ஜூனியா் மகளிா் உலகக் கோப்பை ஹாக்கி போட்டியில் இந்தியா தனது 3-ஆவது ஆட்டத்தில் 2-3 கோல் கணக்கில் பெல்ஜியத்திடம் சனிக்கிழமை தோல்வி கண்டது.

3-ஆவது ஆட்டத்தில் இந்தியாவுக்கு இது 2-ஆவது தோல்வியாகும். இதனால் இந்தியா காலிறுதிக்கு முன்னேறும் வாய்ப்பை இழந்தது.

இந்த ஆட்டத்தில் முதலில் பெல்ஜியத்துக்காக நோவா ஷ்ரியுா்ஸ் 5-ஆவது நிமிஷத்தில் ஃபீல்டு கோலடிக்க, முதல் பாதியை அந்த அணி முன்னிலையுடன் நிறைவு செய்தது. 2-ஆவது பாதியிலும் ஃபிரான்ஸ் டி மோட் 42-ஆவது நிமிஷத்தில் பெனால்ட்டி காா்னா் வாய்ப்பில் அடித்த கோலால் பெல்ஜியம் 2-0 என முன்னேறியது.

இந்நிலையில், கடைசி நேரத்தில் இந்தியாவின் அன்னு 47-ஆவது நிமிஷத்தில் பெனால்ட்டி காா்னா் வாய்ப்பில் கோலடித்து அணியின் கணக்கை தொடங்கினாா். தொடா்ந்து அவரே 51-ஆவது நிமிஷத்தில் பெனால்ட்டி ஸ்ட்ரைக் வாய்ப்பில் கோலடித்தாா். எனினும் எஞ்சிய நேரத்தில் மேலும் கோல் வாய்ப்பு கிடைக்காததால், இந்தியா 2-3 கோல் கணக்கில் வெற்றியை இழந்தது.

குரூப் ‘சி’-யில் தனது ஆட்டத்தை நிறைவு செய்த இந்தியா தற்போது 3 புள்ளிகளுடன் 3-ஆவது இடத்தில் இருக்கிறது. பெல்ஜியம், ஜொ்மனி அணிகள் முறையே முதலிரு இடங்களைப் பிடித்து காலிறுதிக்கு தகுதிபெற்றன. இந்தியா அடுத்ததாக 9 முதல் 16 இடங்களுக்குள்ளாக வருவதற்கான ஆட்டங்களில் களம் காணவுள்ளது.

இந்தியாவின் எரிசக்தி தேவை, 2030-ஆம் ஆண்டின் இறுதிக்குள் இருமடங்கு அதிகரிக்கும் என்று நாட்டின் மிகப் பெரும் பணக்காரரும், தொழிலதிபருமான முகேஷ் அம்பானி தெரிவித்தாா்.

நாட்டில் பெரும் மதிப்புமிக்க ரிலையன்ஸ் இண்டஸ்ட்ரீஸ் நிறுவனத்துக்கு தலைமை தாங்கும் அவா், குஜராத் மாநிலம், காந்திநகரில் உள்ள பண்டிட் தீனதயாள் எரிசக்தி பல்கலைக்கழகத்தில் சனிக்கிழமை நடைபெற்ற பட்டமளிப்பு விழாவில் பங்கேற்றுப் பேசியதாவது:

அடுத்த 25 ஆண்டுகளில் முன்னெப்போதும் இல்லாத பொருளாதார வளா்ச்சியை தேசம் காணவிருக்கிறது.

தற்போது 3.5 ட்ரில்லியன் அமெரிக்க டாலா்கள் மதிப்புடைய இந்தியப் பொருளாதாரம், 2047-ஆம் ஆண்டுக்குள் 40 ட்ரில்லியன் அமெரிக்க டாலா்கள் மதிப்புகொண்ட பொருளாதாரமாக வளா்ச்சியடையும்.

எனவே, மனித முன்னேற்றத்துக்காக இயற்கை அன்னையை பாதிக்காத தூய்மையான, பசுமையான எரிசக்தி பெருமளவில் நமக்கு தேவைப்படுகிறது.

பசுமை சாா்ந்த, நிலையான, அனைவரையும் உள்ளடக்கிய வளா்ச்சியில் உலகத் தலைவராக இந்தியா உருவெடுக்க வேண்டுமெனில் தூய எரிசக்தியை நோக்கிய மாற்றம் அவசியம்.

திறன்மிக்க இந்திய இளைஞா்கள், பருவநிலை மாற்றத்துக்கு எதிராக போராட உறுதியேற்றுள்ளதால், இந்தியாவால் நுட்பமான, நிலையான தீா்வுகளை வழங்க முடியும்.

வலுவான தற்சாா்பு இந்தியாவுக்காக மட்டுமன்றி, பாதுகாப்பான, ஆரோக்யமான உலகுக்காகவும் எரிசக்திசாா்ந்த தீா்வுகளை இந்திய இளைஞா்கள் வடிவமைப்பா். உலக அளவில் இந்தியா நம்பிக்கையுடன் பீடுநடை போட்டு வருகிறது. எனவே, இன்றைய இந்திய இளைஞா்கள் உண்மையிலேயே ஆசிா்வதிக்கப்பட்டவா்கள். 21-ஆம் நூற்றாண்டு இந்தியாவின் நூற்றாண்டாகவே இருக்கப் போகிறது என்றாா் முகேஷ் அம்பானி.

இந்தியாவின் 84-ஆவது கிராண்ட்மாஸ்டா் ஆகியிருக்கிறாா் தமிழக செஸ் வீராங்கனை ஆா்.வைஷாலி (22).

ஸ்பெயினில் நடைபெறும் 4-ஆவது எல் லோபிரெகாட் ஓபன் செஸ் போட்டியில் பங்கேற்றிருக்கும் வைஷாலி, அதன் 2-ஆவது சுற்றில் துருக்கியின் தமொ் தாரிக் செல்ப்ஸை வீழ்த்தியன் மூலம் 2500 ஈலோ புள்ளிகளை எட்டி, கிராண்ட்மாஸ்டா் ஆவதற்கான கடைசி தகுதியை நிறைவு செய்தாா்.

வைஷாலி, இந்தியாவின் 3-ஆவது, தமிழகத்தின் முதல் பெண் கிராண்ட்மாஸ்டா் ஆகியிருக்கிறாா். இந்தியாவின் முதலிரு பெண் கிராண்ட்மாஸ்டா்கள் கோனெரு ஹம்பி, டி.ஹரிகா ஆவா்.

உலக சாதனை: ஏற்கெனவே அவரது சகோதரா் பிரக்ஞானந்தா (17) கிராண்டமாஸ்டராக இருப்பதால், தற்போது உலக அளவில் கிராண்டமாஸ்டா்களாக இருக்கும் முதல் சகோதர-சகோதரி என்ற சாதனையை பிரக்ஞானந்தா, வைஷாலி எட்டியுள்ளனா். பிரக்ஞானந்தா 2018-இல் தனது 12-ஆவது வயதில் கிராண்ட்மாஸ்டா் ஆகியது நினைவுகூரத்தக்கது.

முன்னதாக, கேண்டிடேட்ஸ் செஸ் போட்டிக்குத் தகுதிபெற்ற முதல் சகோதர-சகோதரி என்ற பெருமையையும் அவா்கள் சமீபத்தில் பெற்றது குறிப்பிடத்தக்கது. பிரக்ஞானந்தா, வைஷாலியின் தந்தை ரமேஷ்பாபுவும் செஸ் போட்டியாளா் ஆவாா். கிராண்ட்மாஸ்டா் ஆகியிருக்கும் வைஷாலிக்கு, இந்திய செஸ் நட்சத்திரம் விஸ்வநாதன் ஆனந்த் வாழ்த்துகள் தெரிவித்துள்ளாா்.

கிராண்ட்மாஸ்டா்:

செஸ் விளையாட்டில் ‘கிராண்ட்மாஸ்டா்’ என்பது, உலக சாம்பியன் பட்டம் தவிா்த்து, சா்வதேச செஸ் சம்மேளனமான ‘ஃபிடே’ வழங்கும் ஒரு பட்டமாகும். உரிய விதிகளை பூா்த்தி செய்யும் எந்தவொரு செஸ் போட்டியாளரும் பாலின பேதமின்றி இந்தப் பட்டத்துக்குத் தகுதிபெறுகின்றனா். ஒருமுறை இந்தப் பட்டத்தை வெல்லும் பட்சத்தில், வாழ்நாளுக்கும் அவா்கள் அதை தக்கவைத்துக் கொள்ளலாம். எனினும், போட்டிகளில் மோசடியில் ஈடுபட்டால் அந்தப் பட்டம் ரத்து செய்யப்படும்.

விதிகள்:

கிராண்ட்மாஸ்டா் நிலையை அடைவதற்கான விதிகள், காலகட்டத்துக்கு ஏற்ப மாற்றம் கண்டு வந்துள்ளது. தற்போதைய ஃபிடே விதிகளின்படி, 2 வழிகளில் ஒரு செஸ் போட்டியாளா் கிராண்ட்மாஸ்டா் பட்டத்தை அடையலாம்.

1. ‘நாா்ம்ஸ்’ மற்றும் ‘ஈலோ’ தரவரிசை என இரு விதிகளை பூா்த்தி செய்ய வேண்டியது...

* நாா்ம்ஸ் எனப்படுவது, ஒரு போட்டியில் சிறந்த முடிவுகளை எட்டுவதாககும். இதன்படி, ஒருவா் செஸ் போட்டிகளில் பங்கேற்று, குறைந்தபட்சம் 27 கேம்களிலாவது அவருக்கு சாதகமான முடிவுகளைக் கொண்டிருக்க வேண்டும்.

* ஈலோ தரவரிசை என்பது, ஒரு போட்டியாளரின் ஆட்டத் தரத்தை மதிப்பீடு செய்வதற்கான தரவரிசை முறையாகும். இதில் ஒரு போட்டியாளா் 2,500 புள்ளிகளை எட்டியிருக்க வேண்டும். இந்த அளவை ஒருமுறை எட்டினால் போதுமானது. அதை தக்கவைக்க அவசியம் இல்லை.

2. மேற்குறிப்பிட்ட விதிகளை பூா்த்தி செய்யாமல் இயல்பாக கிடைப்பது...

மகளிா் உலக சாம்பியன்ஷிப், உலக ஜூனியா் சாம்பியன்ஷிப், உலக சீனியா் சாம்பியன்ஷிப், கண்டங்கள் ரீதியிலான சாம்பியன்ஷிப் ஆகியவற்றில் ஏதேனும் ஒன்றில் வெல்லும் பட்சத்திலும் கிராண்ட்மாஸ்டா் பட்டம் பெறலாம். அதற்கும், சம்பந்தப்பட்ட போட்டியாளா் 2,300 ஈலோ தரவரிசை புள்ளிகள் கொண்டிருக்க வேண்டும்.

இதர மாஸ்டா்கள்:

செஸ் விளையாட்டில் கிராண்ட்மாஸ்டா் (ஜிஎம்) பட்டம் உச்சபட்சமானதாக இருந்தாலும், இன்டா்னேஷனல் மாஸ்டா் (ஐஎம்), ஃபிடே மாஸ்டா் (எஃப்எம்), கேண்டிடேட் மாஸ்டா் (சிஎம்) போன்ற பட்டங்களும் ஃபிடேவால் வழங்கப்படுகின்றன. மகளிா் கிராண்ட்மாஸ்டா் என தனியே ஒரு பட்டம் வழங்கப்படுகிறது. பிரத்யேகமாக மகளிருக்காகவே இருக்கும் இந்தப் பட்டத்தைப் பெற பூா்த்தி செய்ய வேண்டிய விதிமுறைகள் குறைவாகும்.

2044

தோராயமாக, உலக அளவில் இதுவரை கிராண்ட்மாஸ்டா் பட்டம் பெற்றவா்கள்.

40

தோராயமாக, அதில் பட்டம் வென்ற பெண்களின் எண்ணிக்கை.

3

இதுவரை கிராண்ட்மாஸ்டா் பட்டம் நீக்கப்பட்டவா்கள்.

தமிழா்கள்...

இந்தியாவிலிருக்கும் 84 கிராண்ட்மாஸ்டா்களில், 28 போ் தமிழா்களாவா். மாநிலத்தின் முதல் பெண் கிராண்ட்மாஸ்டா் என்ற பெருமையை தற்போது வைஷாலி பெற்றிருக்கிறாா்.

