Puducherry: தமிழகத்தில் சமீபகாலமாக சிறுத்தையின் நடமாட்டம் அதிகமாக இருந்து வருகிறது. இதனால், பொது மக்கள் பெரும் அச்சத்தில் இருந்து வருகின்றனர். இந்த நிலையில், புதுச்சேரியில் நகரப் பகுதியில் உள்ள குறிஞ்சி நகர் பகுதியில் நாய்க்கு புலி வேடமிட்டு உலா விட்டுள்ளனர்.  

இந்த நாய் அப்பகுதியில் உள்ள பல்வேறு தெருக்களில் சுற்றி திரிந்து வருகின்றது. இதனை சட்டென்று பார்க்கும் பொதுமக்கள் அச்சமடைந்து வருகின்றனர்.  அதன் பிறகு உற்று நோக்கி பார்க்கும் போது நாய்க்கு வேடமிட்டது என நிம்மதியாக செல்லக்கூடிய சூழல் ஏற்பட்டுள்ளது. இந்த வீடியோ தற்போது சமூக வலைதளங்களில் வைரலாகி வருகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கிளாம்பாக்கத்திலிருந்து விழுப்புரம், கள்ளக்குறிச்சி, கடலூர், சிதம்பரம், விருத்தாச்சலம், திருவண்ணாமலை, போளூர் பகுதிகளுக்கு 450 அரசு பஸ்கள் இயக்கப்படும் என,  தமிழ்நாடு அரசு போக்குவரத்து கழகம் விழுப்புரம் அறிவித்துள்ளது

இது குறித்து விழுப்புரம் தமிழ்நாடு அரசு போக்குவரத்து கழகத்தின் மேலாண் இயக்குநர் வெளியிட்டுள்ள செய்தி குறிப்பு;

வார இறுதி நாட்களான 26.04.2024 (வெள்ளிக்கிழமை) மற்றும் 27.04.2024 (சனிக்கிழமை)  மக்கள் கிளாம்பாக்கத்திலிருந்து விழுப்புரம், கள்ளக்குறிச்சி, கடலூர், சிதம்பரம், விருத்தாச்சலம், திருவண்ணாமலை, மற்றும் போளூர் ஆகிய ஊர்களுக்கு அதிக அளவில் பயணம் செய்வார்கள் என்பதால் அதற்கு ஏதுவாக விழுப்புரம் அரசு போக்குவரத்துக் கழகம் சார்பாக கூடுதலாக வெள்ளிக்கிழமை 200, சனிக்கிழமை 250,  மொத்தம் 450  சிறப்பு பேருந்துகளை மேற்கண்ட வழித்தடங்களில் இயக்க ஏற்பாடு செய்யப்பட்டுள்ளது.

எனவே, பயணிகள் https://www.tnstc.in என்ற இணையதளம் மூலம் முன்பதிவு செய்து இச்சிறப்பு பேருந்துகளை பயன்படுத்திக் கொள்ளலாம்.

மேலும், பயணிகள் அடர்வு குறையும் வரை தேவைக்கு ஏற்ப பேருந்துகளை ஏற்பாடு செய்திடவும், பேருந்து இயக்கத்தினை மேற்பார்வை செய்திடவும் அதிகாரிகள் பணி அமர்த்தப்பட்டு உள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

க.சண்முகவடிவேல்

Perambalur: பெரம்பலூர் மாவட்டம் கிருஷ்ணாபுரம் பகுதியைச் சேர்ந்த குழந்தைவேல். இவர் அரிசி ஆலை நடத்தி வந்துள்ளார். இவரது மகன் சக்திவேல் தனது தந்தையிடம் தனக்குரிய சொத்தை பிரித்து தருமாறு அடிக்கடி கேட்டு தகராறு செய்துள்ளார். குழந்தைவேல் சொத்தை பிரித்துக் கொடுக்க மறுக்கவே, அவரது மகன் சக்திவேல் கடந்த பிப்ரவரி மாதம் 16 ஆம் தேதி தனது தந்தையை வீட்டு வாசலில் வைத்து பலமாக தாக்கினார். 

