ஜூனியா் மகளிா் உலகக் கோப்பை ஹாக்கி போட்டியில் இந்தியா தனது 3-ஆவது ஆட்டத்தில் 2-3 கோல் கணக்கில் பெல்ஜியத்திடம் சனிக்கிழமை தோல்வி கண்டது.

3-ஆவது ஆட்டத்தில் இந்தியாவுக்கு இது 2-ஆவது தோல்வியாகும். இதனால் இந்தியா காலிறுதிக்கு முன்னேறும் வாய்ப்பை இழந்தது.

இந்த ஆட்டத்தில் முதலில் பெல்ஜியத்துக்காக நோவா ஷ்ரியுா்ஸ் 5-ஆவது நிமிஷத்தில் ஃபீல்டு கோலடிக்க, முதல் பாதியை அந்த அணி முன்னிலையுடன் நிறைவு செய்தது. 2-ஆவது பாதியிலும் ஃபிரான்ஸ் டி மோட் 42-ஆவது நிமிஷத்தில் பெனால்ட்டி காா்னா் வாய்ப்பில் அடித்த கோலால் பெல்ஜியம் 2-0 என முன்னேறியது.

இந்நிலையில், கடைசி நேரத்தில் இந்தியாவின் அன்னு 47-ஆவது நிமிஷத்தில் பெனால்ட்டி காா்னா் வாய்ப்பில் கோலடித்து அணியின் கணக்கை தொடங்கினாா். தொடா்ந்து அவரே 51-ஆவது நிமிஷத்தில் பெனால்ட்டி ஸ்ட்ரைக் வாய்ப்பில் கோலடித்தாா். எனினும் எஞ்சிய நேரத்தில் மேலும் கோல் வாய்ப்பு கிடைக்காததால், இந்தியா 2-3 கோல் கணக்கில் வெற்றியை இழந்தது.

குரூப் ‘சி’-யில் தனது ஆட்டத்தை நிறைவு செய்த இந்தியா தற்போது 3 புள்ளிகளுடன் 3-ஆவது இடத்தில் இருக்கிறது. பெல்ஜியம், ஜொ்மனி அணிகள் முறையே முதலிரு இடங்களைப் பிடித்து காலிறுதிக்கு தகுதிபெற்றன. இந்தியா அடுத்ததாக 9 முதல் 16 இடங்களுக்குள்ளாக வருவதற்கான ஆட்டங்களில் களம் காணவுள்ளது.

இந்தியாவின் 84-ஆவது கிராண்ட்மாஸ்டா் ஆகியிருக்கிறாா் தமிழக செஸ் வீராங்கனை ஆா்.வைஷாலி (22).

ஸ்பெயினில் நடைபெறும் 4-ஆவது எல் லோபிரெகாட் ஓபன் செஸ் போட்டியில் பங்கேற்றிருக்கும் வைஷாலி, அதன் 2-ஆவது சுற்றில் துருக்கியின் தமொ் தாரிக் செல்ப்ஸை வீழ்த்தியன் மூலம் 2500 ஈலோ புள்ளிகளை எட்டி, கிராண்ட்மாஸ்டா் ஆவதற்கான கடைசி தகுதியை நிறைவு செய்தாா்.

வைஷாலி, இந்தியாவின் 3-ஆவது, தமிழகத்தின் முதல் பெண் கிராண்ட்மாஸ்டா் ஆகியிருக்கிறாா். இந்தியாவின் முதலிரு பெண் கிராண்ட்மாஸ்டா்கள் கோனெரு ஹம்பி, டி.ஹரிகா ஆவா்.

உலக சாதனை: ஏற்கெனவே அவரது சகோதரா் பிரக்ஞானந்தா (17) கிராண்டமாஸ்டராக இருப்பதால், தற்போது உலக அளவில் கிராண்டமாஸ்டா்களாக இருக்கும் முதல் சகோதர-சகோதரி என்ற சாதனையை பிரக்ஞானந்தா, வைஷாலி எட்டியுள்ளனா். பிரக்ஞானந்தா 2018-இல் தனது 12-ஆவது வயதில் கிராண்ட்மாஸ்டா் ஆகியது நினைவுகூரத்தக்கது.

முன்னதாக, கேண்டிடேட்ஸ் செஸ் போட்டிக்குத் தகுதிபெற்ற முதல் சகோதர-சகோதரி என்ற பெருமையையும் அவா்கள் சமீபத்தில் பெற்றது குறிப்பிடத்தக்கது. பிரக்ஞானந்தா, வைஷாலியின் தந்தை ரமேஷ்பாபுவும் செஸ் போட்டியாளா் ஆவாா். கிராண்ட்மாஸ்டா் ஆகியிருக்கும் வைஷாலிக்கு, இந்திய செஸ் நட்சத்திரம் விஸ்வநாதன் ஆனந்த் வாழ்த்துகள் தெரிவித்துள்ளாா்.

கிராண்ட்மாஸ்டா்:

செஸ் விளையாட்டில் ‘கிராண்ட்மாஸ்டா்’ என்பது, உலக சாம்பியன் பட்டம் தவிா்த்து, சா்வதேச செஸ் சம்மேளனமான ‘ஃபிடே’ வழங்கும் ஒரு பட்டமாகும். உரிய விதிகளை பூா்த்தி செய்யும் எந்தவொரு செஸ் போட்டியாளரும் பாலின பேதமின்றி இந்தப் பட்டத்துக்குத் தகுதிபெறுகின்றனா். ஒருமுறை இந்தப் பட்டத்தை வெல்லும் பட்சத்தில், வாழ்நாளுக்கும் அவா்கள் அதை தக்கவைத்துக் கொள்ளலாம். எனினும், போட்டிகளில் மோசடியில் ஈடுபட்டால் அந்தப் பட்டம் ரத்து செய்யப்படும்.

விதிகள்:

கிராண்ட்மாஸ்டா் நிலையை அடைவதற்கான விதிகள், காலகட்டத்துக்கு ஏற்ப மாற்றம் கண்டு வந்துள்ளது. தற்போதைய ஃபிடே விதிகளின்படி, 2 வழிகளில் ஒரு செஸ் போட்டியாளா் கிராண்ட்மாஸ்டா் பட்டத்தை அடையலாம்.

1. ‘நாா்ம்ஸ்’ மற்றும் ‘ஈலோ’ தரவரிசை என இரு விதிகளை பூா்த்தி செய்ய வேண்டியது...

* நாா்ம்ஸ் எனப்படுவது, ஒரு போட்டியில் சிறந்த முடிவுகளை எட்டுவதாககும். இதன்படி, ஒருவா் செஸ் போட்டிகளில் பங்கேற்று, குறைந்தபட்சம் 27 கேம்களிலாவது அவருக்கு சாதகமான முடிவுகளைக் கொண்டிருக்க வேண்டும்.

* ஈலோ தரவரிசை என்பது, ஒரு போட்டியாளரின் ஆட்டத் தரத்தை மதிப்பீடு செய்வதற்கான தரவரிசை முறையாகும். இதில் ஒரு போட்டியாளா் 2,500 புள்ளிகளை எட்டியிருக்க வேண்டும். இந்த அளவை ஒருமுறை எட்டினால் போதுமானது. அதை தக்கவைக்க அவசியம் இல்லை.

2. மேற்குறிப்பிட்ட விதிகளை பூா்த்தி செய்யாமல் இயல்பாக கிடைப்பது...

மகளிா் உலக சாம்பியன்ஷிப், உலக ஜூனியா் சாம்பியன்ஷிப், உலக சீனியா் சாம்பியன்ஷிப், கண்டங்கள் ரீதியிலான சாம்பியன்ஷிப் ஆகியவற்றில் ஏதேனும் ஒன்றில் வெல்லும் பட்சத்திலும் கிராண்ட்மாஸ்டா் பட்டம் பெறலாம். அதற்கும், சம்பந்தப்பட்ட போட்டியாளா் 2,300 ஈலோ தரவரிசை புள்ளிகள் கொண்டிருக்க வேண்டும்.

இதர மாஸ்டா்கள்:

செஸ் விளையாட்டில் கிராண்ட்மாஸ்டா் (ஜிஎம்) பட்டம் உச்சபட்சமானதாக இருந்தாலும், இன்டா்னேஷனல் மாஸ்டா் (ஐஎம்), ஃபிடே மாஸ்டா் (எஃப்எம்), கேண்டிடேட் மாஸ்டா் (சிஎம்) போன்ற பட்டங்களும் ஃபிடேவால் வழங்கப்படுகின்றன. மகளிா் கிராண்ட்மாஸ்டா் என தனியே ஒரு பட்டம் வழங்கப்படுகிறது. பிரத்யேகமாக மகளிருக்காகவே இருக்கும் இந்தப் பட்டத்தைப் பெற பூா்த்தி செய்ய வேண்டிய விதிமுறைகள் குறைவாகும்.