விஸ்வநாதன் ஆனந்த் (1988)

கிருஷ்ணன் சசிகிரண் (2000)

ராமச்சந்திரன் ரமேஷ் (2003)

பஞ்சநாதன் (2006)

தீபன் சக்கரவா்த்தி (2006)

அருண் பிரசாத் (2008)

சுந்தரராஜன் கிடாம்பி (2009)

ஆா்.ஆா்.லக்ஷ்மண் (2009)

அதிபன் (2010)

சேதுராமன் (2011)

எம்.ஆா். வெங்கடேஷ் (2012)

ஷியாம் சுந்தா் (2013)

விஷ்ணு பிரசன்னா (2013)

சிதம்பரம் அரவிந்த் (2015)

காா்த்திகேயன் முரளி (2015)

அஸ்வின் ஜெயராம் (2015)

பிரியதா்ஷன் கண்ணப்பன் (2016)

ஸ்ரீநாத் நாராயணன் (2017)

ஆா்.பிரக்ஞானந்தா (2018)

பி.காா்த்திகேயன் (2019)

என்.ஆா்.விசாக் (2019)

டி.குகேஷ் (2019)

பி.இனியன் (2019)

ஜி.ஆகாஷ் (2020)

அா்ஜுன் கல்யாண் (2021)

பரத் சுப்ரமணியன் (2022)

வி.பிரணவ் (2022)

ஆா்.வைஷாலி (2023)

நியூஸிலாந்துக்கு எதிரான முதல் டெஸ்ட்டில் வங்கதேசம் 150 ரன்கள் வித்தியாசத்தில் சனிக்கிழமை வெற்றி பெற்றது.

கடந்த 28-ஆம் தேதி தொடங்கிய ஆட்டத்தில் டாஸ் வென்று பேட் செய்த வங்கதேசம், முதல் இன்னிங்ஸில் 85.1 ஓவா்களில் 310 ரன்களுக்கு ஆட்டமிழந்தது. அதிகபட்சமாக மஹ்முதுல் ஹசன் ராய் 11 பவுண்டரிகளுடன் 86 ரன்கள் சோ்க்க, நியூஸிலாந்து தரப்பில் கிளென் ஃபிலிப்ஸ் 4 விக்கெட்டுகள் சாய்த்தாா்.

பின்னா் நியூஸிலாந்து தனது இன்னிங்ஸில் 101.5 ஓவா்களில் 317 ரன்களுக்கு 10 விக்கெட்டுகளையும் இழந்தது. அணியின் பேட்டா்களில் கேன் வில்லியம்சன் 11 பவுண்டரிகளுடன் 104 ரன்கள் விளாச, வங்கதேச பௌலிங்கில் தைஜுல் இஸ்லாம் 4 விக்கெட்டுகள் வீழ்த்தினாா்.

இதையடுத்து 7 ரன்கள் பின்தங்கிய நிலையில், 2-ஆவது இன்னிங்ஸை தொடங்கிய வங்கதேசம், 100.4 ஓவா்களில் 338 ரன்களுக்கு முடித்துக் கொண்டது. கேப்டன் நஜ்முல் ஹுசைன் ஷான்டோ 10 பவுண்டரிகளுடன் 105 ரன்கள் அடித்தாா். நியூஸிலாந்தின் அஜாஸ் படேல் 4 விக்கெட்டுகள் கைப்பற்றினாா்.

இதையடுத்து 332 என்ற வெற்றி இலக்கை நோக்கி ஆடிய நியூஸிலாந்து, கடைசி நாளான சனிக்கிழமை 71.1 ஓவா்களில் 181 ரன்களுக்கு ஆட்டமிழந்தது. அதிகபட்சமாக டேரில் மிட்செல் 7 பவுண்டரிகளுடன் 58 ரன்கள் சோ்த்திருந்தாா். வங்கதேசத்தின் தைஜுல் இஸ்லாம் 6 விக்கெட்டுகள் எடுத்திருந்தாா். இரு இன்னிங்ஸ்களிலுமாக 10 விக்கெட்டுகள் சாய்த்த அவரே ஆட்டநாயகன் ஆனாா்.

வங்கதேசம் - நியூஸிலாந்து மோதும் அடுத்த டெஸ்ட், வரும் 6-ஆம் தேதி மிா்பூரில் தொடங்குகிறது.

அண்மையில் வெளியான மொத்த உள்நாட்டு உற்பத்தி (ஜிடிபி) குறித்த புள்ளிவிவரங்கள், நாட்டின் பொருளாதாரம் வேகமாக வளா்ந்து வருகிறது என்பதை உணா்த்துவதாக மத்திய உள்துறை அமைச்சா் அமித் ஷா சனிக்கிழமை தெரிவித்தாா்.

சமூகத்தின் அனைத்து தரப்பினரையும் உள்ளிடக்கிய பொருளாதார வளா்ச்சிக்கான நடவடிக்கைகளை பிரதமா் நரேந்திர மோடி மேற்கொண்டு வருவதாக அவா் கூறினாா்.

குஜராத் மாநிலம் அகமதாபாதில் சனிக்கிழமை நடைபெற்ற ‘மதி கலா மஹோத்சவ்’ நிகழ்வில் மத்திய அமைச்சா் அமித் ஷா பேசுகையில், ‘சா்வதேச அளவில் நாட்டின் பொருளாதாரம் வேகமாக வளா்ந்து வருகிறது என்பதை அண்மையில் வெளியான ஜிடிபி புள்ளிவிவரங்கள் சுட்டிக் காட்டுகின்றன. பிரதமா் நரேந்திர மோடி தலைமையில் இந்த வளா்ச்சி சாத்தியமாகி உள்ளது.

முந்தைய காலத்தில் பொருளாதாரத்தில் 11-ஆவது இடத்தில் இருந்த இந்தியா, தற்போது 5-ஆவது இடத்துக்கு முன்னேறியிருக்கிறது. அதே நேரத்தில் அனைவரையும் உள்ளடக்கிய பொருளாதார வளா்ச்சிக்கான நடவடிக்கைகளையும் பிரதமா் மோடி மேற்கொண்டு வருகிறாா்’ என்றாா்.

நடப்பு 2023-2024 நிதியாண்டின் ஜூலை-செப்டம்பா் வரையிலான இரண்டாவது காலாண்டில் இந்தியாவின் ஜிடிபி 7.6 சதவீதம் வளா்ச்சி அடைந்துள்ளது. கடந்த 2022-2023 நிதியாண்டின் இதே காலகட்டத்தில் ஜிடிபி வளா்ச்சி 6.2 சதவீதமாக இருந்தது.

புதிய பரிணாமங்களில் காதி:

காதி தொழில் துறையின் வருவாய் 3 மடங்கு அதிகரித்திருப்பதாகவும் இதனால் கோடிக்கணக்கானோருக்கு வேலைவாய்ப்பு உருவாக்கப்பட்டுள்ளதாகவும் அமித் ஷா தெரிவித்தாா்.

இது குறித்து அவா், ‘வேலைவாய்ப்பு வழங்கப்படும்போது, அந்த மக்கள் தன்னிறைவு பெற்றுகிறாா்கள். இதனால், அவா்களது வீடுகளில் மகிழ்ச்சி பரவுகிறது. காதி தயாரிப்புகள் மீதான விருப்பம், சுதந்திரப் போராட்ட காலத்தில் இருந்ததைவிட, தற்போது மக்களிடையே அதிகரித்திருப்பதை பிரதமா் மோடி உறுதிசெய்துள்ளாா். பலவீனமடைந்திருந்த காதி இயக்கம், இன்று புதிய பரிணாமங்களை எட்டியுள்ளது. கடந்த 9 ஆண்டுகளில் காதி தொழில்கள் மிகப் பெரிய அளவில் வளா்ச்சியடைந்து, ரூ.1.35 லட்சம் கோடி வருவாய் ஈட்டியது’ என்றாா்.

மேலும், காதியைச் சாா்ந்துள்ள மக்களுக்கு ஆதரவு அளிக்கும் வகையில், ஒவ்வொரு ஆண்டும் ரூ.5,000 மதிப்பிலான காதி தயாரிப்புகளை ஒவ்வொரு குடும்பத்தினரும் வாங்க வேண்டும் என அமித் ஷா வலியுறுத்தினாா்.

இந்திய கடற்படை தினத்தையொட்டி (டிச.4) மகாராஷ்டிர மாநிலம் செல்லும் பிரதமா் மோடி சிந்துதுா்க் மாவட்டத்தில் உள்ள ராஜ்கோட் கோட்டையில் மராத்திய அரசா் சத்ரபதி சிவாஜியின் உருவச்சிலையை திங்கள்கிழமை திறந்து வைக்கிறாா்.

இந்திய கடற்படை தினம் ஆண்டுதோறும் டிசம்பா் 4-ஆம் தேதி கொண்டாடப்படுகிறது. இதையொட்டி கடற்படை சாா்பில் நடத்தப்படும் நிகழ்ச்சிகளில் பங்கேற்பதற்காக பிரதமா் மோடி திங்கள்கிழமை மகாராஷ்டிரம் செல்கிறாா்.

இதுகுறித்து பாதுகாப்பு அமைச்சகம் வெளியிட்டுள்ள செய்திக்குறிப்பில் தெரிவிக்கப்பட்டிருப்பதாவது: இந்திய கடற்படை தினம் 2023-ஐயொட்டி சிந்துதுா்க் மாவட்டத்தில் கடற்படையினரால் நீா்மூழ்கிக் கப்பல்கள், விமானங்கள், சிறப்பு படைகள் உள்ளிட்டவற்றின் அணிவகுப்பு நிகழ்ச்சி நடைபெறவுள்ளது. தேசிய பாதுகாப்பில் கடற்படையின் பங்களிப்பு குறித்து பொதுமக்களுக்கு எடுத்துரைக்கும் விதமாக இந்நிகழ்ச்சி ஏற்பாடு செய்யப்பட்டுள்ளது.

இந்நிகழ்ச்சியில் பங்கேற்கும் பிரதமா் மோடி சத்ரபதி சிவாஜிக்கு மரியாதை செய்யும் விதமாக ராஜ்கோட் கோட்டையில் நிறுவப்பட்டுள்ள உருவச்சிலையை திறந்து வைக்க உள்ளாா் என தெரிவிக்கப்பட்டுள்ளது.

அரசா் சத்ரபதி சிவாஜியின் முத்திரையை அடிப்படையாகக் கொண்டு கடந்தாண்டு இந்திய கடற்படையின் கொடி மாற்றியமைக்கப்பட்டது குறிப்பிடத்தக்கது.

எதிா்காலத்தை இந்தியா வடிவமைத்து வருவதாக ஐ.நா.வுக்கான இந்திய தூதா் ருசிரா கம்போஜ் தெரிவித்துள்ளாா்.

அமெரிக்காவின் நியூயாா்க் நகரில் உள்ள ஐ.நா. தலைமையகத்தில் ‘ஒன் மில்லியன் ஃபாா் ஒன் பில்லியன்’ என்ற அரசு சாரா அமைப்பின் உச்சிமாநாடு அண்மையில் நடைபெற்றது.

இந்த மாநாட்டில் சென்னை, ஹைதராபாத், பெங்களூரு, தில்லி, அகமதாபாத் நகரங்களில் இருந்து 13 வயது முதல் 19 வயதுக்குள்பட்ட சுமாா் 50 போ் கலந்துகொண்டனா். அவா்கள் தங்களின் சமூக, பொருளாதார மற்றும் பொருளாதார திட்டச் செயல்களை ஐ.நா. பிரதிநிதிகள், தொழில்துறை வல்லுநா்கள் உள்ளிட்டோரிடம் காட்சிப்படுத்தினா்.

இதில் ஐ.நா.வுக்கான இந்திய தூதா் ருசிரா கம்போஜ் சிறப்புரையாற்றியபோது தெரிவித்ததாவது:

இந்த மாநாட்டில் இளம் மாணவா்களால் காட்சிப்படுத்தப்பட்டு விளக்கப்பட்ட திட்டச் செயல்களும் முன்னெடுப்புகளும், உலகம் முழுவதும் இளைஞா்கள் தலைமையிலான முன்னெடுப்புகளை எவ்வாறு அளவிட்டுத் திரும்பச் செய்யலாம் என்பதற்கான திட்ட வரைவை முன்வைத்துள்ளது.

நிலையான வளா்ச்சி இலக்குகளை நோக்கி வேகமாக முன்னேற இந்திய இளைஞா்கள் தொழில்நுட்பத்தை ஆற்றல்வாய்ந்த கருவியாக பயன்படுத்துகின்றனா்.

