”காங்கிரஸ் மற்றும் இந்தியா கூட்டணி ஆட்சியில் இருந்தபோது, வாக்கு வங்கி அரசியலுக்காக தலித்துகள் மற்றும் பிற்படுத்தப்பட்ட வகுப்பினருக்கான இடஒதுக்கீட்டில் இருந்து திருடி "முஸ்லீம் சமூகத்திற்கு" தனி ஒதுக்கீடு கொடுக்க விரும்பின. எனினும், இது அரசியலமைப்புச் சட்டத்திற்கு எதிரானது” என்று ராஜஸ்தான் தேர்தல் பிரச்சாரத்தில் பிரதமர் மோடி கூறினார்.

ஆங்கிலத்தில் படிக்க: Congress tried to give reservation to Muslims by reducing SC/ST quota: Modi

ராஜஸ்தானின் டோங்க்-சவாய் மாதோபூர் தொகுதியில் நடைபெற்ற பா.ஜ.க பேரணியில் கலந்துக் கொண்டு பிரதமர் நரேந்திர மோடி உரையாற்றினார்.

அப்போது பேசிய மோடி, "நாட்டை வலிமையான நிலைக்கு கொண்டு வந்தது யார்?... இதுதான் உங்கள் அன்பும் ஆசீர்வாதமும், நீங்கள் அனைவரும் மோடிக்கு பெருமை சேர்க்கிறீர்கள். ஆனால் எது நடந்தாலும் அது உங்களால் தான். 25 கோடி ஏழைகள் வறுமையில் இருந்து மீண்டதற்கு நீங்கள்தான் காரணம்.

காங்கிரஸ் ஆட்சியில் இருந்திருந்தால், காஷ்மீரில் நமது ராணுவ வீரர்கள் தாக்கப்பட்டிருப்பார்கள்... ஒரே பதவி, ஒரே பென்ஷன் திட்டம் செயல்படுத்தப்பட்டிருக்காது... தொடர் குண்டுவெடிப்புகளால் அப்பாவி மக்கள் தொடர்ந்து கொல்லப்பட்டிருப்பார்கள். கோவிட் காலத்தில் மக்களுக்கு இலவச ரேஷன் கிடைத்திருக்காது, அல்லது இலவச தடுப்பூசிகளும் கிடைத்திருக்காது.

கடந்த பத்து ஆண்டுகளில் நிலையான மற்றும் நேர்மையான அரசாங்கம் நாட்டின் வளர்ச்சிக்கு என்ன செய்ய முடியும் என்பதை அனைவரும் பார்த்திருக்கிறார்கள். 2014ல், மோடிக்கு சேவை செய்ய நீங்கள் வாய்ப்பளித்த போது, யாரும் நினைத்துக்கூட பார்க்காத முடிவுகளை நாடு எடுத்தது.

காங்கிரஸ் கட்சியின் சித்தாந்தம் எப்போதுமே திருப்திப்படுத்தல் மற்றும் வாக்கு வங்கி அரசியலாகும். 2004ல், மத்தியில் காங்கிரஸ் ஆட்சி அமைத்தபோது, அவர்கள் செய்த முதல் காரியங்களில் ஒன்று, ஆந்திராவில் எஸ்.சி/எஸ்.டி ஒதுக்கீட்டில் முஸ்லிம்களை சேர்த்தது. காங்கிரஸ் அரசு நாடு முழுவதும் செயல்படுத்த விரும்பிய முன்னோடித் திட்டம் இது. 2004 மற்றும் 2010 க்கு இடையில், அவர்கள் நான்கு முறை முஸ்லீம் இடஒதுக்கீட்டை அமல்படுத்த முயன்றனர், ஆனால் சட்ட தடைகள் மற்றும் உச்ச நீதிமன்றத்தின் எச்சரிக்கை காரணமாக முடியவில்லை. 

