்கலாம் அல்லது வழக்கை ஒத்தி வைப்பதாக இருந்தால் ஓ. பன்னீர்செல்வத்திற்கு விதிக்கப்பட்ட தடையை நீட்டிக்க வேண்டும்” எனத் தெரிவித்தார். இதற்கு ஓ. பன்னீர்செல்வம் தரப்பு எதிர்ப்பு தெரிவித்து, “தீர்ப்பு வரும் வரை அதிமுகவின் கொடி, பெயர், லெட்டர் பேடு, சின்னங்களைப் பயன்படுத்த மாட்டோம்” என்று உத்தரவாதம் அளிக்கப்பட்டது. இதனையடுத்து வழக்கு டிசம்பர் 11-ம் தேதிக்கு ஒத்தி வைக்கப்பட்டது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

நடிகர் விஜயகாந்த் விரைவில் குணமடைந்து வீடு திரும்ப ஒன்று சேர்ந்து பிரார்த்தனை செய்வோம் என்று சமத்துவ மக்கள் கட்சி தலைவர் சரத்குமார் தெரிவித்துள்ளார்.

தேதிமுதிக தலைவர் விஜயகாந்த  காய்ச்சல் காரணமாக சென்னை மியாட் மருத்துவமனையில் அனுமதிக்கப்பட்டார். இந்நிலையில் நேற்று மருத்துவமனை வெளியிட்ட அறிக்கையில் அவரது உடல் சீராக இல்லை என்றும் 14 நாட்கள் சிகிச்சை தேவை என்று அறிக்கை வெளியிட்டுருந்தது.

இந்நிலையில் தேமுதிக தலைவர் விஜயகாந்த் உடல்நிலை பின்னடைவு ஏற்பட்டுள்ளது. திடீர் மூச்சு திணறல் ஏற்பட்டுள்ளதால் அவரது குடும்பத்தினருடன்  மருத்துவக் குழு அவசர ஆலோசனை மேற்கொண்டுள்ளது என்று கூறப்படுகிறது. விஜய்காந்துக்கு கூடுதல் ஆக்சிஜன்  கொடுக்கப்பட்டு அவரது உடல்நிலை தீவிரமாக கண்காணிக்கப்படுவதாகவும் கூறப்படுகிறது.

தேமுதிக தலைவரும், நெருங்கிய நண்பருமான திரு.விஜயகாந்த் அவர்கள் பலமுறை மருத்துவமனைக்கு பரிசோதனைக்காக சென்று, உடனடியாக திரும்பி இருக்கிறார்கள். ஆனால், கடந்த 18ந்தேதி மருத்துவமனைக்கு பரிசோதனைக்காக சென்று அனுமதிக்கப்பட்ட கேப்டன் அவர்கள் நலம் பெற்று திரும்புவார் என்றிருந்த போது, அவரது…

— R Sarath Kumar (@realsarathkumar) November 29, 2023

இந்நிலையில் நடிகர் விஜயகாந்த் விரைவில் குணமடைந்து வீடு திரும்ப ஒன்று சேர்ந்து பிரார்த்தனை செய்வோம் என்று சமத்துவ மக்கள் கட்சி தலைவர் சரத்குமார் தெரிவித்துள்ளார். ” தேமுதிக தலைவரும், நெருங்கிய நண்பருமான திரு.விஜயகாந்த் அவர்கள் பலமுறை மருத்துவமனைக்கு பரிசோதனைக்காக சென்று, உடனடியாக திரும்பி இருக்கிறார்கள். ஆனால், கடந்த 18ந்தேதி மருத்துவமனைக்கு பரிசோதனைக்காக சென்று அனுமதிக்கப்பட்ட கேப்டன் அவர்கள் நலம் பெற்று திரும்புவார் என்றிருந்த போது, அவரது உடல்நிலை கடந்த 24 மணி நேரத்தில் சீரான நிலையின்றி, நுரையீரல் சிகிச்சை வழங்கப்பட்டு வருவதாக மருத்துவர்கள் வெளியிட்ட அறிக்கை மிகுந்த மனவேதனை அளிக்கிறது.

 மக்கள் நலனுக்காக பல்வேறு நற்பணிகளை மேற்கொண்ட அன்பு நண்பர் விஜயகாந்த் அவர்களுக்கு அளிக்கப்பட்டு வரும் தீவிர சிகிச்சை பலனளித்து, விரைவில் பூரண நலத்துடன் இல்லம் திரும்ப நாம் அனைவரும் ஒன்றுசேர்ந்து பிரார்த்திப்போம்” என்று அவர் எக்ஸ் தளத்தில் பதிவிட்டுள்ளார்.