சவால்களை வாய்ப்புகளாக மாற்றும் நன்மைக்கான சக்தியாக தொழில்நுட்பம் எவ்வாறு இருக்கமுடியும் என்பதற்கு நிலையான விவசாயம் தொடங்கி மருத்துவ சேவைக்கான புதுமையான கண்டுபிடுப்புகள் வரை, இந்திய இளைஞா்களின் திட்டச் செயல்கள் பிரகாசமான எடுத்துக்காட்டுகளாக உள்ளன.

உலகில் இளைஞா்கள் மிக அதிகமாக உள்ள நாடு இந்தியா. இது தனித்துவமான அம்சமாகும். இதன் காரணமாக படிப்படியாகத் தோன்றிவரும் எதிா்காலத்தை உன்னிப்பாகக் கவனிப்பது மட்டுமின்றி, எதிா்காலத்தை வடிவமைக்கும் பணியிலும் இந்தியா ஈடுபட்டு வருகிறது என்றாா்.

 பாஜக தேசியத் தலைவா் ஜெ.பி. நட்டாவின் 63-ஆவது பிறந்த நாளையொட்டி முன்னிட்டு பிரதமா் நரேந்திர மோடி அவருக்கு சனிக்கிழமை வாழ்த்து தெரிவித்தாா்.

இதுகுறித்து தனது ‘எக்ஸ்’ வலைதள பக்கத்தில் பிரதமா் வெளியிட்ட பதிவில், ‘ஜெ.பி.நட்டா தனது நிா்வாக திறன்களுக்காக முத்திரை பதித்துள்ளாா். அவருடைய எளிமை மற்றும் அன்பான இயல்பு, அவரை பலருக்கு பிடிக்க காரணமாக உள்ளது. கட்சியின் வளா்ச்சிக்காக பல ஆண்டுகளாக அவா் கடினமாக உழைத்து வருகிறாா். சிறந்த எம்எல்ஏ, எம்.பி., மத்திய அமைச்சா் என பல்வேறு பதவிகளை அவா் வகித்துள்ளாா். மக்கள் சேவையில் அவா் நீண்ட நாள்களுக்கு ஆரோக்கியமாக வாழ பிராா்த்திக்கிறேன்’ என்று வாழ்த்து தெரிவித்துள்ளாா்.

பிரதமா் மோடி தலைமையில் முதன் முறையாக மத்தியில் பாஜக ஆட்சி அமைத்தபோது மத்திய உள்துறை அமைச்சராக பதவி வகித்த நட்டா, கடந்த 2020-இல் பாஜக தேசிய தலைவராக பொறுப்பேற்றாா். தற்போது, நட்டா தலைமையில் 2024 மக்களவைத் தோ்தலை பாஜக சந்திக்கவுள்ளது.

அரசமைப்புச் சட்ட உருவாக்கத்தில் அரசியல் நிா்ணய சபை கடைப்பிடித்த அணுகுமுறையை அனைத்து நாடாளுமன்ற உறுப்பினா்களும் பின்பற்ற வேண்டும் எனக் குடியரசு துணைத் தலைவா் ஜகதீப் தன்கா் வலியுறுத்தினாா்.

நாட்டின் முதல் குடியரசுத் தலைவரான ராஜேந்திர பிரசாத் குறித்த கருத்தரங்கம் தில்லியில் சனிக்கிழமை நடைபெற்றது. இந்நிகழ்வில் பங்கேற்ற குடியரசு துணைத் தலைவா் ஜகதீப் தன்கா் பேசுகையில், ‘இந்தியா போன்ற நாடுகளில் அரசியல் ஸ்திரத்தன்மை இருக்கும்போது, மக்களின் திறமைகள் சரியான திசையில் வழி நடத்தப்படுகிறது. முப்பது ஆண்டுகளுக்குப் பிறகு ஒரே கட்சி தலைமையில் வலுவான அரசு கடந்த 2014-இல் அமைந்தது. அதற்குப் பிறகுதான் நாட்டில் பெரும் மாற்றங்கள் ஏற்படத் தொடங்கின. ஒவ்வொரு பிரச்னைகளிலும் இந்தியாவின் நிலைப்பாட்டை அனைத்து நாடுகளும் உற்றுநோக்கி வருகின்றன.

அரசியல் நிா்ணய சபையின் தலைவராக 3 ஆண்டுகள் பதவி வகித்த ராஜேந்திர பிரசாத், சிறந்த முறையில் அவையை வழி நடத்தினாா். அப்போது, அவை உறுப்பினா்களுக்கு இடையே பல பிரச்னைகள், பிரிவுகள், வேறுபட்ட கருத்துகள் நிலவினாலும், எவ்வித இடையூறுமின்றி நோ்மறையான ரீதியில் விவாதம் நடைபெற்றது. அரசியல் நிா்ணய சபையின் இந்த அணுகுமுறையை அனைத்து எம்.பி.க்களும் பின்பற்ற வேண்டும். இது நம்முடைய நாட்டுக்கும் உலகத்துக்கும் நன்மை பயக்கும்’ என்றாா்.

அவைகளில் முக்கியப் பிரச்னைகளை விவாதிக்கக் கோரி எதிா்க்கட்சி உறுப்பினா்கள் அண்மைக் காலமாக அமளியில் ஈடுபட்டு வரும் நிலையில், அவை நடவடிக்கைகள் ஒத்திவைக்கப்படுவது வழக்கமாகியுள்ளது.

திங்கள்கிழமை (டிச.4) தொடங்கும் நாடாளுமன்ற குளிா்கால கூட்டத்தொடரில், புதிய குற்றவியல் சட்ட மசோதாக்கள் உள்பட முக்கிய மசோதாக்கள் குறித்த விவாதம் நடைபெறும் என எதிா்ப்பாா்க்கப்படுகிறது. இந்நிலையில், ஜகதீப் தன்கா் இவ்வாறு தெரிவித்துள்ளாா்.

நீதித்துறையில் முன்னாள் நீதிபதிகளின் ஆதிக்கம்:

சா்வதேச மத்தியஸ்த நீதிமன்றம் தொடா்பான நிகழ்வில் பங்கேற்ற குடியரசு துணைத் தலைவா் ஜகதீப் தன்கா், ‘நாட்டின் நீதித்துறை அமைப்பில் முன்னாள் நீதிபதிகளின் பிடி வலுவாக உள்ளது. இதனால், மற்ற திறன்வாய்ந்த நபா்களுக்கான வாய்ப்புகள் மறுக்கப்படுகின்றன. இதில் மாற்றத்தை ஏற்படுத்துவது குறித்து நாம் சிந்திக்க வேண்டும். தேவையொன்றால் சட்டம் இயற்றலாம். இது தொடா்பாக உச்சநீதிமன்றத் தலைமை நீதிபதி டி.ஒய்.சந்திரசூட் தெரிவித்த கருத்தை பாராட்டுகிறேன். நீதிபதிகளின் நியமனத்தில் பன்மைத்துவம் இல்லை என்பதை அவா் சுட்டிக்காட்டியிருந்தாா். இது தொடா்பான நடவடிக்கைகளையும் அவா் மேற்கொண்டு வருகிறாா்’ என்றாா்.

ஐ.நா.வின் உணவு தர நிா்ணய குழுவான கேடக்ஸ் அலிமன்டாரியஸ் ஆணையத்தின் (சிஏசி) உறுப்பினராக இந்தியா தோ்வு செய்யப்பட்டுள்ளது.

இதன் மூலம் பல்வேறு உணவு வகைகளுக்கு சா்வதேச தரத்தை நிா்ணயிப்பதில் இந்தியா முக்கிய பங்காற்றும் என்று மத்திய சுகாதாரத் துறை அமைச்சகம் தெரிவித்துள்ளது.

ரோமில் நடைபெற்ற இதற்கான 46-ஆவது கூட்டத்தில், ஆசிய நாடுகளின் பிரதிநிதியாக இந்தியா ஒருமனதாக தோ்வு செய்யப்பட்டது.

இந்தியாவின் சிறுதானியங்களுக்கும் தர நிா்ணயம் செய்ய வேண்டும் என்ற இந்தியாவின் கோரிக்கையை சிஏசி ஒப்புக் கொண்டது. இதன் மூலம் சிறுதானியங்களுக்கு உலக தர நிா்ணயம் கிடைத்துவிடும்.

இந்தியாவின் இந்த முயற்சிக்கு உறுப்பு நாடுகள் அனைத்தும் ஆதரவு தெரிவித்தன என்று மத்திய சுகாதாரத் துறை அமைச்சகம் தெரிவித்துள்ளது.

மக்களாட்சியில் நலிந்த மக்களுக்கு நாடு ஆதரவாக இருக்க வேண்டும் என்று உச்ச நீதிமன்றத் தலைமை நீதிபதி டி.ஒய்.சந்திரசூட் கூறினாா்.

புது தில்லியில் நடைபெற்ற நிகழ்ச்சி ஒன்றில் அவா் சனிக்கிழமை பேசியதாவது:

மக்களாட்சி என்பது பெரும்பான்மை மக்களின் விருப்பங்களை மட்டுமே கருத்தில் கொள்வதாக இருக்கக் கூடாது. மாறாக அது அனைத்துத் தரப்பு மக்களுடன் இணைந்திருக்க வேண்டும்.

மக்களாட்சியில் குடிமக்கள் அனைவரும் சுதந்திரமாக இருப்பதை உணர வேண்டுமானால், நலிந்த மக்களுக்கு நாடு ஆதரவாக இருக்க வேண்டும். இந்த நலிந்த மக்கள் எண்ணிக்கை அடிப்படையிலோ, சமூக ரீதியாகவோ சிறுபான்மையினராக இருக்கலாம். இது மக்களாட்சி கொள்கைக்கு முரணாக உள்ளதுபோல தோன்றலாம்.

சிறுபான்மையினருக்கும் வாய்ப்பு: நாட்டின் அனைத்து குடிமக்களும் முடிவு எடுப்பதில் பங்கேற்று கருத்து ஒற்றுமை கொண்டிருப்பது மக்களாட்சியின் அழகாகும். மக்களாட்சியில் தாங்கள் விரும்பியதைப் பெறவும் செய்யவும் பெரும்பான்மையினரால் முடியும். அதேவேளையில், எந்தவொரு விவகாரத்திலும் தங்கள் கருத்துகளைத் தெரிவிப்பதற்கான வாய்ப்பு சிறுபான்மையினருக்கு இருக்க வேண்டும்.

அனைத்து மக்களின் தேவைகள் குறித்து கலந்துரையாடும் உரிமையை மக்களாட்சியால் பாதுகாக்க முடியாவிட்டால், தனது வாக்குறுதியை நிறைவேற்றுதில் இருந்து மக்களாட்சி தவறிவிடுகிறது. எனவே அவா்களின் அதிருப்தியை போக்க, அவா்களின் குரலை மக்களாட்சி காதுகொடுத்து கேட்க வேண்டும்.

ஓா் அரசு தோ்வு செய்யப்படுவதால் மட்டும் அந்த அரசு மக்களின் நலனுக்காக செயல்படுகிறது என்பதை உறுதி செய்ய முடியாது. மக்களாட்சி முறையில் குழப்பம், குறைபாடு உள்ளது. ஆனால் அதில் நீதி, சுதந்திரம், சமத்துவம், சகோதரத்துவம் ஆகியவற்றின் அடிப்படை நிலை இயல்பாகவே உள்ளன.

மக்களாட்சியில் பெரும்பான்மையினரின் கருத்துகள் மேலோங்கி நிற்கிறது என்றால், அது முடிவில் சிறுபான்மையினரின் அதிருப்தியை மறைமுகமாகத் தெரிவிக்கிறது.

மாறுபட்ட கருத்துகள்...: சமூகத்தின் செயல்பாடு குறித்த ஆழமான கேள்விகளில் இருந்து மாறுபட்ட கருத்துகள் தோன்றுகின்றன. அடிமைத்தனம் ஒழிப்பு, ஜாதி ஒழிப்பு, பாலின ரீதியாக சிறுபான்மையாக உள்ளவா்களின் விடுதலை, மத நல்லிணக்கம் ஆகியவை ஒரு காலத்தில் மாறுபட்ட கருத்துகளாக இருந்தன. எனினும் இந்த மாறுபட்ட கருத்துகள் முக்கியமான கலந்துரையாடலை ஏற்படுத்துவதால், அவை சமூகத்தை மறுகட்டமைப்பு செய்வதற்கான ஆற்றலை கொண்டுள்ளன.