காங்கிரஸ் கட்சி அரசியலமைப்பு மற்றும் பி.ஆர். அம்பேத்கர் பற்றி கவலைப்படாமல், நாட்டில் இதை [முஸ்லீம் ஒதுக்கீட்டை] கொண்டு வர விரும்புகிறது

வாக்கு வங்கி அரசியலுக்காக மற்றவர்களுக்கு எஸ்.சி/எஸ்.டி மற்றும் ஓ.பி.சி உரிமைகளை வழங்குவது இது அரசியலமைப்பிற்கு எதிரானது என்று தெரிந்தும் காங்கிரஸ் இந்த முயற்சிகளை மேற்கொண்டது, ஆனால் அவர்கள் அரசியலமைப்பைப் பற்றி கவலைப்படவில்லை.

உண்மை என்னவெனில், காங்கிரஸ் மற்றும் இந்தியா கூட்டணி ஆட்சியில் இருந்தபோது, வாக்கு வங்கி அரசியலுக்காக, தலித் மற்றும் பிற்படுத்தப்பட்ட வகுப்பினருக்கான இடஒதுக்கீட்டில் இருந்து திருடி, "சிறப்பு சமூகத்திற்கு" தனி ஒதுக்கீடு கொடுக்க விரும்பினர். இருப்பினும், இது அரசியலமைப்புச் சட்டத்திற்கு எதிரானது.” இவ்வாறு மோடி பேசினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

வாக்குக்கு பாஜக பணம் கொடுத்ததாக அதிமுக கூறும் புகாரை நிரூபிக்க வேண்டும் என  அமைச்சரும், பாஜக வேட்பாளருமான நமச்சிவாயம் தெரிவித்துள்ளார்

காரைக்காலில் நிகழ்ச்சி ஒன்றில் பங்கேற்ற பின் செய்தியாளர்களிடம் பேசிய அமைச்சரும், பாஜக வேட்பாளருமான நமச்சிவாயம், “புதுவையில் அமைதியாக நடைபெற்ற மக்களவைத் தோ்தலில் மக்கள் ஆா்வத்துடன் வாக்களித்துள்ளனா். தோ்தல் நடந்து முடிந்த நிலையில், காரைக்கால் பாஜகவினா், கூட்டணிக் கட்சியினருக்கு நன்றி தெரிவித்துக்கொண்டுள்ளேன்.

வெற்றி வாய்ப்பு புதுவையில் பிரகாசமாக உள்ளது. வெற்றி பெற்றதும் தோ்தல் வாக்குறுதிகளை நிறைவேற்ற பாடுபடுவேன். இலவச அரிசி ரேஷன் கடை மூலம் தரப்படும்.
காரைக்கால் மருத்துவமனை மேம்பாடு, குடிநீா் உள்ளிட்ட அடிப்படை தேவைகளை எம்.பி. என்ற முறையில் நிறைவேற்ற பாடுபடுவேன். புதுவை மாநிலத்தின் அனைத்துப் பிராந்திய வளா்ச்சிக்கு பாடுபடுவேன்.

புதுவையில் பாஜக வாக்காளா்களுக்கு பணம் கொடுத்ததாக கூறும் புகாரை அதிமுக ஆதாரத்துடன் நிரூபிக்க வேண்டும். புதுவை மாநில அந்தஸ்து குறித்து ஏற்கெனவே கூறியிருக்கிறேன்.
மத்திய அரசுடன் பேசி அனைத்துக்கட்ட முயற்சிகளும் எடுக்கப்படும் என்றாா்.

முன்னதாக புதுச்சேரி  மாநில அதிமுக செயலாளரும், முன்னாள் சட்டமன்ற கட்சித் தலைவருமான அன்பழகன், “புதுச்சேரியில் காங்கிரஸும், பாஜகவும ஓட்டுக்கு பணம் கொடுத்துள்ளனர் என்று குற்றஞ்சாட்டினார்.
அப்போது, “பணம் கொடுப்பது சட்டத்திற்கு விரோதமானது என்ற அச்ச உணர்வு கூட இல்லாமல் புதுச்சேரி மாநிலம் முழுவதும் காங்கிரஸ், பாஜகவினர் நோட்டீஸ் கொடுப்பது போல் 500 மற்றும் 200 ரூபாய் நோட்டுகளை கொடுத்துள்ளனர்” என்றார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ்நாட்டில் கோடை வெப்பம் நாளுக்கு நாள் அதிகரித்து வருகிறது. பல இடங்களில் 100 டிகரி பாரன்ஹீட் குறையாமல் வெப்பம் பதிவாகி வருகிறது. இதனால் மக்கள் கடுமையாக பாதிக்கப்பட்டுள்ளனர். பகல் நேரங்களில் வீடுகளுக்கு உள்ளே முடங்கி உள்ளனர்.