 “தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தஞ்சை பெரிய கோயில் வரும் பக்தர்களுக்கு ஆடைக் கட்டுப்பாடு விதிக்கப்பட்டுள்ளது.

தமிழர்களின் தலைசிறந்த கட்டிடக்கலைக்கு எடுத்துக்காட்டாக திகழும் தஞ்சாவூர் பெரிய கோயில், உலக பாரம்பரிய சின்னமாகவும் விளங்கி வருகிறது. இந்த கோயிலுக்கு தமிழகம் மட்டுமில்லாமல் இந்தியாவின் பல்வேறு மாநிலங்களில் இருந்தும், வெளிநாடுகளில் இருந்தும் தினமும் சுற்றுலா பயணிகள், பக்தர்கள் வருகின்றனர்.

இந்நிலையில் தஞ்சை பெரிய கோயிலுக்கு வரும் பக்தர்களுக்கு ஆடை கட்டுப்பாடுகள் அறிவிக்கப்பட்டுள்ளது. 

அதன்படி கோயிலுக்கு வரும் ஆண்கள் வேட்டி, சட்டை, பேண்ட் அணிந்தும் பெண்கள் புடவை, தாவணி, துப்பட்டா உடன் கூடிய சுடிதார் அணிந்து வரும்படி கோயில் நிர்வாகம் அறிவுறுத்தியுள்ளது.

இந்து சமய அறநிலையத்துறை சார்பில் இந்த ஆடை கட்டுப்பாட்டு அறிவிப்பு பலகை கோயில் நுழைவு வாயில், காலணி பாதுகாக்கும் இடம் என 2 இடங்களில் வைக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Chennai-high-court | tamil-nadu-government: பார்முலா ரேஸிங் சர்க்யூட் இந்தியாவின் முதல் இரவு ஸ்ட்ரீட் சர்க்யூட் பந்தயங்களான பார்முலா 4 இந்தியன் சாம்பியன்ஷிப் மற்றும் இந்தியன் ரேசிங் லீக் வரும் டிசம்பர் 9 மற்றும் 10-ம் தேதிகளில் சென்னையில் நடைபெறுகிறது. 

இந்த பந்தயம் சென்னை தீவுத் திடல் மைதானத்தை சுற்றியுள்ள 3.5 கி.மீ சுற்றளவு சாலைகளில் இரவுப் போட்டியாக நடத்தப்படுகிறது. பந்தயம் தீவுத் திடலில் தொடங்கி ஃபிளாக் ஸ்டாஃப் ரோடு, அண்ணா சாலை, சிவானந்த சாலை, நேப்பியர் பாலம் வழியாக மீண்டும் தீவுத் திடலில் முடிவடையும். இந்தப் போட்டியை நடத்துவதற்காக தமிழக அரசு சார்பில் ரூ.40 கோடி ஒதுக்கீடு செய்யப்பட்டுள்ளது.

இந்தியா மற்றும் தெற்கு ஆசியாவில் முதல் முறையாக இரவுப் போட்டியாக சாலைகள் வழியாக நடத்தப்படுகின்ற மிகப் பெரிய மோட்டார் ரேஸ் இதுவாகும். இந்த சிறப்புமிக்க இரண்டு சாம்பியன்ஷிப் போட்டிகளிலும் இந்தியா மற்றும் வெளிநாடுகளிலிருந்து ஆண் மற்றும் பெண் ஓட்டுநர்கள் பங்கேற்க உள்ளனர். 

இந்த பந்தயத்துக்கு தடை விதிக்க வேண்டும் என்றும், பந்தயத்தை இருங்காட்டுகோட்டையில் நடத்த உத்தரவிட வேண்டும் என்றும் சென்னை உயர் நீதிமன்றத்தில் டாக்டர் ஸ்ரீ ஹரிஸ் என்பவர் பொதுநல மனு தாக்கல் செய்திருந்தார். 

இந்த வழக்கு நீதிபதிகள் மகாதேவன் தலைமையிலான அமர்வில் நேற்று புதன்கிழமை விசாரணைக்கு வந்த நிலையில், தமிழக அரசு தரப்பில் விளக்கம் அளிக்கப்பட்டது.மேலும், இந்த பந்தயத்தை நடத்துவதற்கான உரிய அனுமதிகள் பெறப்பட்டுள்ளது எனவும் தெரிவிக்கப்பட்டது. 

இதையடுத்து வழக்கை விசாரித்த நீதிபதிகள், கார் பந்தயம் நடத்துவதற்காக பெறப்பட்ட அனுமதி ஆவணங்களை தாக்கல் செய்ய அரசு தரப்புக்கு உத்தரவிட்டு இந்த வழக்கில் இன்று உத்தரவு பிறப்பிப்பதாக கூறி, வழக்கை ஒத்திவைத்தனர்.