இதில் பலத்த காயமுற்ற குழந்தைவேல் திருச்சியில் உள்ள பிரபல தனியார் மருத்துவமனையில் தீவிர சிகிச்சைக்காக சேர்க்கப்பட்டார். இந்த சம்பவம் தொடர்பாக கைகளத்தூர் போலீசார் வழக்கு பதிவு செய்து விசாரணை செய்தனர். தந்தை மகனுக்குமான பிரச்சனை, குடும்ப விவகாரம், சமாதான உடன்படிக்கை ஏற்படுத்திக் கொள்கிறோம் என உறவினர்கள் சொன்னதால் இருவரிடமும் எழுதி வாங்கிக்கொண்டு அந்த வழக்கை முடித்து வைத்தனர். திருச்சி மருத்துவமனையில் சிகிச்சையில் இருந்த குழந்தைவேல் சிகிச்சை முடிந்த பிறகு நலமுடன் வீடு திரும்பியவர் மன உளைச்சலில் இருந்திருக்கின்றார். 

இந்த நிலையில், குழந்தைவேல் கடந்த 18 ஆம் தேதி வீட்டில் இறந்து கிடந்திருக்கின்றார். இதுகுறித்து போலீசாருக்கு தகவல் தெரிவிக்கப்பட்ட நிலையில், போலீசார் பிரேதத்தை கைப்பற்றி விசாரணை செய்ததில், அவரது மரணம் இயற்கை மரணம் என்பதை உறுதி செய்த பின்பு போலீசார் அவரது உறவினர்களிடம் விசாரணை செய்தனர். அதன் பின்பு குடும்ப வழக்கப்படி அவரது இறுதி காரியங்கள் நடை பெற்றாலும், வழக்கு நிலுவையில் இருந்தது.

இந்த சூழலில், அரிசி ஆலை அதிபர் குழந்தைவேலுவை அவரது மகன் கொடூரமாக தாக்கும் வீடியோ காட்சி சமூக ஊடகங்களில் தற்போது வைரலாகி வருகிறது. இதனையடுத்து, கைகளத்தூர் போலீசார் அவரது மகன் சக்திவேலுவை கைது செய்து தீவிர விசாரணை மேற்கொண்டு வருகின்றனர். அதேபோல், இயற்கை மரணம் என்ற வழக்கையும் கொலை வழக்காக மாற்றி விசாரணையைத் தொடங்கியுள்ளனர். 

கடந்த பிப்ரவரி 16 ஆம் தேதி நடந்த இந்த தாக்குதல் தொடர்பான வீடியோ அவர் இறந்த பிறகு தற்போது சமூக ஊடகங்களில் வைரலாகியதால் சக்திவேல் கைது செய்யப்பட்டு இருக்கிறார் என்பது குறிப்பிடத்தக்கது. 

I understand this happened in February in Perambalur Dt. No FIR registered then because family refused to give one. Later on, when the video surfaced FIR was filed, and now the son has also been arrested. Cause of death is also being investigated. https://t.co/Ef7spSXXMY

— Sriram (@SriramMadras) April 25, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கோவை மாவட்டத்தி்ல் தற்போது வெயிலின் தாக்கம் அதிகரித்து காணப்படுவதால், கடும் வெப்பம் நிலவி வருகிறது. நாளுக்கு நாள் வெயிலின் தாக்கம் அதிகரித்த வண்ணம் உள்ளது.

கோடை வெயிலுக்கு இதமாக குளிர்ச்சியான குடிநீர் வழங்கும் மண்பானைகள் விற்பனையும் அதிகரித்து வருகிறது.

கோவை மேட்டுப்பாளையம் சாலையில் மண்பானைகள் உற்பத்தி மற்றும் விற்பனை செய்வோர் நவீன வரவுக்கு ஏற்ப பானைகளில் எளிதாக குடிநீர் பிடிக்க குழாய் பொருத்தி  விற்பனை செய்கின்றனர்.

இதுகுறித்து மண்பானை விற்பனையாளர்கள் கூறியதாவது; முன்பைவிட மண்பாண்டங்களுக்கு மக்களிடையே வரவேற்பு அதிகரித்துள்ளது. கோடை வெயிலின் வெப்பம் அதிகரித்துள்ளதால் மண் பானைகளை வாங்க அதிக மக்கள் ஆர்வம் காட்டி வருகின்றனர்.

ஆனால் அதனை உற்பத்தி செய்ய போதுமான மண் கிடைப்பதில்லை. இதனால், ஒவ்வொரு ஆண்டும் தொழில் நலிவடைந்து வருகிறது. மேலும் தற்போது மண்பானைகளுக்கு தேவை அதிகரித்து இருந்தாலும் இந்த தொழிலை செய்ய யாரும் முன்வருவதில்லை.

எனவே மண் பாண்டங்கள் செய்ய போதுமான மண் கிடைக்க மாவட்ட நிர்வாகம் நடவடிக்கை எடுக்க வேண்டும்.