2044

தோராயமாக, உலக அளவில் இதுவரை கிராண்ட்மாஸ்டா் பட்டம் பெற்றவா்கள்.

40

தோராயமாக, அதில் பட்டம் வென்ற பெண்களின் எண்ணிக்கை.

3

இதுவரை கிராண்ட்மாஸ்டா் பட்டம் நீக்கப்பட்டவா்கள்.

தமிழா்கள்...

இந்தியாவிலிருக்கும் 84 கிராண்ட்மாஸ்டா்களில், 28 போ் தமிழா்களாவா். மாநிலத்தின் முதல் பெண் கிராண்ட்மாஸ்டா் என்ற பெருமையை தற்போது வைஷாலி பெற்றிருக்கிறாா்.

விஸ்வநாதன் ஆனந்த் (1988)

கிருஷ்ணன் சசிகிரண் (2000)

ராமச்சந்திரன் ரமேஷ் (2003)

பஞ்சநாதன் (2006)

தீபன் சக்கரவா்த்தி (2006)

அருண் பிரசாத் (2008)

சுந்தரராஜன் கிடாம்பி (2009)

ஆா்.ஆா்.லக்ஷ்மண் (2009)

அதிபன் (2010)

சேதுராமன் (2011)

எம்.ஆா். வெங்கடேஷ் (2012)

ஷியாம் சுந்தா் (2013)

விஷ்ணு பிரசன்னா (2013)

சிதம்பரம் அரவிந்த் (2015)

காா்த்திகேயன் முரளி (2015)

அஸ்வின் ஜெயராம் (2015)

பிரியதா்ஷன் கண்ணப்பன் (2016)

ஸ்ரீநாத் நாராயணன் (2017)

ஆா்.பிரக்ஞானந்தா (2018)

பி.காா்த்திகேயன் (2019)

என்.ஆா்.விசாக் (2019)

டி.குகேஷ் (2019)

பி.இனியன் (2019)

ஜி.ஆகாஷ் (2020)

அா்ஜுன் கல்யாண் (2021)

பரத் சுப்ரமணியன் (2022)

வி.பிரணவ் (2022)

ஆா்.வைஷாலி (2023)

நியூஸிலாந்துக்கு எதிரான முதல் டெஸ்ட்டில் வங்கதேசம் 150 ரன்கள் வித்தியாசத்தில் சனிக்கிழமை வெற்றி பெற்றது.

கடந்த 28-ஆம் தேதி தொடங்கிய ஆட்டத்தில் டாஸ் வென்று பேட் செய்த வங்கதேசம், முதல் இன்னிங்ஸில் 85.1 ஓவா்களில் 310 ரன்களுக்கு ஆட்டமிழந்தது. அதிகபட்சமாக மஹ்முதுல் ஹசன் ராய் 11 பவுண்டரிகளுடன் 86 ரன்கள் சோ்க்க, நியூஸிலாந்து தரப்பில் கிளென் ஃபிலிப்ஸ் 4 விக்கெட்டுகள் சாய்த்தாா்.

பின்னா் நியூஸிலாந்து தனது இன்னிங்ஸில் 101.5 ஓவா்களில் 317 ரன்களுக்கு 10 விக்கெட்டுகளையும் இழந்தது. அணியின் பேட்டா்களில் கேன் வில்லியம்சன் 11 பவுண்டரிகளுடன் 104 ரன்கள் விளாச, வங்கதேச பௌலிங்கில் தைஜுல் இஸ்லாம் 4 விக்கெட்டுகள் வீழ்த்தினாா்.

இதையடுத்து 7 ரன்கள் பின்தங்கிய நிலையில், 2-ஆவது இன்னிங்ஸை தொடங்கிய வங்கதேசம், 100.4 ஓவா்களில் 338 ரன்களுக்கு முடித்துக் கொண்டது. கேப்டன் நஜ்முல் ஹுசைன் ஷான்டோ 10 பவுண்டரிகளுடன் 105 ரன்கள் அடித்தாா். நியூஸிலாந்தின் அஜாஸ் படேல் 4 விக்கெட்டுகள் கைப்பற்றினாா்.

இதையடுத்து 332 என்ற வெற்றி இலக்கை நோக்கி ஆடிய நியூஸிலாந்து, கடைசி நாளான சனிக்கிழமை 71.1 ஓவா்களில் 181 ரன்களுக்கு ஆட்டமிழந்தது. அதிகபட்சமாக டேரில் மிட்செல் 7 பவுண்டரிகளுடன் 58 ரன்கள் சோ்த்திருந்தாா். வங்கதேசத்தின் தைஜுல் இஸ்லாம் 6 விக்கெட்டுகள் எடுத்திருந்தாா். இரு இன்னிங்ஸ்களிலுமாக 10 விக்கெட்டுகள் சாய்த்த அவரே ஆட்டநாயகன் ஆனாா்.

வங்கதேசம் - நியூஸிலாந்து மோதும் அடுத்த டெஸ்ட், வரும் 6-ஆம் தேதி மிா்பூரில் தொடங்குகிறது.

உலகின் முதல்  சகோதர - சகோதரி  கிராண்ட்மாஸ்டர்களாக பிரக்ஞானந்தா மற்றும் வைஷாலி உருவாகியுள்ளனர்.

கிராண்ட்மாஸ்டர்  பிரக்ஞானந்தாவின் மூத்த சகோதரி வைஷாலி தற்போது செஸ் கிராண்ட் மாஸ்டராக மாறியுள்ளார். ஸ்பெயினில் நடைபெற்ற செஸ் போட்டியில் இந்த சாதனையை அவர் படைத்தார். தன்னை எதிர்த்து விளையாடிய துருக்கியைச் சேர்ந்த வீரரை வென்று அவர் இந்த சாதனையைப் படைத்தார். இந்தியாவிலிருந்து கிராண்ட் மாஸ்டர் பட்டத்தைப் பெறும் மூன்றாவது வீராங்கனை வைஷாலி என்பது குறிப்பிடத்தக்கது. வைஷாலிக்கு முன்னதாக கொனேரு ஹம்பி மற்றும் ஹரிகா ஆகியோர் இந்தியாவிலிந்து கிராண்ட் மாஸ்டர் பட்டங்களை வென்றுள்ளனர். 

வைஷாலியின் சகோதரரான பிரக்ஞானந்தா கடந்த 2018 ஆம் ஆண்டு அவரது 12 வயதில் கிராண்ட் மாஸ்டர் பட்டம் வென்றார். தற்போது அவரது சகோதரி கிராண்ட் மாஸ்டர் பட்டம் வென்றுள்ள நிலையில், இவர்கள் உலகின் முதல் சகோதர - சகோதரி கிராண்ட் மாஸ்டர்கள் என்ற பெருமையைப் பெற்றுள்ளனர். 

கிராண்ட் மாஸ்டர் பட்டம் வென்ற வைஷாலிக்கு தமிழக முதல்வர் மு.க.ஸ்டாலின் வாழ்த்து தெரிவித்துள்ளார். 

Huge congrats, @chessvaishali, on becoming the third female Grandmaster from India and the first from Tamil Nadu!

2023 has been splendid for you. Alongside your brother @rpragchess, youve made history as the first sister-brother duo to qualify for the #Candidates tournament.… pic.twitter.com/f4I89LcJ5O

— M.K.Stalin (@mkstalin) December 2, 2023

முதல்வர் மு.க.ஸ்டாலின் அந்த வாழ்த்துப் பதிவில் கூறியிருப்பதாவது: இந்தியாவின் மூன்றாவது மற்றும் தமிழகத்தின் முதல் பெண் கிராண்ட்மாஸ்டராக மாறியுள்ள வைஷாலிக்கு மனமார்ந்த வாழ்த்துகள். 2023 ஆம் ஆண்டு உங்களுக்கு சிறந்த ஆண்டாக அமைந்துள்ளது. நீங்கள் உங்கள் சகோதரருடன் இணைந்து தற்போது உலகின் முதல் சகோதர - சகோதரி கிராண்ட்மாஸ்டர்கள் என்ற வரலாற்றைப் படைத்துள்ளீர்கள் எனப் பதிவிட்டுள்ளார்.

பாகிஸ்தான் அணியின் பாபர் அசாம்  மிகச் சிறந்த பேட்ஸ்மேன்களில் ஒருவர் என ஆஸ்திரேலிய அணியின் உஸ்மான் கவாஜா புகழ்ந்துள்ளார். 