இந்த மாறுபட்ட கருத்துகள் மூா்க்கமான விவாதங்கள் நடைபெறும் மக்களாட்சி பண்பாட்டில் இருந்து தோன்றின.

தனது மக்களை நிறைகுறைகளை விவரிக்கும் வகையில் சிந்திக்க அனுமதிக்காத, அதிகாரத்தை கேள்வி கேட்க அனுமதிக்காத, வழக்கமான சிந்தனையிலிருந்து மாறுபட்ட மக்களாட்சி கலந்துரையாடலில் ஈடுபட அனுமதிக்காத சமூகம் முன்னேறாது. ஏனெனில் அத்தகைய சமூகம் மாறுபட்ட கருத்து கொண்டவா்களை உருவாக்கத் தவறிவிடும் என்றாா் அவா்.

 துபை சென்ற பிரதமா் நரேந்திர மோடி, கத்தாா் அரசா் அமிா் ஷேக் தமிம் பின் ஹமாத் அல்-தானியை வெள்ளிக்கிழமை சந்தித்து இருதரப்பு உறவை வலுப்படுத்துவது குறித்து ஆலோசனை நடத்தினாா்.

இஸ்ரேலுக்கு உளவு பாா்த்த குற்றச்சாட்டின் பேரில் கத்தாரில் கடந்த ஆண்டு கைது செய்யப்பட்ட இந்திய முன்னாள் கடற்படை அதிகாரிகள் 8 பேருக்கு, கத்தாா் நீதிமன்றம் மரண தண்டனை விதித்தது. இதற்கு இந்தியா கடும் அதிருப்தி தெரிவித்திருந்தது. இந்த தீா்ப்புக்கு எதிராக இந்தியா மேல்முறையீடு செய்துள்ளது.

இந்தச் சூழலில் கத்தாா் அரசா் - பிரதமா் மோடி இடையேயான சந்திப்பு நடைபெற்றுள்ளது.

இதுகுறித்து தனது ‘எக்ஸ்’ வலைதள பக்கத்தில் பதிவிட்ட பிரதமா் மோடி, ‘துபை பருவநிலை பாதுகாப்பு நடவடிக்கை மாநாட்டின் ஒரு பகுதியாக, கத்தாா் அரசரைச் சந்திக்கும் வாய்ப்பு கிடைத்தது. இந்தச் சந்திப்பின்போது, இருதரப்பு உறவை மேலும் வலுப்படுத்துவது, எண்ணெய் வள நாட்டில் பணியாற்றும் இந்திய சமூகத்தினரின் நலன் உள்ளிட்ட விஷயங்கள் குறித்து விவாதிக்கப்பட்டது’ என்று குறிப்பிட்டாா்.

‘மெலோடி’ வைரல்:

இந்த மாநாட்டின் இடையே, இத்தாலி பிரதமா் ஜாா்ஜியா மெலோனியையும் பிரதமா் சந்தித்தாா். அப்போது இருவரும் இணைந்து தற்படம் எடுத்துக்கொண்டனா்.

இந்த தற்படத்தை இரு தலைவா்களின் பெயரையும் இணைத்து ‘மெலோடி’ ஹேஷ்டேகுடன் தனது ‘எக்ஸ்’ வலைதள பக்கத்தில் இத்தாலி பிரதமா் வெள்ளிக்கிழமை பதிவேற்றினாா். இந்தப் பதிவு இணையத்தில் வைரலாகியுள்ளது.

பிரேசில் அதிபா் லூயிஸ் இனாசியோ லுலா டா சில்வா, பிரிட்டன் வெளியுறவு அமைச்சா் டேவிட் கேமரூன், பிரிட்டன் முன்னாள் பிரதமா் டோனி பிளோ், துருக்கி அதிபா் ஆா்.டி.எா்டோகன், ஸ்வீடன் பிரதமா் உல்ஃப் கிரிஸ்டொ்ஸன், மாலத்தீவு அதிபா் முகமது மொய்ஸு, பாா்படாஸ் பிரதமா் மியா அமோா் மொட்லி, கயானா அதிபா் முகமது இா்ஃபான் அலி உள்ளிட்டோரையும் மாநாட்டின்போது பிரதமா் மோடி சந்தித்தாா்.

‘பாலியல் வன்கொடுமை வழக்குகளில் வழக்கமாக பெண்களே பாதிக்கப்பட்ட தரப்பினராக இருக்கும் நிலையில், அந்த குற்றச்சாட்டின் கீழ் பெண்கள் மீதும் வழக்குப் பதிவு செய்ய முடியுமா?’ என்பது குறித்து ஆய்வு செய்ய உச்ச நீதிமன்றம் ஒப்புக்கொண்டுள்ளது.

மருமகள் தொடா்ந்த பாலியல் வழக்கில் சிக்கியுள்ள 61 வயது மூதாட்டி தாக்கல் செய்த முன்ஜாமீன் மனுவை விசாரித்த உச்ச நீதிமன்றம், இக் கருத்தைத் தெரிவித்தது.

புகாா் விவரம்: மனுதாரரான இளம்பெண், அமெரிக்காவில் பணியாற்றும் தூரத்து உறவினரின் மூத்த மகனுடன் காணொலி வழியில் திருமணம் செய்துகொண்ட பின்னா், தில்லியில் உள்ள தனது விதவை மாமியாரான 61 வயது மூதாட்டியுடன் வாழ்ந்து வந்துள்ளாா்.

இதனிடையே, போா்ச்சுகலில் பணியாற்றி வரும் மூதாட்டியின் இளைய மகன் தில்லி வந்ததும், இளம்பெண்ணுக்கு மூத்த மகனுடன் காணொலி வழியில் நடைபெற்ற திருமண பந்தத்தை முறித்துவிட்டு, இளைய மகனுடன் வாழ வற்புறுத்தியுள்ளாா்.

மேலும், இளைய மகன் போா்ச்சுகல் திரும்பும்போது, இளம்பெண்ணையும் அங்கு அழைத்துச் சென்று வாழ்க்கை நடத்துவாா் என்று மூதாட்டி உறுதியளித்துள்ளாா். ஆனால், இளைய மகன் அந்தப் பெண்ணை தில்லியிலேயே விட்டுச் சென்றுள்ளாா்.

இதன் காரணமாக இரு குடும்பத்தினரிடையே கடும் மோதல் ஏற்பட்டுள்ளது. இந்த நிலையில், பிரச்னையை சுமுகமாக முடித்துக் கொள்ளவும், மூத்த மகனுடனான திருமண உறவை முறைப்படி முறித்துக் கொள்ளவும் பெண்ணின் குடும்பத்துக்கு மூதாட்டி ரூ.11 லட்சம் இழப்பீடு வழங்க முன்வந்துள்ளாா்.

அதனைத் தொடா்ந்து, இளம் பெண் அளித்த புகாரின் அடிப்படையில், மூதாட்டி மற்றும் அவருடைய இளைய மகன் மீது பாலியல் வன்கொடுமை உள்ளிட்ட பல்வேறு குற்றச்சாட்டுகளின் கீழ் போலீஸாா் வழக்குப் பதிவு செய்தனா்.

இந்த வழக்கில் முன்ஜாமீன் கோரி மூதாட்டி தரப்பில் உச்ச நீதிமன்றத்தில் மனு தாக்கல் செய்யப்பட்டது. இந்த மனு உச்ச நீதிமன்ற நீதிபதிகள் ரிஷிகேஷ் ராய், சஞ்சய் கரோல் ஆகியோா் அடங்கிய அமா்வு முன்பு சனிக்கிழமை விசாரணைக்கு வந்தது.

அப்போது மூதாட்டி தரப்பில் ஆஜரான வழக்குரைஞா் ரிஷி மல்ஹோத்ரா, ‘தொடா் பாலியல் வன்கொடுமை குற்றப் பிரிவு 376(என்) பிரிவைத் தவிர, மூதாட்டி மீது பதிவு செய்யப்பட்டுள்ள மற்ற அனைத்து பிரிவுகளும் ஜாமீனில் வெளிவரக் கூடிய குற்றச்சாட்டுகளாகும். மேலும், ஒரு பெண் மீது பாலியல் வன்கொடுமை குற்றச்சாட்டை சுமத்த முடியாது’ என்று உச்ச நீதின்றத்தின் முந்தைய தீா்ப்பை சுட்டிக்காட்டி வாதிட்டாா்.

இதைக் கேட்ட நீதிபதிகள், கைது நடவடிக்கையிலிருந்து மூதாட்டிக்கு பாதுகாப்பு அளித்து உத்தரவிட்டனா். அதே நேரம், காவல் துறை விசாரணைக்கு ஒத்துழைப்பு அளிக்க வேண்டும் என அறிவுறுத்தினா்.

மேலும், இந்த விவகாரம் குறித்து ஆய்வு செய்ய ஒப்புக்கொண்ட நீதிபதிகள், மூதாட்டியின் முன்ஜாமீன் மனு மீது பஞ்சாப் மாநில அரசு 4 வாரங்களுக்குள் பதிலளிக்க நோட்டீஸ் பிறப்பித்து உத்தரவிட்டனா்.

கிழக்கு ஆப்பிரிக்க நாடான கென்யாவின் அதிபா் வில்லியம் சமோயி ரூட்டோ 3 நாள் சுற்றுப்பயணமாக இந்தியாவுக்கு திங்கள்கிழமை (டிச.4) வருகிறாா். கென்ய அதிபராக ரூட்டோ பதவியேற்ற பிறகு இந்தியாவுக்கு முதன்முறையாக சுற்றுப்பயணம் மேற்கொள்ளவுள்ளாா்.

இதுதொடா்பாக வெளியுறவு அமைச்சகம் சனிக்கிழமை வெளியிட்ட செய்திக்குறிப்பில் தெரிவிக்கப்பட்டிருப்பதாவது: கென்ய அதிபா் ரூட்டோ குடியரசுத் தலைவா் திரௌபதி முா்முவின் அழைப்பின் பேரில் இந்தியாவில் டிசம்பா் 4 முதல் 6 வரை 3 நாள்கள் சுற்றுப்பயணம் மேற்கொள்ளவுள்ளாா். இப்பயணத்தின்போது திரௌபதி முா்மு, பிரதமா் மோடி உள்ளிட்டோரை சந்தித்து ஆலோசனை மேற்கொள்ளவுள்ளாா்.

கென்யாவின் அதிபா் ஒருவா் இந்தியாவுக்கு வருகை புரிவது 6 ஆண்டுகளில் இதுவே முதன்முறையாகும். இதன்மூலம் இரு நாடுகளுக்கிடையேயான இரு தரப்பு உறவுகள் வலுப்படுத்தப்படும் என தெரிவிக்கப்பட்டுள்ளது.

அதிபா் ரூட்டோ தில்லியில் நடைபெறவுள்ள வா்த்தம் மற்றும் முதலீடு நிகழ்ச்சியிலும் பங்கேற்கவுள்ளதாக தகவல்கள் வெளியாகின. ஜி-20 கூட்டமைப்பில் 55 நாடுகளை உறுப்பினா்களாக கொண்ட ஆப்பிரிக்க ஒன்றியம் இணைக்கப்பட்டு 3 மாதங்கள் கடந்துள்ள நிலையில் அதிபா் ரூட்டோ இந்திய பயணம் மேற்கொள்வது குறிப்பிடத்தக்கது.

கேரளத்தில் பெரும் பரப்பரப்பை ஏற்படுத்திய சிறுமி கடத்தல் சம்பவத்தில் கணவன், மனைவி, மகள் ஆகிய 3 போ் கைது செய்யப்பட்டிருப்பதாக மாநில காவல்துறை அதிகாரிகள் சனிக்கிழமை தெரிவித்தனா்.

கொல்லம் மாவட்டத்தைச் சோ்ந்த 6 வயதுச் சிறுமி அபிகேல், கடந்த திங்கள்கிழமை டியூஷன் வகுப்பிலிருந்து சகோதரனுடன் வீடு திரும்பும்போது, மா்ம நபா்களால் கடத்தப்பட்டாள். சிறுமியின் பெற்றோரிடம் ரூ.10 லட்சம் கேட்டு அந்த நபா்கள் மிரட்டல் விடுத்தனா். இது மாநிலத்திலேயே பெரும் பரபரப்பை ஏற்படுத்திய நிலையில், சிறுமியைத் தேட போலீஸ் சிறப்புக் குழு அமைக்கப்பட்டது.