கடந்த காலங்களில் போதுமான மண் கிடைத்து வந்த நிலையில், தற்போது  மண் தட்டுப்பாடு அதிகரித்து விட்டது. இதனால் மண்பாண்டங்கள் செய்யும் தொழில் நலிவடைந்துள்ளது.

மண் எடுக்க அனுமதி இருந்தும், பானைகள் தயாரிக்க மண் அள்ள முடியாத நிலை உள்ளது.  இதே நிலை தொடர்ந்தால், மண்பானைகளுக்கு தட்டுப்பாடு ஏற்படும் எனவும், மண்பாண்டங்கள் உற்பத்தி செய்ய முடியாது. வரும் காலங்களில் மண்பாண்டங்கள் தயாரிக்க எங்களுக்கு போதுமான மண் கிடைக்க அரசு  நடவடிக்கை எடுக்க வேண்டும் என்றார்.

செய்தி: பி.ரஹ்மான், கோவை மாவட்டம்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Gold Silver Price Today, 26 April 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக உச்சத்தை எட்டியது. அவ்வப்போது சற்று சரிந்து வந்த தங்கம் விலை கடந்த மார்ச் மாதம் தொடக்கத்தில் இருந்து தொடர்ந்து அதிகரித்த வண்ணம் இருக்கிறது. 

இன்றைய தங்கம் விலை 

இந்நிலையில், கடந்த சனிக்கிழமை தங்கம் விலை சவரனுக்கு ரூ. 40 குறைந்தது. இதேபோல், திங்கள்கிழமையும் தங்கத்தின் விலை சவரனுக்கு ரூ. 320 குறைந்தது. தொடர்ந்து 3-வது நாளாக செவ்வாய்க்கிழமையும் தங்கம் விலை அதிரடியாக ஒரே நாளில் சவரனுக்கு ரூ. 1,160 குறைந்தது. ஆனால், மறுநாள் புதன்கிழமை தங்கத்தின் விலை சவரனுக்கு ரூ. 240 அதிரடியாக அதிகரித்தது. எனினும், நேற்று வியாழக்கிழமை தங்கத்தின் விலை சவரனுக்கு ரூ. 160 குறைந்து ஒரு சவரன் ரூ. 53,680-க்கும், கிராமுக்கு ரூ. 20 குறைந்து ஒரு கிராம் ரூ. 6,710-க்கும் விற்பனை செய்யப்பட்டது. 

இந்த நிலையில், தங்கம் விலை இன்று மீண்டும் அதிரடியாக அதிகரித்துள்ளது. கடந்த சில வாரங்களாக தங்கம் விலை வரலாறு காணாத உச்சத்தை எட்டி வரும் சூழலில், இன்று மீண்டும் அதிரடியாக அதிகரித்திருப்பது நகைப் பிரியர்கள் மற்றும் இல்லத்தரசிகளை அதிர்ச்சியில் ஆழ்த்தியுள்ளது. 

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. 360 அதிகரித்து ஒரு சவரன் ரூ. 54,040-க்கு விற்பனை செய்யப்படுகிறது. கிராமுக்கு ரூ. 45 அதிகரித்து  ஒரு கிராம் தங்கம் ரூ. 6,755-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் ரூ. 7,369-க்கும், ஒரு சவரன் ரூ. 58,952-க்கும் விற்பனை செய்யப்பட்டு வருகிறது. 

வெள்ளி விலை

வெள்ளியின் விலையும் அதிரடியாக அதிகரித்துள்ளது. கிராமுக்கு ரூ. 2 அதிகரித்து ஒரு கிராம் வெள்ளி ரூ. 88 -க்கு விற்பனை செய்யப்படுகிறது. ஒரு கிலோ வெள்ளி ரூ.88,000-க்கு விற்பனை செய்யப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

ஒய்.எஸ்.ஆர்.சி.பி. எம்.பி மற்றும் தொழிலதிபர் அல்லா அயோத்தி ராமி ரெட்டிக்கு சொந்தமான இரண்டு ஹைதராபாத் நிறுவனங்கள் 2022 ஆம் ஆண்டில் மேற்கு வங்கத்தில் ஆளும் டிஎம்சிக்கு ரூ 46 கோடி தேர்தல் பத்திரங்களை நன்கொடையாக அளித்தன

அந்த நேரம் ரெட்டியின் மற்றொரு நிறுவனத்தால் கொல்கத்தாவில் 30 மில்லியன் டாலர் நீர் சுத்திகரிப்பு திட்டம் செயல்படுத்தப்பட்டு குழப்பத்தில் இருந்தது.