பாகிஸ்தான் அணி   ஆஸ்திரேலியாவில் சுற்றுப்பயணம் மேற்கொண்டு  3 போட்டிகள் கொண்ட டெஸ்ட் தொடரில் விளையாடவுள்ளது. இரு அணிகளுக்கும் இடையிலான முதல் டெஸ்ட் போட்டி வருகிற டிசம்பர் 14 ஆம் தேதி முதல் தொடங்குகிறது. கடந்த இரண்டு ஆண்டுகளாக பாபர் அசாம் கேப்டனாக பாகிஸ்தானை  வழிநடத்தி வந்த நிலையில், தற்போது அணியை ஷான் மசூத் வழிநடத்தவுள்ளார். இருப்பினும், கேப்டன் பதவியிலிருந்து விலகிய பாபர் அசாமின் பேட்டிங் மீதான எதிர்பார்ப்பு அதிகரித்துள்ளது. 

இதையும் படிக்க: டெஸ்ட் போட்டிக்கான அணியில் மீண்டும் இடம்பெறுவேன்: பிரபல ஆஸ்திரேலிய ஆல்ரவுண்டர்

இந்த நிலையில், பாகிஸ்தான் அணியின் பாபர் அசாம்  மிகச் சிறந்த பேட்ஸ்மேன்களில் ஒருவர் என ஆஸ்திரேலிய அணியின் உஸ்மான் கவாஜா புகழ்ந்துள்ளது முக்கியத்துவம் பெறுகிறது.

இது தொடர்பாக அவர் பேசியதாவது: அனைத்து வடிவிலான போட்டிகளிலும் உள்ள சிறந்த பேட்ஸ்மேன்களில் பாபர் அசாமும் ஒருவர். எங்களது காலத்தில் ஸ்டீவ் ஸ்மித் மிகச் சிறந்த பேட்ஸ்மேன். அவர்கள் இருவரும் ஆஸ்திரேலியாவில் தொடர்களில் விளையாடுவது சிறப்பாக இருக்கும். பாபர் மற்றும் ஸ்டீவ் ஸ்மித்தை ஒப்பிடுவது கிட்டத்தட்ட ஸ்மித் மற்றும் விராட் கோலியை ஒப்பிடுவது போன்றதே. பாபர் அசாம் பாகிஸ்தானில் மட்டுமல்லாமல் ஆஸ்திரேலியாவின் மைதானங்களிலும் சிறப்பாக விளையாடக் கூடியவர். கடந்த காலங்களில் ஆஸ்திரேலியாவில் அவர் சதங்கள் அடித்துள்ளார்.

இதையும் படிக்க: நியூசி.க்கு எதிரான முதல் டெஸ்ட்: வெற்றியை நோக்கி முன்னேறும் வங்கதேசம்!

வலுவான பாகிஸ்தான் அணி ஆஸ்திரேலியாவுக்கு சுற்றுப்பயணம் மேற்கொள்கிறது என நினைக்கிறேன். பாகிஸ்தான் அணியில் சிறப்பாக விளையாடக் கூடிய வீரர்களான பாபர் அசாம், இமாம் உல் ஹக் மற்றும் அப்துல்லா சஃபீக் ஆகியோர் உள்ளனர். அவர்களிடம் எப்போதும் சிறந்த வேகப் பந்துவீச்சு மற்றும் சுழற்பந்துவீச்சாளர்கள் உள்ளனர். உலகின் சிறந்த அணிகளில் பாகிஸ்தான் அணியும் ஒன்று. அவர்களுக்கு எதிரானப் போட்டியை ஆவலோடு எதிர்நோக்கி காத்திருக்கிறேன் என்றார்.

ஆஸ்திரேலியாவுக்கு எதிரான தொடரில் அழுத்தமான சூழலில் சிறப்பாக செயல்பட ஐபிஎல் தொடரும், கடுமையானப் பயிற்சியும் உதவியதாக இந்திய அணியின் ரிங்கு சிங் தெரிவித்துள்ளார்.

இந்தியா மற்றும் ஆஸ்திரேலிய அணிகளுக்கு இடையிலான 5 போட்டிகள் கொண்ட டி20 தொடர் இந்தியாவில் நடைபெற்று வருகிறது. இரு அணிகளுக்குமிடையில் நேற்று நடைபெற்ற 4-வது டி20 போட்டியில் வெற்றி பெற்றதன் மூலம் இந்திய அணி 3-1 என்ற கணக்கில் தொடரையும் கைப்பற்றியது. இந்தத் தொடரில் இந்திய அணியின் இளம் வீரர்களில் ஒருவரான ரிங்கு சிங் சிறப்பான ஆட்டத்தை வெளிப்படுத்தி வருகிறார். அழுத்தமான சூழலில் சிறப்பாக விளையாடி இந்திய அணியின் வெற்றிக்கு பெரிதும் உதவுகிறார் ரிங்கு சிங். ஆஸ்திரேலியாவுக்கு  எதிரான டி20 தொடரில் 22* (14), 31* (9), 46 (29) ரன்கள் குவித்து அதிரடியில் மிரட்டினார் ரிங்கு சிங். 

இதையும் படிக்க: உலகக் கோப்பையில் விளையாடாதது வருத்தமளித்தது: இந்திய சுழற்பந்துவீச்சாளர்

இந்த நிலையில், ஆஸ்திரேலியாவுக்கு எதிரான தொடரில் அழுத்தமான சூழலில் சிறப்பாக செயல்பட ஐபிஎல் தொடரும், கடுமையானப் பயிற்சியும் உதவியதாக ரிங்கு சிங் தெரிவித்துள்ளார்.

இது தொடர்பாக அவர் பேசியதாவது: ஐபிஎல் போட்டிகளில் நான் நீண்ட காலமாக விளையாடி வருகிறேன். கடந்த 5-6 ஆண்டுகளாக ஐபிஎல் போட்டிகளில் விளையாடி வருகிறேன். ஐபிஎல் போட்டிகளில் விளையாடியது எனக்கு நம்பிக்கையளித்தது. நான் என்னை அமைதியாக வைத்துக்கொள்ள முயற்சி செய்வேன். தினசரி உடற்பயிற்சி கூடத்துக்குச் சென்று பளுதூக்குவது போன்ற உடற்பயிற்சிகளை மேற்கொள்வேன். அந்த உடற்பயிற்சி அதிக தொலைவுக்கு சிக்ஸர் அடிப்பதற்கான ஆற்றலை எனக்குத் தருகிறது என்றார்.

உலகக் கோப்பைக்கான இந்திய அணியில்  இடம்பெற முடியாதது நினைத்து வருத்தமாக இருந்ததாக இந்திய அணியின் அக்‌ஷர் படேல்  தெரிவித்துள்ளார்.

 உலகக் கோப்பைக்கான 15 பேர் கொண்ட இந்திய அணியில்  இடதுகை சுழற்பந்துவீச்சாளரான அக்‌ஷர் படேல் இடம்பெற்றார். பின்னர், காயம் காரணமாக அவருக்குப் பதிலாக அணியின் இந்திய அணியின் மூத்த வீரர்களில் ஒருவரான ரவிச்சந்திரன் அஸ்வின் அணியில் சேர்க்கப்பட்டார். இந்த நிலையில்,  உலகக் கோப்பைக்கான இந்திய அணியில்  இடம்பெற முடியாதது நினைத்து வருத்தமாக இருந்ததாக இந்திய அணியின் அக்‌ஷர் படேல்  தெரிவித்துள்ளார்.

இதையும் படிக்க: டி20 தொடரைக் கைப்பற்றிய இந்தியா; வெற்றி குறித்து ருதுராஜ் கெய்க்வாட் கூறியது என்ன?

இது தொடர்பாக அவர் பேசியதாவது: உலகக் கோப்பைக்கான இந்திய அணியில் விளையாட முடியாதது மிகுந்த ஏமாற்றத்தை அளித்தது. உலகக் கோப்பை இந்தியாவில் நடைபெற்ற போதிலும், காயம் காரணமாக விளையாட முடியவில்லை. உலகக் கோப்பைத் தொடரின் ஆரம்ப நாள்களில் காயம் காரணமாக என்னால் இந்திய அணிக்காக விளையாட முடியாதது குறித்து யோசித்துக் கொண்டிருந்தேன். ஆனால், இந்திய அணி சிறப்பாக செயல்பட்டது.