இதையடுத்து, நெருக்கடியில் சிக்கிய கடத்தல்காரா்கள் அடுத்த நாளே கொல்லம் ஆசிரம மைதானத்தில் சிறுமியைத் தனியே விட்டு தப்பிச் சென்றனா். அழுதபடி இருந்த சிறுமியை விசாரித்த பொதுமக்கள், போலீஸாரிடம் தகவல் அளித்தனா். இதையடுத்து சிறுமியை போலீஸாா் மீட்டனா்.

சிறுமி அபிகேல் அளித்த அடையாளங்களின் அடிப்படையில் குற்றவாளிகளைத் தேடி வந்த காவல் துறையினா், பத்மகுமாா், அவரது மனைவி அனிதா குமாரி, மகள் அனுபமா பத்மன் ஆகியோரை கைது செய்தனா்.

கடன் பிரச்னை: கொல்லம் மாவட்டத்தில் சனிக்கிழமை நடைபெற்ற செய்தியாளா்கள் சந்திப்பில் இது தொடா்பாக ஏடிஜிபி எம்.ஆா்.அஜீத் குமாா் கூறுகையில், ‘கடந்த ஓராண்டு காலமாக குழந்தை கடத்தல் குறித்து திட்டமிட்டு, அதற்காக ஒரு குழந்தையை அவா்கள் தேடி வந்தனா். கைது செய்யப்பட்ட பத்மகுமாா் கேபிள் டிவி உள்பட பல்வேறு தொழில்களை நடத்தி வந்தாா். கரோனா பெருந்தொற்றுக்குப் பிறகு பெரும் நிதிப் பிரச்னை அவருக்கு ஏற்பட்டது. இதனால், ரூ.5 கோடிக்கு கடன் இருப்பதாகவும் அதற்காக ரூ.10 கோடி உடனடியாகத் தேவைப்பட்ட நிலையில், குடும்பத்துடன் இணைந்து குழந்தையைக் கடத்தியதாகவும் விசாரணையின்போது அவா் தெரிவித்தாா்.

அவருடைய மனைவி அனிதா குமாரி இந்தக் கடத்தல் சம்பவத்தில் முக்கியப் பங்கு வகித்துள்ளாா் என சந்தேகிக்கிறோம். அவருடைய மகளின் யூடியூப் சேனல் மூலமான வருமானமும் குறைந்த நிலையில், பணம் சம்பாதிக்க குறுக்கு வழியை அவா்கள் தேடியுள்ளனா். அந்தச் சிறுமியைக் கடத்த அவா்கள் ஏற்கெனவே 2 முறை முயற்சித்தனா்’ என்றாா்.

முதல்வா் பாராட்டு: தீவிர அா்ப்பணிப்புடன் விசாரணை நடத்தி, குற்றவாளிகளை குறுகிய காலத்தில் கைது செய்த காவல் துறையினரை மாநில முதல்வா் பினராயி விஜயன் பாராட்டினாா். இந்த வழக்குத் தொடா்பாக காங்கிரஸ் கூறி வந்த குற்றச்சாட்டுகள் அனைத்தும் போலியானவை என்பது நிரூபணமாகியுள்ளதாக அவா் தெரிவித்தாா்.

நாடாளுமன்றத்தில் கேள்வி எழுப்ப திரிணமூல் காங்கிரஸ் எம்.பி. மஹுவா மொய்த்ரா லஞ்சம் வாங்கிய குற்றச்சாட்டு குறித்த மக்களவை நெறிமுறைகள் குழுவின் விசாரணையை விமா்சித்து, அவைத் தலைவா் ஓம் பிா்லாவுக்கு மக்களவை காங்கிரஸ் குழு தலைவா் அதீா் ரஞ்சன் செளதரி சனிக்கிழமை கடிதம் எழுதினாா்.

நாடாளுமன்றக் குழுக்களின் விதிமுறைகள் மற்றும் நடைமுறைகளை மறுபரிசீலனை செய்ய வேண்டும் என்று அவா் கோரியுள்ளாா்.

மக்களவையில் அதானி குழுமத்துக்கு எதிராக கேள்வி எழுப்ப, தொழிலதிபா் தா்ஷன் ஹீராநந்தானியிடம் இருந்து திரிணமூல் காங்கிரஸ் எம்.பி. மஹுவா மொய்த்ரா லஞ்சம் வாங்கியதாக மக்களவைத் தலைவா் ஓம் பிா்லாவிடம் பாஜக எம்.பி. நிஷிகாந்த் துபே புகாா் அளித்தாா்.

இந்தப் புகாரை விசாரிக்க மக்களவை நெறிமுறைகள் குழுவுக்கு ஓம் பிா்லா பரிந்துரைத்தாா். அந்தக் குழு மஹுவாவை எம்.பி. பதவியில் இருந்து நீக்க பரிந்துரைத்து அறிக்கை தயாா் செய்துள்ளது. அந்த அறிக்கையை அந்தக் குழுவின் தலைவா் வினோத் குமாா் சோன்கா், திங்கள்கிழமை நாடாளுமன்ற குளிா்கால கூட்டத்தொடரின்போது மக்களவையில் தாக்கல் செய்ய உள்ளாா்.

ஹீராநந்தானியிடம் ஏன் விசாரணை மேற்கொள்ளவில்லை?: இந்த விவகாரம் தொடா்பாக மக்களவைத் தலைவா் ஓம் பிா்லாவுக்கு மக்களவை காங்கிரஸ் குழு தலைவா் அதீா் ரஞ்சன் செளதரி சனிக்கிழமை எழுதிய கடிதத்தில் தெரிவித்ததாவது:

திரிணமூல் எம்.பி. மஹுவா லஞ்சம் வாங்கியதாக எழுந்துள்ள குற்றச்சாட்டு தொடா்பாக தொழிலதிபா் ஹீராநந்தானியிடம் ஏன் விசாரணை மேற்கொள்ளப்படவில்லை?

மஹுவாவின் நாடாளுமன்ற வலைதளக் கணக்கைப் பயன்படுத்தி, மக்களவையில் எழுப்ப வேண்டிய கேள்விகளை ஹீராநந்தானி முன்வைத்ததாகக் கூறப்படும் நிலையில், அவா் திடீரென மனம் மாறி மஹுவாவுக்கு எதிராக கருத்துத் தெரிவித்தது ஏன் என்பது தெரியவில்லை.

பரிசுகள் வழங்குவதும் பெற்றுக் கொள்வதும் சாதாரண வழக்கமாகும். அதை உதவி செய்ததற்காகப் பெறப்படும் லஞ்சம் என்று கூறுவது மிகவும் கடுமையானதாகும்.

நாடாளுமன்றக் குழு கூட்டங்களின் நடவடிக்கைகள் மிகவும் ரகசியமானவை. ஆனால், மஹுவா விவகாரத்தில் விசாரணை நடைபெற்றுக் கொண்டிருந்தபோதே மக்களவை நெறிமுறைகள் குழுவின் தலைவா் வினோத் குமாா் சோன்கரும், புகாா் அளித்த நிஷிகாந்த் துபேயும் பொதுவெளியில் தங்கள் கருத்துகளைத் தெரிவித்து வந்தனா்.

இந்நிலையில், மக்களவை எம்.பி.க்களின் நலன் மற்றும் உரிமைகளைக் கருத்தில்கொண்டு உரிமை மீறல் குழு, நெறிமுறைகள் குழு உள்ளிட்ட நாடாளுமன்றக் குழுக்களின் செயல்பாடு தொடா்பான விதிமுறைகள் மற்றும் நடைமுறைகளை மறுஆய்வு செய்து திருத்தியமைக்க வேண்டிய தேவை நிலவுகிறது. இதேபோல மக்களவையின் அதிகாரபூா்வ வலைதளத்தின் செயல்பாடு தொடா்பான விதிமுறைகளையும் ஆராய்ந்து மறுஆய்வு செய்ய வேண்டும்.

அனைத்து மக்களவை எம்.பி.க்களின் நலன் கருதி, நாடாளுமன்ற செயல்பாடு தொடா்பான நடைமுறைகள் மற்றும் மக்களவை அலுவல்களை நடத்துவது சீராக்கப்பட வேண்டும் என்று கோரியுள்ளாா்.

இதனிடையே, நாடாளுமன்ற குளிா்கால கூட்டத்தொடா் தொடங்க உள்ளதையொட்டி, தில்லியில் அனைத்துக் கட்சிக் கூட்டம் சனிக்கிழமை நடைபெற்றது. அப்போது மஹுவாவை பதவிநீக்கம் செய்யும் நெறிமுறைகள் குழுவின் பரிந்துரை தொடா்பாக மக்களவையில் விவாதிக்க வேண்டும் என்று திரிணமூல் காங்கிரஸ் எம்.பி.க்கள் வலியுறுத்தினா்.

பிஎஸ்பி எம்.பி. தானிஷ் அலி கடிதம்: மக்களவை நெறிமுறைகள் குழுவில் பகுஜன் சமாஜ் கட்சி (பிஎஸ்பி) எம்.பி. தானிஷ் அலியும் உறுப்பினராக உள்ளாா். மஹுவா தொடா்பான மக்களவை நெறிமுறைகள் குழு அறிக்கையில் தன்னைப் பற்றிய கருத்துகளை நீக்க வேண்டும் என்று மக்களவைத் தலைவா் ஓம் பிா்லாவுக்கு தானிஷ் அலி கடிதம் எழுதியுள்ளாா். அந்தக் கடிதத்தில் அவா் தெரிவித்துள்ளதாவது:

நாடாளுமன்றக் குழு கூட்டத்தில் உறுப்பினா் ஒருவரின் நடத்தை அல்லது அவா் தெரிவித்த கருத்துகளை அறிக்கையில் குறிப்பிட குழு தலைவருக்கு அதிகாரமில்லை. இந்நிலையில், மஹுவா தொடா்பாக நடைபெற்ற மக்களவை நெறிமுறைகள் குழு கூட்டத்தில், நான் நடந்துகொண்ட விதம் தொடா்பாக குழுவின் அறிக்கையில் குறிப்பிடப்பட்டுள்ளதாகத் தெரிகிறது. அந்தக் கருத்துகள் அடங்கிய பத்தியை நீக்க வேண்டும். அந்த அறிக்கை மக்களவையில் தாக்கல் செய்யப்படும் முன், அதைச் செய்ய வேண்டும்’ என்று கோரியுள்ளாா்.

இதுதொடா்பாக தானிஷ் அலி ‘எக்ஸ்’ தளத்தில் வெளியிட்ட பதிவு: மஹுவா விவகாரம் தொடா்பான விசாரணையின்போது நான் தெரிவித்த ஆட்சேபங்கள் குறித்து, தனது அறிக்கையில் மக்களவை நெறிமுறைகள் குழு கருத்து தெரிவித்துள்ளது. இதன்மூலம் மத்தியில் ஆளும் கட்சிக்கு எதிராக எவரும் பேசக் கூடாது என்ற செய்தி விடுவிக்கப்படுவது போல தெரிகிறது என்றாா்.

உலகின் முதல்  சகோதர - சகோதரி  கிராண்ட்மாஸ்டர்களாக பிரக்ஞானந்தா மற்றும் வைஷாலி உருவாகியுள்ளனர்.

கிராண்ட்மாஸ்டர்  பிரக்ஞானந்தாவின் மூத்த சகோதரி வைஷாலி தற்போது செஸ் கிராண்ட் மாஸ்டராக மாறியுள்ளார். ஸ்பெயினில் நடைபெற்ற செஸ் போட்டியில் இந்த சாதனையை அவர் படைத்தார். தன்னை எதிர்த்து விளையாடிய துருக்கியைச் சேர்ந்த வீரரை வென்று அவர் இந்த சாதனையைப் படைத்தார். இந்தியாவிலிருந்து கிராண்ட் மாஸ்டர் பட்டத்தைப் பெறும் மூன்றாவது வீராங்கனை வைஷாலி என்பது குறிப்பிடத்தக்கது. வைஷாலிக்கு முன்னதாக கொனேரு ஹம்பி மற்றும் ஹரிகா ஆகியோர் இந்தியாவிலிந்து கிராண்ட் மாஸ்டர் பட்டங்களை வென்றுள்ளனர். 

வைஷாலியின் சகோதரரான பிரக்ஞானந்தா கடந்த 2018 ஆம் ஆண்டு அவரது 12 வயதில் கிராண்ட் மாஸ்டர் பட்டம் வென்றார். தற்போது அவரது சகோதரி கிராண்ட் மாஸ்டர் பட்டம் வென்றுள்ள நிலையில், இவர்கள் உலகின் முதல் சகோதர - சகோதரி கிராண்ட் மாஸ்டர்கள் என்ற பெருமையைப் பெற்றுள்ளனர். 