2022 ஜனவரியில் திரிணாமுல் காங்கிரஸுக்கு, ரெட்டியின் சென்னை கிரீன் வூட்ஸ் பிரைவேட் லிமிடெட் மற்றும் மத்தியப் பிரதேச வேஸ்ட் மேனேஜ்மென்ட் பிரைவேட் லிமிடெட் ஆகியவை முறையே ரூ.40 கோடி மற்றும் ரூ.6 கோடி நன்கொடையாக அளித்ததாக தேர்தல் ஆணையம் வெளியிட்ட தரவு காட்டுகிறது.

இரு நிறுவனங்களும் டி.எம்.சி.க்கு நன்கொடை அளித்த ஒரே முறை இதுவாகும். 2019 மே மாதம் மத்தியப் பிரதேச கழிவு மேலாண்மையும் பாஜகவுக்கு தேர்தல் பத்திரங்களாக ரூ.25 லட்சம் வாங்கியதாக பதிவுகள் காட்டுகின்றன.

தனித்தனியாக, சென்னை கிரீன் வூட்ஸ் ஏப்ரல் 2022 இல் BRS க்கு ரூ 50 கோடியும், அக்டோபர் 2023 இல் காங்கிரஸுக்கு ரூ 15 கோடியும் நன்கொடையாக வழங்கியது.

கேள்விக்குரிய கொல்கத்தா திட்டமானது, நியூ டவுனில் உள்ள 22 MGD நீர் சுத்திகரிப்பு நிலையம் (WTP), நீர்த்தேக்கம், டிரான்ஸ்மிஷன் மெயின் மற்றும் பம்பிங் நிலையங்களின் வடிவமைப்பு, கட்டுமானம், செயல்பாடு, பராமரிப்பு ஆகும்.

30.38 மில்லியன் டாலர் அசல் மதிப்புடன், 2018-19 ஆம் ஆண்டில் மேற்கு வங்க பொது சுகாதார பொறியியல் துறையால், ஆசிய வளர்ச்சி வங்கியின் உதவியுடன், ரெட்டியின் ஹைதராபாத்தை தளமாகக் கொண்ட ராம்கி இன்ஃப்ராஸ்ட்ரக்சர் லிமிடெட் மற்றும் மும்பையை தலைமையிடமாகக் கொண்ட ஃபர்னஸ் ஃபேப்ரிகா இந்தியா லிமிடெட் (Furnace Fabrica India Limited) ஆகியவற்றின் கூட்டு முயற்சிக்கு இந்த ஒப்பந்தம் வழங்கப்பட்டது.

2020 இல் தொடர்ச்சியான கோவிட் லாக்டவுன்களைத் தொடர்ந்து, FFIL நிதிச் சிக்கலில் சிக்கியது, முன்னாள் ஊழியர்களின் கூற்றுப்படி, அதன் ஊழியர்கள் பலர் நியூ டவுன் திட்டத்தை மீண்டும் தொடங்க ராம்கி இன்ஃப்ராஸ்ட்ரக்ரில் சேர்ந்தனர்.

"ஜே.வி.யின் செயலில் உள்ள குழுவிடம் ஒப்பந்தத்தை ஒப்படைப்பதில் உள்ள நிர்வாக சிக்கல்கள் காரணமாக வேலை நிறுத்தப்பட்டது மற்றும் திட்டம் ஸ்தம்பித்தது. இறுதியில், பொது சுகாதாரப் பொறியியல் துறை, இந்த திட்டத்தை எங்களுக்கு மாற்றியது மற்றும் ஜனவரி 2022 இல் வேலை மீண்டும் தொடங்கியது, ”என்று ராம்கி அதிகாரி ஒருவர் கூறினார்.

தேசிய நிறுவன சட்ட தீர்ப்பாயம் (NCLT) பதிவுகள் FFIL நவம்பர் 2023 இல் திவாலாகிவிட்டதாகக் காட்டுகிறது. நீர் சுத்திகரிப்பு திட்டம் பற்றி கேட்டதற்கு, FFIL இன் கொல்கத்தா செயல்பாடுகளின் முன்னாள் தலைவர் கௌதம் டி கருத்து தெரிவிக்க மறுத்துவிட்டார்.