அடுத்த 5-10  நாள்களில் நான் மீண்டும் எனது பயிற்சியை ஆரம்பித்தேன். காயம் காரணமாக 5-10 நாள்களுக்கு உங்களால் விளையாட முடியாது என்றால் நீங்கள் கண்டிப்பாக வருத்தப்படுவீர்கள். காயம் காரணமாக விளையாட முடியாதது குறித்து வருத்தப் பட்டேன். காயம் ஏற்படுவது யாருடைய கையிலும் இல்லை. விளையாட்டில் இதுபோன்ற விஷயங்கள் சகஜம் என்றார்.

உலகக் கோப்பைத் தொடரின் இறுதிப்போட்டியில் ஏற்பட்ட தோல்விக்குப் பிறகு கிடைத்துள்ள டி20 தொடர் வெற்றி ரசிகர்களுக்கு சிறிது மகிழ்ச்சியைக் கொடுத்துள்ளதாக இந்திய அணியின் ருதுராஜ் கெய்க்வாட் தெரிவித்துள்ளார்.

உலகக் கோப்பை இறுதிப்போட்டியில் இந்திய அணி ஆஸ்திரேலியாவிடம் தோல்வியடைந்து அதிர்ச்சியளித்தது. இந்திய அணி உலகக் கோப்பையைக் கைப்பற்றும் எனக் காத்திருந்த ரசிகர்களுக்கு ஆஸ்திரேலியாவுக்கு எதிரான தோல்வி பெரும் ஏமாற்றமாக அமைந்தது. உலகக் கோப்பைத் தொடர் முடிவடைந்த சில நாள்களிலேயே இந்தியா மற்றும் ஆஸ்திரேலிய அணிகளுக்கு இடையேயான 5 போட்டிகள் கொண்ட டி20 தொடர் தொடங்கியது. இந்தத் தொடரை 3-1 என்ற கணக்கில் இந்திய அணி கைப்பற்றியது. 

இதையும் படிக்க: சொந்த மண்ணில் வரலாற்று சாதனை படைத்த வங்கதேசம்!

இந்த நிலையில், உலகக் கோப்பைத் தொடரின் இறுதிப்போட்டியில் ஏற்பட்ட தோல்விக்குப் பிறகு கிடைத்துள்ள டி20 தொடர் வெற்றி ரசிகர்களுக்கு சிறிது மகிழ்ச்சியைக் கொடுத்துள்ளதாக ருதுராஜ் கெய்க்வாட் தெரிவித்துள்ளார்.

இது தொடர்பாக ஆஸ்திரேலியாவுக்கு எதிரான நேற்றையப் போட்டிக்குப் பிறகு அவர் பேசியதாவது: உலகக் கோப்பையில்  ஏற்பட்ட தோல்வி அனைவருக்கும் ஏமாற்றமளித்த நிலையில், இந்த டி20 தொடர் வெற்றி அனைவருக்கும் சிறிது மகிழ்ச்சியை கொடுக்கும் என நினைக்கிறேன். ஆட்டத்தை ரசித்து விளையாட வேண்டியது முக்கியம் என நினைக்கிறேன். அனைவரும்  ஒவ்வொரு படிநிலையில் பொறுப்புகளை ஏற்று விளையாடுகின்றனர். டி20 தொடரில் வெற்றி பெற்றது எங்களுக்கு மகிழ்ச்சியைக் கொடுத்துள்ளது. ஆனால், இந்த டி20 தொடரில் மீதம் ஒரு போட்டி இருக்கிறது. அச்சமின்றி விளையாட வேண்டும் என்பது குறித்து ஆலோசித்தோம். உலகக் கோப்பை அணியில் இருந்த 2-3 வீரர்கள் அணியில் இருந்தது அணிக்கு பலம் சேர்த்தது.

இதையும் படிக்க: சர்வதேச டி20 போட்டிகளில் இந்திய அணி புதிய சாதனை!

அனைவரும் உள்ளூர் போட்டிகளில் விளையாடியுள்ள வீரர்கள் என்பதால் அணியில் நேர்மறையான ஆற்றல் இருந்தது. சென்னை சூப்பர் கிங்ஸ் அணியிலிருந்து நிறைய கற்றுக் கொண்டுள்ளேன். ஆட்டத்தின் போக்கை கணிப்பதிலும், ஆட்டத்தைப் புரிந்துகொள்வதிலும் மகேந்திர சிங் தோனி கவனம் செலுத்தி அணியை சிறப்பாக வழிநடத்துவார். நமது எண்ணங்களை சிதறவிடக் கூடாது என அவர் கூறுவார். தொடக்க ஆட்டக்காரராக சிறப்பான பங்களிப்பை வழங்க உனக்கு போதுமான நேரமிருக்கிறது எனவும் கூறுவார் என்றார்.

வெள்ளிக்கிழமை நடைபெற்ற டி20 போட்டியில் ஆஸ்திரேலிய அணியை வீழ்த்தியதன் மூலம் சர்வதேச டி20 போட்டிகளில் அதிக வெற்றிகளைப் பெற்ற அணியாக இந்திய அணி சாதனை படைத்துள்ளது.

சத்தீஸ்கரின் ராய்ப்பூரில் ஆஸ்திரேலியாவுக்கு எதிராக நேற்று (டிச.1) நடைபெற்ற நான்காவது டி20 போட்டியில் இந்திய அணி இந்த சாதனையை நிகழ்த்தியது.

ஆஸ்திரேலிய அணிக்கு எதிரான டி20 தொடரின் நான்காவது ஆட்டத்தில் 20 ரன்கள் வித்தியாசத்தில் இந்தியா வெற்றி பெற்றது. ஐந்து போட்டிகள் கொண்ட தொடரை 3-1 என்ற கணக்கில் வென்றது இந்திய அணி. இது சர்வதேச டி20 போட்டிகளில் இந்திய அணி பெறும் 136வது வெற்றியாகும்.

2006 முதல் தற்போது வரை 213 டி20 போட்டிகளில் விளையாடிய இந்திய அணி 136 போட்டிகளில் வெற்றி அடைந்துள்ளது. 

இதையும் படிக்க | மேலும் சில அமலாக்கத் துறை அதிகாரிகளிடம் விசாரணை நடத்த முடிவு

இந்த வெற்றியின் மூலம் 226 ஆட்டங்களில் 135 வெற்றிகளைப் பெற்றுள்ள பாகிஸ்தானை தாண்டி இந்தியா முதலிடம் பெற்றுள்ளது.

இதனைத் தொடர்ந்து நியூசிலாந்து அணி 200 சர்வதேச டி20 போட்டிகளில் விளையாடி 102 போட்டிகளில் வெற்றி பெற்றுள்ளது. ஆஸ்திரேலியா 181 போட்டிகளில் விளையாடி 95 வெற்றிகளும் மற்றும் தென் ஆப்பிரிக்கா 171 போட்டிகளில் விளையாடி 95 வெற்றிகளும் பெற்று அடுத்தடுத்த நிலையில் உள்ளன.

ஆட்டம் சனிக்கிழமையுடன் நிறைவடையும் நிலையில், 332 ரன்களை இலக்காகக் கொண்டு விளையாடி வரும் நியூஸிலாந்து, வெள்ளிக்கிழமை முடிவில் 113 ரன்களுக்கு 7 விக்கெட்டுகளை இழந்திருக்கிறது. கடைசி நாளில் வங்கதேசம் எஞ்சிய விக்கெட்டுகளையும் இழந்து 150 ரன்கள் வித்தியாசத்தில் வங்கதேசம் வெற்றி பெற்றது. 

கடந்த மாதம் 28-ஆம் தேதி தொடங்கிய இந்த ஆட்டத்தில் முதலில் வங்கதேசம் 310 ரன்களுக்கு ஆட்டமிழந்தது. இதையடுத்து தனது இன்னிங்ஸை ஆடிய நியூஸிலாந்து 317 ரன்களுக்கு முடித்துக் கொண்டது. 2-ஆவது இன்னிங்ஸை ஆடிவந்த வங்கதேசம் 338/10 ரன்கள் எடுத்தது. ஷாண்டோ சதமடித்து அசத்தினார். 

4-ஆம் நாளான வெள்ளிக்கிழமை முடிவில் டேரில் மிட்செல் 44, இஷ் சோதி 7 ரன்களுடன் ஆட்டமிழக்காமல் இருந்தனா். சனிக்கிழமையான இன்று 181 ரன்களுக்கு அனைத்து விக்கெட்டுகளையும் இழந்தது நியூசி. 

வங்கதேச தரப்பில் தைஜுல் இஸ்லாம் 6 விக்கெட்டுகள் எடுத்து அசத்தினார். ஷோரிஃபுல் இஸ்லாம், மெஹிதி ஹசன் மிராஸ் ஆகியோர் தலா 1 விக்கெட்டும் நயீம் ஹசன் 2 விக்கெட்டும் எடுத்தனா். 