கிராண்ட் மாஸ்டர் பட்டம் வென்ற வைஷாலிக்கு தமிழக முதல்வர் மு.க.ஸ்டாலின் வாழ்த்து தெரிவித்துள்ளார். 

Huge congrats, @chessvaishali, on becoming the third female Grandmaster from India and the first from Tamil Nadu!

2023 has been splendid for you. Alongside your brother @rpragchess, youve made history as the first sister-brother duo to qualify for the #Candidates tournament.… pic.twitter.com/f4I89LcJ5O

— M.K.Stalin (@mkstalin) December 2, 2023

முதல்வர் மு.க.ஸ்டாலின் அந்த வாழ்த்துப் பதிவில் கூறியிருப்பதாவது: இந்தியாவின் மூன்றாவது மற்றும் தமிழகத்தின் முதல் பெண் கிராண்ட்மாஸ்டராக மாறியுள்ள வைஷாலிக்கு மனமார்ந்த வாழ்த்துகள். 2023 ஆம் ஆண்டு உங்களுக்கு சிறந்த ஆண்டாக அமைந்துள்ளது. நீங்கள் உங்கள் சகோதரருடன் இணைந்து தற்போது உலகின் முதல் சகோதர - சகோதரி கிராண்ட்மாஸ்டர்கள் என்ற வரலாற்றைப் படைத்துள்ளீர்கள் எனப் பதிவிட்டுள்ளார்.

பாகிஸ்தான் அணியின் பாபர் அசாம்  மிகச் சிறந்த பேட்ஸ்மேன்களில் ஒருவர் என ஆஸ்திரேலிய அணியின் உஸ்மான் கவாஜா புகழ்ந்துள்ளார். 

பாகிஸ்தான் அணி   ஆஸ்திரேலியாவில் சுற்றுப்பயணம் மேற்கொண்டு  3 போட்டிகள் கொண்ட டெஸ்ட் தொடரில் விளையாடவுள்ளது. இரு அணிகளுக்கும் இடையிலான முதல் டெஸ்ட் போட்டி வருகிற டிசம்பர் 14 ஆம் தேதி முதல் தொடங்குகிறது. கடந்த இரண்டு ஆண்டுகளாக பாபர் அசாம் கேப்டனாக பாகிஸ்தானை  வழிநடத்தி வந்த நிலையில், தற்போது அணியை ஷான் மசூத் வழிநடத்தவுள்ளார். இருப்பினும், கேப்டன் பதவியிலிருந்து விலகிய பாபர் அசாமின் பேட்டிங் மீதான எதிர்பார்ப்பு அதிகரித்துள்ளது. 

இதையும் படிக்க: டெஸ்ட் போட்டிக்கான அணியில் மீண்டும் இடம்பெறுவேன்: பிரபல ஆஸ்திரேலிய ஆல்ரவுண்டர்

இந்த நிலையில், பாகிஸ்தான் அணியின் பாபர் அசாம்  மிகச் சிறந்த பேட்ஸ்மேன்களில் ஒருவர் என ஆஸ்திரேலிய அணியின் உஸ்மான் கவாஜா புகழ்ந்துள்ளது முக்கியத்துவம் பெறுகிறது.

இது தொடர்பாக அவர் பேசியதாவது: அனைத்து வடிவிலான போட்டிகளிலும் உள்ள சிறந்த பேட்ஸ்மேன்களில் பாபர் அசாமும் ஒருவர். எங்களது காலத்தில் ஸ்டீவ் ஸ்மித் மிகச் சிறந்த பேட்ஸ்மேன். அவர்கள் இருவரும் ஆஸ்திரேலியாவில் தொடர்களில் விளையாடுவது சிறப்பாக இருக்கும். பாபர் மற்றும் ஸ்டீவ் ஸ்மித்தை ஒப்பிடுவது கிட்டத்தட்ட ஸ்மித் மற்றும் விராட் கோலியை ஒப்பிடுவது போன்றதே. பாபர் அசாம் பாகிஸ்தானில் மட்டுமல்லாமல் ஆஸ்திரேலியாவின் மைதானங்களிலும் சிறப்பாக விளையாடக் கூடியவர். கடந்த காலங்களில் ஆஸ்திரேலியாவில் அவர் சதங்கள் அடித்துள்ளார்.

இதையும் படிக்க: நியூசி.க்கு எதிரான முதல் டெஸ்ட்: வெற்றியை நோக்கி முன்னேறும் வங்கதேசம்!

வலுவான பாகிஸ்தான் அணி ஆஸ்திரேலியாவுக்கு சுற்றுப்பயணம் மேற்கொள்கிறது என நினைக்கிறேன். பாகிஸ்தான் அணியில் சிறப்பாக விளையாடக் கூடிய வீரர்களான பாபர் அசாம், இமாம் உல் ஹக் மற்றும் அப்துல்லா சஃபீக் ஆகியோர் உள்ளனர். அவர்களிடம் எப்போதும் சிறந்த வேகப் பந்துவீச்சு மற்றும் சுழற்பந்துவீச்சாளர்கள் உள்ளனர். உலகின் சிறந்த அணிகளில் பாகிஸ்தான் அணியும் ஒன்று. அவர்களுக்கு எதிரானப் போட்டியை ஆவலோடு எதிர்நோக்கி காத்திருக்கிறேன் என்றார்.

நடிகரும் இயக்குநருமான உறியடி விஜய் குமார் நடிக்கும் புதிய படம் ஃபைட் கிளப். அப்பாஸ் ரஹ்மத் இயக்கியுள்ள இந்த படத்தை லோகேஷ் கனகராஜ் தனது ஜி ஸ்குவாட் நிறுவனம் மூலம் வெளியிடுகிறார். படத்தின் பத்திரிகையாளர் சந்திப்பு இன்று சென்னையில் நடைபெற்றது.

உறியடி படத்தின் மூலம் கவனம் பெற்ற விஜய்குமார் சூர்யாவின் சூரரைப் போற்று படத்தில் வசனம் எழுதியிருப்பதும் குறிப்பிடத்தக்கது.

மாஸ் ஆக்சன் படமாக உருவாகும் ஃபைட் கிளப் படத்தின் தமிழ்நாடு திரையரங்கு வெளியீட்டு உரிமையை சக்தி ஃபிலிம் ஃபேக்டரி நிறுவனம் கைப்பற்றி உள்ளதாக தகவல் வெளியாகி உள்ளது. 

இந்நிலையில் ஃபைட் கிளப்  படத்தின் டீசர் வெளியாகி ரசிகர்களின் கவனத்தை ஈர்த்துள்ளது.

போபால் : மத்தியப்பிரதேசம், மிசோரம், ராஜஸ்தான், தெலங்கானா மற்றும் சத்தீஸ்கர் ஆகிய 5 மாநில சட்டப்பேரவைத் தேர்தல்களுக்கான வாக்குப்பதிவு நிறைவடைந்த நிலையில், மிசோரம் தவிர்த்து மீதமுள்ள 4 மாநிலங்களில் வாக்கு எண்ணிக்கை நாளை நடைபெறுகிறது.

மத்தியப் பிரதேசத்தில் மொத்தமுள்ள 230 தொகுதிகளில், பாஜக அதிக இடங்களில் வெற்றிபெற்று, இரண்டாவது முறையாக மீண்டும் ஆட்சியைக் கைப்பற்ற வாய்ப்பிருப்பதாக  தேர்தலுக்கு பிந்தைய கருத்துக்கணிப்பு முடிவுகள் தெரிவிக்கின்றன. 

இந்தநிலையில், இன்று(டிச.2) தனது 63வது பிறந்தநாளைக் கொண்டாடும் பாஜக தேசியத் தலைவர் ஜெ.பி.நட்டா,  மத்தியப் பிரதேசத்தின் குவாலியரின் அருகேயுள்ள சனிசரா சனி பகவான் கோயிலில் இன்று சிறப்பு வழிபாடு நடத்தினார்.  அப்போது அவருடன் மத்திய அமைச்சர் நரேந்திர சிங் தோமர் மற்றும் பாஜக தலைவர்கள் பலர் உடனிருந்தனர்.

முன்னதாக நேற்று(டிச.1), மத்தியப் பிரதேசத்தின் டாடியா மாவட்டத்தில் புதுப்பிக்கப்பட்டுள்ள பீதாம்பரா பீத் கோயிலில், பாஜக வெற்றி பெற வேண்டி சிறப்பு வழிபாடு நடத்தப்பட்டது. அதில் நட்டா கலந்துகொண்டு சாமி தரிசனம் செய்தார் என்பது குறிப்பிடத்தக்கது.

கேங்க்டாக் : வடகிழக்கு மாநிலமான சிக்கிமில், கடந்த அக்டோபர் 4 ஆம் தேதி, லோனாக் ஏரிப் பகுதியில் மேகவெடிப்பின் காரணமாக கொட்டித்தீர்த்த அதீத கனமழையால், தீஸ்தா ஆற்றில்  திடீர் வெள்ளப்பெருக்கு ஏற்பட்டது. பெருவெள்ளத்தில் சிக்கி 46  பேர் உயிரிழந்தனர். மேலும், வெள்ளத்தில் 77 பேர் அடித்துச் செல்லப்பட்டனர். அதில் 2 பேரின் உடல்கள், அடையாளம் தெரியாத நிலையில் கண்டெடுக்கப்பட்டன.  

இந்த நிலையில், வெள்ளத்தில் அடித்துச் செல்லப்பட்ட  77 பேரை  தேடும் பணி கடந்த 2 மாதங்களுக்கும் மேலாக  நடைபெற்று வந்த நிலையில், அவர்களின் கதி என்ன என்பது குறித்த விவரம் இதுவரை தெரியவில்லை என்று தெரிவிக்கப்பட்டுள்ளது.

இதனிடையே, வெள்ளப்பெருக்கு ஏற்பட்டு 2 மாதங்களைக் கடந்து விட்ட நிலையில், மாயமானவர்கள் உயிருடன் இருக்க வாய்ப்பில்லை எனவும், அவர்கள் அனைவரும் இறந்திருக்கக்கூடும் எனவும் சிக்கிம் தலைமைச் செயலாளர் விபி பதாக் அதிர்ச்சி தகவலை வெளியிட்டுள்ளார்.

இதனையடுத்து, அவர்களின் குடும்பத்துக்கு, இயற்கை பேரிடர்களால் உயிரிழப்போருக்கு வழங்கப்படும் நிவாரணத்தின் கீழ், மாநில அரசு நிவாரணத் தொகையாக ரூ.4 லட்சமும், பிரதமர் நிவாரண நிதியிலிருந்து ரூ.2 லட்சமும்  நிவாரணத் தொகை வழங்க நடவடிக்கை எடுத்து வருவதாகவும் தெரிவிக்கப்பட்டுள்ளது.

ஆஸ்திரேலியாவுக்கு எதிரான தொடரில் அழுத்தமான சூழலில் சிறப்பாக செயல்பட ஐபிஎல் தொடரும், கடுமையானப் பயிற்சியும் உதவியதாக இந்திய அணியின் ரிங்கு சிங் தெரிவித்துள்ளார்.

இந்தியா மற்றும் ஆஸ்திரேலிய அணிகளுக்கு இடையிலான 5 போட்டிகள் கொண்ட டி20 தொடர் இந்தியாவில் நடைபெற்று வருகிறது. இரு அணிகளுக்குமிடையில் நேற்று நடைபெற்ற 4-வது டி20 போட்டியில் வெற்றி பெற்றதன் மூலம் இந்திய அணி 3-1 என்ற கணக்கில் தொடரையும் கைப்பற்றியது. இந்தத் தொடரில் இந்திய அணியின் இளம் வீரர்களில் ஒருவரான ரிங்கு சிங் சிறப்பான ஆட்டத்தை வெளிப்படுத்தி வருகிறார். அழுத்தமான சூழலில் சிறப்பாக விளையாடி இந்திய அணியின் வெற்றிக்கு பெரிதும் உதவுகிறார் ரிங்கு சிங். ஆஸ்திரேலியாவுக்கு  எதிரான டி20 தொடரில் 22* (14), 31* (9), 46 (29) ரன்கள் குவித்து அதிரடியில் மிரட்டினார் ரிங்கு சிங். 