குறிப்பாக ஈரோடு, மதுரை, சேலம், நாமக்கல் உள்ளிட்ட மாவட்டங்களில் வெயில் கடுமையாக உள்ளது. நேற்று ஈரோட்டில் அதிகபட்சமாக 109.40 டிகிரி வெப்பம் பதிவாகியது. வெப்ப அலையும் வீசுகிறது. இதனால் பகல் நேரங்களில் மக்கள் காரணம் இன்றி வெளியில் செல்ல வேண்டாம் என்றும் வெளியில் செல்வதை தவிர்க்க வேண்டும் என்றும் வானிலை மையம் அறிவுறுத்தி உள்ளது. 

இந்த நிலையில், இன்று (ஏப்ரல் 23) தமிழகம் உட்பட 5 மாநிலங்களில் வெப்ப அலை வீசக்கூடும் என வானிலை ஆய்வு மையம் மஞ்சள் எச்சரிக்கை விடுத்துள்ளது.   தமிழ்நாடு, கர்நாடகா, உத்தரப் பிரதேசம், ஒடிசா,  பீகார் ஆகிய மாநிலங்களுக்கு வெப்ப அலைக்கான மஞ்சள் எச்சரிக்கை விடுக்கப்பட்டுள்ளது.

இந்தியாவில் நேற்று அதிக வெப்ப அலை வீசிய நகரங்களில் ஈரோடு 3-வது இடத்தில் உள்ளது. முதல் இடத்தில் 110 டிகிரி வெப்பநிலை உடன் புவனேஸ்வர் நகரும், இரண்டாவது இடத்தில் ஆந்திராவின் கடப்பாவும் உள்ளன. இன்று முதல் 26-ம் தேதி வரை வெப்ப அலை தொடரும் என்றும் வானிலை மையம் கூறியுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னையில் கஞ்சா வியாபாரி ஒருவர் தன்னை கைது செய்ய சென்ற 2 காவலர்கள் மீது தாக்குதல் நடத்தியதை மேற்கோள் காட்டி, தமிழகத்தில் சட்டம் ஒழுங்கு சீர்குலைந்துள்ளதாக முன்னாள் முதல்வர் ஓ.பன்னீர்செல்வம் மற்றும் அமமுக பொதுச்செயலாளர் டி.டி.வி.தினகரன் ஆகியோர் திங்கள்கிழமை தெரிவித்தனர்.
இது குறித்து பன்னீர்செல்வம் வெளியிட்டுள்ள அறிக்கையில், திமுக ஆட்சிக்கு வரும்போதெல்லாம் மாநிலத்தில் வன்முறை, அட்டூழியங்கள், பயங்கரவாதம் அதிகரித்து வருகிறது.

தற்போது, போதைப்பொருள் அச்சுறுத்தல் பட்டியலில் தமிழ்நாடு சேர்க்கப்பட்டுள்ளது. போதைப்பொருளுக்கு அடிமையான இளைஞர்கள் குற்றச் செயல்களில் ஈடுபடும் சம்பவங்கள் ஏராளமாக மாநிலத்தில் நடைபெறுகின்றன.
.
தஞ்சாவூர் மாவட்டம் பள்ளக்கரையில் கடந்த சில நாட்களுக்கு முன்பு இளைஞர்கள் சிலர் பேருந்து ஓட்டுநர் மற்றும் நடத்துனர் மீது தாக்குதல் நடத்தினர்.