நியூசி.க்கு எதிராக இது வங்க தேசத்தின் 2வது டெஸ்ட் வெற்றி. தங்கள் சொந்த மண்ணில் முதன்முறையாக நியூசிலாந்தை வீழ்த்தி வரலாற்று சாதனையை பதிவு செய்துள்ளது. இதன்மூலம் உலக டெஸ்ட் சாம்பிய்ன்ஷிப் புள்ளீப் ப்ட்டியலில் 2வது இடத்துக்கு வங்கதேசம் முன்னேறியுள்ளது குறிப்பிடத்தக்கது. 
 

ஐபிஎல் ஒளிபரப்புக்கான ஊடக உரிம மதிப்பு அடுத்த 20 ஆண்டுகளில் ரூ.4.16 லட்சம் கோடியை எட்டும் என நம்புவதாக ஐபிஎல் தலைவா் அருண் துமல் தெரிவித்தாா்.

ராயல் சேலஞ்சா்ஸ் பெங்களூரு அணி தொடா்பான நிகழ்ச்சி ஒன்றில் வெள்ளிக்கிழமை பங்கேற்றபோது இதுகுறித்து அவா் கூறியதாவது:

கடந்த 15 ஆண்டுகளில் ஐபிஎல் போட்டி கடந்து வந்த பாதையையும், தற்போது ரசிகா்களிடம் அதற்கு இருக்கும் மதிப்பையும் பாா்க்கையில், வரும் 2043-இல் ஐபிஎல் போட்டி ஒளிபரப்புக்கான உரிம மதிப்பு ரூ.4.16 லட்சம் கோடியாக அதிகரிக்கும் என எதிா்பாா்க்கிறேன்.

ரசிகா்களின் ஈடுபாட்டை அதிகரிக்கும் வகையில் கிரிக்கெட்டை புதிதாகவும், சிறப்பாகவும் மாற்ற வேண்டும். அதேபோல் அதன் தரத்தையும் அதிகரிக்க வேண்டும். ஒலிம்பிக்கில் சோ்க்கப்பட்டது, மகளிா் பிரீமியா் லீக் போட்டி தொடங்கியிருப்பது என கிரிக்கெட் சாா்ந்த வருவாய் இன்னும் அதிகரிப்பதற்கான வாய்ப்புகள் உள்ளது என்றாா் அவா்.

கடந்த 2008-இல் ஐபிஎல் ஒளிபரப்பு உரிம மதிப்பு ரூ.6,000 கோடியாக இருந்த நிலையில், 2022 முதலான 5 ஆண்டுகாலத்துக்குரிய ஒளிபரப்பு மதிப்பு ரூ.48,000 கோடியாக இருப்பது நினைவுகூரத்தக்கது.

அருண் துமல் மதிப்பீட்டின் படி பாா்த்தால், அமெரிக்காவின் என்எஃப்எல் போட்டிக்குப் பிறகு, உலகிலேயே அதிக மதிப்பு மிக்க லீக் போட்டியாக ஐபிஎல் உருவெடுக்கும். என்எஃப்எல் போட்டிக்கான ஒளிபரப்பு மதிப்பு கடந்த ஆண்டு முதலான 11 ஆண்டு காலத்துக்கு ரூ.9.16 லட்சம் கோடியாக உள்ளது குறிப்பிடத்தக்கது.

ஆஸ்திரேலியாவுக்கு எதிரான 4-ஆவது டி20 ஆட்டத்தில் இந்தியா 20 ரன்கள் வித்தியாசத்தில் வெள்ளிக்கிழமை வென்றது.

இதையடுத்து, 5 ஆட்டங்கள் கொண்ட தொடரில் 3-இல் வென்று தொடரை கைப்பற்றியிருக்கிறது இந்தியா. ஆஸ்திரேலியா 1 வெற்றியுடன் பின்தங்கியது.

இந்த ஆட்டத்துக்கான பிளேயிங் லெவனில், இந்திய அணியில் திலக் வா்மா, இஷான் கிஷண், பிரசித் கிருஷ்ணா, அா்ஷ்தீப் சிங்குக்கு பதிலாக ஷ்ரேயஸ் ஐயா், ஜிதேஷ் சா்மா, முகேஷ் குமாா், தீபக் சஹா் களம் கண்டனா்.

டாஸ் வென்ற ஆஸ்திரேலியா, பந்துவீசத் தீா்மானித்தது. இந்திய இன்னிங்ஸில் முதல் விக்கெட்டாக யஷஸ்வி ஜெய்ஸ்வால் 6 பவுண்டரிகள், 1 சிக்ஸருடன் 37 ரன்களுக்கு ஆட்டமிழந்தாா். தொடா்ந்து வந்த ஷ்ரேயஸ் ஐயா் 8 ரன்களுக்கு ஏமாற்றத்துடன் வெளியேறினாா். 4-ஆவது வீரராக வந்த கேப்டன் சூா்யகுமாா் யாதவும் 1 ரன்னுக்கு நடையைக் கட்டினாா்.

அடுத்து வந்த ரிங்கு சிங், அதிரடியாக ஆடி அணியின் ஸ்கோரை உயா்த்தினாா். இந்நிலையில், தொடக்கம் முதல் நிதானமாக ஆடி வந்த ருதுராஜ் கெய்க்வாட் 3 பவுண்டரிகள், 1 சிக்ஸருடன் 32 ரன்களுக்கு விக்கெட்டை பறிகொடுத்தாா்.

பின்னா் களம் புகுந்த ஜிதேஷ் சா்மா, ரிங்குவுடன் இணைந்தாா். இந்த ஜோடி 5-ஆவது விக்கெட்டுக்கு 56 ரன்கள் சோ்த்தது. இதில் ஜிதேஷ் 1 பவுண்டரி, 3 சிக்ஸா்களுடன் 35 ரன்களுக்கு பெவிலியன் திரும்ப, 7-ஆவது வீரா் அக்ஸா் படேல் டக் அவுட்டானாா்.

இந்நிலையில் ரிங்கு சிங்கும் 4 பவுண்டரிகள், 2 சிக்ஸா்கள் உள்பட 46 ரன்களுக்கு வெளியேற, 8-ஆவது வீரா் தீபக் சஹரும் ரன்னின்றி ஆட்டமிழந்தாா். ரவி பிஷ்னோய் 4 ரன்களுக்கு விக்கெட்டை பறிகொடுக்க, ஓவா்கள் நிறைவடைந்தது.

ஆஸ்திரேலிய பௌலிங்கில் பென் டுவாா்ஷுயிஸ் 3, ஜேசன் பெஹ்ரெண்டாா்ஃப், தன்வீா் சங்கா ஆகியோா் தலா 2, ஆரோன் ஹாா்டி 1 விக்கெட் எடுத்தனா்.

பின்னா் 175 ரன்களை இலக்காகக் கொண்டு ஆடிய ஆஸ்திரேலிய அணியில், டிராவிஸ் ஹெட் 5 பவுண்டரிகள், 1 சிக்ஸா் உள்பட 31 ரன்களுக்கு ஆட்டமிழக்க, ஜோஷ் ஃபிலிப் 8, பென் மெக்டொ்மோட் 19, ஆரோன் ஹாா்டி 8, டிம் டேவிட் 19, மேத்யூ ஷாா்ட் 2 பவுண்டரிகள், 1 சிக்ஸருடன் 22, பென் டுவாா்ஷுயிஸ் 1 ரன் சோ்த்தனா்.

ஓவா்கள் முடிவில் கேப்டன் மேத்யூ வேட் 2 பவுண்டரிகள், 2 சிக்ஸா்களுடன் 36, கிறிஸ் கிரீன் 2 ரன்களுடன் ஆட்டமிழக்காமல் இருந்தனா். இந்திய பௌலா்களில் அக்ஸா் படேல் 3, தீபக் சஹா் 2, ரவி பிஷ்னோய், ஆவேஷ் கான் ஆகியோா் தலா 1 விக்கெட் சாய்த்தனா்.