மேலும் ஒரு வழக்கு 

இந்த நிலையில், ஃபார்முலா 4 கார் பந்தயத்துக்கு எதிராக சென்னை உயர்நீதிமன்றத்தில் மேலும் ஒரு வழக்கு தொடரப்பட்டுள்ளது. சென்னையை சேர்ந்த பாலுசாமி என்பவர் தாக்கல் செய்துள்ள மனுவில், பந்தயம் நடத்துவது தொடர்பாக பொதுமக்களிடம் ஒப்புதல் கேட்கவில்லை என்றும், அரசு செலவில் சாகச விளையாட்டுகளை நடத்துவது சட்டவிரோதம் என்றும் தெரிவித்துள்ளார். 

இந்த மனுவை நாளை விசாரணைக்கு எடுக்க சென்னை உயர் நீதிமன்றம் ஒப்புதல் அளித்துள்ளது குறிப்பிடத்தக்கது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கோவை ஜோஸ் அலுக்காஸ் நகைக் கடையில் 200 சவரன் நகைகள் கொள்ளை அடிக்கப்பட்ட சம்பவத்தில், தர்மபுரியில் தனிப்படை போலீசார் விசாரணை நடத்தி வருகின்றனர்.

கோவை காந்திபுரம் 100 அடி சாலையில் ஜோஸ் அலுக்காஸ் நகைக் கடையில் சுமார் 200 சவரன் வைரம், தங்கம் நகைகள் கொள்ளை அடிக்கப்பட்ட சம்பவம் குறித்து மாநகர காவல் ஆணையாளர் பாலகிருஷ்ணன் உத்தரவின் பேரில் 5 தனிப்படைகள் அமைக்கப்பட்டு விசாரணை தொடர்ந்து நடைபெற்று வருகிறது.

கொள்ளையில் ஈடுபட்ட நபரின் செல்போன் சிக்னல் பொள்ளாச்சி ஆனைமலை பகுதியில் ஸ்விட்ச் ஆப் ஆனதாக கண்டறியப்பட்ட நிலையில் நேற்று இரவில் இருந்து தனிப்படையில் ஒரு குழு ஆனைமலையில் முகாமிட்டுள்ளது.

இந்நிலையில் கொள்ளை சம்பவத்தில் ஈடுபட்ட நபர் தர்மபுரி மாவட்டம் ஆரூர் பகுதியை சேர்ந்தவர் என போலீசருக்கு கிடைத்த தகவலின் அடிப்படையில் ஒரு தனிப்படை குழுவினர் தர்மபுரிக்கு விரைந்து விசாரணை நடத்தி வருகின்றனர்.

ஆனைமலை, தர்மபுரி, உட்பட கோவையில் சில இடங்களிலும் தனிப்படை போலீசார் தொடர்ந்து விசாரணை நடத்தி வரும் பட்சத்தில் கூடிய விரைவில் கொள்ளையில் ஈடுபட்ட நபர் பிடிப்படுவார் என எதிர்பார்க்கப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கோவை மதுக்கரை விநாயகர் கோயில் வீதியில் காட்டு யானை உலா வரும் செல்போன் வீடியோ காட்சிகள் இணையத்தில் வெளியாகி பரபரப்பை ஏற்படுத்தி வருகிறது.

கோவை, மதுக்கரை விநாயகர் கோயில் விதியில் நீர் பருகிய யானை நடந்து சென்ற நிலையில், அப்பகுதியில் வசிக்கும் பொதுமக்கள் மதுக்கரை வனச்சரக வனத்துறை அதிகாரிகளுக்கு தகவல் தெரிவித்தனர். அந்த ஒற்றைக் காட்டு யானை டிரமில் இருந்த தண்ணீரை பருகி விட்டு அங்கேயே சிறிது நேரம் நின்றது.

பின்னர் யானை மெல்ல நடந்து விநாயகர் கோயில் வீதியில் இருந்து  அடுத்து ஊருக்குள் நுழைய முற்படும்போது, விரைந்து வந்த வனத்துறை பணியாளர்கள் மற்றும் ஊழியர்கள் ஒற்றை காட்டு யானையை மதுக்கரையில் அடர் வனத்துக்குள் விரட்டினர். இதனால் அப்பகுதி மக்கள் நிம்மதி அடைந்தனர்.

மேலும் பொதுமக்கள் இரவு நேரத்தில், வனப்பகுதியை ஒட்டி வசிப்பவர்கள் யாரும் வெளியே வந்து உலாவ வேண்டாம் என வனதுறையினர் அறிவுறுத்தியுள்ளனர்.