அமைதிப் பாதையில் சென்று கொண்டிருந்த தமிழ்நாட்டை போதைப் பாதையில் அழைத்துச் செல்லும் தி.மு.க. அரசுக்கு கடும் கண்டனம். pic.twitter.com/jUqWtGZeLM

— O Panneerselvam (@OfficeOfOPS) April 22, 2024

சென்னை கண்ணகி நகரில் உமாபதி என்ற கஞ்சா வியாபாரி காவல் துறையினர் மீது தாக்குதல் நடத்தியுள்ளார்.
இந்தச் சம்பவங்கள் மாநிலத்தில் சட்டம் ஒழுங்கு சீர்குலைந்திருப்பதைக் காட்டுகிறது. மாநிலத்தில் இளைஞர்கள் நலனில் திமுகவுக்கு உண்மையாக அக்கறை இருந்தால், மாநிலத்தில் போதைப் பொருளைக் கட்டுப்படுத்த மாவட்ட அளவிலான சமூகங்களை அமைக்க வேண்டும்” என்றார்.

இதற்கிடையில், “சென்னையில் உள்ள பள்ளிகள் மற்றும் கல்லூரிகளுக்கு அருகில் கஞ்சா மற்றும் இதர போதைப்பொருட்கள் கிடைக்கிறது. ஆனால் அரசு எந்த நடவடிக்கையும் எடுக்கவில்லை” என்று டி.டி.வி தினகரன் ட்விட்டர் எக்ஸ் தளத்தில் தெரிவித்துள்ளார்.
மேலும், “போதைப்பொருள் பயன்பாட்டை தடுக்க கடும் நடவடிக்கை எடுக்க வேண்டும்” என்றும் வலியுறுத்தியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ்நாட்டில் கள்ளர், மறவர், அகமுடையோர் ஆகியோரை தேவர் சமுதாயம் என அறிவிக்கப்பட்டது. இந்த அரசாணையை நடைமுறைப்படுத்தக் கோரிய வழக்கில் தமிழக அரசு பதிலளிக்க உச்சநீதிமன்றம் உத்தரவிட்டு உள்ளது.

தமிழ்நாட்டில் கள்ளர், மறவர், அகமுடையோரை தேவர் சமூகம் என்ற பெயரில் அழைப்பது தொடர்பாக 1995ஆம் ஆண்டு தமிழ்நாடு அரசு அரசாணை வெளியிட்டது.

இதனை நடைமுறைப்படுத்தவில்லை என வழக்கறிஞர் ஸ்டாலின் என்பவர் மதுரை உயர் நீதிமன்றக் கிளையில் மனுத்தாக்கல் செய்தார்.
இந்த மனுவை விசாரித்த உயர்நீதிமன்ற மதுரை கிளை, தமிழ்நாடு அரசின் கொள்கை சார்ந்த விவகாரங்களில் தலையிட முடியாது என தெரிவித்து மனுவை தள்ளுபடி செய்து உத்தரவிட்டது.

இந்த உத்தரவுக்கு எதிராக வழக்கறிஞர் ஸ்டாலின் தொடர்ந்த மேல்முறையீடு மனுவை பரிசீலித்த உச்சநீதிமன்றம், தமிழ்நாடு அரசு பதில் அளிக்க உத்தரவிட்டுள்ளது.
முன்னதாக, மேலூர் எட்டிமங்கலத்தைச் சேர்ந்த வழக்கறிஞர் பி.ஸ்டாலின் உயர் நீதிமன்றக் கிளையில் 2011-ல் தாக்கல் செய்த மனுவில், தமிழகத்தில் கள்ளர், மறவர், அகமுடையார் சேர்ந்த முக்குலத்தோர் சமுதாயத்தை ‘தேவர் என்ற ஒரே பெயரில் அழைக்கக்கோரி 11.9.1995-ல் தமிழக அரசு அரசாணை பிறப்பித்தது.