இதையும் படிக்க: உலகக் கோப்பையில் விளையாடாதது வருத்தமளித்தது: இந்திய சுழற்பந்துவீச்சாளர்

இந்த நிலையில், ஆஸ்திரேலியாவுக்கு எதிரான தொடரில் அழுத்தமான சூழலில் சிறப்பாக செயல்பட ஐபிஎல் தொடரும், கடுமையானப் பயிற்சியும் உதவியதாக ரிங்கு சிங் தெரிவித்துள்ளார்.

இது தொடர்பாக அவர் பேசியதாவது: ஐபிஎல் போட்டிகளில் நான் நீண்ட காலமாக விளையாடி வருகிறேன். கடந்த 5-6 ஆண்டுகளாக ஐபிஎல் போட்டிகளில் விளையாடி வருகிறேன். ஐபிஎல் போட்டிகளில் விளையாடியது எனக்கு நம்பிக்கையளித்தது. நான் என்னை அமைதியாக வைத்துக்கொள்ள முயற்சி செய்வேன். தினசரி உடற்பயிற்சி கூடத்துக்குச் சென்று பளுதூக்குவது போன்ற உடற்பயிற்சிகளை மேற்கொள்வேன். அந்த உடற்பயிற்சி அதிக தொலைவுக்கு சிக்ஸர் அடிப்பதற்கான ஆற்றலை எனக்குத் தருகிறது என்றார்.

லோகேஷ் கனகராஜ் இயக்கிய  லியோ திரைப்படம் அக்டோபர் 19 ஆம் தேதி வெளியாகி நல்ல வரவேற்பினை பெற்றது. தற்போது, லோகேஷ் நடிகர் ரஜினிகாந்த்தின் ‘தலைவர் 171’ படத்திற்கான வேலைகளில் ஈடுபட்டு வருகிறார். 

இதையும் படிக்க: திருமண உறவிலிருந்து வெளியேறுகிறேன்: நடிகை ஷீலா அறிவிப்பு!

இதற்கிடையே, லோகேஷ் கனகராஜ் ஜி-ஸ்குவாட் (G-squad) என்ற படத் தயாரிப்பு நிறுவனத்தை தொடங்கியுள்ளார். முதற்கட்டமாக தன்னுடைய நெருங்கிய நண்பர்கள் மற்றும் உதவி இயக்குநர்களின் படங்களை தயாரிக்கவுள்ளதாகக் கூறியிருந்தார். 

இதையும் படிக்க: தந்தையை கண்டடைதல்: அனிமல் - திரைவிமர்சனம்! 

லோகேஷ் கனகராஜ், உறியடி விஜய் குமார் படத்தினை தனது முதல் படமாக அறிவித்துள்ளார். இப்படத்திற்கு ‘ஃபைட் கிளப்’ எனப் பெயரிட்டுள்ளனர். அப்பாஸ் ஏ ரஹ்மத் இயக்கத்தில் உருவாகும் இப்படத்திற்கு கோவிந்த் வசந்தா இசையமைக்கிறார்.

இதையும் படிக்க: சில்க் ஸ்மிதாவின் நிறைவேறாத ஆசை!

நடிகரும் இயக்குநருமான உறியடி விஜய் குமார், லோகேஷ் கனகராஜ்ஜின் நீண்ட நாள் நண்பர். உறியடி படத்தின் மூலம் கவனம் பெற்ற விஜய்குமார் சூர்யாவின் சூரரைப் போற்று படத்தில் வசனம் எழுதியிருப்பதும் குறிப்பிடத்தக்கது.  

டீசர் வெளியிட்டு விழாவில் பேசிய நடிகர் விஜய் குமார், “ஆங்கில படமான ஃபைட் கிளப் படத்துக்கு இந்தப் படத்துக்கும் சம்பந்தமில்லை. ஆனால் ஒரு மரியாதை கொடுக்கும் வண்ணமாக அந்தப் பெயரினை வைத்துள்ளோம். லோகேஷ் எனக்கு நெடுநாள் நண்பன். அவர் குறித்து பேசிக்கொண்டே போகலாம். 

இதையும் படிக்க: சில்க் ஸ்மிதா தி அன்டோல்ட் ஸ்டோரி: வைரலாகும் போஸ்டர்! 

இந்தப் படத்தனை லோகேஷ் வெளியிடுவதில் மகிழ்ச்சி. இயக்குநர் அப்பாஸ் குறித்து எனக்கு பெருமையாக இருக்கிறது. (கண்கள் கலங்கினார். சிறிது இடைவெளி விட்டு) எனது துணை இயக்குநர்கள் கூறினார்கள் ‘சீரியசாக பேசாதீர்கள். யாருக்கும் அது பிடிப்பதில்லை’ என்றார்கள். ஆனால் இந்தப் படம் எங்களுக்கு தொழில் மட்டுமே அல்ல. அவ்வளவு அர்ப்பணிப்புடன் வேலை செய்துள்ளோம். இயக்குநர் அப்பாஸ்ஸுக்கு சினிமா தவிர எதுவும் தெரியாது. அவ்வளவு சினிமா பித்தன். மணிரத்னம் ரசிகன். படம் உங்களுக்கும் பிடிக்குமென நம்புகிறேன்” எனப் பேசினார். 

பஞ்சாப் மாநிலம் சங்குரூர் மாவட்டத்தில் உள்ள அரசுப்பள்ளியில், விடுதி உணவகத்தில் சாப்பிட்டு உடல்நலம் பாதிக்கப்பட்ட 18 மாணவர்கள் மருத்துவமனையில் அனுமதிக்கப்பட்டுள்ளனர். விடுதியில் உணவு சாப்பிட்ட மாணவர்களுக்கு வயிற்றுவலி, வாந்தி போன்ற உபாதைகள் ஏற்பட்டன .

விடுதி உணவுக்கான பொருப்பாளர் கைது செய்யப்பட்டிருப்பதாகவும், துணை மாவட்ட ஆட்சியர் தலைமையிலான விசாரணைக்குழு  அமைக்கப்பட்டிருப்பதாகவும் கல்வித்துறை அமைச்சர் ஹர்ஜோத் சிங் பைன்ஸ்  தெரிவித்துள்ளார்.    

மருத்துவமனையிலிருந்து 14 மாணவர்கள் வீடு திரும்பியுள்ள நிலையில் 4 மாணவர்கள் சிகிச்சை பெற்றுவருவதாக மாவட்ட துணை ஆணையர் தெரிவித்துள்ளார். 

விடுதியிலிருந்து உணவுப்பொருள்களின் மாதிரியும், பாதிக்கப்பட்ட மாணவர்களின் இரத்த மாதிரிகளும் பெறப்பட்டுள்ளதாகவும் துணை ஆட்சியர் தெரிவித்துள்ளார். உணவுத் தரம் குறித்து ஏற்கனவே பள்ளி நிர்வாகத்திடம் புகார் தெரிவித்திருந்ததாக மாணவர்கள் கூறியிருப்பது குறிப்பிடத்தக்கது. 
 

வளாக நேர்முகத் தேர்வின் முதல் நாளே குவாஹாட்டி ஐஐடி மாணவர்கள் 164 பேர் வேலைவாய்ப்பைப் பெற்றுள்ளதாக ஐஐடி தெரிவித்துள்ளது. அவர்களில் 11 பேருக்கு ரூ.1 கோடி ஆண்டுச் சம்பளத்திற்கு வேலைவாய்ப்பைப் பெற்றுள்ளன.

ஐஐடி அறிக்கையின்படி, வெள்ளிக்கிழமை, 59 நிறுவனங்கள் இந்த நேர்முகத் தேர்வின் முதல் நாளில் கலந்து கொண்டுள்ளன.

கடந்த ஆண்டு 160  மாணவர்கள் மின்னியல், மின்பொறியியல் உள்ளிட்ட கோர் துறைகள், மென்பொருள், தொழில்துறை என 46 வெவ்வேறு நிறுவனங்களில் பணி வாய்ப்பைப் பெற்றதாக அந்த அறிக்கையில் தெரிவிக்கப்பட்டுள்ளது.

2023-24 ஆண்டுக்கான நேர்முகத் தேர்வில் முன்கூட்டிய வளாக வேலைவாய்ப்பை 214 பேர் ஏற்கெனவே பெற்றுள்ள நிலையில் இப்போது நடந்து வரும் நேர்முகத் தேர்வில் 164 பேர் வெற்றிகரமாக வேலைவாய்ப்பை ஈட்டியுள்ளனர்.

கூகுள், மைக்ரோசாஃப்ட், பிராமல், குவால்காம் உள்ளிட்ட நிறுவனங்கள் இந்தத் தேர்வில் மாணவர்களிடம் நேர்முகத் தேர்வை நடத்தின. 

இது குறித்து பேராசிரியர் லலித் மோகன் பாண்டே தெரிவிக்கும்போது, “உலகளாவிய மந்தநிலையைத் தாண்டியும் ஐஐடி மாணவர்கள் வேலைவாய்ப்பு பெறும் விகிதம் நிலையாகவே உள்ளது. கடுமையான பயிற்சியின் மூலமாக மாணவர்கள் நிறுவனங்களின் தேவைக்கேற்ப தங்களை தயார்படுத்திக் கொண்டு வேலைவாய்ப்பைப் பெறுகிறார்கள்” என அவர் தெரிவித்துள்ளார்.

இதையும் படிக்க: வைரல் செல்ஃபி: மோடியின் பதிவு!

இந்தக் கல்வியாண்டில் வெவ்வேறு துறையைச் சார்ந்த 1491 மாணவர்கள் நேர்முகத் தேர்வுக்கு விண்ணப்பித்துள்ளது குறிப்பிடத்தக்கது. 

உலகக் கோப்பைக்கான இந்திய அணியில்  இடம்பெற முடியாதது நினைத்து வருத்தமாக இருந்ததாக இந்திய அணியின் அக்‌ஷர் படேல்  தெரிவித்துள்ளார்.

 உலகக் கோப்பைக்கான 15 பேர் கொண்ட இந்திய அணியில்  இடதுகை சுழற்பந்துவீச்சாளரான அக்‌ஷர் படேல் இடம்பெற்றார். பின்னர், காயம் காரணமாக அவருக்குப் பதிலாக அணியின் இந்திய அணியின் மூத்த வீரர்களில் ஒருவரான ரவிச்சந்திரன் அஸ்வின் அணியில் சேர்க்கப்பட்டார். இந்த நிலையில்,  உலகக் கோப்பைக்கான இந்திய அணியில்  இடம்பெற முடியாதது நினைத்து வருத்தமாக இருந்ததாக இந்திய அணியின் அக்‌ஷர் படேல்  தெரிவித்துள்ளார்.

இதையும் படிக்க: டி20 தொடரைக் கைப்பற்றிய இந்தியா; வெற்றி குறித்து ருதுராஜ் கெய்க்வாட் கூறியது என்ன?

இது தொடர்பாக அவர் பேசியதாவது: உலகக் கோப்பைக்கான இந்திய அணியில் விளையாட முடியாதது மிகுந்த ஏமாற்றத்தை அளித்தது. உலகக் கோப்பை இந்தியாவில் நடைபெற்ற போதிலும், காயம் காரணமாக விளையாட முடியவில்லை. உலகக் கோப்பைத் தொடரின் ஆரம்ப நாள்களில் காயம் காரணமாக என்னால் இந்திய அணிக்காக விளையாட முடியாதது குறித்து யோசித்துக் கொண்டிருந்தேன். ஆனால், இந்திய அணி சிறப்பாக செயல்பட்டது.

அடுத்த 5-10  நாள்களில் நான் மீண்டும் எனது பயிற்சியை ஆரம்பித்தேன். காயம் காரணமாக 5-10 நாள்களுக்கு உங்களால் விளையாட முடியாது என்றால் நீங்கள் கண்டிப்பாக வருத்தப்படுவீர்கள். காயம் காரணமாக விளையாட முடியாதது குறித்து வருத்தப் பட்டேன். காயம் ஏற்படுவது யாருடைய கையிலும் இல்லை. விளையாட்டில் இதுபோன்ற விஷயங்கள் சகஜம் என்றார்.

எழுத்தாளர் பெருமாள் முருகன், எல்லைகளைக் கடந்து பலரது இதயங்களைத் தொட்டு தமிழ் இலக்கிய வரலாற்றில் அவரது பெயர் என்றென்றும் பொறிக்கப்படும் அளவிற்கு ஒரு மரபை உருவாக்கியுள்ளார். 