FFIL வெளியேறியதைத் தொடர்ந்து, நீர் சுத்திகரிப்பு நிலையம் (WTP) ஒப்பந்தம் எப்போது, ​​எப்படி ராம்கி உள்கட்டமைப்புக்கு மாற்றப்பட்டது என்று கேட்டதற்கு, புதுதில்லியில் உள்ள ADB செய்தித் தொடர்பாளர் மேற்கு வங்க பொது சுகாதார பொறியியல் துறையின் "செயல்படுத்தும் முகமை" யைத் தொடர்பு கொள்ளுமாறு கேட்டுக் கொண்டார்.

மேற்கு வங்க பொது சுகாதார பொறியியல் துறையின் தலைமைப் பொறியாளர் (சிவில்) மற்றும் ADB திட்டத்தின் பொறுப்பாளர் சுபாஷிஸ் தத்தா, கருத்து தெரிவிக்க மறுத்துவிட்டார்.

மேற்கு வங்க பொது சுகாதார பொறியியல் துறையின் அமைச்சர் புலக் ராய், தான் "தேர்தல் பிரச்சாரத்தில் மும்முரமாக இருப்பதாக" கூறினார் மற்றும் துறையின் முதன்மை செயலாளர் சுரேந்திர குப்தாவிடம் கேள்விகளை அனுப்பினார்.

குப்தாவின் அலுவலகம் தி இந்தியன் எக்ஸ்பிரஸின் கருத்துக்கான கோரிக்கைகளை ஏற்றுக்கொண்டது, ஆனால் பதிலளிக்கவில்லை.

அயோத்தி ராமி ரெட்டி இந்தியன் எக்ஸ்பிரஸ்ஸிடம் தொலைபேசியில் கூறுகையில், "நாங்கள் எதுவும் சொல்ல முடியாது, என்றார்.  ராம்கி இன்ஃப்ராஸ்ட்ரக்சரின் நிர்வாக இயக்குநர் யாஞ்சர்லா ரத்னாகர் நாகராஜா, கேள்விகளுக்கு பதிலளிக்கவில்லை.

அயோத்தி ராமி ரெட்டி 2020 இல் ஒய்.எஸ்.ஆர்.சி.பி.யில் இருந்து ராஜ்யசபா உறுப்பினராக தேர்ந்தெடுக்கப்பட்டார்.

திரிணாமுல் காங்கிரஸுக்கு ஆதரவாக தேர்தல் பத்திரங்களை வாங்கிய இரண்டு ஹைதராபாத் நிறுவனங்களில், மத்தியப் பிரதேச கழிவு மேலாண்மை என்பது அர்தா ஹோல்டிங் பிரைவேட் லிமிடெட்டின் 100 சதவீத துணை நிறுவனமாகும், இதில் ரெட்டி 93.5 சதவீத பங்குகளை வைத்திருக்கிறார்.

ஏப்ரல் 2022 இல், மத்தியப் பிரதேச கழிவு மேலாண்மை நிறுவனம், அயோத்தி ராமி ரெட்டிக்கு ரூ.153 கோடிக்கு இன்டர் கார்ப்பரேட் டெபாசிட் (ஐசிடி) ஒப்பந்தத்தின் கீழ் மாற்ற முடியாத கடன் பத்திரங்களை வழங்கியது.

2022 ஜனவரியில் டிஎம்சிக்கு ரூ.6 கோடி நன்கொடை அளித்த நிலையில், நிறுவனம் 2021-22ல் ரூ.1.73 கோடி நிகர லாபத்தையும், 2022-23ல் ரூ.7.44 கோடி நஷ்டத்தையும் பதிவு செய்தது.

மற்ற ஹைதராபாத் நிறுவனமான சென்னை கிரீன் வூட்ஸ் பிரைவேட் லிமிடெட், ராம்கி இன்டகிரேட்டட் டவுன்ஷிப் லிமிடெட் நிறுவனத்திற்கு 100 சதவீதம் சொந்தமானது மற்றும் 2006 இல் பெங்களூரில் TSI டெக் பார்க் (புனே) பிரைவேட் லிமிடெட் என நிறுவப்பட்டது.

டிஎம்சிக்கு ரூ. 40 கோடி நன்கொடை அளித்த நிலையில், சென்னை கிரீன் வூட்ஸ் 2021-22ல் ரூ.14.15 கோடியும், 2022-23ல் ரூ.22.25 கோடியும் நிகர இழப்பை பதிவு செய்தது.