சுருக்கமான ஸ்கோா்

இந்தியா - 174/9 (20 ஓவா்கள்)

ரிங்கு சிங் 46

யஷஸ்வி ஜெய்ஸ்வால் 37

ஜிதேஷ் சா்மா 35

பந்துவீச்சு

பென் டுவாா்ஷுயிஸ் 3/40

தன்வீா் சங்கா 2/30

ஜேசன் பெஹ்ரெண்டாா்ஃப் 2/32

ஆஸ்திரேலியா - 154/7 (20 ஓவா்கள்)

மேத்யூ வேட் 36*

டிராவிஸ் ஹெட் 31

மேத்யூ ஷாா்ட் 22

பந்துவீச்சு

அக்ஸா் படேல் 3/16

தீபக் சஹா் 2/44

ரவி பிஷ்னோய் 1/17

புரோ கபடி லீக் போட்டியின் 10-ஆவது சீசன், அகமதாபாதில் சனிக்கிழமை தொடங்குகிறது. முதல் ஆட்டத்தில் குஜராத் ஜயன்ட்ஸ் - தெலுகு டைட்டன்ஸ் அணிகள் மோதுகின்றன.

ஜூனியா் மகளிா் ஹாக்கி போட்டியில் இந்தியா 2-ஆவது ஆட்டத்தில் 3-4 கோல் கணக்கில் ஜொ்மனியிடம் தோல்வி கண்டது. முதல் ஆட்டத்தில் கனடாவை வீழ்த்திய இந்தியாவுக்கு, இது முதல் தோல்வியாகும்.

இந்திய நேரப்படி வியாழக்கிழமை நள்ளிரவு நடைபெற்ற ஆட்டத்தில் இந்தியாவும், கடந்த சீசன் ரன்னா் அப் அணியான ஜொ்மனியும் மோதின. இந்த ஆட்டத்தை முனைப்புடன் தொடங்கிய இந்திய அணி, முதல் கால்மணி நேரத்தில் 2 கோல்கள் அடித்து முன்னிலையில் இருந்தது. அதில் 11-ஆவது நிமிஷத்தில் கிடைத்த பெனால்ட்டி காா்னா் வாய்ப்பு ஒன்றில் அசத்தலான கோலடித்தாா் அன்னு.

தொடா்ந்து 14-ஆவது நிமிஷத்தில் கிடைத்த பெனால்ட்டி காா்னா் வாய்ப்பில் ரோப்னி குமாரி ஸ்கோா் செய்தாா். இந்நிலையில், 2-ஆவது கால்மணி நேரத்தில் தனது ஆட்டத்தை அதிரடியாக்கியது ஜொ்மனி. 17-ஆவது நிமிஷத்தில் சோஃபியா ஷ்வாபே அடித்த ஃபீல்டு கோலால் அந்த அணி கணக்கை தொடங்கியது. அடுத்து 21-ஆவது நிமிஷத்தில் லௌரா புளூத் அடித்த கோலால் ஆட்டம் 2-2 என சமன் ஆனது.

விட்டுக் கொடுக்காத இந்திய தரப்பில் மும்தாஸ் கான் 24-ஆவது நிமிஷத்தில் அடித்த கோலால், முதல் பாதி ஆட்டத்தை 3-2 என முன்னிலையுடன் இந்தியா நிறைவு செய்தது. பின்னா் தொடங்கிய ஆட்டத்தில் ஜொ்மனியின் கை ஓங்கியது. 36-ஆவது நிமிஷத்தில் லௌரா மீண்டும் ஒரு கோல் அடிக்க, ஆட்டம் 3-3 கோல் கணக்கில் சமன் ஆனது.

தொடா்ந்து 38-ஆவது நிமிஷத்தில் கேரோலின் செய்டெல் அடித்த கோலால், முதல் முறையாக 4-3 என முன்னிலை பெற்றது ஜொ்மனி. எஞ்சிய நேரத்தில் இந்தியாவின் கோல் முயற்சிகளுக்கு பலன் கிடைக்காமல் போனது. தனது தடுப்பாட்டத்தை வலுப்படுத்திக் கொண்ட ஜொ்மனி, முடிவில் 4-3 கோல் கணக்கில் வென்றது. இந்தியா அடுத்த ஆட்டத்தில் பெல்ஜியத்தை சனிக்கிழமை எதிா்கொள்கிறது.

இதர ஆட்டங்கள்: இங்கிலாந்து - நியூஸிலாந்தையும் (5-0), அமெரிக்கா - ஜப்பானையும் (2-1), பெல்ஜியம் - கனடாவையும் (8-0), நெதா்லாந்து - தென்னாப்பிரிக்காவையும் (6-0), ஆஸ்திரேலியா - சிலியையும் (2-0) வீழ்த்தின.

நியூஸிலாந்துக்கு எதிரான முதல் டெஸ்ட்டில் வங்கதேசம் வெற்றியை நெருங்கி வருகிறது.

ஆட்டம் சனிக்கிழமையுடன் நிறைவடையும் நிலையில், 332 ரன்களை இலக்காகக் கொண்டு விளையாடி வரும் நியூஸிலாந்து, வெள்ளிக்கிழமை முடிவில் 113 ரன்களுக்கு 7 விக்கெட்டுகளை இழந்திருக்கிறது. கடைசி நாளில் வங்கதேசம் எஞ்சிய விக்கெட்டுகளையும் சாய்த்து வெற்றி காணும் என எதிா்பாா்க்கப்படுகிறது.

கடந்த மாதம் 28-ஆம் தேதி தொடங்கிய இந்த ஆட்டத்தில் முதலில் வங்கதேசம் 310 ரன்களுக்கு ஆட்டமிழந்தது. இதையடுத்து தனது இன்னிங்ஸை ஆடிய நியூஸிலாந்து 317 ரன்களுக்கு முடித்துக் கொண்டது. இந்நிலையில், 2-ஆவது இன்னிங்ஸை ஆடிவந்த வங்கதேசம், வியாழக்கிழமை ஆட்டத்தை 3 விக்கெட்டுகள் இழப்புக்கு 212 ரன்களுடன் நிறைவு செய்திருந்தது.

4-ஆம் நாளான வெள்ளிக்கிழமை, நஜ்முல் ஹுசைன் ஷான்டோ, முஷ்ஃபிகா் ரஹிம் ஆகியோா் ஆட்டத்தை தொடா்ந்தனா். இதில் ஷான்டோ 10 பவுண்டரிகள் உள்பட 105 ரன்களுக்கு வெளியேற, ரஹிம் 7 பவுண்டரிகளுடன் 67 ரன்களுக்கு ஆட்டமிழந்தாா். ஷஹாதத் ஹுசைன் 18, நூருல் ஹசன் 10, நயீம் ஹசன் 4, தைஜுல் இஸ்லாம் 0, ஸோரிஃபுல் இஸ்லாம் 10 ரன்களுக்கு விக்கெட்டை இழக்க, வங்கதேச ஆட்டம் 338 ரன்களுக்கு முடிவுக்கு வந்தது. மெஹிதி ஹசன் மிராஸ் 5 பவுண்டரிகளுடன் 50 ரன்களுக்கு ஆட்டமிழக்காமல் இருந்தாா்.

நியூஸிலாந்து பௌலிங்கில் அஜாஸ் படேல் 4, இஷ் சோதி 2, டிம் சௌதி, கிளென் ஃபிலிப்ஸ் ஆகியோா் தலா 1 விக்கெட் கைப்பற்றினா். இதையடுத்து 332 ரன்களை இலக்காகக் கொண்டு ஆடிவரும் நியூஸிலாந்தில், டாம் லேதம் 0, டெவன் கான்வே 3 பவுண்டரிகளுடன் 22, கேன் வில்லியம்சன் 11, ஹென்றி நிகோலஸ் 2 ரன்களுக்கு விக்கெட்டை இழந்தனா். டாம் பிளண்டெல் 6, கிளென் ஃபிலிப்ஸ் 12, கைல் ஜேமிசன் 9 ரன்களுக்கு பெவிலியன் திரும்பினா்.

வெள்ளிக்கிழமை முடிவில் டேரில் மிட்செல் 44, இஷ் சோதி 7 ரன்களுடன் ஆட்டமிழக்காமல் உள்ளனா். வங்கதேச தரப்பில் தைஜுல் இஸ்லாம் 4, ஷோரிஃபுல் இஸ்லாம், மெஹிதி ஹசன் மிராஸ், நயீம் ஹசன் ஆகியோா் தலா 1 விக்கெட் எடுத்தனா்.

சையது மோடி சா்வதேச பாட்மின்டன் போட்டியில் இந்தியாவின் பிரியன்ஷு ரஜாவத் அரையிறுதிச்சுற்றுக்கு வெள்ளிக்கிழமை முன்னேறினாா்.

ஆடவா் ஒற்றையா் காலிறுதியில் அவா், 21-15, 21-16 என்ற கேம்களில், உலக ஜூனியா் சாம்பியனான இந்தோனேசியாவின் ஆல்வி ஃபா்ஹானை சாய்த்தாா். இந்த ஆட்டம் 49 நிமிஷங்களில் முடிவுக்கு வந்தது. அடுத்த சுற்றில் பிரியன்ஷு, சீன தைபேவின் சி யுன் சென்னை எதிா்கொள்கிறாா்.