இந்த அரசாணை இதுவரை அமல்படுத்தப்படவில்லை.” அதனை நடைமுறைப்படுத்த வேண்டும் எனக் கோரி மனுத்தாக்கல் செய்திருந்தார். இந்த மனு2024  ஜனவரி மாதம் தள்ளுபடி செய்யப்பட்டது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

பிரதமர் மோடி, மீது தேர்தல் ஆணையம் வழக்கு பதிவு செய்து விசாரிக்க  வேண்டுமேன திருமாவளவன் வலியுறுத்தி உள்ளார்.

” ராஜஸ்தான் மாநிலம் பன்ஸ்வாரா என்ற இடத்தில் தேர்தல் பரப்புரை மேற்கொண்ட போது பிரதமர் மோடி இஸ்லாமியர்களுக்கு எதிரான நச்சுக் கருத்துக்களை தெரிவித்துள்ளார். முன்னாள் பிரதமர் மன்மோகன் சிங் பல ஆண்டுகளுக்கு முன்பு கூறிய கருத்துகளை விஷமத்தனமாகத் திரித்து இஸ்லாமியர்கள் மீது வெறுப்பு வரும் விதமாகவும் அவர்களது பாதுகாப்புக்கு அச்சுறுத்தல் ஏற்படுத்தும் விதமாகவும் மோடி பேசியிருக்கிறார்.

பிரதமர் மோடியின் பேச்சு தேர்தல் விதிமுறைகளை மீறுவதாகவும், மக்கள் பிரதிநிதித்துவ சட்டதுக்கு எதிரானதாகவும் உள்ளது. இந்த பேச்சு தேர்தல் விதிமுறைகள், தொடர்பாக கடந்த மார்ச் மாதம் ஒன்றிய  அரசால் வெளியிடப்பட  அறிவிக்கைக்கும் எதிரானதாகும். இந்திய தண்டனைச் சட்டத்தின் பிரிவுகள் 153ஏ, 154பி, 298, 504, 505 ஆகியவற்றின்படி இது தண்டிக்கப்பட வேண்டி குற்றமாகும்.

இந்தியா நாட்டில் நேர்மையாகத் தேர்தல் நடத்த வேண்டுமென்றால் தேர்தல் ஆணையம் பிரதமர் மோடி மீது வழக்கு பதிவு செய்து விசாரிக்க  வேண்டும். தேர்தல் நடத்தை விதிமுறைகளை எவரும் மீறாமல் பார்த்துக் கொள்ள வேண்டும் என வலியுறுத்துகிறோம்” என்று திருமாவளவன் வெளியிட்டுள்ள அறிக்கையில் கூறப்பட்டுள்ளது.

சித்ரா பௌர்ணமி திருவிழாவிற்கு சென்னை மற்றும் திருவண்ணாமலைக்கு  இடையே  சிறப்பு ரயில்கள் இயக்கப்படும் என்று ரயில்வே துறை தெரிவித்துள்ளது.

ரயில் எண் 06033 சென்னை பீச் ஸ்டேஷன் – வேலூர் – திருவண்ணாமலை ஸ்பெஷல் ரயில், இன்று மாலை 6 மணிக்கு  சென்னை பீச் ஸ்டேஷனில் இருந்து புறப்பட்டு அடுத்த நாள் திருவண்ணாமலைக்கு 12.05 மணிக்கு சென்றடையும்.

ரயில் எண் 06034 திவண்ணாமலை – வேலூர்- சென்னை பீச் ஸ்பெஷல் ரயில், திருவண்ணாமலை இருந்து 24ம் தேதி 3.45 காலை புறப்பட்டு, சென்னை பீச் ஸ்டேஷனுக்கு 9.50 மணிக்கு செல்லும்.

பிரதமர் மோடி, ராஜஸ்தானில் இஸ்லாமிய மக்களுடைய மனது புண்படும் படி பேசியது ஏற்புடையதுல்ல, என்று எடப்பாடி பழனிச்சாமி விமர்சித்துள்ளார்.