Read in English: Bengal project by YSRCP MP firm faltered, group gave Rs 46 crore in poll bonds to TMC

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

பத்தனம்திட்டா மக்களவைத் தொகுதியில் பா.ஜ.க வேட்பாளர் அனில் ஆண்டனிக்கு கேரளாவின் பிலீவர்ஸ் ஈஸ்டர்ன் சர்ச் ஆதரவு தெரிவித்துள்ளது.

தேவாலயம் 2020 முதல் வருமான வரித் துறை விசாரணையை எதிர்கொள்கிறது, மேலும் அதன் வெளிநாட்டு பங்களிப்பு (ஒழுங்குமுறை) சட்டம் (FCRA) உரிமம் 2017 இல் ரத்து செய்யப்பட்டது.

தேவாலயத்தின் செய்தித் தொடர்பாளர் ஃபாதர் சிஜோ பண்டப்ளாக்கல் கூறுகையில், பத்தனம்திட்டாவில் பா.ஜ.க-வை ஆதரிக்கும் முடிவு ஆண்டனி தேவாலயத் தலைவர்களைச் சந்தித்த பிறகு எடுக்கப்பட்டதாகவும், அதற்கும் ஐ-டி விசாரணைக்கும் அதன் எஃப்சிஆர்ஏ உரிமத்திற்கும் எந்த தொடர்பும் இல்லை என்றும் கூறினார்.

தற்போது பத்தனம்திட்டாவில் பா.ஜ.க வேட்பாளருக்கு மட்டுமே ஆதரவு உள்ளது. திருச்சபைக்கு எதிரான வருமான வரித்துறை விசாரணைக்கும் எங்கள் முடிவுக்கும் எந்த சம்பந்தமும் இல்லை. அது இன்னும் நடைமுறையில் உள்ளது, என்றார்.

2019 லோக்சபா தேர்தலுக்கு பல ஆண்டுகளுக்கு முன்பே சர்ச்சின் எஃப்சிஆர்ஏ உரிமம் - வெளிநாட்டு உதவி பெறுவதற்கு கட்டாயம் - ரத்து செய்யப்பட்டாலும், அந்த நேரத்தில் பா.ஜ.க-வை ஆதரிப்பதன் மூலம் சர்ச் முடிவை மாற்ற முயற்சிக்கவில்லை என்று அவர் கூறினார். எனவே, சர்ச் எந்த நன்மைக்காகவும் பா.ஜ.க-வை ஆதரிக்கிறது என்ற குற்றச்சாட்டுக்கு எந்த ஆதாரமும் இல்லை. 2019 தேர்தலில் நாங்கள் அப்படி எந்த முயற்சியும் எடுக்கவில்லை. பிறகு, 2024ல் அதை ஏன் செய்ய வேண்டும்? அவர் கேட்டார்.

2000 ஆம் ஆண்டில் சுவிசேஷகர் கே பி யோஹன்னனால் நிறுவப்பட்டு திருவல்லாவை தலைமையிடமாகக் கொண்ட பிலீவர்ஸ் சர்ச், பத்தனம்திட்டா தொகுதியில் வலுவான இருப்பைக் கொண்டுள்ளது.

நவம்பரில் 2020 நவம்பரில் தேவாலயத்தில் ஐ-டி விசாரணை தொடங்கியது, பல ஆண்டுகளாக அது பெற்ற நன்கொடைகள் ரூ.4,000 கோடி. இந்த நிதியில் ஒரு பகுதி ரியல் எஸ்டேட் துறைக்குச் சென்றதாகக் கூறப்படுகிறது. சர்ச்சின் FCRA உரிமம் 2017 இல் செலவு முறைகேடுகள் காரணமாக ரத்து செய்யப்பட்டது.

ஏப்ரல் 26 ஆம் தேதி நடைபெறவுள்ள மக்களவைத் தேர்தலில் வாக்களிக்கும் கேரளாவில் கிறிஸ்தவ சமூகத்தின் ஆதரவைப் பெறுவதற்கு கட்சி முயற்சித்து வரும் நேரத்தில், பாஜகவை ஆதரிக்க சர்ச்சின் முடிவு வந்துள்ளது.

Read in english 

சென்னையில் பா. ரஞ்சித்தின் நீலம் பண்பாட்டு மையம் சார்பில் நடைபெற்ற வானம் கலை விழா - வேர்க்கோடுகள் விருந்து வழங்கும் விழாவில் கலந்துகொண்ட தி.மு.க எம்.பி கனிமொழி, “வெறுப்புவாத அரசியலில் சிக்கித் தவிக்கும் நம் சமூகத்திற்கு மீட்சியாக இருப்பவை கலைகளே” என்று தெரிவித்துள்ளார்.