மகளிா் இரட்டையா் பிரிவு காலிறுதியில், உலகின் 32-ஆம் நிலையில் இருக்கும் இந்தியாவின் தனிஷா கிராஸ்டோ/அஸ்வினி பொன்னப்பா இணை 21-19, 21-8 என்ற கேம்களில், சக இந்திய ஜோடியும், காமன்வெல்த் விளையாட்டுப் போட்டிகளில் வெண்கலம் வென்றவா்களுமான டிரீசா ஜாலி/காயத்ரி கோபிசந்த் கூட்டணியை வீழ்த்தினா். போட்டித்தரவரிசையில் 7-ஆம் இடத்திலிருக்கும் தனிஷா/அஸ்வினி ஜோடி, அரையிறுதியில் போட்டித்தரவரிசையில் முதலிடத்தில் இருக்கும் ஜப்பானின் யுகி ஃபுகுஷிமா/சயாகா ஹிரோடா கூட்டணியை எதிா்கொள்கிறது.

கா்நாடகத்தில் நடைபெறும் ஐடிஎஃப் கலபுராகி ஓபன் டென்னிஸ் போட்டியில் இந்தியரும், தமிழருமான ராம்குமாா் ராமநாதன் அரையிறுதிச்சுற்றுக்கு வெள்ளிக்கிழமை முன்னேறினாா்.

ஆடவா் ஒற்றையா் காலிறுதியில், போட்டித்தரவரிசையில் 5-ஆம் இடத்திலிருக்கும் ராம்குமாா் 7-5, 6-0 என்ற செட்களில், சக இந்தியரான மனீஷ் சுரேஷ்குமாரை வீழ்த்தினாா். அடுத்ததாக அரையிறுதியில், ஜப்பானின் ரியோடரோ டகுசியை எதிா்கொள்கிறாா் அவா். டகுசி தனது காலிறுதியில் இந்தியாவின் தகுதிச்சுற்று வீரரான ஆரியன் ஷாவை 6-3, 6-2 என்ற செட்களில் தோற்கடித்தாா்.

இதர ஆட்டங்களில் ஆஸ்திரியாவின் டேவிட் பிஷ்லா் 6-0, 6-0 என ஜப்பானின் செய்ட்டா வடான்பேவை வீழ்த்தினாா். ஜப்பானின் மட்சுடா ரியுகி 6-0, 6-4 என இந்தியாவின் ரிஷப் அகா்வாலை சாய்த்தாா்.

விஜய் ஹஸாரே கோப்பை கிரிக்கெட் போட்டியில் தமிழ்நாடு அணி 76 ரன்கள் வித்தியாசத்தில் பஞ்சாப் அணியிடம் வெள்ளிக்கிழமை தோற்றது.

இரு அணிகளும் இத்துடன் 4 ஆட்டங்களில் விளையாடியிருக்கும் நிலையில் தமிழ்நாடு அணிக்கு இது முதல் தோல்வி; பஞ்சாபுக்கு இது 2-ஆவது வெற்றி.

இந்த ஆட்டத்தில் முதலில் பஞ்சாப் 45.2 ஓவா்களில் 251 ரன்களுக்கு ஆட்டமிழந்தது. அடுத்து தமிழ்நாடு 34.2 ஓவா்களில் 175 ரன்களுக்கே 10 விக்கெட்டுகளையும் பறிகொடுத்தது.

பஞ்சாப் பேட்டிங்கில் அதிகபட்சமாக கேப்டன் மன்தீப் சிங் 7 பவுண்டரிகள், 1 சிக்ஸருடன் 68, பிரப்சிம்ரன் சிங் 7 பவுண்டரிகள், 3 சிக்ஸா்களுடன் 58 ரன்கள் சோ்த்தனா். தமிழ்நாடு பௌலிங்கில் பாபா அபராஜித் 3 விக்கெட்டுகள் கைப்பற்றினாா்.

பின்னா் தமிழ்நாடு இன்னிங்ஸில் அதிகபட்சமாக கேப்டன் தினேஷ் காா்த்திக் 13 பவுண்டரிகள், 4 சிக்ஸா்கள் உள்பட 93 ரன்கள் விளாசினாா். பஞ்சாப் பௌலா்களில் சித்தாா்த் கௌல் 5 விக்கெட்டுகள் வீழ்த்தினாா்.

ஆஸ்திரேலியாவுக்கு எதிரான 4-வது டி20 போட்டியில் முதலில் பேட் செய்த இந்திய அணி 9 விக்கெட்டுகளை இழந்து 174 ரன்கள் குவித்துள்ளது.

இந்தியா மற்றும் ஆஸ்திரேலிய அணிகளுக்கு இடையிலான 4-வது டி20 போட்டி ராய்பூரில் இன்று நடைபெற்று வருகிறது. இந்தப் போட்டியில் டாஸ் வென்ற  ஆஸ்திரேலிய அணி பந்துவீச்சை தேர்வு செய்ததையடுத்து, இந்தியா முதலில் பேட் செய்தது.

இதையும் படிக்க: டெஸ்ட் போட்டிக்கான அணியில் மீண்டும் இடம்பெறுவேன்: பிரபல ஆஸ்திரேலிய ஆல்ரவுண்டர்

இந்திய அணியில் தொடக்க ஆட்டக்காரர்களாக யஷஸ்வி ஜெய்ஸ்வால் மற்றும் ருதுராஜ் கெய்க்வாட் களமிறங்கினர். இந்த இணை இந்தியாவுக்கு அதிரடியான தொடக்கத்தைத் தந்தனர். யஷஸ்வி ஜெய்ஸ்வால் 37 ரன்கள் எடுத்து ஆட்டமிழந்தார். அதில் 6 பவுண்டரிகள் மற்றும் ஒரு சிக்ஸர் அடங்கும். அதன்பின் களமிறங்கிய ஸ்ரேயாஸ் ஐயர் 8 ரன்களிலும், கேப்டன் சூர்யகுமார் யாதவ் ஒரு ரன்களிலும்  ஆட்டமிழந்து வெளியேறினர். ருதுராஜ் 32 ரன்களில் ஆட்டமிழக்க ரிங்கு சிங் மற்றும் ஜித்தேஷ் சர்மா ஜோடி சேர்ந்தனர். இந்த இணை அதிரடியாக விளையாடி இந்திய அணிக்கு ரன்களை சேர்த்தது. ஜித்தேஷ் சர்மா 19 பந்துகளில் 35 ரன்களும் (ஒரு பவுண்டரி, 3 சிக்ஸர்கள்), ரிங்கு சிங் 29 பந்துகளில் 46 ரன்களும் (4 பவுண்டரிகள் , 2 சிக்ஸர்கள்) எடுத்து ஆட்டமிழந்தனர். 

இறுதியில் நிர்ணயிக்கப்பட்ட 20 ஓவர்களின் முடிவில் இந்திய அணி 9 விக்கெட்டுகளை இழந்து 174 ரன்கள் குவித்துள்ளது. ஆஸ்திரேலியா தரப்பில் பென் துவார்ஷூயிஸ் 3 விக்கெட்டுகளைக் கைப்பற்றினார். ஜேசன் பெஹ்ரண்டிராஃப் மற்றும் தன்வீர் சங்கா தலா 2 விக்கெட்டுகளையும், ஆரோன் ஹார்டி ஒரு விக்கெட்டினையும் கைப்பற்றினர்.

இதையும் படிக்க: டி20 உலகக் கோப்பை வரை ரோஹித் சர்மா கேப்டனாக தொடர வேண்டும்: முன்னாள் இந்திய கேப்டன்

175 ரன்கள் எடுத்தால் வெற்றி என்ற இலக்கை நோக்கி ஆஸ்திரேலிய அணி விளையாடி வருகிறது.

நியூசிலாந்துக்கு எதிரான முதல் டெஸ்டில் வங்கதேசம் வெற்றியை நோக்கி முன்னேறி வருகிறது. 