2014ல் பெருமாள் முருகனின் பூக்குழி நாவல் வெளியாகி அதன் கதை உலகத்தையே தகிக்க வைத்தது. மதிப்புமிக்க சர்வதேச புக்கர் பரிசுப் பட்டியலில் சேர்க்கப்பட்ட முதல் தமிழ் நாவல் என்ற சாதனையை இந்த நாவல் பெற்றது. இது பெருமாள் முருகனின் கதைசொல்லலுக்கு உலகளாவிய சான்றாகும். 

இதையும் படிக்க: சில்க் ஸ்மிதா தி அன்டோல்ட் ஸ்டோரி: வைரலாகும் போஸ்டர்! 

நாவல்களை திரைப்படங்களாக மாற்றி தமிழ் சினிமா பெருமையின் உச்சத்தை தொட்டுள்ளது. பல ஆண்டுகளாக ரசிகர்களின் இதயங்களில் இடம்பிடித்த முள்ளும் மலரும் சமீபத்திய ‘பொன்னியின் செல்வன்’ போன்ற சிறந்த படைப்புகளை நாம் பார்த்திருக்கிறோம். 

இதையும் படிக்க: திருமண உறவிலிருந்து வெளியேறுகிறேன்: நடிகை ஷீலா அறிவிப்பு!

கனா படத்தின் மூலம் கவனம் பெற்ற தர்ஷன் உடன் மலையாள நடிகை தர்ஷனா ராஜேந்திரன் நடிக்கும் புதிய பெயரிடப்படாத படத்துக்கு பிரபல நாவலாசிரியர் பெருமாள் முருகன் கதை, வசனம் எழுதுகிறார். விமர்சன ரீதியாக பாராட்டப்பட்ட சேத்துமான் படத்தின் மூலம் பிரபலமான இயக்குநர் தமிழ் இப்படத்தை இயக்குகிறார். ஜெய ஜெய ஜெய ஹே, ஹிருதயம் போன்ற படங்களில் தனது இயல்பான மற்றும் அற்புதமான நடிப்பால் பான்-இந்திய ரசிகர்களை கவர்ந்த தர்ஷனா ராஜேந்திரன் நாயகியாக நடிக்கிறார். 

இதையும் படிக்க: தந்தையை கண்டடைதல்: அனிமல் - திரைவிமர்சனம்! 

இயக்குநர் தமிழ் பேசும்போது, "நல்ல கதையம்சம் சார்ந்த திரைப்படங்களை ஊக்குவிக்கும் எஸ்.வினோத் குமார் போன்ற தயாரிப்பாளரைப் பெற்றிருப்பது உண்மையில் பெரிய பாக்கியம். அனைவருக்கும் பிடித்தமான ஒரு படைப்பை மீண்டும் உருவாக்கும் வாய்ப்பு கிடைத்ததில் நான் மகிழ்ச்சியடைகிறேன். இந்த படம் உருவாக்குவதில் கிடைக்கும் அற்புதமான அனுபவத்தை எதிர்நோக்கி இருக்கிறேன்" என்கிறார். 

இதையும் படிக்க: அனிமல்: முதல் நாளில் வசூல் சாதனை!

இன்னும் பெயரிடப்படாத இந்த படத்தின் படப்பிடிப்பு நேற்று (டிச. 1) காலை பெங்களூரில் தொடங்கியது. படத்தில் நடிக்க இருக்கும் மற்ற நடிகர்கள் குறித்தான விவரங்கள் விரைவில் வெளியிடப்படும் எனக் கூறியுள்ளார்கள். 

ஒளிப்பதிவு- தீபக், இசை- பிந்துமாலினி மற்றும் வேதாந்த் பரத்வாஜ், படத்தொகுப்பு: கண்ணன், ஸ்டண்ட்- பில்லா ஜெகன் ஆகியோர் தொழில் நுட்ப குழுவினராக தேர்வு செய்யப்பட்டுள்ளனர். 
 

பல்கலைக்கழக மானியக் குழுவின் வழிகாட்டுதலைக் கண்டித்து காங்கிரஸ் தலைவர் ஜெய்ராம் ரமேஷ் பிரதமர் மோடியை விமர்சித்துள்ளார்.

கல்லூரிகளில் செல்ஃபி பாய்ண்ட்ஸ் அமைக்குமாறு கூறிய பல்கலைக்கழக மானியக் குழுவின் வழிகாட்டுதலைக் குறிப்பிட்டு ஜெய்ராம் ரமேஷ் அவரது எக்ஸ் பக்கத்தில் வெளியிட்டுள்ள பதிவில் கூறியுள்ளதாவது, “நமது பிரதமர் சுயபடம் எடுப்பதிலேயே மூழ்கியுள்ளார்.

நாடாளுமன்ற தேர்தல் வரவுள்ளதை தொடர்ந்து மிகவும் பாதுகாப்பற்ற மனநிலையில் இருக்கிறார். சரிந்து கொண்டிருக்கும் அவரது பிம்பத்தைக் காப்பாற்றுவதற்கு எந்த எல்லைக்கு வேண்டுமானாலும் செல்வதற்கு தயாராக உள்ளார்.

முதலில் ராணுவத்தை செல்ஃபி பாய்ண்ட் வைக்க சொல்லி கட்டாயப்படுத்தினார். அதன்பிறகு மூத்த அரசு அதிகாரிகள் மற்றும் ஐஏஎஸ் அதிகாரிகளை ரத யாத்திரைக்கு அழைத்து வந்தார். தற்போது பல்கலைக்கழக மானியக் குழுவின் மூலம் பல்கலைக்கழகங்கள் மற்றும் கல்லூரிகளில் செல்பி பாய்ண்ட் அமைக்குமாறு கூறியுள்ளார்.

இதையும் படிக்க | சஞ்சய் சிங்குக்கு எதிராக குற்றப்பத்திரிகை தாக்கல் செய்தது அமலாக்கத்துறை

இதற்கு முன்பு சந்திரயான்-3 நிலவில் இறங்கியபோது நேரலையில் தோன்றி அந்த நிகழ்வு முழுவதையும் ஆக்கிரமிக்க முயற்சித்தார். அதற்கும் முன்னதாக, அனைத்து கரோனா தடுப்பூசி சான்றிதழ்களிலும் இவரது படத்தை அச்சிட்டு வழங்கினார்.

இவையெல்லாம் பிரதமர் மோடியின் பாதுகாப்பின்மை உணர்வு மற்றும் அருவருப்பான பண்புகளுக்கு சில உதாரணங்கள் மட்டுமே. பத்தாண்டு கால ஆட்சியில் மலிவான வகையில் சுயவிளம்பரம் தேடிக்கொள்ளும் பிரதமர் மோடியின் தந்திரங்களால் மக்கள் சோர்வடைந்துள்ளனர்.

வடகொரிய சர்வாதிகாரிகளைப் போன்ற நிலையை பிரதமர் மோடி எட்டியுள்ளார். அவற்றுக்கு பொருத்தமான பதிலை பொதுமக்கள் விரைவில் கொடுப்பார்கள்.” என்று ஜெய்ராம் ரமேஷ் கூறியுள்ளார்.

வளர்ச்சிப் பயணத்தில் நாட்டில் உள்ள எந்த ஏழையும் விடுபடக்கூடாது என்றும், விக்சித் பாரத் சங்கல்ஃப் யாத்திரை என்பது 2047-ம் ஆண்டுக்குள் சுயசார்பு மற்றும் வளர்ச்சியடைந்த இந்தியா என்ற இலக்கை அடைவதற்கான இயக்கம் என மத்திய உள்துறை அமைச்சர் அமித் ஷா தெரிவித்துள்ளார்.

விக்சித் பாரத் சங்கல்ஃப் யாத்திரை நாடு முழுவதும் மேற்கொள்ளப்பட்டு வருகிறது. இந்தத் திட்டங்களின் பலன்கள் இலக்கு வைக்கப்பட்ட அனைத்துப் பயனாளிகளையும் குறிப்பிட்ட காலத்திற்குள் சென்றடைவதை உறுதி செய்வதன் மூலம் அரசின் முதன்மைத் திட்டங்களை நிறைவு செய்யும் நோக்கில் மேற்கொள்ளப்படுகிறது.

இந்த நிலையில், விக்சித் பாரத் சங்கல்ஃப் யாத்திரை  2047-ஆம் ஆண்டுக்குள் சுயசார்பு மற்றும் வளர்ச்சியடைந்த இந்தியா என்ற இலக்கை அடைவதற்கான இயக்கம் என மத்திய உள்துறை அமைச்சர் அமித் ஷா தெரிவித்துள்ளார்.

குஜராத் மாநிலம், கிர் சோம்நாத் மாவட்டத்தில் உள்ள சந்துவாவ் என்ற இடத்தில் வெள்ளிக்கிழமை மாலை விக்சித் பாரத் சங்கல்ஃப் யாத்திரை நிகழ்ச்சியில் கிராம மக்களிடம் அவர் உரையாற்றினார். 

இதையும் படிக்க | காங்கிரஸ் வேட்பாளர்களிடம் பேசிய தெலங்கானா முதல்வர்! - டி.கே. சிவகுமார் பரபரப்பு தகவல்

அப்போது, மத்திய அரசின் அனைத்து நலத் திட்டங்களின் பலன்களும் கடைகோடி மக்களையும் சென்றடைவதை உறுதி செய்ய அரசாங்கம் கடுமையாக உழைத்து வருவதாகவும், வளர்ச்சிப் பயணத்தில் நாட்டில் உள்ள எந்த ஏழையும் விடுபடக்கூடாது என்று ஷா கூறினார். 

விக்சித் பாரத் சங்கல்ஃப் யாத்திரை மூலம், நாடு முழுவதும் உள்ள அரசாங்கத்தின் அனைத்து முதன்மைத் திட்டங்களையும் 100 சதவிகிதம் நிறைவு செய்வதை அரசாங்கம் நோக்கமாகக் கொண்டுள்ளது என்றார்.

மேலும், தொழில் வளர்ச்சியில் ஏழைகளை விட்டுச் சென்றால் நாடு செழிப்பாக இருக்க முடியாது. ஏழைகளின் வளர்ச்சியின் மூலம் தான் நாடு வளர்ந்த இந்தியாவின் இலக்கை அடைய முடியும் என்று அமித்ஷா கூறினார்.

நிகழ்ச்சியில், கிராம மக்கள் விக்சித் பாரத் உறுதிமொழி ஏற்றனர்.மேலும் பல்வேறு நலத்திட்டங்களின் பலன்களை பயனாளிகளுக்கு அமித் ஷா வழங்கினார்.

சிவ சேனை கட்சித் தலைவர் சஞ்சய் ரெளத்துக்கு எதிராக அமைச்சர் தாதா பூசே தொடர்ந்த அவதூறு வழக்கில் ரெளத்துக்கு ஜாமீன் வழங்கி உத்தரவிட்டுள்ளது மகாராஷ்டிர மாலேகான் நீதிமன்றம்.

ராஜ்ய சபா உறுப்பினரான சஞ்சய் ரெளத் நீதிமன்றம் முன்பு ஆஜரானார். அவருக்கு ஜாமீன் வழங்கியதோடு பிப். 3, 2024-ம் தேதிக்கு வழக்கு விசாரணையை ஒத்தி வைத்தது, நீதிமன்றம்.

நாசிக் மாவட்டத்தில் கிர்ணா கூட்டுறவு சர்க்கரை ஆலையில் ரூ.178 கோடி ஊழலில் ஈடுபட்டதாக தாதா பூசே மீது சஞ்சய் ரெளத் குற்றம் சாட்டினார்.

இதனை எதிர்த்து நாசிக் சட்டப்பேரவை உறுப்பினரான தாதா பூசே, சஞ்சய் ரெளத்துக்கு எதிராக அவதூறு வழக்கு தொடர்ந்தார்.

ஜாமீன் பெற்ற பிறகு சஞ்சய் ரெளத் நீதிமன்ற வளாகத்தில், பூசேவை விமர்சித்துள்ளார்.

இதையும் படிக்க: ராஜஸ்தானில் பாஜக வெற்றி பெறும்: அனுராக் தாக்குர்

அவர், “அரசியலமைப்பு சட்டத்தின்படி, திருடனை திருடன் என அழைக்க எனக்கு உரிமையுண்டு. அமைச்சர் பணத்தை எதற்கு பயன்படுத்தினார் எனக் கேட்டதற்கு என் மீது வழக்கு தொடரப்பட்டுள்ளது. எந்த நிலையிலும் நான் பணிந்து போக மாட்டேன், ஊழல் விஷயத்தில் ஒருபோதும் சமரசம் கிடையாது” எனப் பேசியுள்ளார்.