தமிழ் சினிமாவில் இயக்குனர் பா. ரஞ்சித்தின் வருகைக்கு பிறகு, ஒரு முக்கியமான ஆரோக்கியமான மாற்றம் ஏற்பட்டுள்ளது என்றால் அது மிகையல்ல. 

இயக்குனர் பா. ரஞ்சித் சினிமா இயக்குவதோடு மட்டுமல்லாமல், ஒத்த சிந்தனை கொண்ட உதவி இயக்குனர்களுக்கு நீலம் புரொடக்‌ஷன்ஸ் மூலம் வாய்ப்பு அளித்து படம் தயாரித்து இயக்குனர்களை உருவாக்கி வருகிறார். மார்கழியில் மக்களிசை, வானம் கலை விழா,  சமத்துவத்திற்கான தலித், கலை பண்பாட்டு நடவடிக்கைகளை மேற்கொண்டு வருகிறார்.

பாபாசாகேப் அம்பேத்கர் பிறந்த மாதமான ஏப்ரல் மாதத்தை ஆண்டுதோறும் தலித் வரலாற்று மாதமாக நீலம் பண்பாட்டு மையம் கொண்டாடி வருகிறது. அதன்படி, பா. ரஞ்சித்தின் நீலம் பண்பாட்டு மையம் சார்பில் சென்னையில் வானம் கலை விழாவை இந்த ஏப்ரல் மாதம் நடந்து வருகிறது. 

சென்னை எழும்பூரில் உள்ள நீலம் புத்தக அரங்கில் கடந்த ஏப்ரல் 5-ம் தேதி தலித் வரலாற்று மாத கண்காட்சியுடன் வானம் கலை விழா தொடங்கியது. இதையடுத்து, மலையாள சினிமாவின் முதல் கதாநாயகியான தலித் சமூகத்தைச் சேர்ந்த பி.கே ரோஸி திரைப்பட விழா சென்னை பிரசாத் லேபில் ஏப்.8ம் தேதி இயக்குநர் பாலாஜி சக்திவேல் மற்றும் இயக்குநர் பா.இரஞ்சித் ஆகியோர் தொடங்கி வைத்தனர். 

இந்த திரைப்பட விழாவில், முதல் நாள் நிகழ்வில் பல்வேறு மொழிகளில் திரைப்படங்கள், ஆவணப்படங்கள், குறும்படங்கள் திரையிடப்பட்டதோடு, திரைப்படங்கள் குறித்து இயக்குநர்களின் கலந்துரையாடல் நடைபெற்றது.

இதில், இயக்குநர் லெனின் பாரதி, திரைக்கதை எழுத்தாளர் தமிழ் பிரபா, நீலம் பதிப்பகத்தின் ஆசிரியர் வாசுகி பாஸ்கர் ஆகியோர் பங்கேற்றனர்.

இதைத் தொடர்து, திரைக்கதையாசிரியர் ஜா.தீபா தொகுத்த சமூக சிந்தனை எனும் தலைப்பில் இயக்குநர் அருண் மாதேஸ்வரன், இயக்குநர் P.S.வினோத்ராஜ், இயக்குநர் கௌதம்ராஜ் ஆகியோருடன் கலந்துரையாடல் நடைபெற்றது.

இந்த நிகழ்ச்சியில் பேசிய இயக்குநர் அருண் மாதேஸ்வரன், “திரைத்துறையில் இயக்குநர் பா. இரஞ்சித்தின் வருகைக்குப் பிறகு மிக எளிதாக சமூக சிந்தனை கொண்ட திரைப்படம் எடுப்பதற்கு வழிவகுத்தது” என்று கூறினார். அடுத்து, இயக்குனர் அதியன் ஆதிரை, இயக்குனர் பா. இரஞ்சித், கலை இயக்குனர் இராமலிங்கம், திரைக்கதையாசிரியர், எழுத்தாளர் தமிழ் பிரபா ஆகியோருடன் கலந்துரையாடல் நடைபெற்றது. 
 
திரைப்பட விழாவின் கடைசி நாளான ஏப்ரல் 10-ம் தேதி நிகழ்வில் மாமன்னன் படம் திரையிடப்பட்டு இயக்குனர், கலை இயக்குனர், படத்தொகுப்பாளர், சவுண்ட் டிசைனர் அனைவரும் பார்வையாளர்களோடு கலந்துரையாடினர். 