நியூசிலாந்து அணி வங்கதேசம் சுற்றுப்பயணம் மேற்கொண்டு டெஸ்ட் தொடரில் விளையாடி வருகிறது. இரு அணிகளுக்கும் இடையிலான முதல் டெஸ்ட் போட்டி வங்கதேசத்தின் சில்ஹட் சர்வதேச மைதானத்தில் நவம்பர் 28 ஆம் தேதி தொடங்கியது. இந்தப் போட்டியில் டாஸ் வென்று  பேட்டிங்கைத் தேர்வு செய்த  வங்கதேசம் முதல் இன்னிங்ஸில் 310 ரன்களுக்கு ஆட்டமிழந்தது. வங்கதேச அணியில் அதிகபட்சமாக மஹ்மதுல் ஹாசன் ஜாய் 86 ரன்கள் எடுத்தார். நியூசிலாந்து தரப்பில் கிளன் பிளிப்ஸ் 4 விக்கெட்டுகளைக் கைப்பற்றி அசத்தினார். நியூசிலாந்து முதல் இன்னிங்ஸில் 317 ரன்களுக்கு ஆட்டமிழந்தது. வில்லியம்சன் அதிகபட்சமாக 104 ரன்கள் எடுத்தார். வங்கதேசம் தரப்பில் தைஜுல்  இஸ்லாம் 4 விக்கெட்டுகளைக் கைப்பற்றினார். 

இதையும் படிக்க: டெஸ்ட் போட்டிக்கான அணியில் மீண்டும் இடம்பெறுவேன்: பிரபல ஆஸ்திரேலிய ஆல்ரவுண்டர்

நியூசிலாந்தைக் காட்டிலும் 7 ரன்கள் பின் தங்கிய நிலையில், தனது இரண்டாவது இன்னிங்ஸைத் தொடர்ந்தது வங்கதேசம். இரண்டாவது இன்னிங்ஸில் வங்கதேசம் 338 ரன்களுக்கு ஆட்டமிழந்தது. அதிகபட்சமாக கேப்டன் நஜ்முல் ஹொசைன் ஷாண்டோ 105 ரன்கள் எடுத்தார். அவரைத் தொடர்ந்து முஸ்பிகூர் ரஹீம் 67 ரன்களும், மெஹிதி ஹாசன் மிராஸ் 50 ரன்களும் எடுத்தனர். நியூசிலாந்து தரப்பில் அஜாஸ் படேல் 4 விக்கெட்டுகளைக் கைப்பற்றினார். ஈஷ் சோதி 2 விக்கெட்டுகளையும், சௌதி மற்றும் கிளன் பிளிப்ஸ் தலா ஒரு விக்கெட்டினையும் கைப்பற்றினர். 

நியூசிலாந்து அணிக்கு 332 ரன்களை இலக்காக நிர்ணயித்தது வங்கதேசம். வங்கதேச அணியின் இடதுகை சுழற்பந்துவீச்சாளரான தைஜுல் இஸ்லாமின் அபார பந்துவீச்சில்  நான்காம் நாள் ஆட்டநேர முடிவில் நியூசிலாந்து 113 ரன்களுக்கு 7 விக்கெட்டுகளை இழந்து தடுமாறி வருகிறது. சிறப்பான பந்துவீச்சை வெளிப்படுத்திய தைஜுல் இஸ்லாம் 40 ரன்களை விட்டுக் கொடுத்து 4 விக்கெட்டுகளைக் கைப்பற்றினார். நியூசிலாந்து அணியின் வெற்றிக்கு கடைசி நாளில் 219 ரன்கள் தேவைப்படுகின்றன. டேரில் மிட்செல்  44 ரன்களுடனும், ஈஷ் சோதி 7 ரன்களுடனும் களத்தில் உள்ளனர். 

இதையும் படிக்க: டி20 உலகக் கோப்பை வரை ரோஹித் சர்மா கேப்டனாக தொடர வேண்டும்: முன்னாள் இந்திய கேப்டன்

வெற்றிக்கு 219 ரன்கள் தேவைப்படும் நிலையில், நியூசிலாந்து அணியில் வெறும் 3 விக்கெட்டுகளே எஞ்சியுள்ளதால் வங்கதேசத்துக்கான வெற்றி வாய்ப்பு அதிகமாக உள்ளது.

இந்தியாவுக்கு எதிரான 4-வது டி20 போட்டியில் டாஸ் வென்ற ஆஸ்திரேலியா பந்துவீச்சைத் தேர்வு செய்துள்ளது.

இந்தியா மற்றும் ஆஸ்திரேலியா அணிகளுக்கு இடையிலான 4-வது டி20 போட்டி இன்று ராய்பூரில் நடைபெறுகிறது. இந்தப் போட்டியில் டாஸ் வென்ற ஆஸ்திரேலிய அணியின் கேப்டன் மேத்யூ வேட் பந்துவீச்சைத் தேர்வு செய்தார். இதனையடுத்து, இந்தியா முதலில் பேட் செய்கிறது. 

இதையும் படிக்க: டி20 உலகக் கோப்பை வரை ரோஹித் சர்மா கேப்டனாக தொடர வேண்டும்: முன்னாள் இந்திய கேப்டன்

ஆஸ்திரேலிய அணியில் 5 மாற்றங்கள் செய்யப்பட்டுள்ளன. ஸ்டொய்னிஸ், மேக்ஸ்வெல், இங்லிஷ், ரிச்சர்ட்சன், எல்லிஸ் அணியில் இல்லை. இந்திய அணியைப் பொறுத்தவரையில், 4 மாற்றங்கள் செய்யப்பட்டுள்ளன. பிரசித் கிருஷ்ணாவுக்குப் பதில் முகேஷ் அணியில் சேர்க்கப்பட்டுள்ளார். அர்ஷ்தீப்புக்குப் பதிலாக தீபக் சஹார் மற்றும் திலக் வர்மாவுக்குப் பதில் ஸ்ரேயாஸ் ஐயரும் அணியில் சேர்க்கப்பட்டுள்ளனர்.

5 போட்டிகள் கொண்ட டி20 தொடரில் 2-1 என்ற கணக்கில் முன்னிலையில் உள்ள இந்திய அணி டி20 தொடரைக் கைப்பற்றும் முனைப்பில் களம் காண்கிறது.

டெஸ்ட் போட்டிக்கான ஆஸ்திரேலிய அணியில் இடம்பெறும் நம்பிக்கை இருப்பதாக ஆஸ்திரேலிய அணியின் ஆல்ரவுண்டர் கிளன் மேக்ஸ்வெல் தெரிவித்துள்ளார்.

ஆஸ்திரேலிய அணியின் நட்சத்திர ஆல்ரவுண்டரான மேக்ஸ்வெல் சிறந்த ஃபார்மில் இருக்கிறார். நடப்பு உலகக் கோப்பையில் ஆப்கானிஸ்தானுக்கு எதிரானப் போட்டியில் இரட்டைச் சதம் விளாசி அசத்தினார். அதேபோல, இந்தியாவுக்கு எதிரான டி20 தொடரின் 3-வது டி20 போட்டியில் 47 பந்துகளில் சதம் விளாசி அசத்தினார். மேக்ஸ்வெல் தற்போது தாயகம் திரும்பியுள்ளார். 

இதையும் படிக்க: டி20 உலகக் கோப்பை வரை ரோஹித் சர்மா கேப்டனாக தொடர வேண்டும்: முன்னாள் இந்திய கேப்டன்

இந்த நிலையில, டெஸ்ட் போட்டிக்கான ஆஸ்திரேலிய அணியில் இடம்பெறும் நம்பிக்கை இருப்பதாக  கிளன் மேக்ஸ்வெல் தெரிவித்துள்ளது முக்கியத்துவம் பெறுகிறது.

இது தொடர்பாக அவர் பேசியதாவது: நான் டெஸ்ட் போட்டிகளில் விளையாடும் எண்ணத்தைக் கைவிடவில்லை. நான் ஆஸ்திரேலிய அணிக்காக வெள்ளைப் பந்து கிரிக்கெட்டில்  (ஒருநாள் மற்றும் டி20) போட்டிகளில் தொடர்ச்சியாக விளையாடி வருகிறேன். டெஸ்ட் போட்டிக்கான ஆஸ்திரேலிய அணியில் இடம்பிடிப்பேன் என்ற நம்பிக்கை உள்ளது என்றார்.

இதையும் படிக்க: நான் செய்ததில் தவறு ஒன்றுமில்லை; முடிவுக்கு வராத மிட்செல் மார்ஷின் உலகக் கோப்பை சர்ச்சை!

கடந்த 2013 ஆம் ஆண்டு இந்தியாவுக்கு எதிராக தனது அறிமுக டெஸ்ட் போட்டியில் களமிறங்கிய மேக்ஸ்வெல் இதுவரை வெறும் 7 டெஸ்ட் போட்டிகளில் மட்டுமே விளையாடியுள்ளார். கடைசியாக கடந்த 2017 ஆம் ஆண்டு மேக்ஸ்வெல் டெஸ்ட் போட்டியில் விளையாடியது  குறிப்பிடத்தக்கது.