இது தொடர்பாக இன்று அவர் வெளியிட்ட அறிக்கையில், ’பிரதமர் நரேந்திரமோடி ராஜஸ்தான் மாநிலம் பன்ஸ்வாராவில் நடைபெற்ற தேர்தல் பிரச்சாரத்தின் போது, இஸ்லாமிய மக்கள் குறித்து சர்ச்சைக்குரிய வகையில் பேசியுள்ளார்.

இந்தியா ஒரு மதச்சார்பற்ற நாடாகும். வாக்கு வங்கி அரசியலுக்காக அரசியல் கட்சித் தலைவர்களும், நாட்டின் உயர் ஆட்சிப் பதவியில் உள்ள பாரதப் பிரதமரும் இதுபோன்ற சர்ச்சைக்குரிய கருத்தை வெளிப்படுத்துவது இந்திய இறையாண்மைக்கு உகந்ததல்ல.

இஸ்லாமிய மக்களுடைய மனது புண்படும்படி இதுபோன்ற கருத்துகளை தெரிவிப்பது ஏற்புடையதல்ல. அரசியல் கட்சித் தலைவர்களும், ஆட்சி அதிகாரத்தில் உயர் பதவியில் உள்ளவர்களும் இதுபோன்ற கருத்துகளைத் தவிர்ப்பது நாட்டின் நலனுக்கும், மத நல்லிணக்கத்திற்கும் நல்லது.

அரசியல் கட்சித் தலைவர்களின் இதுபோன்ற சர்ச்சை கருத்துகளால் சிறுபான்மையின மக்கள் மனதில் அச்சத்தை ஏற்படுத்துவதாகவும், மத உணர்வுகளைத் தூண்டும் விதமாகவும் அமைகிறது. தேர்தல் பிரச்சாரத்திற்காக கண்ணியம் தவறிய இதுபோன்ற மத துவேச கருத்துகளை யார் பேசினாலும் அது, இந்திய இறையாண்மைக்கு எதிரானதாகும். நாட்டின் நலனுக்காக இது முற்றிலும் தவிர்க்கப்பட வேண்டும்,’ என்று அதில் தெரிவிள்ளார்.

முன்னதாக, ராஜஸ்தான் மாநிலம் பன்ஸ்வாராவில் நடந்த தேர்தல் பிரசாரத்தில் பேசிய பிரதமர் மோடி “காங்கிரஸ் ஆட்சிக்கு வந்தால், ஒவ்வொருவரின் சொத்துகள் கணக்கிடப்படும் என்று அக்கட்சியின் தேர்தல் அறிக்கையில் சொல்லப்பட்டுள்ளது.

காங்கிரஸ் கட்சி சார்பில் பிரதமராக இருந்த மன்மோகன் சிங் என்ன சொன்னார்... நாட்டின் சொத்துகளில் முஸ்லிம்களுக்கே முதல் உரிமை, என்றார். அப்படியானால் உங்களிடம் இருந்து பறிக்கப்பட்ட சொத்துகள் ஊடுருவல்காரர்களுக்குப் பகிர்ந்தளிக்கப்படும் என்பதுதானே.

நீங்கள் கஷ்டப்பட்டு சம்பாதித்த பணம் மற்றும் சொத்துக்கள் ஊடுருவல்காரர்களுக்கே போக வேண்டுமா?

நமது பெண்கள் எவ்வளவு தங்கம் மற்றும் வெள்ளி வைத்திருக்கிறார்கள் என்பதை காங்கிரஸ் கணக்கிடும்.  தங்கம் என்பது  ஒரு பெண்ணின் சுயமரியாதை.  ஒரு பெண் அணிந்துள்ள தாலியின் மதிப்பு தங்கத்தின் விலையில் மட்டுமல்ல,  அவர்களின் கனவுகளுடன் தொடர்புடையது. ஒரு பெண்ணின் தாலியை பறிப்பதற்கு எந்த அரசுக்கும் அதிகாரம் கிடையாது” என்று பேசியிருந்தார்.

பிரதமர் மோடியின் இந்த கருத்துக்கு நாடு முழுவதிலும் உள்ள பல அரசியல் தலைவர்கள் கடும் கண்டங்கள் தெரிவித்துள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“