இதைத் தொடர்ந்து டாக்டர் பி.ஆர்.அம்பேத்கர் நவ் & தென் ஆவணப்படம் திரையிடப்பட்டு அப்படத்தின் இயக்குநர், எழுத்தாளர் ஜோதி நிஷா கலந்துரையாடினார். இயக்குநர் ரிந்து தாமஸ் மற்றும் சுஷித் கோஷ் ஆகியோர்கள் இயக்கிய ரைட்டிங் வித் ஃபயர் ஆவணப்படம் திரையிடப்பட்டது. 

இதைத் தொடர்ந்து தலித் சினிமா எனும் தலைப்பில் நடைபெற்ற கலந்துரையாடலில் தொகுப்பாளர் இளம்மருது தொகுத்து வழங்க இயக்குநர்கள் பா. இரஞ்சித், ஜெயகுமார், டாக்டர் பிஜு தாமோதரன் ஆகியோர்கள் கலந்துரையாடினர். இயக்குநர் பா. இரஞ்சித் பேசுகையில்  “சாதியை எதிர்த்தவர்கள் சாதியால் பாதிக்கப் பட்டவர்கள் என இரண்டு வகையாக இருப்பதை நாம் உணர வேண்டும். என்னை எதிர்ப்பதற்காக எடுக்கப்படும் படங்கள் கிராஃப்ட் அடிப்படையில் கூட சரியாக இல்லை” என்று விமர்சனம் செய்தார். 

இதையடுத்து,  வானம் கலை விழாவில் ஏப்ரல் 24-ம் தேதி முதல் ஏப்ரல் 30-ம் தேதி வரை கலையும் அழகியலும் ஓவிய கண்காட்சி நடைபெறுகிறது.

இதனிடையே, ஏப்ரல் 27 மற்றும் 28-ம் தேதி தலித் வேர்சொல் இலக்கிய கூடுகை போன்ற நிகழ்வுகள் சென்னையின் பல்வேறு இடங்களில் நடைபெறுகிறது. சென்னையில் புதன்கிழமை நடைபெற்ற வானம் கலை விழா - வேர்க்கோடுகள் விருது வழங்கும் நிகழ்வில் தி.மு.க எம்.பி கனிமொழி பங்கேற்றார். அப்போது பேசிய கனிமொழி, “வெறுப்புவாத அரசியலில் சிக்கித் தவிக்கும் நம் சமூகத்திற்கு மீட்சியாக இருப்பவை கலைகளே. நாம் கலைகள் வழியாக இங்கு வெறுப்பு சிந்தனைகளுக்கு மாற்றாக அன்பையும் , சமத்துவத்தையும் தொடர்ந்து பேச வேண்டிய கட்டாயத்தில் இருக்கிறோம் , தொடர்ந்து பேசுவோம்” என்று கூறினார்.

இன்று சென்னையில் நீலம் பண்பாட்டு மையம் சார்பில் நடைபெற்ற வானம் கலை விழா - வேர்க்கோடுகள் விருது வழங்கும் நிகழ்வில் கலந்துகொண்டதில் மகிழ்ச்சி.

வெறுப்புவாத அரசியலில் சிக்கித் தவிக்கும் நம் சமூகத்திற்கு மீட்சியாக இருப்பவை கலைகளே!

ஓவியர் திரு. சந்துரு அவர்களுக்கும் நிகழ்வை… pic.twitter.com/kuDbVctYmn

— Kanimozhi (கனிமொழி) (@KanimozhiDMK) April 24, 2024

தி.மு.க எம்.பி கனிமொழி நீலம் பண்பாட்டு மையத்தின் வானம் கலை விழாவில் பங்கேற்றது குறித்து தனது எக்ஸ் சமூக வலைதளப் பக்கத்தில் பதிவிட்டிருப்பதாவது: “இன்று சென்னையில் நீலம் பண்பாட்டு மையம் சார்பில் நடைபெற்ற வானம் கலை விழா - வேர்க்கோடுகள் விருது வழங்கும் நிகழ்வில் கலந்துகொண்டதில் மகிழ்ச்சி.

வெறுப்புவாத அரசியலில் சிக்கித் தவிக்கும் நம் சமூகத்திற்கு மீட்சியாக இருப்பவை கலைகளே!

ஓவியர் திரு. சந்துரு அவர்களுக்கும் நிகழ்வை ஒருங்கிணைத்த வானம் கலை விழா குழுவினருக்கும் எனது அன்பும் வாழ்த்தும்.” என்று பதிவிட்டுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“